Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Milito: Interi është nivel të njëjtë me Barcën

Sulmuesi i Interit, Diego Milito, beson se skuadra e tij do të tregojë kualitete kur do të përballet me Barcelonën në kuadër të fazës grupore të Ligës së Kampionëve.
Interi dhe Barcelona do të ndeshen në Giuseppe Meazza me 16 shtator në ndeshjen e parë grupore (në Grupin F), ndërsa ndeshja kthyese në Camp Nou, do të zhvillohet me 24 nëntor.“Është një stimulim i jashtëzakonshëm të luash kundër kampionit të Evropës (për klube)”.“Barcelona është një skuadër e madhe, mirëpo ne do të luajmë në nivel të njëjtë”, ka thënë argjentinasi për “Tuttosport”.

[OVES12]

Van der Vaart mund të largohet në janar

Mesfushori i Real Madridit, Rafael van der Vaart, është duke synuar një lëvizje në Ligën Premier në muajin janar.
Holandezi është lidhur së fundi me një kalim në Everton dhe Tottenham, por në fund vendosi të mbetet te klubi mbretëror. Ai do të luftojë për vend në Real Madrid, edhe pse nuk shihet si pjesë e ekipit të Pellegrinit, por ndodh të mos luajë rregullisht, ai është i gatshëm të zhvendoset në janar. “Nëse nuk do të luaj, do të mund të largohem në muajin janar”, citohet të ketë thënë Van der Vaart.

[OVES12]

Ancelotti i kënaqur me kontratën e re të Cole

Menaxheri i Chelseat, Carlo Ancelotti, është i ngazëllyer me Ashley Cole, i cili ka nënshkruar kontratë katërvjeçare.
“Jam shumë i lumtur që Ashley ka dhënë besimin ndaj Chelseat”, ka thënë Carlo Ancelotti për faqen zyrtare në internet të bluve. “Ai është një prej mbrojtësve të majtë më të mirë në botë, por unë besoj se forma e tij më e mirë do të vijë në të ardhmen. Jam shumë i kënaqur që kjo do të ndodhë në fanellën e Chelseat”, ka shtuar italiani.

[supervisor91]

FIA do hetoje ceshtjen “Renault gate”


“Renault gate” njeh zhvillime te reja pasi ceshtja mund te kaloje ne Federaten Nderkombetare te Automobilizmit.
Sipas gazetes “AS”, FIA po mbledh informacione per te verifikuar vertetesine e akuzave te Nelsinho Piquet, i cili ka thene se u urdherua te perplaset ne garen e Singaporit per te favorizuar shokun e skuadres, Fernando Alonso.

Nese deklaratat e Piquet do te vertetohen, atehere ne 21 shkator FIA do mbledhe Keshillin Boteror per te marre nje vendim rreth kesaj ceshtjeje. Komisioni hetimor deri tani ka marre ne pyetje pilotin brazilian, spanjollin Alonso, shefin e skuderise Flavio Briatore dhe Pat Symonds.

[supervisor91]

Ferrari zgjedh Fisichella-n


Giancarlo Fisichella eshte piloti i zgjedhur nga Ferrari per te zevendesuar Felipe Massen. Italiani do te jete ne drejtimin e kokekuqes qe nga gara e ardhshme qe do te jete ajo e Monzes, ne Itali.
Lajmin e ka bere te ditur skuderia “Force India”, e cila e ka lene te lire per Ferrarin. Fisichella ishte ne balotazh me pilotin polak te BMW-se, Robert Kubica.

Fisichella, 36 vjec, deri tani ka marre pjese ne 225 Cmime te Medha, me tre fitore, kater pole position dhe ne dy prova me i shpejti. Ai ka garuar me “Minardin”, “Jordan”, “Benetton”, “Sauber”, “Renault” e “Force India”.

[supervisor91]

Moto GP, Hejdën mbetet te Ducati

Piloti amerikan konfirmohet si partneri i Kejsi Stonerit te skuderia italiane
As Lorenco dhe as Pedroza! Do të jetë edhe një herë tjetër Niki Hejdën, partneri i Kejsi Stonerit në skuderinë Ducati, për kampionatin e ardhshëm në Moto GP. Kampioni nga Shtetet e Bashkuara të Amerikës ka rinovuar kontratën edhe për një sezon tjetër. “Konfirmimi i Nikit është çmimi i duhur për një pilot që tregoi më së miri se ka shpirtin e Ducatit, i mbushur me pasion, vendosmëri dhe përkushtim, - tha drejtori sporti i skuderisë italiane, Klaudio Domenikali. - Gjithmonë e kemi konsideruar Nikin si një burim të rëndësishëm në planifikimin e skuderisë tonë për sezonin e ardhshëm dhe jemi të lumtur që vendosi të qëndrojë me ne.
Progresi i tij gjatë këtij sezoni ka qenë i dukshëm dhe konfirmohet me vendin e tretë në garën e fundit. Jemi të bindur se eksperienca e këtij viti do ta ndihmojë të na dhurojë kënaqësi të tjera në 2010-n.” “Kentaki Kid” synon ta shpërblejë Ducatin për besimin e treguar, duke u kthyer në luftë për fitoren, ashtu si në vitin 2006 kur u shpall kampion përpara Valentino Rosit. “Java e fundit ka qenë shumë pozitive për mua, - tha Hejdën - dhe lajm e bën edhe më të bukur.
Rezultati i mirë i arritur në Indianapolis dhe rinovimi me Ducatin ishin ato që desha. Pastaj shton: “Jam shumë i lumtur, kam pasur gjithmonë besim te ky projekt dhe te ajo që po bënim. Në pesë garat e fundit kemi bërë progrese të vazhdueshme dhe duhet të vazhdojmë kështu.
Dua t’i falënderoj të gjithë ata që e bënë të mundur vazhdimin e këtij bashkëpunimi.” Kësisioj, me Hejdënin që rinovoi për Ducatin dhe Lorencon për Yamahan, pritet që Daniel Pedroza t’i thotë “po” Hondës. Spanjolli mund të ishte zëvendësuesi i Stonerit te Ducati, por australiani ka vendosur të kthehet. Në këtë pikë Dani do të respektojë deri në fund kontratën me Hondën, që e mban të lidhur edhe për sezonin e ardhshëm, ku pritet të garojë përkrah Andrea Doviciozos.

Lorenco: Dua fitoren në Mizano
Horge Lorenco është i karikuar në prag të garës së Italisë. Spanjolli sapo ka rinovuar kontratën edhe për sezonin e ardhshëm dhe synon të ushtrojë presion ndaj Rosit, ndaj të cilit ka 25 pikë disavantazh. “Mendimi i parë që kam në kokë është ta përgatis motorin për të qenë kompetitiv, - thotë Lorenco. - Jam i vetëdijshëm se në Mizano mund të bëj më mirë se në sezonin e kaluar, edhe pse do të jetë e vështirë të mposhtësh Valentinon në shtëpinë e tij. Në këtë pistë kam fituar garën e parë në 250 kubik dhe vjet dola i dyti pas Rosit. 25 pikët që rekuperova në Indianapolis më kanë karikuar energjitë, edhe pse e pranoj se do ta kem shumë të vështirë fitoren e titullit.”

[supervisor91]

Force India ka komunikuar se e ka lënë të lirë pilotin italian për të zëvendësuar Felipe Masën te Ferrari

Tashmë është zyrtare: Xhiankarlo Fizikela do të marrë vendin e Luka Badoerit te Ferrari. Lajmi është dhënë nga një komunikatë për mediat nga skuadra Force India dhe më pas është konfirmuar nga një deklaratë e Ferrarit. Deri në fund të sezonit Fizikela do të jetë partneri i Raikonenit në vend të Luka Badoerit, i cili deri tani ka zëvendësuar Felipe Masën, që është duke u rehabilituar pas incidentit në Budapest.
Piloti roman do të jetë pilot rezervë për Maranelon në vitin 2010 dhe tashmë ndodhet në Maranelo, ku po provon sediljen e makinës së tij dhe po merret me disa përmirësime teknike. “Eshtë një ëndërr që bëhet realitet. Eshtë e vërtetë që ka qenë ëndrra ime të garoj për Ferrarin. Për këtë i jam shumë mirënjohës Vijay Mallya që ma dha këtë mundësi- kanë qenë fjalët e para të italianit- Nga ana ime, shpresoj ta kem ndihmuar skuadrën Force India në arritjen e ambicieve të veta.
Tani jam në një skuadër kompetitive dhe i uroj suksese ish-skuadrës sime. Mezi e besoj që po realizohet më në fund ëndrra e jetës dhe për këtë dua të falënderoj Ferrarin dhe presidentin Luca di Montexemolo. Javën e fundit më kanë ndodhur ngjarje shumë të bukura, duke nisur me pole position në prova, më pas vendi i dytë në Spa dhe tani kalimi te Ferrari për pesë garat e mbetura të sezonit. Do të jap maksimumin për t’ia shpërblyer besimin skuadrës. E di që nuk do të jetë e lehtë, por do të bëj çmos të arrij rezultatet më të mira.
Dua të them se më vjen shumë keq për Lukën dhe e di që e kishte me shumë qejf rikthimin në timonin e një Ferrari, pasi për një pilot italian është kulmi i karrierës të garosh me këtë makinë para tifozëve tanë.” “Zgjodhëm Fizikelën sepse presim prej tij një kontribut të rëndësishëm në finalen e sezonit - ka deklaruar përgjegjësi i skuadrës Ferrari, Stefano Domenikali.
‑ Xhiankarlo ka treguar në karrierën e tij të gjatë se është i shpejtë dhe kompetitiv dhe ne jemi të lumtur që do të kemi një pilot italian në garën që bëhet në shtëpinë tonë. E falënderojmë Luka Badoerin për shpirtin e skuadrës që tregoi në këtë periudhë dhe na vjen keq që nuk arriti të tregonte vlerat e tij në dy garat e fundit, të cilat u zhvilluan në kushte të vështira për të dhe për çdo pilot tjetër që do të ishte në situatën e tij.”
Skeda e italianit
Fizikela është 36 vjeç, ka garuar në 225 gara dhe ka arritur tre fitore (Brazil 2003, Australi 2005 dhe Malajzi 2006), katër “pole” e dy xhiro të shpejta. E ka nisur te Minardi dhe më pas ka garuar për skuadrat Jordan, Benetton, Sauber, Renault e Force India. Sezoni i tij më i mirë ka qenë në vitin 2006, kur u rendit i katërti në botëror me makinën Renault.

[supervisor91]

Robert Kubica firmos për Renault

Robert Kubica paska firmosur për Renaultin, për sezonin e ardhshëm. Lajmin e ka bërë të ditur shtypi italian. Duke qenë se nuk iu dha mundësia të pilotonte Ferrarin, sepse ishte 15 centimetra më i gjatë se Felipe Masa, polaku zgjodhi të ardhmen e tij duke iu bashkuar skuderisë së Flavio Briatores, njëra prej shumë të interesuarave për momentin, që kur BMW bëri të ditur se do të largohej nga bota e Formulës 1.
Kubica i ka kërkuar Ferrarit diçka më shumë se këto 5 gara të mbetura, por “kokëkuqja” nuk mund të marrë një pilot tjetër, në pritje të rikthimit të Felipe Masës dhe ardhjes së Fernando Alonsos, pikërisht nga Renault, ku do t’ja lirojë vendin Kubicës. Zyrtarizimi i kalimit të Kubicës te Renault pritet të ndodhë pas garës së radhës në Monza të Italisë.

[supervisor91]

Toyota do jetë “low cost” por nuk do braktisë Formula 1

Skuadra japoneze nuk do të lërë botën spektakolare të Formula 1, por do reduktojë buxhetin në sasi të madhe


Skuadra e Toyota nuk do të braktisë Formula 1 dhe do të tentojë të mbijetojë edhe pse pa shumë garanci.

Por megjithë lajmin e mirë për mbijetesën e Toyota në Formula 1, shoqëria japoneze do të reduktojë në mënyrë drastike buxhetin dhe kostot për skuadrën e saj. Lajmi konfirmohet nga zyrtarët e skuadrë për edicionin online të revistës “Autosport”.

"Mesazhi nga zyrat e Tokyo është i qartë. Toyota do qëndrojë në Formula 1, dhe do konfirmojë impenjimin në këtë sport. Por do ketë shkurtime të mëdha në buxhet” sipas Autosport.

Toyota do të reduktojë në masën 40% financimet për skuadrën. Kështu do të ulen ndjeshëm edhe kontributet nga sponsorët dhe në botërorin e vitit 2010, skuadra japoneze do ketë një buxhet sa 1/3 e këtij aktual.

[OVES12]

Platini: Diego dhe Del Piero duhet të luajnë bashkë

Fillimi i mbarë i Diegos në sezonin e ri me Juventusin ka tërhequr edhe vëmendjen e legjendës franceze Michel Platini.
Presidenti i UEFA-s beson se Diego së bashku me ikonën Alessandro Del Piero mund t’i ndihmojnë Juves drejt sukseseve, për të lënë prapa Calciopolin që e dëmtoi shumë skuadrën më të suksesshme italiane. “Nuk e njoh mirë Diegon, mirëpo ai i takon kategorisë së numrave dhjetë. Ai bën pjesë në grupin e lojtarëve që janë të uritur për gola. Dhe ai e ka emrin e Maradonës. “Është një grusht i madh: Juve ka vënë gjithë bastin tek ai, ndërsa unë pres që ta shoh atë bashkë me Del Pieron”, ka thënë Platini për “La Gazzetta dello Sport”, i cili ka dëshirë të madhe që t’ia dorëzojë trofeun e Ligës së Kampionëve skuadrës së tij të dikurshme.