Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Ferguson: Mourinho “mace e zezë”, por më të fortët jemi ne

Trajneri skocez ka fituar vetëm një herë në 13 ndeshje kundër Mourinho. Precedenti më i rëndë në 2004 kur u mund nga Portoja

"Mourinho për mua nuk është krthyer në makth, pavarësisht statistikave të ndeshjeve mes nesh. Ky Manchester është skuadra më e fortë". Alex Ferguson ka shprehur në këtë mënyrë entuziazmin pak orë para ndeshjes me Interin për Champions League.

Ai është trajneri me më shumë tituj, por tekniku portugez është kthyer në një “mace të zezë” për Ferguson. Në 13 ndeshje direkrte mes trajnerëve, skocezi ka fituar vetëm një herë. “Këto statistika më bëjnë të mendoj që edhe unë gaboj ndonjëherë, por nuk jam në merak” tha Ferguson

Në vitin 2004 Porto fitoi Champions League, por më parë kishte meliminuar në ¼ në “'Old Trafford” Manchester duke barazuar 1-1 me nëj gol të Costinha në 90'. “Ajo ndeshje nuk është një makth, dhe as Mourinho. Atij do t’i dhuroj një shishe verë para ndeshjes” tha Ferguson.

[Damian1]

Portieri Lehmann pritet të rinovojë kontratën me Stuttgart

Ish gardiani i kombëtares gjermane është sdhumë pranë firmës së një kontrate të re në moshën 39 vjeçare

Ish portieri i kombëtares gjermane i cili aktualisht mbron ngjyrat e Shtutgartit, 39-vjeçari Jens Lehman, sipas të gjitha gjasave edhe edicionin e ardhshëm do të ruajë portën e këtij klubi. Drejtuesit e klubit disa herë i kanë ofruar Lehmanit vazhdimin e kontratës, por ai kishte refuzuar të pranojë atë dhe i ka shtyrë bisedimet.

Por tash, duket se Lehmani ka ndërruar mendjen. "Do të isha shumë i lumtur sikur do ta zgjasja qëndrimin tim këtu", ka pohuar Lehman për ‘sportal.de’. Ai ka mbrojtur ngjyrat e kombëtares gjermane 61 herë, nga viti 1998 deri në vitin 2008.

Gjatë karrierës së deritashme Jens Lehman ka mbrojtur portën edhe për skuadrat e Shalkes, Milanit, Borusias së Dortmundit dhe Arsenalit.

[Damian1]

Totti rikuperohet ndaj Arsenal, Roma me probleme dhe ëndrra

Skuadra italiane do të kërkojë të eklipsojë humbjen 1-0 në ndeshjen e parë në “Emirates” duke kërkuar të eliminojë Arsenalin

Tensioni i ditëve të rëndësishme do të mbajë Romën të paktën edhe për pak orë. Trajneri Luciano Spalletti është duke pritur ndeshjen ndaj Arsenal, por situata mjekësore nuk është nga më të mirat.

Ai ka grumbulluar kapitenin Totti për ndeshjen ndaj londinezëve dhe numri 10 pritet të jetë edhe një mbështetje morale për ekipin. Të paraqitej në gjendje emergjence në ndeshjen më të rëndësishme të sezonit nuk ishte ajo që shpresonte Luçiano Spaleti, por gjithsesi Roma e tij do të japë maksimumin

Sigurisht do të mungojë Sisinjo, teksa edhe rikuperimi i Pizarros duket i vështirë. Ka shumë mundësi që skema e zgjedhur nga trajneri verdhekuq, Luçiano Spaleti, të jetë ajo 4-2-3-1 për t’u përballur me anglezët.

Zgjedhjet në mbrojtje janë të detyrueshme ku Mota dhe Huan, dy futbollistë të tjerë jo në 100 për qind të formës, do të luajnë përkrah Meksesit dhe Rises. Lajmi i vetëm i mirë ka ardhur në repartin e mesfushës, ku është rekuperuar Akuilani, që, duke parë skualifkimin e De Rosit, duket se do të luajë bashkë me Brigin para mbrojtjes.

[Damian1]

Benitez: Fitorja me Real përgatitje për në “Old Trafford”

Spanjolli i Liverpool nuk mund të gjente një impuls më të mirë për ndeshjen ndaj United, sesa fitorja e merituar 4-0 ndaj Realit

Trajneri i Liverpoolit, Rafael Benitez, ka thënë se skuadra e tij do të udhëtojë në Old Trafford me vetëbesim të plotë pas fitores së lartë kundër Real Madridit.

Të shtunën Manchester United dhe Liverpool do të ndeshen në Old Trafford për ndeshjen e vlefshme për Ligën Premier, ndërkohë që Benitez thotë se fitorja në Ligën e Kampionëve kundër Mbretërve të Madridit, do t’u ndihmojë “Reds” në garën për titull në Kampionatin anglez.

“Shpresoj se me këtë fitore do t’i japim një frymëzim skuadrës të mendojë për ndeshjen e të shtunës me Manchester United. Ata kanë një skuadër të mirë, mirëpo ne udhëtojmë atje me vetëbesim të plotë. Kjo ishte mënyra më e mirë për t’u përgatitur për atë përballje”, ka thënë spanjolli Benitez.

[Damian1]

Cristiano Ronaldo: Më pëlqejnë femrat italiane e Del Piero

Në një rrëfim 360 gradë, fituesi i Topit të Artë ka lavdëruar gadishullin Apenin duke theksuar femrat e bukura dhe Del Pieron

Mesfushori sulmues i Manchester Unitedit, Cristiano Ronaldo, ka thënë se një ditë do të dëshironte të luajë në Itali sepse i pëlqen futbolli italian, por njëkohësisht ka shprehur edhe dashurinë për femrat italiane.

“A do të luaj ndonjëherë në Itali? Kurrë mos thuaj kurrë. Unë e vizitoj Italinë me dëshirë, sepse atje janë femrat më të bukura dhe më seksi në botë” tha Ronaldo duke nënkuptuar edhe të dashurën e tij Lettizia Filippi.

“T’i lëmë anash shakatë... Vërtet e admiroj futbollin italian dhe jo rastësisht Italia është kampion bote. Në veçanti më pëlqen Del Piero. Ai është një futbollist unik dhe i jashtëzakonshëm, një profesionist i vërtetë për të gjithë ata që e duan futbollin”, ka thënë portugezi.

[Damian1]

Bastet nxjerrin Di Vaio si favorit për shënuesin më të mirë

Serie A do të ketë një kryegolashënues të ri sipas basteve, pasi ai mund të jetë sulmuesi i skuadrës së Bologna

Përveç kuotave për fitimin e kampionatit, kupës së Italisë dhe vendeve në Champions League, e UEFA-s, ka edhe kuota për shënuesin më të mirë në Serie A

Marco Di Vaio është kandidati kryesor për t’u shpallur shënuesi më i mirë i Serie A sipas bastexhinjve në Itali. Sulmuesi i Bologna ka shënuar deri më tani 19 gola dhe ka qenë shpeshherë vendimtar në ndeshjet e skuadrës veriore.
Menjëherë pas tij mundësi për tu shpallur shënuesi më i mirë sipas kuotave, janë Milito, Ibrahimovic e Gilardino. Lojtarët që nuk llogariten si favoritë janë kapiteni i Roma Totti dhe braziliani i Milan, Ronaldinho.

[Damian1]

UEFA: 4 vende kandidate për organizimin e “Euro 2016”

UEFA ka njoftuar se janë vënë katër kandidatura për organizimin e kampionatit evropian të futbollit, që do të mbahet në vitin 2016

Për organizimin e “Euro 2016” do të konkurrojnë Franca, Italia dhe Turqia, si dhe Suedia e Norvegjia, që kanë vënë kandidaturën e përbashkët, ka bërë të ditur UEFA. Kandidatët deri më 15 shkurt 2010 duhet të dërgojnë dokumentet e nevojshme, ndërkaq Këshilli ekzekutiv i UEFA-s në maj të vitit të ardhshëm do të marrë vendimin final.

Në turneun 2016 do të marrin pjesë 24 ekipe, pasi që UEFA vitin e kaluar mori vendim që të rrisë numrin e pjesëmarrësve nga 16 sa janë aktualisht. Në deklaratën e lëshuar nga UEFA thuhet se nga vendi organizator i “Euro 2016” pritet kërkohet të ketë 9 stadiume me kapacitete, të paktën 30.000 vende.

Ndërkaq për ndeshjen finale duhet të kenë një stadium me kapacitet prej 50.000 vendesh. Prej vendeve konkurruese, vetëm Norvegjia dhe Turqia deri më tani nuk kanë organizuar asnjëherë ndonjë kampionat evropian.

[Damian1]

Tjetër goditje për Maradonën, Riquelme braktis kombëtaren

Futbollisti i Boca Juniors ka thënë se nuk mund të punojë me Maradonën,. pas kritikave të këtij të fundit në shtyp

Mesfushori argjentinas Juan Roman Riquelme, ka bërë të ditur lamtumirën e parakohshme nga kombëtarja latine pas polemikave të vazhdueshme me trajnerin aktual, Diego Armando Maradona, arena e të cilave në ditët e fundit u bë shtypi.

Kritikat e Maradonës në një emission televiziv kanë qenë të fundit në vazhdën e acarimit të tij me Riquelme.

“Prisja të isha në kombëtare në ndeshjet e kaluara, por Maradona nuk më ka telefonuar asnjëherë që kur është emëruar. Nuk kemi të njëjtat parime dhe për këtë nuk do jem më me Argjentinën” tha Riquelme.

Nuk ka vonuar edhe përgjigja e ish “Pibe de Oro” i cili tha me ironi se nuk do të qajë për këtë largim edhe pse Riquelme ishte në planet e tij si pjesë kryesore. Maradona tha se do të vazhdojë punën.

[Damian1]

Napoli shkarkon trajnerin Reja, zyrtarizohet Roberto Donadoni

Humbja kundër Lazio në shtëpi, ishte fatale për Edoardo Reja që është larguar nga Napoli, pas disa vjetësh të suksesshëm

Skuadra e Napolit ka konfirmuar se ish-trajneri i përfaqësueses së Italisë, Roberto Donadoni, e ka zëvendësuar trajnerin e deritanishëm të Napolit, Edoardo Reja.

Humbja e fundjavës kundër Lazios, ishte ndeshja e nëntë e Napolit pa fitore, duke e detyruar presidentin Aurelio De Laurentiis që ta shkarkojë trajnerin.

“I kemi ndarë rrugët me Edy Rejan dhe e kemi angazhuar Donadonin. Ka qenë një vendim i vështirë për t’u marrë, kur dihet roli i Rejas në pesë sezonet e fundit, gjatë të cilave ai e ka udhëhequr klubin nga Serie C deri në Kupën UEFA”, shkruan në deklaratën zyrtare të klubit.

[Damian1]

Champions, eliminohen Juve, Real, Panathinaikos e Sporting

Chelsea ka barazuar me Juventus duke lënë italianët jashtë turneut, humbje shkatërruese edhe për Realin

Nuk eshte rastesi qe futbolli eshte shpikur ne Angli. Nuk eshte rastesi qe pjesa me madhe e futbollisteve me te mire ne bote luajne ne Angli.Nuk eshte rastesi qe ne cdo kompeticion te Liges se Kampioneve, te pakten vitet e fundit, kalojne ne cerekfinale te pakten tri skuadra angleze. Futbolli anglez edhe kete radhe tregoi qe eshte nje makine qe s’ndalet. U kualifikuan per ne cerekfinale dy skuadrat e para angleze, pikerisht Liverpuli dhe Celsi, ndersa te merkuren do te tentojne kualifikimin dhe i kane te gjitha mundesite ta bejne kete, Mancesteri dhe Arsenali. U luajten kater takimet e para te te Liges se Kampioneve qe percaktuan kater skuadra qe do te vazhdojne me tej.

Sic u tha me lart u kualifikuan Liverpuli dhe Celsi te futbollit anlgez, Vilareali i futbollit spanjoll dhe Bajerni i Mynihut i futbollit gjerman. Liverpuli shkaterroi ne “Anfild” 4-0 Realin e Madridit, duke konfirmuar se fitorja para dy javesh ne “Santiago Bernabeu” nuk ishte aspak e rastesishme. Torres, dy here Xherard dhe Dosena ishin autotet e golave per skuadren e Benitezit, qe nuk e vune ne asnje moment ne diskutim kualifikimin. Ne takimin tjeter te rendesishem te se martes Juventusi barazoi 2-2 ne Torino me Celsin, pa mundur te kualifikohet. Shpresat u ndezen qe ne pjesen e pare, teksa Iakuinta do te mposhtte Peter Cehun, por baraspesha do te arrihej nga Esien. Edhe pse me 10 lojtare, pas daljes me karton te kuq te Kielinit, Juvja do te kalonte perseri ne avantazh me Del Pieron, i cili realizoi nga pika e bardhe.

Por vetem kaq. Nuk mjaftoi zemra dhe grinta e futbollisteve te Ranierit, te cilet dhane me shume se 100% perballe “makines shkaterruese” qe mban emrin Celsi. Drogba shenoi golin e sigurise gati 10 minuta para perfundmit, qe i dha fund endrres juventine per kualifikim. Plot emocione ishte edhe sfida mes Panathinaikosit dhe Vilarealit. Miqte kaluan te paret ne avantazh, por u barazuan nga vendesit vetem pas disa minutave. Vilareali, qe tashme ka fituar statusin e vet ne Champions, goditi serish atehere kur vendesit po tregoheshin zoter te fushes. Kaq ka mjaftuar per ta ruajtur deri ne fund avantazhin e krijuar. Nuk ka pasur shume histori ndeshja e “Allianz Arenes”. Bajerni ka shenuar shtate gola ne porten e Sportingut te Lisbones dhe ka pesuar vetem nje. Dhe duke bere bilancet e dy ndeshjeve, i bie qe ka shenuar 12 here… Shifer qe do te mbahet mend gjate ne historine e Champions-it.

Liverpul- Real Madrit 4-0 (1-0)

15′ Torres, 28′, 47′ Gerrard, 87′ Dossena



Juventus-Celsi 2-2 (0-1)

Iaquinta 18’; Essien 45’; Del Piero 74’ (11-m); Drogba 82’



Panathinaikos-Vilareal 1-2 (1-1)

Ibagaza 49′,Mantzios 55′, Lorente 70′



Bajern Mynih-Sportnig Lisbone 7-1 (5-0)

Podolski 7′, 33’, Polga 37′ (aut), Moutinho 39′, Schweinsteiger 40′, Van Bomel 73′, Klose 81′ (11-m), Müller 87′