Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Lorik Cana, “kampion” kartonësh? “Nuk e ndryshoj stilin luftarak të lojës!”

Lorik Cana ka premtuar se nuk do ta ndryshojë stilin e tij luftarak të lojës, pavarësisht nga kërcënimi i pezullimit, për shkak të kartonëve të shumtë të verdhë që merr. Vetë trajneri i Sunderlandit, Stiv Brus, parashikoi se kjo verë ka sjellë një “hit” në klubin e tij, shqiptarin Lorik Cana, i cili, menjëherë ka pushtuar të gjitha “kornizat” kryesore, qoftë ato mediatike, qoftë zemrat e tifozëve. E ka bërë këtë në sajë të një loje me stil agresiv, duke vënë zemrën në fushë, gjë e cila nxiti sërish zërat e interesimit nga Arsenali, klubi i cili i ofroi atij një kontratë qysh kur ishte fare i ri. Në dhjetë lojëra të tij me Sunderlandin, Cana ka marrë katër kartonë të verdhë, çka e ka lënë atë një ndeshje të pezulluar. Dhe pezullime të këtij karakteri për Canën, në fakt duken të pashmangshëm. Trajneri Brus ka thënë se kapiteni i tij bën mirë që vazhdon të luajë në mënyrë agresive, fort, pa marrë parasysh se gjyqtarët nuk ia kursejnë kartonët e verdhë. “Kjo është një muzikë, me të cilën janë mësuar veshët e Canës,” - ka perifrazuar trajneri i Sunderlandit.
Ndërkohë, në lidhje me këtë gjë, vetë Cana tha: “Unë nuk jam lojtari i parë që marr katër kartonë të verdhë në 10 ndeshje. Sidoqoftë, unë nuk do ta ndryshoj lojën time luftarake. Jap maksimumin në fushën e lojës, për ta ndihmuar skuadrën, pasi jam edhe kapiten, prandaj nuk mbaj asnjë rezervë. Kjo e fundit është diçka e rëndësishme për karakterin tim si futbollist.”
Në ndeshjen e radhës, nisur nga fakti se Lee Cattermole vuan akoma dëmtimin në gju, ka të ngjarë ta shohim Canën të kthehet në mesfushë. Edhe pse Cana është aktivizuar thuajse rregullisht prapa, në mbrojtje, me Shqipërinë, ai zbulon se nuk ka qenë aq shumë i saktë, siç ka rezultuar me Sunderland. “Unë kam luajtur atje para, në mesfushë, sepse është roli im natyral. Prandaj, ky nuk është një pozicion i ri për mua, - tha Cana. - Unë kam shumë përvojë në qendër të mbrojtjes, si në ekipin tim kombëtar, ashtu edhe nganjëherë në ish-klubin tim, Olimpik Marsejë. Megjithatë, kjo do të jetë hera e parë që do të luaj si mesfushor për Sunderlandin.”
Ndërkohë, kapiteni Cana nuk mund të rrijë pa folur dy fjalë edhe për ish-shokun e tij të skuadrës te Marseja, Bolo Zenden, i cili do të jetë pjesë e Sunderlandit për 12 muajt në vazhdim. Kapiteni i Sunderlandit zbulon kënaqësinë e tij që holandezi ndërkombëtare do t’i bashkohet atij në “Wearside”, pasi kanë kaluar një kohë të mrekullueshmë së bashku në jug të Francës. “Kam luajtur me Bolon dy vjet në Marsejë dhe tashmë jam i befasuar për ta parë atë të luajë me mua edhe këtu, te Sunderlandi. Kjo është e mirë për ne. Ai është një lojtar fantastik, me përvojë të madhe, dhe do të na ndihmojë shumë. Unë kisha një marrëdhënie të mirë me të në Marsejë, kështu që jam me të vërtetë k lumtur që Zenden do të vijë këtu. Ai do të jetë një lojtar i rëndësishëm për ne. Trajneri Brus më pyeti në lidhje me Bolon. Ai donte të dinte nëse është i aftë të përballojë sërish ritmin e kampionatit anglez dhe unë iu përgjigja pa hezitim: Zenden e meriton të luajë me Sunderlandin, si lojtar, por edhe si njeri.”

[Damian1]

Platini: Të gjitha çmimet këtë vit, shkojnë për Messin

Sulmuesi i Barcelonës, Lionel Messi, do të fitojë të gjithë titujt e futbollistit më të mirë këtë vit, ka parashikuar presidenti i UEFA-s, Michael Platini

Kreu i Federatës Evropiane të Futbollit vlerësoi lart arritjet e yllit argjentinas nga sezoni i kaluar. “Futbollisti i cili më pëlqen më së tepërmi është një argjentinas, i cili luan për Barcelonën.

Messi më pëlqen shumë dhe mendoj se ai do të fitojë të gjithë titujt e futbollistit më të mirë, në fund të këtij viti. Ai kaloi një sezon të shkëlqyeshëm vitin e kaluar, sikurse Cristiano Ronaldo një vit më parë, dhe mendoj se meriton mirënjohje”, tha Platini.

Lojtari argjentinas, Messi, ishte emëruar futbollisti më i mirë i vitit i klubeve evropiane, në gusht, pasi i ndihmoi Barcelonës të fitojë Ligën e Kampionëve, në sezonin e kaluar.

Fituesi i Topit të Artë 2009 si futbollisti më i mirë në Evropë do të shpallet më 1 dhjetor. Messi dhe mesfushori i Real Madridit, Ronaldo – fituesi i vitit të kaluar – janë në mesin e favoritëve. Messi po ashtu pritet të marrë kurorën e Ronaldos, si futbollisti më i mirë i vitit në botë.

[Damian1]

Super Mario në shënjestrën e Arsenal, ofrohen 22 mln Euro

Sulmuesi me origjinë nga Gana që luan me Interin, Balotelli preferohet nga trajneri i Arsenalit, Arsene Wenger

Arsenali raportohet se është duke u interesuar për të transferuar në radhët e veta sulmuesin e Interit, Mario Balotelli.

Vëzhgues të topçinjve kanë përcjellë aksionet e 19-vjeçarit në Serie A gjatë javës së kaluar dhe ka shenja se Arsene Wenger mund të bëjë një hap për të transferuar të riun që në afatin kalimtar të janarit.

Po ashtu raportohet se Balotelli dëshiron të gjejë një ekip ku do të mund të ketë më shumë hapësirë në formacionin startues dhe një largim nga Interi do t’i ndihmonte në këtë drejtim.

Pasi nuk arriti të transferojë sulmuesin e Bordeaux, Marouane Chamakh, Wenger dëshiron të shtojë një sulmues tjetër në radhët e ekipit të tij, dhe një ofertë prej 20 milionë funtesh në drejtim të kampionit të Italisë mund ta bëjë të mundur transferimin

[Damian1]

Barcelona merr frymë, rinovon deri në 2013 kapiteni Puyol

Mbrojtesi 31-vjeçar rinovoi kontratën me klubin spanjoll deri në qershor të vitit 2013.

Manchester City dhe Milan mund t’i thonë lamtumirë idesë për të angazhuar në parametra zero mbrojtësin spanjoll Carles Puyol.

31-vjeçari katalanas rinovoi kontratën me klubin spanjoll deri në qershor të vitit 2013. Lajmin u publikua në faqen zyrtare të skuadrës katalanase, Barcelona dhe është konfirmuar edhe nga drejtuesit e skuadrës.

Në stërvitjen e së premtes, Carles Puyol u prit me ovacione dhe duartrokitje në fushë, nga shokët e skuadrës. Motivi ishte rinovimi afatgjatë i kapitenit.

[Damian1]

Mourinho: Fitorja e Milan, historike si humbja ndaj Zurich

Jose Mourinho thumbon Milanin. Ai arrin te gjeje perhere menyren per te qene protagonist ne mediat italiane dhe jo vetem

Fitoren e Milanit ne fushen e Real Madrid, tekniku portugez pergezon skuadren e Leonardos, por nuk harron te hedhe edhe nje thumb ndaj kuqezinjve.

“Nuk e pashe ndeshjen por jam i lumtur per Leonardon dhe per futbollin italian. Milani, ashtu sic fitoi nje ndeshje historike me Realin, humbi nje tjeter ndeshje historike me Zyrihun. Kuqezinjte jane afer fazes tjeter dhe nje barazim mund t’i mjaftoje. Ne kemi nevoje per dy fitore dhe besoj se do t’i arrijme”, thekson Mourinho.

Portugezi nuk ka lene pa komentuar as dy ndeshjet e radhes ne shtepi me Katanian dhe Palermon. “Eshte e rendesishme te vazhdojme serine e fitoreve sepse mungon shume nga fundi i kampionatit. Katania dhe Palermo nuk jane dy skuadra te lehta”, shton “Special One”.

[Damian1]

Cana: Ç’stimul shikimi i sfidave te Sunderlandit nga shqiptaret!

"Ajo qe me jep nje stimul me shume eshte fakti qe te gjithe i shohin ndeshjet e mia ne atdheun tim, por edhe shqiptaret perreth botes. Keshtu qe mundohem t’i nderoj", ka thene mesfushori

Lorik Cana pranon se i jep nje stimul plus mbeshtetja e tifozeve qe e ndjekin ne distance nga Shqiperia e Kosova, por edhe ato te Sunderlandit qe e inkurajojne direkt ne fushen e lojes. Mesfushori 26-vjecar mberriti ne klubin e Premier Leagues vetem gjate veres dhe menjehere diti te pushtoje “Stadium of Light” me paraqitjet e tij, duke qene madje edhe kapiten.

“Kur jep 100%, gjithmone fiton respektin e fanseve dhe te klubit. Kjo eshte dicka me teper speciale ne Angli - tregon ai per BBC -. Por kur luan ndaj yjeve nderkombetare te skuadrave si Manchester United, Chelsea dhe Liverpool, gjithcka e shijon me shume, sepse po perballesh me lojtaret me te mire ne rolin tend. Ajo qe me jep nje stimul me shume eshte fakti qe te gjithe i shohin ndeshjet e mia ne atdheun tim, por edhe shqiptaret perreth botes. Keshtu qe mundohem t’i nderoj sa me shume gjate cdo 90 minuteshi”.

Cana ka dashur te nenvizoje edhe marredhenien e shkelqyer qe ka me tifozet e Sunderlandit: “Me te vertete qe jane te jashtezakonshem, duke me bere te ndihem qe ne fillim nje lojtar i rendesishem per Sunderlandin. E une besoj se ia kam shperblyer e do te vazhdoj t’ua shperblej me paraqitjet e mia”.

[supervisor91]

MotoGP, Malajzi, Rossi ne pole position



Pole position per Valentino Rossin ne Cmimin e Madh te Malajzise ne MotoGP, prova e parafundit e kampionatin boteror.
Kampioni i botes ka shenuar kohen me te mire per 2'00"518.

Pas tij ka ardhur shoku i tij i skuadres, Jorge Lorenzo dhe me pas spanjolli Dani Pedrosa.

[Damian1]

Mascherano kerkon vetem fitore ndaj Manchester United

“Me perfaqesuesen i fituam të dy ndeshjet e fundit dhe u kualifikuam. Ndoshta një rast i ngjashëm do të jetë edhe me Liverpoolin”, ka deklaruar mesfushori

Javier Mascherano dëshiron që Liverpooli të ndjekë shembullin e Argjentinës, duke thënë se të kuqtë duhet të harrojnë katër humbjet radhazi dhe të përqendrohen per të mposhtur Manchester United në sfiden e së dielës.

Mesfushori argjentinas synon që Liverpool, që është në mes të fillimit më të keq të sezonin në 22 vitet e fundit, të frymezohet nga rasti i fundit i Argjentinës që synonte të kualifikohej për në Kupën Botërore 2010. “Jam i relaksuar tashme që Argjentina është kualifikuar për në finalet e Kupës se Botës.

Me perfaqesuesen i fituam të dy ndeshjet e fundit dhe u kualifikuam. Ndoshta një rast i ngjashëm do të jetë edhe me Liverpoolin. Nëse fillon të fitojë, gjërat do të fillojnë të ndodhin për ne, siç ndodhën me skuadren e vendit tim. Ne nuk duhet të mendojmë për të kaluarën. Duhet të mposhtim United për veten tonë, për tifozët, për ekipin”, ka shtuar argjentinasi.

[Damian1]

Chelsea në krye të Premier League, mundi Blackburn 5-0

Chelsea ka fundosur skuadrën e Blackburn Rovers duke e mposhtur në Stamfrod Bridge me rezultat prej 5-0

Serinë e golave e filloi Gael Givet, i cili shënoi në portën e tij (20’), pas një goditjeje të Nicolas Anelcas, dhe me këtë diferencë minimale përfundoi pjesa e parë. Me të filluar pjesa e dytë (48’), mesfushori Frank Lampard dyfishoi epërsinë pas një pasimi të Didier Drogbas.

Katër minuta më pas (52’) radha i erdhi Michael Essienit, i cili shënoi një supergol nga një distancë prej afro 32 metrash. Frank Lampard shënoi edhe golin e dytë personal në ndeshje, pas një penaltie të akorduar në favor të vendasve (59’).

Rezultatin përfundimtar të ndeshjes e vendosi Didier Drogba, i cili shënoi golin e pestë për Blutë. Pas kësaj fitoreje, Chelsea rimerr pozitën e parë në tabelë, me një ndeshje më shumë se Manchester United që të dielën e zhvillon derbin e vështirë në Anfield kundër Liverpoolit.

[Damian1]

Rooney e ndjen mungesen: Ronaldo, i pazëvendësueshëm

“Cristiano është një lojtar i shkëlqyeshëm, i pazëvendësueshëm, lojtari më i mirë në botë, prandaj askush nuk është i kënaqur që ai u largua”, ka thënë anglezi

Sulmuesi i Manchester United, Wayne Rooney thotë se ekipi i tij kurrë nuk do të gjejë një zëvendësues te pershtatshem për ish-shokun e skuadres, Cristiano Ronaldo. “Nuk mendoj se ndonjëherë kam qenë në hijen e Ronaldos, jo, nuk jam i lumtur që ai u largua nga klubi dhe nuk mendoj se ndonjëri prej neve është i lumtur”, ka thënë Rooney. “Do të preferoja që ai ende të ishte këtu.

Cristiano është një lojtar i shkëlqyeshëm, i pazëvendësueshëm, lojtari më i mirë në botë, prandaj askush nuk është i kënaqur që ai u largua”, ka thënë anglezi, i cili sot ka mbushur 24 vjec. Sulmuesi eshte ne dyshim per ndeshjen e neserme ndaj Liverpool ne “Anfield”, megjithate ai ben te ditur do te perpiqet maksimalisht per te qene ne fushe bashke me shoket e skuadres.

“Mendoj se ne ndeshjen e rendesishme qe na pret, gjerat e vogla do te bejne diferencen midis skuadrave. Natyrisht shpresojme te fitojme, ne menyre qe te largojme perfundimisht nga gara nje rival per titull. Ndonese e dime qe s’do te jete e lehte”, ka thene Rooney.