Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Torres: Liga Premier më e mirë se La Liga

Fernando Torres, i cili ka luajtur edhe në La Liga (Atletico Madrid) edhe në Ligën Premier (Liverpool), thotë se kjo e dyta është ligë më e fortë se Primera Devisioni spanjoll, por thekson se në Ligën spanjolle ka kualitet më të madh individual.
“Si një garë (Liga Premier) është më e mira. Bëhet fjalë për organizim, respekt, dhe mbushjen e stadiumeve përplot në çdo vikend- është kënaqësi të shohësh diçka të këtillë”. “Në Spanjë janë disa nga lojtarët më të mirë në botë, por si garë, (La Liga) nuk është po aq e madhe sa Liga Premier”. “Kam qenë në Spanjë, dhe mund t’u them me sinqeritet, Liga Premier është kompeticion shumë më i mirë”, ka thënë sulmuesi 25-vjeçar.

[OVES12]

Rooney: United do ta fundosë Cityn

Të dielën në Old Trafford zhvillohet derbi i rivalëve të qytetit të Mançesterit, Manchester United dhe Manchester City, ndërsa sulmuesi i Djajve të Kuq, Wayne Rooney, thotë se ekipi i tij do t’ia tregojë vendin skuadrës pasanike e cila shpenzoi më shumë se 120 milionë funte gjatë afatit kalimtar veror.
“Ajo çfarë ka ndodhur te City duhet të jetë shumë e rëndësishme për tifozët e skuadrës”. “Ata kanë blerë disa lojtarë shumë të mirë dhe ekziston një entuziazëm i vërtetë në qytet. Është gjë e mirë për të gjithë në Mançester dhe besoj se edhe në Ligën Premier, sepse është një skuadër sfiduese më shumë”. “Mirëpo, të gjithë e dimë se nuk ka shumë rëndësi se kë e blen ose sa shpenzon. Jam i bindur se do ta shfuqizojmë rrezikun nga ata”. “Ne kemi përvojë për të fituar trofe të mëdha dhe kemi një trajner, i cili ka qenë, ka parë dhe ka fituar”, ka thënë Rooney për “Daily Mail”.

[OVES12]

Adebayor nuk pendohet për incidentin

Emmanuel Adebayor duke festuar golin para tifozëve të Arsenalit Sulmuesi i Manchester Cityt, Emmanuel Adebayor, thotë se ai ‘nuk mund të pendohet’ për shkak se e kishte goditur ish-bashkëlojtarin e tij Robin van Persie, pasi nuk ka pasur për qëllim ta lëndojë atë.
FA dje i shqiptoi Adebayor-it dënimin prej tre ndeshjes moslojë për shkak të sjelljes së dhunshme, dhe ish-sulmuesi i Arsenalit do të mungojë në derbin e qytetit përballë Manchester Cityt këtë vikend. “Më vjen keq që Robin u lëndua, por nuk mund të pendohem për diçka që nuk e kam bërë me qëllim. Gjithkush më njeh dhe e di se kurrë nuk kam pasur për qëllim ta lëndoj dikë, veçanërisht një ish-bashkëlojtar”, ka thënë Adebayor për The Sun. Adebayor po ashtu është akuzuar për sjellje të pavend për mënyrën se si e festoi golin para fansave të Arsenalit.

[OVES12]

Drogba dëshiron së paku një titull

Sulmuesi i Chelseat, Didier Drogba, thotë se Chelsea duhet të fitojë së paku një titull këtë sezon, pavarësisht nëse është ai i Ligës Premier ose i Ligës së Kampionëve.
Drogba është në një formë të shkëlqyeshme në këtë fillim sezoni, dhe tashmë ka shënuar katër gola. Sulmuesi po ashtu e ka vazhduar besimin e tij ndaj Chelseat, duke nënshkruar marrëveshje të re trevjeçare. “Nuk e di cilin, por duhet të fitojmë një trofe. Pse të mos i fitojmë edhe të dyja? Gjithmonë kur jam mirë i përgatitur fizikisht, luaj mirë dhe shënoj gola”, ka thënë Drogba. “Gjithmonë do të jem 100% i gatshëm, njerëzit dëshirojnë të thonë, ‘Ou, ky është Drogba i ri’. Por këtu nuk ka asgjë të te, unë vetëm shënoj gola, siç kam bërë edhe më herët”, ka shtuar sulmuesi.

[OVES12]

Mourinho: Spanja dhe Italia mund to dominojnë në LK

Trajneri i Interit, Jose Mourinho, thotë se klubet spanjolle dhe ato italiane tash mund t’i zëvendësojnë klubet angleze dhe të dominojnë në Ligën e Kampionëve.
“Klubet nga Anglia e kanë të njëjtin potencial, por Liga e Kampione mund të jetë më e mirë këtë sezon, pasi mendoj se tash kemi një Inter më të mirë, një Bayern Munich më të mirë, një Real Madrid më të mirë. Barcelona është Barcelona; do të jetë shumë vështirë”, ka thënë Mourinho. Inter së fundi arriti të barazojë pa gola në takimin e parë me kampionin e Evropës, Barcelonën.

[OVES12]

Zyrtare: Messi nënshkruan marrëveshje të re me Barcelonën

Superylli argjentinas, Lionel Messi, e ka ripërtërirë marrëveshjen e tij me kampionin evropian, Barcelonën, e cila do ta mbajë atë në Camp Nou deri në vitin 2016.
Mediat spanjolle që sot paralajmëruan se Lionel Messi do të nënshkruajë marrëveshje të re me klubin, pasi mbrëmë ishte arritur marrëveshje në mes të babait të lojtarit dhe drejtuesve të Barcelonës. “Lionel Messi e ka vazhduar besimin e tij ndaj Barcelonës, pasi sot ka nënshkruar marrëveshje të re me klubin. Argjentinasi sipas marrëveshjes së re, do të qëndrojë në klub deri në vitin 2016 dhe klauzula blerëse e tij do të kap vlerën e 250 milionë eurove”, thuhet në deklaratën e publikuar në faqen zyrtare të klubit. Marrëveshja paraprake e Messi skadonte në vitin 2014 dhe kishte një klauzulë blerëse në vlerën e 150 milionë eurove, ndërsa klubi ka përmirësuar edhe përfitimet financiare të lojtarit.

[OVES12]

Real Madridi ka borxh 580 milionë euro

Sipas mediave spanjolle, presidenti i ri i Real Madridit, Florentino Perez, në mbledhjen e përgjithshme do të zbulojë se klubi ka borxh rreth 580 milionë euro.
Gjatë të dielës do të mbahet mbledhja e përgjithshme në Real Madrid, ndërsa sipas El Periodico, presidenti Florentino Perez do t’ua përcjellë lajmin aksionarëve se klubi ka një borxh prej 580,579,000 euro. Borxhi afatshkurtër nga kjo shumë kap vlerën e rreth 168,396,000 ndërsa borxhi ndaj bankave është rreth 175,915,000 euro. Buxheti i klubit mbretëror për këtë sezon të ri do të jetë plot 426 milionë euro dhe shifra ishte e pritur duke marrë parasysh se Reali harxhoi mbi 250 milionë euro për përforcime të reja vetëm në afatin kalimtar të verës. Perez pret që klubi të ketë të hyra të mëdha gjatë këtij sezoni, në vlerën e 445 milionë eurove.

[OVES12]

Guardiola: Atletico është i rrezikshëm

Strategu i Barcelonës, Pep Guardiola, është shprehur i kënaqur për marrëveshjen e re të Lionel Messi dhe ka paralajmëruar se takimi i radhës ndaj Atletico Madrid do të jetë shumë i vështirë, mu për shkak të fillimit të dobët të sezonit nga ana e kundërshtarëve.
“Atletico është një ekip i shkëlqyeshëm. Ata nuk kishin një fillim të mbarë të sezonit. Unë do të kisha preferuar që ata të kishin ardhur në këtë ndeshje me një rezultat më të mirë. Nuk ka ekip më të rrezikshëm se Atletico Madrid në rrethana të tilla”, ka thënë Guardiola. Sa i takon marrëveshjes së re të Lionel Messi, Guardiola ka thënë: “Këto janë lajme të mira, lojtari më i mirë ta rinovojë marrëveshjen. Njerëzit vijnë për t’i parë më të mirët, dhe Messi është një prej tyre. Isha i lumtur edhe kur u rinovuan marrëveshjet e Victor Valdes dhe Xavi”.

[OVES12]

Ferguson: Për mua Liverpooli është rival, jo City

Menaxheri i Manchester United, Sir Alex Ferguson, ka filluar luftën psikologjike në prag të derbit të qytetit përballë Cityt, duke thënë se për të Liverpooli gjithmonë do të jetë rivali i United.
“Liverpool për mua gjithmonë do të jetë ndeshje derbi. Kjo është për shkak të historisë. Kur arrita këtu, ata ishin mbretër të Anglisë, kishin fituar katër tituj në Kupën Evropiane në atë kohë dhe shumë tituj në ligë. Ishte vështirë të luftoje me historinë”, ka thënë Ferguson. Megjithatë Ferguson thotë se City ka bërë një punë të mirë në transferimet e verës, dhe sigurisht se edhe takimi do të jetë mjaft luftarak. “Ata kanë sjellë lojtarë dhe ka pritje nga ta. Takimi do të jetë shumë më i mirë se të kaluarat. Do të jetë vërtet një ndeshje luftarake, në këtë nuk ka dyshim dhe mezi e pres”, ka thënë më tej skocezi.

[supervisor91]

Eto’o, Barcelona nje plage e mbyllur

“Nuk ka qene nje lamtumire pa dhimbje ajo e Eto’o ndaj Barcelones”. Keshtu shprehet agjenti i lojtarit kamerunas pak dite pas ndeshjes se Champions League ku lojtari afrikan u perball me ish skuadren e tij, duke fshehur jo pak emocione.
“Tashme e dime mire se vendimin per largimin e Eto’o e ka marre trajneri por respektojme gjithcka”, shprehet agjenti. Gjithesesi, sulmuesi e pershendeti trajnerin Guardiola pas ndeshjes sepse sipas agjentit, eshte nje gjest qe e ndiente ta kryente.

Ne vijim te intervistes, agjenti Mesalles shton se Eto’o eshte i lumtur tek Interi. “Ne Milano ka gjithcka. Inter eshte nje shoqeri e madhe dhe ai eshte i mirepritur nga te gjithe, qe nga presidenti dhe deri tek gjithe ndihmesit e skuadres. Gjithashtu edhe Mourinho e respekton dhe i ka dhene shume besim”, perfundon agjenti.