Mbyllur-Lajme dhe Diskutime per Sportin! Futboll.:.Motosport .:.etj

[Damian1]

David Beckham ka refuzuar ofertat nga Anglia

Ylli i LA Galaxy, David Beckham, thotë se ai kishte refuzuar ofertat nga klubet angleze, para se të nënshkruajë me Milanin ku do të rikthehet në muajin janar.

“Kishte opsione edhe për atje. Por gjithmonë kam thënë kur u largova nga Milani se nëse kisha shans të rikthehem, do ta bëja këtë. Nëse ata më dëshironin do të rikthehesha. Ky ishte opsioni im numër 1”.

“Jam i nderuar që ata vërtet më dëshiruan dhe mezi pres të rikthehem atje”, ka thënë Beckham, i cili megjithatë nuk ka përmendur emrat e klubeve angleze të interesuara për të.

[Damian1]

Milan, Leonardo: Ronaldinho eshte rekuperuar...

Milani deklaron se Ronaldinho eshte rekuperuar totalisht

Milani deklaron se Ronaldinho eshte rekuperuar totalisht dhe mendohet se do te jete i pranishem ne sfiden e neserme ne San Siro kunder Cagliarit.

Kete lajm e ben te ditur vete trajneri i Milanit Lenardo ne nje konference per shtyp nje dite para ndeshjes. Braziliani ishte i semure me grip dhe me temperatur te larte...

[Damian1]

Liverpool ndalet 2-2 nga Man. City, lamtumirë titull!

Skuadra e trajnerit Benitez barazoi 2-2 me Manchester City në “Anfield Road” dhe shkëputet më shumë nga lufta për titull

Liverpooli nuk ka arritur të shënojë fitore as në takimin e sotëm të cilin e zhvilloi përballë Manchester Cityt në Anfield, duke marrë vetëm një pikë pas barazimit 2-2.

Të kuqtë ishin ata të cilët kaluan të parët në epërsi me anë të golit të shënuar nga Martin Skrtel katër minuta pas fillimit të pjesës së dytë të ndeshjes, pas një harkimi nga gjuajtja e lira të kapitenit Steven Gerrard.

Por ‘qytetarët’ u rikthyen në lojë, duke shënuar dy gola brenda dhjetë minutash për të përmbysur rezultatin. Së pari Emmanuel Adebayor barazoi në minutën e 69-të, para se Simon Ireland t’ua sjellë avantazhin mysafirëve shtatë minuta më pas (76’).

Por vendasit reaguan shpejt dhe barazuan rezultatin pas vetëm një minute tjetër, me anë të golit të shënuar nga Yossi Benayoun. Barazimi është i dyti këtë sezon për Liverpoolin, që tani ka 20 pikë nga 13 ndeshje, ndërsa City gjendet një pozitë më lartë me 21 pikë dhe me një ndeshje më pak të zhvilluar.

[Damian1]

Sunderlandi i Lorik Canës mund Arsenal, fiton Chelsea 4-0

Skuadra e Sunderlandit ka fituar ndaj Arsenalit me një gol të Darren Bent ndërsa Chelsea ka dhuruar goleadë me Wolverhampton

Skuadra e Sunderlandit ka vazhduar me formën e mirë ndaj skuadrave të kreut të Ligës Premier duke e mposhtur Arsenalin me rezultat minimal prej 1-0.Pas barazimit kundër Manchester United dhe pas fitores ndaj Liverpoolit, skuadra ku aktivizohet mesfushori kosovar Lorik Cana, ka viktimizuar edhe Topçinjtë. I vetmi gol në ndeshje u shënua pas një gjuajtje nga këndi, me ç’rast me një ‘gjysmë-vole’ Darren Bent mposhti portierin Almunia (71’).

Chelsea ka vazhduar me fitore edhe në javën e 13-të të Ligës Premier duke mposhtur Wolverhampton Wanderers me rezultat prej 4-0. Serinë e golave e filloi Florent Malouda në minutat e para të ndeshjes (5’), ndërsa Michael Essien me dy golat e tij (12’ dhe 22’) vendosi rezultatin përfundimtar të pjesës së parë, 3-0, në favor të Bluve.

Rezultatin përfundimtar të ndeshjes e vendosi Joe Cole (56’) pas një pasimi të Kalou. Me këtë fitore, Chelsea përforcohet edhe më shumë në krye të tabelës pasi Manchester United ende nuk e ka zhvilluar ndeshjen kundër Evertonit.

Liverpool 2 - 2 Manchester C.

Birmingham C. 1 - 0 Fulham

Burnley 1 - 1 Aston Villa

Chelsea 4 - 0 Wolverhampton W.

Hull C. 3 - 3 West Ham U.

Sunderland 1 - 0 Arsenal

[Damian1]

Inter likujdon Bologna 3-1, në pritje të Barçës në Champions

Fitorja 1-3 në stadiumin “Dall’Ara” duket se ka shërbyer si praktikë për Interin në prag të sfidës ndaj Barcelonës në Champions

Është mbyllur pa histori dhe në favor të Interit, ndeshja e parë e javës së 13 në Serie A. Në stadiumin "Dall'Ara" Inter rivendos në +8 distancën me bardhezinjtë e Juventus falë suksesit 3-1 ndaj Bologna.

Zikaltërit të cilët përveç golave, goditën një shtyllë të dyfishtë dhe tranversën, kontrolluan ndeshjen duke shënuar me Milito në të 22' si dhe me Balotelli në të 41'. Mes golave interistë, në minutën e 23' ishte barazimi që vetëm dha iluzione nga Zalayeta.

Në pjesën e dytë Interi gjeti edhe goline sigurisë me Cambiasso ndërsa Bologna nuk dukej në fushë. për të prishur mbrëmjen perfekte të Interit ka menduar Maicon që u përjashtua se ofendoi arbitrin Ayroldi. Fitorja 1-3 në stadiumin “Dall’Ara” duket se ka shërbyer si praktikë për Interin në prag të sfidës ndaj Barcelonës në Champions.

[Damian1]

Manchester United në vend të dytë, mundi 3-0 Evertonin

Pas kësaj fitoreje, Manchester United kthehet në vendin e dytë me tri pikë më shumë se Arsenali

Kampioni në fuqi i Premier Ligës , Manchester United, ka shënuar fitore prej 3-0 kundër Evertonit në ndeshjen e zhvilluar të shtunën në Old Trafford.

Mesfushori i talentuar i “Red Devils”, Darren Fletcher i kaloi vendasit në epërsi (35’) dhe vendosi rezultatin e pjesës së parë.

Në pjesën e dytë, Djajtë e Kuq shënuan edhe dy herë, me anë të Michael Carrick (67’) dhe Luis Antonio Valencia (76’) për të grumbulluar tri pikë të reja.

Pas kësaj fitoreje, Manchester United kthehet në vendin e dytë me tri pikë më shumë se Arsenali që të shtunën u mposht nga Sunderlandi me golin e sulmuesit Darren Bent.

[Damian1]

Palermo shkarkon Zengën, në vend të tij trajneri Rossi

Barazimi i së dielës në derbin e Siçilisë ka bërë që të shkarkohet trajneri i Palermos, i mirënjohuri Walter Zenga

Ka zgjatur vetëm 13 javë, aventura e trajnerit Walter Zenga në drejtimin e skuadrës së Serie A, Palermos. Pasi ka bërë të ëndërrojnë tifozët e ekipit duke folur edhe për titullin, ka ardhur shkarkimi zyrtar për “Njeriun Merimangë” nga ana e presidentit Zamparini.

Barazimi i së dielës në derbin e Siçilisë ndaj catanias, ishte vendimtar për të ardhmen e teknikut italian, ish portier i njohur i kombëtares. Në vend të Zengës është zgjedhur Delio Rossi, që mbeti pa punë pas shkarkimit nga Lazio.

"Palermo ka larguar nga detyra trajnerin e skuadrës së parë Walter Zenga. Shoqëria falenderon Zenga për impenjimin dhe i uron fat në skuadrat e ardhshme” thuhet në komunikatën e skuadrës siçiliane.

[Damian1]

Trajneri Mancini: Të drejtoj kombëtaren ruse? Përse jo!

Trajneri italian që ka mbetur pa punë pas shkarkimit nga Interi, ka pranuar se interesohet për kombëtaren e Rusisë

Shkarkimi nga pankina e Interit, e ka bërë një të papunë luksi, por vetëm pak ditë më parë, Roberto Mancini ka shkëputur kontratën me zikaltërit nga të cilët ende paguhej. Motivi: Rikthimi në stol.

Tekniku nga Jesi ka pranuar se i pëlqen një skuadër e re dhe nëse kjo do të ishte kombëtarja ruse, do ishte entuziast. “Unë trajner i Rusisë? Nëse një teknik ka mundësinë për të diskutuar projekte serioze është një gjë pozitive” tha Mancini.

"Real Madrid, Bayern Munchen apo Manchester City? Kur të jetë mundësia do të flas. Të drejtoj kombëtaren ruse? Përse jo” tha Roberto Mancini për emisionin televiziv Controcampo.

[Damian1]

Marcello Lippi per Cassanon, "Me vjen keqe per te"

Marcello Lippi flet per ceshtjen Cassano dhe perjashtimit te tij nga Kombetarja.

Marcello Lippi flet per ceshtjen Cassano dhe perjashtimit te tij nga Kombetarja. Me vjen vertet keq per te ka then Lippi pasi eshte nje djale i mire. Eshte krijuar nje situat e pa besueshme ka them tekniku ne nje intervis per "l'Espresso".

Shume thone qe jam kokefort dhe arogant. Difekti im eshte se jam shume korekt dhe i ndjek me perpikmeri idet e mia. Dua te them edhe se kur nuk jap shpjegime te me tejshme ndodh pasi mendoj se kane per tu krijuar polemika te pa nevojshme dhe qe nuk i sherbejne kombetares Italiane.

[Damian1]

Moratti: Inter ndaj Barcelones nuk zbriti fare ne fushe…

Presidenti i klubit zikalter eshte me teper se i merzitur nga ndeshja e dhuruar prej zikalterve ne “Camp Nou”

“Jam i zhgenjyer, sepse ndaj Barcelones praktikisht nuk zbritem fare ne fushe, mbetem ne Milano…”. Presidenti i Interit, Massimo Moratti eshte me teper se i merzitur nga ndeshja e dhuruar prej zikalterve ne “Camp Nou”. Kreu i klubit zikalter nuk arrin ta kaperdije deshtimin katalanas dhe figuren e keqe qe beri Interi i tij te marten. “Mund te them se ekip nuk zbriti ne fushe dhe per kete duhet te shqetesohemi.

E te thuash se te marten, ne kishim nje kontigjent me superior se kundershtari qe ishte pa Messin e Ibran… Ishte nje humbje e vete lojtareve”. Me tej ai shpreh keqardhjen per paraqitjen dhe shton se ishte nje nga ndeshjet me te keqija te Interit. “Shkova ne dhomat e zhveshjes per te diskutuar me lojtaret, por nuk ishte momenti per te ngritur zerin”, tregoi bosi zikalter.

“Uroj qe gjithcka te kete qene thjesht nje episod negativ. Gjithesesi humbja nuk i erreson fitoret. Nuk kam asnje problem me Mourinhon. Ai ka besimin tim te plote”, ka dashur te sqaroje Moratti, i cili ben thirrje qe skuadra te mendoje per ndeshjet e radhes me Fiorentinen dhe Rubin Kazan. “Te dyja keto ndeshje jane shume te rendesishme. Sidomos me Rubin do jete vendimtare”, perfundoi Moratti.