Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Derbi i “Madonnines” ka nisur para kohe me deklaratat në kampet kundërshtare. Milani do jetë pa Kakà, por mund të rikthehet Nesta. Inter do të ketë Adriano.

Sigurisht pa brazilianin Kakà, por ndoshta Milani mund të ketë Nesta, mes lojtarëve të disponueshëm për ndeshjen në “San Siro” ndaj Interit. Milani po përballet këtë javë me përpjekjet e stafit mjekësor për të rikuperuar mbrojtësin që është ndalur që nga fillimi i sezonit.
Ancelotti do të duhet të zgjedhë modulin në sulm dhe braziliani Pato si dhe Clarence Seedorf duket se janë të sigurt në formacion. Dyshimi është mes Ronaldinho dhe Inzaghi (4-3-2-1 ose moduli 4-3-1-2).
Në kampin tjetër, Interi duket se po shijon më së miri distancën me ndjekësit Juventus dhe Milan. Armata e Mourinho mund t’i lejojë vetes edhe një humbje, por kjo do të ishte poshtëruese duke parë edhe disfatën në fazën e parë ndaj kushërinjve. Ndërkohë Adriano ka përfunduar pezullimin dhe pritet të jetë në formacion me Ibrahimovic.
Tekniku nga Setubal vazhdon të besojë tek 4-3-3 por Cruz dhe Crespo do të jenë në pankinë. Ndoshta mund të ketë pak minuta edhe për Mancini.

[Damian1]

Chelsea shkarkon trajnerin brazilian, Luis Felipe Scolari

Dështimet e fundit në Premier League i kanë “prerë kokën” teknikut brazilian, që është larguar nga presidenti rus, Abramovich .
Trajneri brazilian Luis Felipe Scolari ka mbyllur para kohe aventurën e tij tek skuadra londineze e Chelsea.
Ekipi i Londrës veriore ka shkarkuar teknikun e njohur pas rezultateve zhgënjyese në javët e fundit të Premier League, të kurorëzuara me barazimin në “Stamford Bridge” ndaj Hull City.
Pas një mbledhjeje të shpejtë të bordit drejtues dhe presidentit rus, Roman Abramovich, është vendosur që skuadra t’i besohet zëvendëstrajnerit Ray Wilkins, deri në gjetjen e një trajneri të ri për skuadrën.
Zyrtarizimi i shkarkimit të Luis Felipe Scolari është bërë edhe në sitin e Chelsea në internet. Trajneri u fërshëllye gjatë gjithë ndeshjes së fundit të Chelsea dhe disa tifozë mbajtën parulla për largimin e tij, dhe emërimin e italianit Zola në stol.

[tironci]

Forca Inter

[dadi75]

Forca i n t e r

[Damian1]

Triumfon Argjentina, Gjermania humb ndaj Norvegjisë!

Miqësoret e luajtura në kontinentin e vjetër kanë dhuruar spektakël, ku janë shijuar fitoret e Argjentinës, dhe ajo befasuese e Norvegjisë.

Argjentina në udhëheqjen e Maradonës ka shijuar fitoren e radhës, këtë herë ndaj finalistes së botërorit të kaluar francës. Ndeshja në stadiumin Velodrome të Marsejës u mbyll 0-2 më “Seleccion” që nuk u rrezikua nga skuadra vendase.

Në minutën e 40 ishte Gutierrez që shënoi golin e parë me një të djathtë të saktë në portën e Mandanda duke merituar duartrokitjet e publikut.

Pas disa tentativave të vakëta të Henry dhe Anelka, Franca nuk evitoi edhe golin e dytë, një kryevepër e Lionel Messi. Argjentinasi shënoi me të majtën në hyrje të zonës pasi kishte rrotulluar disa herë kundërshtarët dhe ndeshja u mbyll 0-2.

Ndërkohë Gjermania humbi 0-1 përballë publikut të saj me nordikët e Norvegjisë. Christian Grindheim shënoi për miqtë dhe pavarësisht sulmeve të gjermanëve, nuk u evitua humbja.

Derbi ballkanik mes Rumanisë dhe Kroacisë u mbyll me fitoren e këtyre të fundit 1-2. Belgjika mundi 2-0 Slloveninë, Austria humbi 0-2 me Suedinë,Greqia barazoi 1-1 me Danimarkën,Zvicra barazoi me Bullgarine 1-1,Hollanda barazoi me Tunizine 1-1 gjithashtu dhe Turqia barazoi me Bregun e Fildishte 1-1.

[Damian1]

Hiddink part-time te Chelsea, zyrtarisht në Stamford Bridge.

Pronari rus Abramovich do të mbulojë me ar, teknikun holandez gjatë 4 muajve të qëndrimit tek skuadra londineze Një dashuri part-time si ajo mes Chelsea dhe trajnerit holandez Guus Hiddink është konkretizuar orët e fundit.

Këtë gjë e kishte bërë edhe në kohën kur ishte tek PSV ndërsa drejtonte edhe kombëtaren ruse, dhe tani ka konfirmuar se do ta bëjë sërish.

Miqësia e vyer e trajnerit me pronarin rus Abramovich ka qenë shkaku që do të sjellë javën tjetër në Londër holandezin Hiddink. Ai do të përfitojë më shumë se 2.8 milionë Euro gjatë qëndrimit të tij dhe do të ketë një bonus shtesë prej 500 mijë Eurosh për fitin e kampionatit, Champions League apo kupës.

“Abramovich ka bërë shumë për futbollin rus, prandaj edhe unë dëshiroj të bëj diçka për të. Do të shkoj në Londër dhe do të pranoj detyrën” tha Hiddink. Ai nuk e ka përjashtuar mundësinë e qëndrimit tek Chelsea nëse gjërat do të shkojnë si duhet. Kalimi i tij është konfirmuar edhe nga skuadra në sitin e saj në internet.

[Damian1]

Milani e gjen në shtëpi zëvendësuesin e Ancelottit

Leonardo është kandidatura e dalë në orët e fundit për zëvendësimin e Ancelottit nëse ky i fundit do të largohet për ndonjë ekip tjetër.

Milan nuk lodhet shumë për të gjetur një pauses të denjë për pankinën dhe këtë e gjen po në të njëjtin vend ku ndodhet Ancelotti. Trajneri i Milanit, Carlo Ancelotti, mund të largohet nga San Siro në fund të sezonit, ndërsa vendin e tij pritet ta zërë, mesfushori i dikurshëm i kuqezinjve, braziliani Leonardo.

Ancelotti mund të marrë drejtimin e Chelsea pas aventurës part time të Hiddink, ndërsa drejtuesit e Milanit janë duke u përgatitur që në stolin e kuqezinjve të angazhojnë ish- mesfushorin brazilian Leonardo.

Leonardo është duke marrë leksione trajnimi dhe ai u ka rrëfyer miqve: “Jam duke u përgatitur për të qenë trajner i Milanit”. Pronari i Chelsea, Roman Abramovich, është duke përgatitur një mega-ofertë për ta joshur Ancelottin drejt Stamford Bridge në fund të sezonit. Takimi mes palëve ka ndodhur në verë. Pritet intensifikim kontaktesh.

[Damian1]

Galliani ndez derbin: Interi nuk mund të na bëjë ballë

Drejtuesi i skuadrës kuqezi, ka provokuar zikaltërit duke thënë se në ndeshjen e së dielës do të ketë vetëm një fitues dhe ai do të jetë Milan.

Zëvendëspresidenti i Milanit, Adriano Galliani, ka folur për derbin e fundjavës ndërmjet Interit dhe Milanit, duke thënë se skuadra e Mourinho nuk ka asnjë shans përballë kuqezinjve, nëse këta të fundit janë në formë.

“Aktualisht jemi shumë të qetë, edhe pse nuk jemi të kënaqur me humbjen e pikëve kundër skuadrave të vogla, siç është Reggina. Duhet të kuptojmë se titulli fitohet duke i mposhtur edhe skuadrat e vogla”.

“Ne kemi arritur t’i marrim vetëm 12 pikë nga shtatë ndeshje përballë skuadrave të fundit në tabelë, ndërsa Interi i ka fituar 19 pikë”.

“Fatmirësisht e kemi mundësinë të përballemi me Interin këtë fundjavë, dhe jam sigurt se do të luajmë mirë. Në vitin 2008 i fituam të dyja derbit, shpresoj që ta përsërisim këtë edhe sivjet”. “Nëse luajmë ashtu si dimë më mirë, është shumë vështirë që të na ndalë ndonjë skuadër”, ka përfunduar Galliani.

[Damian1]

FIFA revolucionarizon futbollin, rregulla të reja!

Blatter kërkon zëvendësime shtesë dhe përjashtime me minuta dhe jo të gjithë lojën. Mund të vendosen edhe arbitra në linjën fundore.

Presidenti i FIFA-s Sepp Blatter ka surprizuar sërish ambientet futbollistike anembanë globit me propozimet e tij të reja. Po flitet këto ditë për arbitra në linjën fatale të portës, teknologjinë për të bërë ose jo gola të pavlefshëm, dhe shtimin e zëvendësimeve duke e bërë ndeshjen me 4, një pushim 20 minuta. Takimi që do të vendosë gjithçka do zhvillohet në Irlandën e Veriut në 28 Shkurt.

ZEVENDESIMET – Propozim shokues: Nëse ndeshja kalon në kohën shtesë, sidomos për ndonjë kualifikim apo finale, mund të lejohet edhe zëvendësimi i katërt për secilin ekip. Propozim tjetër është shtimi i pushimit të ndeshjes nga 15 në 20 minta. Ndoshta nga presioni i sponsorëve.

POZICIONI JASHTE LOJE –Për shkak të golit të famshëm të Van Nistelrooy kundër Italisë, me Panucci jashtë fushës që mbante në lojë holandezin, vjen propozimi për sqarim: Nëse një mrbojtës është jashtë fushës, atëherë është njëlloj sin ë vijën fatale.

ARBITRA SHTESE – Do të flitet në Irlandë, edhe për shtimin e dy arbitrave në vijën fundore pasi relacioni i UEFA-s është entuziast. Por Blattee ka në mendje edhe vendosjen e teknologjisë për “gol ose jo“.

PERJASHTIMET – Do të flitet edhe për një tjetër porpozim revolucionar si përjashtimet me kohë, 5 ose 10 minuta për të qetësuar skuadrat që ankohen për penalizime. Do të kenë të drejtë vote 4 nga FIFA dhe 4 nga federatat britanike, në takimin e Irlandës.

[tironci]

Me dogji vetem hollanda dje me nje skedin se doli barazim me tunizin.Ka kap njeri noj skedine dje?I kapa te gjitha skuadrat e medhaja