Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Ecclestone: Schumacher, fryme tjeter F1


Rikthimi i Michael Schumacher eshte pare si nje levizje pozitive edhe nga bosi i Formula 1, Bernie Ecclestone.
Gjate nje konference per shtyp, Ecclestone ka theksuar se gjermani do t’i jape nje tjeter emocion garave te F1.

“Mendoj se Schumacher do t’u jape disa leksione piloteve ne Formula 1”, eshte shprehur Ecclestone.

Me ne fund nje lajm i mire, pas nje viti te veshtire ne kete sport. “Garat ku ka marre pjese Schumi kane qene emocionuese dhe besoj se do te vazhdojne te jene te tilla”, ka perfunduar bosi i F1.

Ne prag te Cmimit te Madh te Valencias, Schumacher kerkon te kryeje disa teste me makinen F60.

Per kete gjermanit do t’i duhet te marre miratimin unanim te te gjitha skuadrave, gje e cila nuk ka ndodhur ende pasi Williams dhe Red Bull jane shfaqur kunder provave te 40 vjecarit me makinen e Ferrarit.

[supervisor91]

Bosi i Brawn GP ne gjyq


Bosi i skuderise e cila po dominon Formula 1 kete vit, Brawn GP, Ross Brawn ka dale perpara nje gjykate ne Angli nen akuzen e tejkalimit te shpejtesise.
Brawn akuzohet se ka tejkaluar shpejtesine duke ecur me 161 kilometra ne ore ne nje rruge ku shpejtesia maksimale e lejuar ishte 112 kilometra ne ore.

Policia kishte lokalizuar shpejtesine e nje Mercedesi prone e 54 vjecarit ne nje rruge ne jug te Anglise. Vendimi i gjykates do te shpallet me 4 shtator.

[supervisor91]

F1, Montezemolo: Ja si e binda Schumin të kthehej



Presidenti i Ferrarit tregon: “Prej kohësh mendoja për një veturë të tretë që t’ia besoja Michaelit”
Luca di Montezemolo zbulon se kthimi i Michael Schumacher në garat e Formula 1 ishte një hipotezë e marrë në konsideratë prej kohësh, përpara incidentit të Felipe Massas: "Prej kohësh mendoja për një veturë të tretë që t’ia besoja Michaelit – ka shpjeguar presidenti i Ferrarit -. Prandaj, menjëherë mendova për atë”.
Nga ana e tij duket se gjermani ka qenë entuziast për propozimin e marrë: “Kur i kërkova të garonte deri në kthimin e Felipes nuk hezitoi dhe menjëherë tha “po”, i gjallëruar edhe nga një sens i jashtëzakonshëm mirënjohjeje ndaj Ferrarit”.

[supervisor91]

Ferrari, Schumacher në formë: Kam humbur 3 kilogramë!


Schumi po ndjek një program intensiv stërvitjesh, për të mbërritur në gjendje sa më perfekte në takimin e shumëpritur

“Tre kilogramët e parë i humba. Ndonjëherë ndiej ndonjë shqetësim në qafë. Michael Schumacher po djerësin së tepërmi, në prag të rikthimit të tij në Formula 1. Piloti 40-vjecar gjerman do të zëvendësojë brazilianin Felipe Massa në timonin e Ferrarit F60 duke nisur nga GP i Evropës, më 23 gusht në Valencia. Schumi po ndjek një program intensiv stërvitjesh, për të mbërritur në gjendje sa më perfekte në takimin e shumëpritur. “Po e shkel gazin në maksimum gjatë përgatitjeve të mia. Aq sa kam humbur tre kilogramë deri tani. Më duhet të punoj për të shtuar masën muskulare”, ka deklaruar në faqen e vet të internetit.

Forma po kthehet ajo e kohëve të vjetra, ndonëse jo i gjithë “myku” është eliminuar pas 3 vjetësh larg nga timoni. “Stërvitja procedon mirë. Vetëm qafa, ndonjëherë, më jep pak shqetësim”, thotë duke menduar për muskujt që ngacmohen në mënyrë tëvecantë gjatë një fundjave gare. “Shëndeti vjen para së gjithash: për këtë kam një marrëveshje totale me Ferrarin dhe me gruan time”, përfundon fituesi i 7 titujve botëror.

[OVES12]

Mançesteri, Van der Sar jashtë fushave për 2 muaj
Portieri Edvin van der Sar nuk do të jetë në dispozicion të Mançester Junaited për gati dy muaj si pasojë një dëmtimi në dorë.
Lajmin e bëjnë të ditur mediat britanike, të cilat sqarojnë se gardiani i kampionëve të Premier Ligës është dëmtuar gjatë pritjes së penalltive në përballjen me Bajernin e Mynihut për trofeun “Audi Cup”. Skanimi i bërë në dorën e majtë të Van der Sarit zbuloi se atij i janë thyer dy eshtra.

Menjëherë portieri holandez i është nënshtruar operacionit, dhe pritet të qëndrojë jashtë fushave deri në fillim të tetorit. Gjatë kësaj periudhe portën e Mançesterit do ta mbrojë Ben Foster.

[OVES12]

Renditja e FIFA-s, Shqipëria përfiton një vend plus


Përfaqësuesja kuqezi nuk është se ka marrë ndonjë pikë më shumë, por ngjitja nga vendi i 95 në të 94-tin ka ardhur si pasojë e zbritjes prej gjashte vendesh të Irakut
Si cdo muaj, FIFA ka shpallur renditjen e Kombëtareve të futbollit për gushtin. Ky klasifikim që vazhdon të kryesohet nga Brazili para Spanjës e Holandës, sheh edhe një përmirësim të Shqipërisë në krahasim me një muaj më parë. Përfaqësuesja kuqezi nuk është se ka marrë ndonjë pikë më shumë, por ngjitja nga vendi i 95 në të 94-tin ka ardhur si pasojë e zbritjes prej gjashte vendesh të Irakut, qe ka humbur edhe 21 pike. Teksa si rrjedhojë e katër vendeve të ngjitura, mbi ne tashme gjendet Tanzania me 3 pikë më shumë. Ndërkohë në dhjetëshen e pare, risia është rrëshqitja e Italisë nga pozicioni i katërt në të pestin.


Ja renditja e dhjete vendeve te para:

1. (1) Brazili 1624 pikë

2. (2) Spanja 1590

3. (3) Holanda 1379

4. (5) Gjermania 1195

5. (4) Italia 1181

6. (6) Rusia 1161

7. (7) Anglia 1135

8. (8) Argjentina 1080

9. (9) Franca 1059

10. (10) Kroacia 1031

…………………………………………

94.(95) Shqipëria 347 pikë

[OVES12]

FSHF shpall kalendarin e sezonit 2009/2010 për Superligën

Federata Shqiptare e Futbollit hodhi shortin për kalendarin e sezonit 2009-2010 të Kategorisë Supriore dhe Kategorisë së Parë
Tirana, kampionia në fuqi e Shqipërisë dhe rekordmene e saj me 24 trofe në 70 kampionate të zhvilluara, do ta nisë mbrojtjen e titullit ndaj skuadrës së Flamurtarit, të cilën do ta ketë përballë edhe në 16 gusht në Superkupën e Shqipërisë. Ndërkohë nënkampionia e Shqipërisë, Vllaznia e Shkodrës, do ta nisë kampionatin e 71-të kombëtar ndaj Besës në Kavajë. Skuadra tjetër e kryeqytetit Dinamo do të luajë në Krujë ndaj Kastriotit të sapo ngjitur në Superligë.
Ndërkohë derbi i parë mes Tirëns dhe Dinamos do të luhet në javën e e shtatë, ndërsa në javën e nëntë do të jetë supersfida Tirana – Vllaznia. Mesa është parë nga merkatoja e zhvilluara nga skuadrat e Superligës (afati i merkatos verore përfundon zyrtarisht, më 31 gusht, tetë ditë pas startimit zyrtar të kampionatit, më 23 gusht), rivaliteti duket se edhe në kampionatin e ri do të zhvillohet i ndarë në dy grupe skuadrash. Në krye pritet të jenë shtatë skuadra që do të luftojnë për trofetë e vendet evropiane, dhe këtu mund të përfshihen Tirana, Vllaznia, Dinamo, Besa, Shkumbini, Flamurtari e Teuta.
Ndërsa pesë ekipet e tjera pritet të luftojnë sërish për mbijetesë (Apolonia, Skënderbeu, Gramozi, Laçi, Kastrioti), ku sipas skemës së paracaktuar dy skuadrat e renditura të fundit do të bien direkt në Kategorinë e Parë, ndërkohë që dy të tjerat të renditura në vendet 9 e 10, do të luajnë ndeshje plejofi me dy skuadrat e renditura në vendet 3 e 4 në Kategorinë e Parë.
Rivaliteti midis skuadrave kryesore mund të përjetohet edhe në edicionin e ri, të paktën me ambiciet që kanë shfaqur ekipet. Tirana (tashmë e drejtuar nga kroati Ilija Lonçareviç), Vllaznia (me në stol Hasan Likën, në kërkim të trofeut të parë si trajner), Dinamo (me Shkëlqim Muçën, 3-herë kampion me Tiranën) e Besën (me Shpëtim Duro, ambicioz në aventurën e tij me skuadrën e Bizhdilit) shihen si katër ekipet kryesore të edicionit të ri.
Gjithsesi nuk duhen anashkaluar ambiciet e Flamurtarit, fituese në fuqi e Kupës së Shqipërisë si dhe Gramozit, skuadra debutuese e Superligës, që financohet nga kompania “Taçi-Oil International”, e cila ka bërë të qartë ambicien e saj, se nuk lufton për mbijetesë, por për një vend në Evropë. Megjithatë këtij kampionati do ti mungojë Partizani, skuadra e tretë me më shumë trofe në Shqipëri (15) pas Tiranës (24) e Dinamos (17) që nuk do të jetë pjesë e Superligës. Gjithashtu, mungon edhe skuadra e Elbasanit 2-herë kampione.

[duadshala]

784_big.jpg
Deklarat e presidentit te AC MILAN per merkaton e klubit

deklarata per Andrea Pirlo:Andrea pirlo eshte zyrtarisht jasht merkatos dhe do te qendroj me ne.Na kan ardhur oferta te shumta,por ai dot qendroj ne milano.Kjo ishte kerkesa kryesore e trajnerit Leonardo.

Ndersa ne merkat ne do te orientohemi per nje sulmues te rendesishem.
Klubi i ka dhene nje detyr dr.galliani-t per te gjetur nje sulmues ne san siro.
me tej ka shtuar se ju i dini emrat te cilet ne jemi te interesuar

[supervisor91]

Milan kerkon Fabregas


Milan shenjestron Fabregas, 22-vjecarin kapitenin e Arsenal.
Sipas tabloidit "The Sun", Fabregas eshte objekt i merkatos mes Berlusconi-t, Galliani-t dhe Leonardo-s.

Kuqezinjte kane vene per emrin e tij, 36,5 milione euro.

Leonardo kerkon nje skuader ne gjendje te krahasohet me Inter.

[supervisor91]

Tabaku, kampioni i te rinjve


Ervis Tabaku ka mberritur per te peste here radhazi ne Shqiperi me medalje, kete here peshngritesi shqiptar ka arritur te siguroje dy medalje te arta ne shtytje dhe shkeputje duke marre dy tituj kampion Europe, ne kampionatin europian per te rinj qe u zhvilluar ne Suedi.
Ekipi shqiptar ne kete aktivitet ka marre edhe 4 medalje te bronxta me peshngritesit Briken Calja dhe Daniel Godelli.

Megjithe sukseset e medha te arritura nga sportisti Tabaku, ai premton dhe beson se ne kampionatin europian per te rritur do te tregoj vlerat e tij reale.

“Progresi im do te shihet ne gare e te rriturve ku do te bej maksimumin per te treguar vlerat e mia”, u shpreh kampioni Tabaku.

Federata e peshengritjes beson se pikerisht ky sportist do te kete mundesine qe te synoje per medalje ne Lojrat Olimpike Londer 2012, qe eshte padyshim nje enderr edhe per Ervis Tabakun

“Eshte endrra e cdo sportisti per te marre nje medalje ne olimpiade”, u shpreh Tabaku.