Vetëm Lajme të reja! Jo Chat!

[flamurtari]

AMA zbulon listën zyrtare LCN të kanaleve digjitale. Pozicioni 4 dhe 5 në short, Vizion Plus vendoset në LCN 7 pas Klan Plus

Autoriteti i Mediave Audiovizive në një mbledhje të bordit, ka miratuar numrin logjik të kanaleve televizive shqiptare e njohur ndryshe si LCN (Logical Channel Number) në vazhdimësi të procesit të digjitalizimit.
LCN me shkurtim të ri në shqip si NPL, përcakton numrin se në cilat kanale do të pozicionohen televizionet shqiptare.Në 3 numrat e parë të LCN, është pozicionuar RTSH me tre kanalet e tij 2 në formatin HD dhe një në SD. Ndërkohë vendi i katërt dhe i pestë mbetet ende vakant ku dy kanalet që do të pozicionohen janë Top Channel dhe Televizioni Klan, si kanale kombëtare. NLP i Top Channel dheTv Klan” do të përcaktohen pas zhvillimit të procedurës së shortit të parashikuar në rregulloren “Për përcaktimin e kritereve dhe procedurave për renditjen e shërbimeve audio dhe/ose audiovizive që mbështeten në rrjete numerike”, miratuar me vendimin nr. 218, datë 12.10.2016 të AMA-s, e ndryshuar.
Ndërkohë pardoks është pozicionimi i Klan Plus, kanalit të dytë të paktes digjtiale të Televizionit Klan në vendin e gjashtë, ndërkohë që Vizion Plus i cili së fundmi mori licensën e operimit si TV kombëtar rradhitet i shtati. Ndërkohë, që duhej të ishte e kundërta, pasi ky i fundit është kanal me transmetim kryesor programi, ndërkaq Klan Plus është kanal dytësor.
Në kanalet digjitale tokësore që do të operojnë në Shqipëri do të jenë edhe ato Kosovare, përkatësisht RTK (pjesë e paketës së RTSH) me numrin 101, Klan Kosova numri 102, RTV 21 do të pozicionohet në numrin 103.
Kanalet NLP 401 – 433 do të jenë pjesë e Digitalb si Pay TV, Kanalet 434 – 466 i përkasin Top Channel si Pay TV 467 – 499, kanalet ADTN si Pay TV, kanalet 501 – 533 për Vizion + Pay TV e njohur ndryshe si TRING. Këtu shohim edhe një abuzim tjetër përsa i përket kanaleve Pay TV. Plot 98 Kanale do të dedikohen për paketën Digitalb, e cila edhe pse do të ketë 33 kanale ligjërisht, do të transmetojë edhe në kanalet e Top Channel dhe të ADTN, kjo e fundit ësht një kompani e re dhe pothuajse inekzistente sa i përket tregut mediatik në pronësi të Digitalb.
Kanali Agon Channel i cili tashmë konsiderohet “i vdekur” pasi nuk ka asnjë formë transmetimit të tij vazhdon të egzistojë në kanalet e digjitalizimit, duke mos patur ende një televizion i cili të ketë blerë frekuencën e tij të transmetimit.

[flamurtari]

AMA më 3 korrik mbyll transmetimet analoge në qarkun e Beratit

Autoriteti i Mediave Audiovizive (AMA), në zbatim të ligjit nr. 97/2013 “Për mediat audiovizive në Republikën e Shqipërisë”, i ndryshuar dhe Strategjisë për Kalimin nga Transmetimet Analoge në Transmetimet Numerike, miratuar me Vendimin e Këshillit të Ministrave nr. 292, datë 02.05.2012, njofton se procesi i digjitalizimit të transmetimeve audiovizive do të vijojë në qarkun e Beratit, datë 3 Korrik 2017. Ky është afati përfundimtar për mbylljen e transmetimeve analoge në këtë qark.
Për sa më sipër, AMA tërheq vëmendjen për të gjithë subjekteve audiovizivë që ushtrojnë veprimtari televizive analoge në qarkun e Beratit, në marrjen e masave për të mbështetur programin e tyre në rrjetin numerik të RTSH-së, ose në njërin prej rrjeteve numerike kombëtare të licencuara nga AMA.
Nga ana tjetër, AMA kërkon nga publiku i cili përfiton transmetimet televizive nëpërmjet teknologjisë analoge, të pajiset me marrës digjital (dekoderë të tipit DVB-T2), pasi në të kundërt, mbas datës 3 Korrik 2017, nuk do të mund të shohë më transmetime televizive në këtë qark.

[flamurtari]

Dixhitalizimi/Report TV do të ketë numrin 11 tek telekomanda
Pas datës 3 korrik 2017 procesi i digjitalizimit të transmetimeve audiovizive do të vijojë në Qarkun e Beratit.
Ndërkohë Autoriteti i Mediave Audiovizive kërkon nga publiku i cili përfiton transmetimet televizive nëpërmjet teknologjisë analoge,
të pajiset me marrës digjital (dekoderë të tipit DVB-T2), pasi në të kundërt, mbas datës 3 Korrik 2017,
nuk do të mund të shohë më transmetime televizive në këtë qark. Brenda muajt shtator procesi i digjitalizimit të transmetimeve audiovizive
do të përfshirë qarqet e Tiranës, Fierit, Vlorës e Korçës.

[milan-]

Njoftim për shtyrjen e afatit për mbylljen e transmetimeve analoge në qarqet Tiranë- Durrës

Autoriteti i Mediave Audiovizive AMA, njofton se afati për mbylljen e transmetimeve analoge në qarqet Tiranë – Durrës i parashikuar të ishte më datë 30 qershor 2017, shtyhet për një kohë të shkurtër. Shkak për këtë vendim është sasia e pamjaftueshme në treg e pajisjeve dekoder tokësorë, të cilët mundësojnë marrjen e sinjalit televiziv digjital. Nisur nga numri i larte i banoreve ne qarqet Tirane e Durrës vlerësohet si shumë i rëndësishëm sigurimi i sasisë së mjaftueshme të dekoderëve digjital për t’u garantuar qytetarëve marrjen e programeve pa pagesë.

AMA, në bashkëpunim dhe koordinim me të gjithë institucionet e përfshira në procesin e kalimeve nga analogu në digjital tokësor, po vijon të ndërmarrë hapa nxitës në sigurimin e sasive të mjaftueshme të këtyre pajisjeve, si një mundësi për ecurinë dhe finalizimin e këtij objektivi në të dy qarqet. Me plotësimin e kushteve të domosdoshme dhe të nevojshme për mbarëvajtjen e procesit të digjitalizimit, AMA do të njoftojë zyrtarisht për afatin e mbylljeve të transmetimeve analoge në qarqet Tiranë e Durrës.

Procesi i digjitalizimit do të vijoje në qarkun e Beratit, me fillimin e transmetimeve digjitale ne datë 3 Korrik 2017, ndërkohë qe transmetimet analoge do të vijojnë edhe për një periudhë një mujore.

AMA kërkon nga publiku, i cili përfiton transmetimet televizive nëpërmjet teknologjisë analoge, të pajiset sa më parë me marrës digjital (dekoder të tipit DVB-T2), pasi në të kundërt, nuk do të mund të shohë më transmetime televizive në qarkun e Beratit mbas mbylljes së transmetimeve analoge.

Autoriteti i Mediave Audiovizive

Tiranë, më 27 Qershor 2017

[MATJANI]

Kater frekuencat e reja te digitalb ne dvb-t ,se shpejti pritet te mbyllen frekuencat e vjetra qe do te perdoren nga dividenti digjital.
Beni kerkim dhe rregjistroni kanalet e reja .
Kanali Frekuenca
1. 39 618 Mhz
2. 49 698 Mhz
3. 53 730 Mhz
4. 59 778 Mhz

[flamurtari]

Njihuni me televizionin më të ri informativ shqiptar!

E ndërsa ishte i pari Bledian Koka ai i cili me me dorëheqjen e tij nga News 24, njoftoi hapjen e nje kanali te ri ku do të ishte pjesë edhe ai si drejtor informacioni, sot janë zbardhur detaje të reja rreth kanalit të qujtur “FAX NEWS”.
Ai vjen si një rival i hapur i News 24, dhe do të jetë në pronësi të Kasem Hysenbelliut i cili më parë ka qenë aksioner i Focus Media Group dhe ish-drejtor i News 24.

Fax News mësohet se do të nis transmetimin e tij në shtator dhe do të ketë një programacion të larmishëm për karakteristikën e vet duke mos iu ndarë lajmit 24/7.
Televizioni informativ do të transmetojë nën valët e Planet Television duke filluar që nga muaj Shtator

[ogmios]

Autoriteti i Mediave Audiovizive (AMA), njofton se në datë 15 Gusht 2017, ka filluar procesi i digjitalizimit të transmetimeve televizive në qarkun Berat. Në këtë qark janë fikur të gjitha transmetimet analoge dhe janë ndezur transmetimet numerike të operatorit publik, RTSH, dhe të operatorëve privatë kombëtarë: Digitalb, Klan TV, Top-Channel, Vizion+ dhe Adtn.

Nëpërmjet teknologjisë se re digjitale, publiku në qarkun e Beratit ka mundësi të shikojë, gjatë gjithë kohës, një sërë programesh pa pagesë, të operatorit publik dhe atyre privatë:

Rtsh 1
Rtsh 2
Rtsh 3
Top-Channel
Klan Tv
Vizion +
ABC News
Top News
Rtsh Sport
Rtsh Art
Rtsh Muzikë
Rtsh Parlament
Rtsh Shqip
Klan +
Klan Shop
Report TV
Tv Globe
TV Berati
TV Onufri

AMA njofton publikun në qarkun e Beratit të pajiset me marrës digjital (dekoderë universalë të tipit DVB-T2), pasi në të kundërt nuk do të ketë akses në transmetimet televizive.

Autoriteti i Mediave Audiovizive

Tiranë, më 17 gusht 2017

[flamurtari]

Digjitalizimi në Berat: Ja frekuencat për marrjen e sinjalit të RTSH

Në zbatim të vendimit te Autoritetit të Mediave Audiovizive (AMA), RTSH startoi sot për Qarkun e Beratit transmetimin digjital duke fikur atë analog.
Kjo nënkupton që teleshikuesit në qarkun e Beratit do të kenë mundësinë të shohin programet e RTSH-së dhe operatorëve lokale vetëm në formatin DVB-T2. Për të parë në këtë format teleshikuesit e qarkut të Beratit, ku përfshihen ( Berat, Skrapar, Çorovode, Bogove) duhet të kenë në dispozicion paisjet si më poshtë:

– Antenë marrëse televizive të thjeshtë sikurse e kanë pasur deri më sot.
– Aparat marrës televiziv (televizor)
– Dekoder DVB –T2 të llojit “free”, pra që mundëson shikimin e kanaleve pa pagesë siç janë të gjitha programet e ofruara nga rrjeti i RTSH-së. Të gjithë teleshikuesit që kanë aparat televiziv dhe që kanë të inkorporuar dekoderin DVB-T2 (kryesisht të prodhuar pas vitit 2013) nuk e kanë të nevojshëm dekoderin e mësipërm.
RTSH në këtë qark transmeton në kanalet 25 dhe 30 të bandës UHF për zonën Berat, Bogovë dhe Poliçan dhe në kanalet 26 dhe 37 të bandës UHF për zonën e Çorovodës. Të gjithë teleshikuesit për të marrë një sinjal me kualitet HD të rrjetit të RTSH në këtë qark duhet të drejtojnë antenat sipas zonave:
-në qytetin e Beratit në drejtim të Mbreshtanit;
-në Polican në drejtim të Vërzhezhës;
-në Bogovë në drejtim të Therepelit;
-në Çorovodë në drejtim të Zgrobonjës.
Pasi antena të jetë orientuar në drejtimet përkatëse, atëherë duhet bërë ndezja e televizorit dhe e dekoderit e më pas duhet bërë kërkimi automatik.
Në përfundim të kërkimit automatik në ekran do të shfaqen të gjitha kanalet e RTSH-së, si dhe të operatorëve lokale që mbështeten në rrjetin DVB-T2 të RTSH.
Për të realizuar sa më shpejt dhe sa më mirë këtë proces të kalimit nga transmetimet analoge në ato digjitale, RTSH do të vendose shumë shpejt në dispozicion të publikur një shërbim Help-desk me operator 24 orë për çdo problem që do të kenë shikuesit për sinjalin e RTSH.
Gjithashtu në Berat do të jetë i pranishëm edhe një grup teknikësh që do të japin ndihmën e tyre në terren. Për çdo problem ose paqartësi mund të kontaktoni në numrin e telefonit, 0693656732.
RTSH u kërkon ndjesë atyre teleshikuesve që ende nuk janë paisur me aparate të përshtatshme apo dekodera, të cilët nuk mund të shohin programet tona në analog.
Radio Televizioni Shqiptar

[M-P]

Supersport nga data 30 shtator mund te shikohet vetem me aparatet T2 . Pairing.

[dul]

nje kanal i ri ne dvb t FAX NEWS ish planet tv