Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Arsenali shkatërron Blackburnin 6-2 në stadiumin “Emirates”

Skuadra e Arsenalit ka shënuar fitore të lartë prej 6-2 kundër Blackburn Rovers, në ndeshjen e zhvilluar të dielën në Emirates


Mysafirët kaluan të parët në epërsi me golin e Steven N'Zonzi (4’), ndërsa vendasit barazuan me anë të Thomas Vermaelen (17’).

Blackburn sërish shënoi gol, me anë të David Dunn (17’), ndërsa ky gol i ofendoi Topçinjtë, të cilët shënuan edhe pesë herë.

Robin Van Persie barazoi rezultatin (33’), ndërsa me golat e Andrey Arshavin (37’), Cesc Fabregas (57’), Theo Walcott (75’) dhe Niclas Bendtner (89’), vendasit fundosën skuadrën e Blackburnit.

[supervisor91]

Ronaldinho shpëton Milan nga një tjetër humbje në Bergamo

Braziliani Ronaldinho ka shënuar gol në transfertën e Bergamos duke evituar një tjetër humbje shkatërruese për Milanin


Milani nuk di të fitojë këto kohë dhe këtë e ka konfirmuar edhe në transfertën e mbyllur 1-1 në fushën e Atalantës. Vendasit kaluan në avantazh me një gol të bukur të Tiribocchi në pjesën e parë, por më pas u penalizuan nga një karton i kuq, duke luajtur pjesën më të madhe me 10 lojtarë.

Pas sulmeve të vazhdueshme të Milanit që u ndalën nga portieri dhe tranversa erdhi goli i Ronaldinho që vlen një pikë.

Skuadra e Romës ka fituar 2-1 ndaj Napolit në stadiumin Olimpico duke i dhënë Donadonit goditjen përfundimtare në pankinën e jugorëve. Ndërkohë Totti me golin e tij ka kapur Batistutën në 184 gola.

Roma 2 - 1 Napoli
Atalanta 1 - 1 Milan
Bologna 1 - 3 Genoa
Cagliari 1 - 2 Chievo
Fiorentina 0 - 0 Lazio
Sampdoria 1 - 1 Parma
Siena 0 - 0 Livorno

[supervisor91]

Apolonia fiton në transfertë, Flamurtari mund Vllazninë

Spektakël dhe bollëk golash në Korçë në takimin midis Skënderbeut e Apolonisë, por me fituese skuadrën fierake ndërsa Flamurtari mund Vllazninë


Derbi i vogël ballkanik përfundoi 2-3 në favor të Apolonisë, me pesë gola të shënuar që të gjithë në pjesën e parë, ku në fund e fraksionit të parë, brenda pesë minutash u realizuan tre gola. Edi Çajku hapi serinë e golave në minutën e 8-të për Skënderbeun, duke çuar në delir mbi 3500 tifozë të pranishëm në stadium, ku në tribunën “Vip” ishte trajneri i Kombëtares, Josip Kuzhe e presidenti i FSHF-së, Armando Duka.

Goli i katërt për Edi Çjakun në kampionat, duke barazuar kështu Elis Bakajn e Dinamos. Pas vetëm tri minutash pas një gabimi në mbrojtjen korçare, mesfushori serbi i Apolonisë, Sead Haxhibuliç barazoi shifrat 1-1 në minutën e 11-të.

Pas një pauze 30-minutëshe, në të 41’ te goli u rishfaq sërish Apolonia, më anë të Semir Haxhibuliçit, vëllait të Seadit. Sulmuesi kroat i Skënderbeut, Milian Guerrib shënoi pas vetëm një minute, në të 42’, golin e barazimit 2-2. Goli i tretë për kroatin 23-vjeçar. “Thriller”-i në Korçë vazhdoi me golin e sulmuesit serb të Apolonisë, Mladen Brkiç, i cili realizoi në minutën e 44-t.

Me rezultatin 42-3 u mbyll pjesa e parë, por dhe krejt ndeshja. Apolonia u ngjit në kuotën e 12 pikëve, tashmë në vendin e tretë, me vetëm 2 pikë larg vendit të dytë, Besës, e 4 pikë larg Dinamos krysuese (16 pikë). Për Skënderbeun, kjo ishte humbja e parë në shtëpi pas një serie prej tri fitoresh. Sidoqoftë, skuadra korçare ka sulmin më të mirë në kampionat, me 11 gola të realizuar. Flamurtari mundi Vllazninë me dy gola të Roshit.

1 Dinamo 6 16
2 Besa 6 14
3 Apolonia 6 12
4 Skenderbeu 6 9
5 Teuta 6 9
6 Tirana 6 8
7 Shkumbini 6 7
8 Gramozi 6 6
9 Flamurtari 6 6
10 Kastrioti 6 5
11 Laci 6 5
12 Vllaznia 6 4

[supervisor91]

Chelsea në vendin e parë, mund Liverpool në Stamford Bridge

Supersfida e javës së tetë në Premier Ligë është zhvilluar në Stamford Bridge ndërmjet Bluve dhe Të Kuqve dhe u mbyll 2-0 për ekipin e Ancelotti


Ndeshja e zhvilluar të dielën, ndërmjet Chelseat dhe Liverpoolit, ka përfunduar me fitoren e vendasve me rezultat prej 2-0. Pjesa e parë e kësaj sfide përfundoi pa gola, mirëpo nuk ndodhi ashtu në pjesën e dytë.

Pas plotësisht një orë lojë, Chelsea arriti deri te goli i avantazhit, kur Didier Drogba pasoi te partneri i tij në sulm, Nicolas Anelka, i cili ndëshkoi portierin Pepe Reina, dhe skuadrën e tij të dikurshme.

Derisa mysafirët nuk arritën ta barazojnë rezultatin, Blutë shënuan sërish në minutat shtesë të takimit (90’+1), me golin e Florent Malouda, derisa edhe në këtë gol asistues ishte Didier Drogba.

Me këtë fitore Blutë marrin kreun e tabelës me dy pikë më shumë se Manchester United që gjendet në vendin e dytë.

[Damian1]

Juventusi, Gianluigi Buffon: Duhet të reagojmë

Portieri i Juventusit, Gianluigi Buffon, është shprehur i zhgënjyer për humbjen ndaj Palermos, duke thënë se skuadra e tij nuk ishte në formën e vet të mirë.

“Sa i përket fitores së Palermos, mendoj se merita më e madhe i takon trajnerit të tyre që është njëri nga më të mirët në kampionatin tonë”.

“Si do që të jetë, ne ua lehtësuam gjërat duke luajtur në nivel të ulët”.

“Tash duhet të reagojmë me përgjegjësi të madhe dhe obligim, dhe të mos dorëzohemi kurrë”.

“Duhet të punojmë shumë që ta kompensojmë këtë humbje, sepse humbja në Palermo është e kuptueshme, mirëpo barazimi ndaj Bolognas nuk është”, ka thënë Buffon për Gazzetta.it

[Damian1]

Rosella Sensi lëvdon Francesco Tottin dhe Claudio Ranierin

Presidentja e Romës, Rosella Sensi, është shprehur shumë e kënaqur me fitoren kundër Napolit duke lëvduar kapitenin Francesco Totti, i cili shënoi dy gola dhe trajnerin Claudio Ranieri, i cili që nga marrja e timonit të Giallorosëve e ka ndryshuar mentalitetin e skuadrës.

“Totti e di se çfarë mendoj unë për të. Unë i lë tjerët të diskutojnë dhe unë e gjykoj”.

“Ranieri më pëlqen shumë si trajner. Është konkret dhe diskret. Më pëlqen puna që ka bërë deri më tani këtë sezon”, ka thënë Sensi për TuttoNapoli.net.

[Damian1]

Milani kthim prapa ne kohe, eshte si ne epoken "Terim"

Megjithse barazimi i shpetoi "koken" per momentin, trajneri Leonardo nuk mund te jete i qete pasi ne skuadren e tij nuk funksionojne shume gjera, sidomos para dy ndeshjeve me Romen e Realin

Pervec po ben hapa prapa ne loje, Milan eshte kthyer disa vjet prapa ne kohe, duke u barazuar me rezultatet e dobeta te epokes se turkut Fatih Terim. Ne 7 ndeshje kuqezinjte kane arritur 2 fitore, 3 barazime dhe 2 humbje, ndersa e ardhmja eshte shume e erret ne prag te perballjeve te medha me date 18 me Romen dhe 21 tetor me Kaka & CO.

Megjithse barazimi i shpetoi "koken" per momentin, trajneri Leonardo nuk mund te jete i qete pasi ne skuadren e tij nuk funksionojne shume gjera, sidomos para dy ndeshjeve mjaft delikate. Pika e marre ne Bergamo nuk eshte asgje ne krahasim me ate cfare lojtaret treguan ne fushe, sepse fitorja ishte plotesisht e mundur pasi Atalanta luajti per me shume se nje pjese me 10 lojtare.

“Humbem dy pike - ka pranuar edhe Alesandro Nesta, nje nga lojtaret me te mire te kuqezinjve gjate kesaj peridhe -. U perpoqem te luajme me zemer, por realiteti eshte qe vrapojme jo ashtu si duhet. Nuk arrijme te mbulojme me perpikmeri zonat e fushes. Eshte nje moment i keq, por jemi te gjithe me Leonardon: fitojme dhe humbasim te gjithe bashke. Deshtimi nuk eshte i nje personi te vetem”.

Ne harkun e dy javeve, Leonardo duhet te ndreqe mekanizmat per te vene ne pune nje skuader “te lodhur”. Perforcimi i pare David Beckham do vije shume larg, ne janar, ndersa emri i dyte eshte ende nje mister, pasi agjentet kuqezi ndodhen ne Ameriken Latine per te punuar ne kete piste.

[Damian1]

Pellegrini: Sevilla fitoi me meritë, por do të rikthehemi

Futbollistët e Sevilës realizuan fitoren e shtatë me radhë në këtë edicion me pesë fitore në Ligën spanjolle dhe dy fitore në Ligën e Kampionëve. Këtë radhë “viktima” ishte Real

Por, pa dyshim se fitorja më e rëndësishme ishte ajo e realizuar të dielën në mbrëmje, kur para tifozëve të vet arritën të mposhtin skuadrën e Realit të Madridit, me rezultat 2:1. Me këtë fitore, Sevila barazoi pikët me Realin në vendin e dytë, kurse Barcelona tashmë kryeson e vetme me tri pikë më shumë.

"Sevila fitoi me meritë. Ata janë në formë të shkëlqyeshme dhe nuk janë rastësisht në vetë kreun e renditjes. Është fakt se edhe ne kishim raste të mira në fund të ndeshjes, por nuk arritëm t'i realizojmë", ka pohuar Pelegrini, duke shtuar:

"Gabuam rëndë tek golat e pësuar, por në futboll ndodhin gjëra të tilla. Kishim rënie të përqendrimit disa herë dhe kjo na kushtoi shtrenjtë. Por, nuk duhet ta vajtojmë këtë humbje. Duhet të shikojmë përpara, asgjë e tmerrshme nuk ka ndodhur. Nuk është turp të humbësh në një ndeshje aq të vështirë", ka pohuar Pelegrini, skuadra e të cilit përjetoi humbjen e parë në këtë edicion.

[Damian1]

Marcello Lippi sërish nuk e fton Antonio Cassanon.

Trajneri i Italisë, Marcello Lippi, ka caktuar skuadrën që do ta ketë në dispozicion në ndeshjet kualifikuese kundër Irlandës dhe Qipros, ku vërehet si zakonisht mungesa e Antonio Cassanos, ndërkohë që ai ka ftuar Gennaro Gattuson përkundër formës së dobët me Milanin.

Të shtunën që vjen Azzurët do të luajnë në Dublin kundër Irlandës, ndërsa të mërkurën do të përballen me Qipron. Një barazim kundër Irlandës do t’u mjaftojë të përzgjedhurve të Lippit që ta sigurojnë kualifikimin për Afrikën e Jugut.

Të ftuarit e Lippit:

Portierë: Gigi Buffon (Juventus), Morgan De Sanctis (Napoli), Federico Marchetti (Cagliari)

Mbrojtës: Fabio Cannavaro (Juventus), Giorgio Chiellini (Juventus), Salvatore Bocchetti (Genoa), Alessandro Gamberini (Fiorentina), Fabio Grosso (Juventus), Nicola Legrottaglie (Juventus), Davide Santon (Inter), Gianluca Zambrotta (Milan)

Mesfushorë: Mauro German Camoranesi (Juventus), Gaetano D'Agostino (Udinese), Daniele De Rossi (Roma), Rino Gattuso (Milan), Claudio Marchisio (Juventus), Angelo Palombo (Sampdoria), Simone Pepe (Udinese), Andrea Pirlo (Milan)

Sulmues: Antonio Di Natale (Udinese), Alberto Gilardino (Fiorentina), Vincenzo Iaquinta (Juventus), Fabio Quagliarella (Napoli), Giuseppe Rossi (Villarreal)

[supervisor91]

Paqja Zidane-Materazzi, nderhyrje edhe nga Kissinger



Koka e Zinedine Zidane ndaj mbrojtesit Marco Materazzi ne finalen e Boterorit 2006 ka hyre ne librat e historise.
Pasi pushtoi faqet e gazetave per jave te tera dhe gati gati u kthye edhe ne vater zjarri mes Italise dhe Frances, gjesti i lojtarit legjendar te Frances dhe zenka e tij me Materazzi-n ka qene edhe ne axhenden e shume emrave te njohur boterore.

Keshtu, ish nensekretari amerikan i Shtetit, Henri Kissinger nuk ka arritur t’i pajtoje dy futbollistet ne nje tentative te tij gjate nje vizite ne studiot e RAI-t ne vitin 2006. Lajmin interesant e jep revista “Telethon notizie”. Ne muajin shtator te po atij viti, shefi i FIFA-s, Sepp Blatter njoftoi deshtimin e nje tentative per te pajtuar dy lojtaret ne Ishullin Robben ne Afriken e Jugut ku Nelson Mandela kaloi 27 vite i burgosur.

Por tentativat per nje shtrengim dore mes te dyve kane vazhduar edhe me Lippi-n, Moratti-n deri tek presidenti i atehershem i Frances, Jacques Chirac. Gjate emisionit televiziv ne RAI per mbledhjen e fondeve per kerkimet ne fushen e semundjeve gjenetike, Marco Materazzi rrefeu se ka provuar me te gjitha menyrat qe te beje paqe me Zidanne, por ai nuk ka dashur.