Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

F1, Massa ne piste ne 2010-en

Felipe Massa do te kthehet ne pisten e Formula 1 ne garen e pare te 2010-es.
Lajmin e ka bere te ditur sot ne Monza, Luca Cordero di Montezemolo.

“Do te jete gati 100 perqind. Fola me te ne telefon dhe gjithcka po shkon mire. Do te jete ne forme perfekte”, tha presidenti i Ferrarit.

Montezemolo deklaroi gjithashtu se “Fisichella ne sezonin e ardhshem do te jete piloti yne i trete”.

Sipas tij, Banka e Santanderit do te sponsorizoje per pese vite Ferrarin duke filluar nga 2010-ta.

[Damian1]

Van Nistelrooy: Mund të kaloj te Roma në muajin Janar

Ish-sulmuesi i PSV Aindhovenit dhe Mançester Junajtedit, Rud van Nistelroi është duke shqyrtuar mundësinë për të braktisur Realin e Madridit

Holandezi Ruud Van Nistelrooy ka paralajmëruar se ai gjatë afatit kalimtar të dimrit mund të kalojë në Romë, me qëllim që të shpëtojë karrierën e tij.

"Nëse Reali i Madridit vazhdon të më lërë jashtë skuadrës, atëherë unë do t'i shqyrtoj mundësitë tjera. Roma është duke më kërkuar dhe ndoshta do të jetë zgjidhje e mirë për mua në janar", ka theksuar Nistelroi për "Il Corriere dello Sport".

[Damian1]

Valdano lavdëron Kakà, dhe mbron Cristiano Ronaldon

Drejtori i përgjithshëm i Realit të Madridit, ka folur për dy yjet e reja të skuadrës madrilene, Ricardo Kakà dhe Cristiano Ronaldo

Valdano ka lavdëruar brazilianin Kaka, duke e krahasuar atë me legjendën e basketbollit amerikan, Majkëll Xhordan. Valdano është i mahnitur me faktin që Kaka përkundër shumë trofeve të fituar, ende ka motiv të madh për trofe të tjerë.

"A ka një uri natyrale dhe që e bënë atë të veçantë. Pikërisht, ashtu sikur Majkëll Xhordan. Kur ai fitoi gjashtë tituj kampioni në NBA, ende ishte i uritur për sukses. Ata të dy janë njerëz, të cilët kanë ndërtuar një ndjenjë të konkurrencës dhe kjo ua mundëson që të mbesin në nivelin më të lartë më gjatë se sa zakonisht tek sportistët e tjerë", ka theksuar Valdano.

Në fakt, Kaka duke luajtur në fanellën e Milanit ka fituar titullin e kampionit në Serie A, Ligën e Kampionëve, Superkupën e Evropës dhe Kupën e Botës me Brazilin. Ndërkohë për Kristiano Ronaldon, Valdano ka thënë se ai ndjen ankth kur luan, por sipas tij në një fazë të tillë kishte kaluar edhe Zinedin Zidani kur ishte transferuar në Madrid.

"Ne një gjë të tillë e pamë edhe te Zidani. Kristiano mund të ketë disa shenja ankthi kur luan, sepse është një profesionist i vërtet dhe gjithmonë dëshiron të jetë më i mirë", ka thënë Valdano. Ndonëse Ronaldo deri më tani ende nuk e ka arsyetuar investimin prej 94 milionë euro që bëri Reali për ta transferuar nga Mançester Junajtedi, Valdano është shprehur i kënaqur me paraqitjen e tij në ndeshjen e parë ndaj Deportivo La Korunjës (3:2) dhe është i bindur se shumë shpejt Ronaldo do ta rizbulojë formën e tij më të mirë.

"Më pëlqeu loja e Kristianos në ndeshjen e parë. Ai shënoi nga penalltia dhe kishte disa veprime të mira. Nëse kemi durim të presim disa ndeshje, atëherë do të shohim se kush është vërtet Kristiano Ronaldo", ka përfunduar Valdano.

[Damian1]

Paraguaj, Valdez: Maradona është një trajner i dobët

Autori i golit që fundosi Argjentinën në ndeshjen ndaj Paraguajit, ka kritikuar trajnerin Diego Armando Maradona

Sulmuesi i Borusias së Dortmundit dhe i kombëtares së Paraguait, Nelson Valdez, ka folur me përbuzje rreth përzgjedhësit argjentinas, Diego Armando Maradona, pasi kombëtarja e tij mposhti 'gauços' 1:0 në ndeshjen për kualifikimet e Botërorit 2010.

Pikërisht Valdez shënoi golin e vetëm në këtë ndeshje, e cila ia siguroi Paraguait pjesëmarrjen në Afrikën e Jugut, derisa Argjentinën e vendosi në pozitë tejet të palakmueshme, pasi tani rrezikon pjesëmarrjen në Botëror.

"Për mua nuk është aspak nder për të fituar ndaj një skuadër që e drejton Maradona, por që luan Lionel Mesi. Argjentina është një nga skuadrat më të mira në botë. Ajo ka futbollistë të shkëlqyer, por i mungon diçka: Nuk është skuadër!", ka thënë Valdez.

Me këtë deklaratë ai bëri me dije se çfarë mendon për Maradonën, por sikur të mos mjaftonte kjo deklaratë, ai shtoi: "Si trajner Maradona nuk tregoi asgjë!"

[Damian1]

Fabio Capello një diktator, i vuri “karton të kuq” Wags

Anglia tashmë është në këmbët e trajnerit italian Capello, që ka lënë jashtë grumbullimeve gratë dhe të dashurat e futbollistëve

Nuk mund të bësh shaka me “Master and Commander” të futbollit anglez, siç e quan “Daily Telegraph” trajnerin Fabio Capello. Diktatori italian ka fituar faqet e para me rezultatin “Fabio 1, Wags 0”.

E gjitha kjo, në referim të bllokimit të vendosur nga trajneri italian për të dashurat dhe gratë e futbollistëve të cilat nuk lejohen në grumbullimet e kombëtares angleze,, për të mos shqetësuar lojtarët. Capello ka vendosur të mos ketë më “cirk” si në botërorin e Gjermanisë në 2006.

Të ashtuquajturat “Wags” monopolizuan lagjen e Baden-Baden, duke transmformuar aktivitetin në një plan më shumë mediatik sesa sportiv. Por këtë herë ka ndodhur ndryshe. Që prej emërimit Capello ka vendosur ti lërë futbollistët pa “gjysmën” e tyre.

[Damian1]

Rikthimi i Beckham tek Milani, tani një punë e mbaruar

Mesfushori anglez duket se ka vendosur ti besojë sërish aventurës me kuqezinjtë, pasi ka lënë kujtime të mira në Serie A

Rikthimi i mesfushorit anglez, David Beckham me fanelën e Milanit, duket se është një punë e mbaruar dhe tramsferta do realizohet në muajin Janar.

Burime pranë “Spice Boy” thonë se mesfushori që është ende pjesë e kombëtares së Capellos, ka dëshirën të kthehet te Milan me po të njëjtin numër, fanelën 32. Motivi: Për të fituar një vend në botërorin e Afrikës së Jugut.

Një zyrtar i Milanit, Umberto Gandini tha: Akordi ishte që në muajin Qershor këtë vit, mios ta harrojmë. Kemi patur gjithmonë raporte të mira me David dhe drejtuesit e Major League Soccer".

[Damian1]

Trajneri i Argjentines Maradona mund të shkarkohet

Trajneri kombëtares argjentinase Diego Maradona është në rrezik serioz për të humbur shansin për t’u kualifikuar në Kupën Botërore, për të parën herë që nga viti 1970, dhe raportohet se legjenda e futbollit mund të shkarkohet nga detyra javën që vjen.

“Maradona dhe ekipi janë të distancuar dhe kjo është theksuar edhe më shumë. Ata që jetojnë çdo ditë me ekipin kombëtar, janë të sigurt se javën e ardhshme do të vendoset gjithçka në lidhje me të ardhmen e tij”, shkruajnë mediat argjentinase.

Edhe pse ende nuk dihet nëse Maradona do të qëndrojë në stol edhe për ndeshjet e fundit vendimtare kundër Perusë dhe Uruguait, muajin e ardhshëm, ajo që dihet është se ai nuk do t’i ketë duart e lira, dhe do të ketë një përkrahje të një trajneri tjetër me përvojë.

[Damian1]

Xavi: Inter është i mirë, por ne jemi më të mirë...

Mesfushori i Barcelonës, Xavi, mezi pret të përballet me Interin në ndeshjen e rundit të parë të fazës grupore të Ligës së Kampionëve, dhe beson se ekipi i tij është më i përgatitur për fitore.

Dy gjigantët, kampioni i Serie A dhe ai i La liga, do të takohen në Giuseppe Meazza të mërkurën, dhe Xavi mendon se kjo do të jetë një takim i shkëlqyeshëm.

“Dallimi në mes Interit dh Barcelonës është se ne besojmë në ekipin. Po, ne kursejmë para dhe kjo do të thotë se lojtarët kanë më shumë motivim. Sidoqoftë, ata janë një ekip i mrekullueshëm që drejtohet nga Jose Mourinho. Kam mësuar shumë nga ai kur kam qenë në ekipin e të rinjve të Barcelonës”, ka thënë Xavi.

[Damian1]

Ferguson: Wayne Rooney nuk do të jetë kapiten...

Trajneri i Manchester United, Sir Alex Ferguson, iu ka dhënë një goditje ambicieve të Wayne Rooneyt për të mbajtur shiritin e kapitenit.

“Wayne gjithmonë do të ketë përgjegjësi (të tjera). Është vështirë për një sulmues të jetë kapiten. Eric Cantona ishte sepse ai kishte aq shumë influencë në lojtarët e ri, ata e kishin idhull”, ka thënë Ferguson për The Sun.

“Por normalisht (për kapiten) shikoni kah një mesfushor ose mbrojtës. Wayne gjithmonë do të ketë përgjegjësi, ai ka një dëshirë natyrale për këtë dhe do të japë 100% nga vetja. Kur lojtarët të arrijnë moshën 25-vjeçare, ata luajnë me autoritet dhe sjellin qetësi në ndeshjen e tyre”, ka shtuar skocezi.

[supervisor91]

Formula 1, Hamilton në “Pole Position” për GP e Italisë

Kampioni i botës në fuqi, Lewis Hamilton do të niset i pari në garën e Monzës duke lënë pas pretendentët e tjerë


Me një xhiro të fundit të kompletuar në një mënyrë kryevepër, piloti britanik Lewis Hamilton ka fituar Pole Position për GP e Italisë në Formula 1.

Në pistën e Monza , piloti anglez i skuadrës së McLaren, ishte më i shpejti nga të gjithë konkurentët e tjerë duke ndalur kronometrin në kohën më të mirë me 1'24"066. Në linjën e parë të nisjes do të ketë vend edhe për pilotin surprizë të Force India, gjermanin Adrian Sutil që ishte dy të dhjetat më i vonuar.

Piazza e tretë në nisjen e së dielës, edhe për finlandezin Kimi Raikkonen që ka renditur Ferrarin në një pozicion të mirë edhe pse gjysmë sekonde pas.