Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Shearer dëshiron të kthehet në stolin e menaxherit

Ish-trajneri i Newcastle United, Alan Shearer, thotë se koha e kaluar në stolin e ish-klubit të tij e ka nxitur atë të kërkojë të ritkthehet.
“Pavarësisht me atë që ndodhi gjatë kohës time të shkurtë në Newcastle, do të doja shumë të rikthehem në ndeshje. Mendoj se njerëzit do të thonë pse. Sepse më është dukur një punë fantastike dhe një karrierë fantastike të qëndroj në divan gjatë të shtunës mbrëma”, ka thënë Shearer. “Por nëse një detyrë më ofrohet, jo patjetër nga Newcaslte, atëherë do të isha i interesuar”, ka shtuar ish-kapiteni i kombëtares së Anglisë.

[OVES12]

Pagliuca: Interi do të jetë i lodhur kundër Cagliari

Ish-portieri i Interit, Gianluca Pagliuca, beson se Cagliari mund ta lëndojë kampionin e Italisë, nëse mund të shfrytëzojë avantazhin e lodhjes së mysafirëve.
Italiani beson se ekipi i tij i vjetër nuk do të jetë në formën më të mirë në takimin e nesërm, për shkak të energjisë së humbur në takimin ndaj Barcelonës. “Sigurisht Cagliari nuk është favorit për të fituar, por Interi do t’i ketë bateritë po thuajse të zbrazëta, pas ndeshjes së fundit”, ka thënë Pagliuca. Pagliuca po ashtu beson se ndeshja mund të vendoset nga portierët, duke lavdëruar që të dy, atë të Interit, Julio Cesar, dhe shumë të vlerësuesin Federico Marchetti, portier i Cagliarit.

[OVES12]

Toure: Ferguson ka frikë

Kapiteni i Manchester Cityt, Kolo Toure, ia ka kthyer sulmet menaxherit të United, Sir Alex Ferguson, dhe thotë se strategu skocez është ‘i shqetësuar’ për shkak të revolucionit në Eastlands. Dy ekipet nesër do të takohen në derbin e qytetit, me Cityn që do të fillojë ndeshjen me një sukses të qind për qindtë në Ligën Premier dhe me United që tashmë ka pësuar një humbje. “Mendoj se ai është i shqetësuar për shkak të asaj çfarë ndodh me Cityn. Ai e di se lojtarët që kanë arritur këtu nuk janë vetëm të kualitetit më të lartë, por janë profesionistë të vërtetë, të cilët dëshirojnë ta çojnë ekipin në maje të tabelës”, ka thënë Toure. “Ky është mentaliteti këtu. Kjo është si në shkollë, kur jeni më të mirët dhe arrin një fëmijë tjetër, i ri, i cili është shumë më i mirë në çdo lëndë. Kjo nuk ju pëlqen, apo?”, ka shtuar mbrojtësi.

[OVES12]

Kaka: Në Madrid, gjithçka e përkryer

Mesfushori brazilian Kaka thotë se deri tash gjithçka është e përkryer në Madrid, dhe shton se i pëlqen mënyra se si Pellegrini e ndërton formacionin.
Ish-lojtari i Milanit ishte një nga përforcimet e mëdha të verës të Real Madridit, ku kaloi për një shumë rreth 67 milionë euro. “Si ndjehem pas dy muajsh në Madrid? Është shumë mirë në të gjitha aspektet. Jam i kënaqur me ekipin, me klubin, me qytetin dhe bashkë-lojtarët e mi. Deri tash gjithçka është e përkryer”, ka thënë Kaka në një intervistë për sportiven spanjolle AS. “Më pëlqen formacioni 4-2-2-2 i Pellegrinit, pasi lojtarët kanë liri të lëvizjes ku të duan. Kur e kemi topin në këmbët tona, trajneri na jep liri të lëvizjes dhe kjo është shumë pozitive për të gjithë ne”, ka shtuar braziliani.

[supervisor91]

Bundesliga, Bajern fiton serish

Bajern ka vazhduar me rezultatet pozitive edhe ne javen e gjashte te Bundesliges. Pas triumfit me Dortmundin javen e kaluar dhe ate ne Champions me Makabi Haifa, kete here skuadra e Van Gal ka mundur me veshtiresi ne “Alianz Arena” 2-1 Nurnbergun.
Pas nje pjese te veshtire per Bajernin, ne te dyten traineri holandez hodhi ne fushe dyshen Ribery–Olic, vendim ky qe rezultoi i suksesshem, pasi sulmuesi kroat shenoi golin e avantazhit per Bajernin.

Vendasit ishin prane dyfishimit te rezultatit dhe ne momentin me te mire te tyre, ata u ndeshkuan nga Cupo-Moting. Por bavarezet nuk e leshuan lojen, u hodhen ne sulm tashme ne kerkim te golit te fitores.

Portieri i skuadres mike nuk lejoi ne disa raste Klose dhe Timoshuk te shenojne, situate e cila zgjati deri ne minuten e ‘82. Belgu Van Bujten, fale shtatlartesise se tij arriti te shnderroje ne gol nje top te ardhur nga holandezi Roben.

Ky gol mbylli ndeshjen dhe i dhuroi Bajernit 3 pike te rendesishme duke e rikthyer ate mes skuadrave kryesuese.

Nderkohe, ka perfunduar ne barazim 1-1 sfida Hanover–Dortmund, Mainz ka fituar 3-2 ne transferten e Bohumit, nderkohe qe Hofenhajm ka permbysur rezultatin duke fituar 4-2 me Menshengladbahun.

[supervisor91]

Ranieri thumbon Totti-n: Loja i lexohet

Humbja e se enjtes ne Basel per ndeshjen e pare te grupoit ne Europa League, ka tensionuar situaten ne kampin romanist.
Trajneri Claudio Ranieri kritikon liderin e skuadres, kapitenin Totti. “Eshte nje kampion i padiskutueshem por tashme edhe guret e dine se si luan”, shprehet me ironi tekniku italian. Me tej, ai krahason situaten e skuadres me ate te epokes Spalleti. “Ai e njihte shume mire kete skuader por as ne ate kohe lojtaret nuk i pergjigjeshin dhe nuk e di pse kjo ndodh edhe tani”, shton Ranieri.

Me kete deklarate, trajneri tregon qarte se ku pikon catia dhe kerkon me shume nga lideri verdhekuq qe mesa duket po ndien peshen e viteve mbi supe. “Te gjithe e dine se kthehet pas. Duhet te ndryshoje levizjet. Per momentin nuk i kerkoj asgje, pervecse te luaje si di vete”, thekson ish tekniku bardhezi.

[supervisor91]

Superliga, humbet Flamurtari, iken Memushi

Teuta ka shkaterruar 3-0 Flamurtarin ne Vlore, humbja e trete kjo ne 4 javet e para qe detyron trajnerin Eqerem Memushi te jape doreheqjen nga drejtimi i skuadres vlonjate.
Golat per ekipin e drejtuar nga Mirel Josa u shenuan nga Hodo dhe Mocka ne pjesen e pare dhe Mile ne fund te ndeshjes, fitore kjo qe ngjit skuadren durrsake ne kuoten e 6 pikeve.

Pas Gugash Maganit, i larguar nga drejtimi i Shkumbinit ne javen e dyte, Eqerem Memushi behet trajneri i dyte i nje skuadre te Superliges qe jep doreheqjen ne keto javet e para te Superliges.

Nderkohe, Skenderbeu vazhdon me serine e rezultateve pozitive, kete here korcaret kane mposhtur 4-1 Gramozin duke u ngjitur ne kuoten e 9 pikeve me 3 fitore dhe 1 humbje. Protagonisti i ndeshjes ka qene Cajku, qe eshte dhe autori i tre golave ne porten e Gramozit.

Laci ka marre fitoren e pare kete sezon. Skuadra debutuese ne Superlige ka mundur ne fushen e vet 3-2 Apolonine fale golave te Brahjas dhe Malos.

Edhe Shkumbini ka marre 3 piket e para. Peqinasit kane mposhtur 1-0 Kastriotin qe 30 minuta i luajti me 10 lojtare pas daljes me te kuq te Shametit.

[supervisor91]

Ducati, Casey Stoner rikthehet

Nje lajm i mire vjen pas disa javesh per skuderine Ducati pasi Casey Stoner e ka rimarre veten dhe pritet te zbrese ne pista sa me shpejt.
Australiani vuajti nga nje semundje ende e pamesuar, por sipas mjekeve nuk ka pasur patologji, thjesht lodhje ekstreme. Ducati duhet te nise punen per te rigjetur hapin e kundershtareve Rossi e Lorenzo, te cilet tashme po e zhvillojne luften te vetem, duke e kthyer kampinatin ne nje ceshtje vetem te skuderise Yamaha.

Aktualisht Rossi ndodhet 30 pike larg spanjollit Lorenzo pas fitores se arritur ne Misano, vetem pak km larg shtepise se tij.

[supervisor91]

Piquet, prapaskenat e denoncimit te skandalit

Zbulohen disa nga pergjigjet qe i ati i pilotit Nelsino Piquet ka dhene gjate 17 gushtit ne Londer ne lidhje me hetimet per skandalin e gares se Singaporit ku mendohet se Piquet u urdherua te perplasej per te favorizuar shokun e skuadres, Fernando Alonso.
Nelson Piquet senior iu eshte pergjigjur pyetjeve te agjencise “Quest” nga hetuesit Martin Smith dhe Jake Marsh ne prani te avokatit Patrick Garrison. Pyetjet zgjaten per 54 minuta e 34 sekonda.


Aksidenti
Piquet: E pashe aksidentin ne tv dhe nuk e besova se mund te kishte ndodhur vertete pasi ishte e pamundur. Menjehere pas gares telefonova djalin por ai nuk m’u pergjigj ne telefon. Edhe gjate dy diteve me pas nuk arrita te flisja me te.

Telefonata
Piquet: Me telefonoi shoku i djalit Felipe Vargas i cili me tha se duhej te me tregonte dicka te pabesueshme. Me tha se ishte i bindur qe Nelsinho ishte urdheruar te perplasej per te fituar Alonso. Thashe me vete: Ta marre dreqi, si eshte e mundur? Doja te merrja nje avion dhe te shkoja menjehere ne Singapor. U qetesova disi dhe nuk bera asgje sepse dy gara me pas do vinte ne Brazil.

Whiting
Piquet: Njoh dike me te cilin kam garuar dhe tashme ai eshte ne strukturat e FIA-s. Quhet Charlie Whiting dhe e pyeta per pasojat qe mund te kishte per Nelsinho-n nese e publikoja historine. Me tha se nuk mund te me jepte nje pergjigje por une i thashe se kjo gje do kishte efekt te madh ne garat e F1. Ia rrefeva te gjithe historine dhe ai me tha: Shiko, nuk kam asnje dyshim qe kjo gje eshte programuar por nuk mund te provojme asgje.


Nelsinho
Piquet: Ne Brazil i thashe se nuk me pelqente te qendronte tek Renault. I thashe se mund te shkonte edhe ne nje skuader me te vogel. Ai mendonte se nuk ishte gjeja e duhur pasi te gjitha gazetat braziliane shkruanin se Renault po e perzinte. Flavio erdhi dhe me tha: Nuk e perze por dua nje kontrate. I thashe se ishte e pamundur dhe se po i shkaterronte karrieren. I thashe qe nese deshironte te mbante Nelsinho-n, makinat duhej te ishin te njejta.

Ecclestone
Piquet: Ne Hungari Bernie me takoi dhe me pyeti se cfare problemi kishte mes Briatore-s dhe Nelsinho-s. Une i thashe atij gjithe historine. Ai me keshilloi qe kete gje mos ta publikoja ne shtyp. E pyeta: Cfare duhet te bej? M’u pergjigj: Injoroje…”.

Mosley
Piquet: I Telefonova Max Mosley-t dhe i kerkova te flisja me te. U Takuam, i fola per problemin. Ai me tha se ishte ne dijeni te ketij problemi por per momentin nuk mund te behet asgje sepse nuk ka prova.


Alonso
Piquet: Pa dyshim qe ai kishte makinen me te mire. Nese me pyesni a e dinte Alonso cfare do te ndodhte ne Singapor? Une mendoj se ai ishte plotesisht ne dijeni.

___________________________
Perplasja me "dashje" ne Singapor

[OVES12]

Terry: Dua të jem menaxher i Chelseat

Kapiteni i Chelseat, John Terry, ka thënë se ai do të dëshironte të menaxhojë klubin, kur karriera e tij si futbollist të arrijë fundin.
“Dua të kaloj në menaxhim pasi të përfundoj së luajturi, edhe pse kjo ka shumë presion. Do të më pëlqente të jem menaxher i Chelseat dhe kjo është një progres natyral”, ka thënë Terry. “Dua ta çoj këtë deri në fund. Dua ta bëj atë për dashurinë ndaj futbollit, edhe pse e di se si menaxher presioni bie në kokën tuaj dhe e di se lojtarët janë tmerri juaj”, ka shtuar mes tjerash anglezi.