Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Madrid, ky është aksidenti i frikshëm i Karim Benzema

Sulmuesi francez i Real Madridit është bërë protagonist i një aksidenti rrugor duke shkatërruar makinën e tij

Kjo është fotoja e aksidentit të frikshëm, por fatmirësisht pa pasoja njerëzore, i Karim Benzema, futbollist i kombëtares franceze dhe skuadrës së Real Madrid.

Sipas policisë, sulmuesi i blerë në muajt e verës nga ekipi galaktik, ka humbur kontrollin e makinës së tij, tip Audi, dhe është përplasur në fillim me muret mbrojtës të rrugës, dhe më pas në një pemë të madhe.

Aksidenti ndohi në orët e para të së hënës në një autostradë jashtë kryeqytetit spanjoll, por vetëm të mërkurën u verifikua dinamika e ngjarjes.

Karim Benzema kishte marrë makinën pas kthimit nga Barcelona ku u mund 1-0 dhe përplasja dyshohet se ka qenë me 50 km në orë, e zbutur nga hapja e airbag.

[Damian1]

Shorti i botërorit 2010, Franca nuk futet te “kokat” e serisë

Befasi e pakëndshme për kombëtaren franceze të futbollit që nuk është mes 8 kokave të grupit. Vendin e saj e ka zënë Holanda

Pas polemikave mbi kualifikimin e diskutueshëm në dëm të Irlandës, për Francën vjen një tjetër lajm i keq, që komplikon pa nisur, fatin e saj në botërorin e 2010.

Kombëtarja transalpine e drejtuar nga trajneri Raymond Domenech, që është shpallur kampione bote në 1998 dhe finaliste në botërorin e Gjermanisë, nuk do të jetë mes 8 kokave të grupit. 8 ekipet që konsiderohen më të fortat nuk do të përballen në një grup, në shortin që do të hidhet të premten dhe kështu Franca rrezikon kalimin.

Në vend të kombëtares franceze është vendosur si kokë grupi, Holanda që ka bërë një paraqitje të mirë në eliminatore. Këto janë 8 kokat e grupit: Afrika e Jugut, Italia, Argjentina, Brazili, Anglia, Gjermania, Holanda dhe Spanja.

[Damian1]

Maradona, mysafir i padëshiruar në botërorin e Afrikës së Jugut

Trajneri argjentinas do të jetë në fushë me skuadrën, por nuk do lejohet në komente televizive dhe në ceremoninë e shortit

Maradona nuk mund të vijë në Afrikën e Jugut, për të asistuar në shortin e grupeve që do të mbledhin skuadrat në fazën finale të botërorit në Afrikën e Jugut. Ka disa rregulla që ndalojnë ish Pibe de Oro të zbarkojë në kontinentin e “zi”.

Këtë e konfirmoi Danny Jordaan, president i komitetit organizativ të botërorit të 2010 duke thënë se skualifikimi deri në 15 Janar i Maradonës, për fyerjet ndaj gazetarëve, vlen edhe për shortin.

“Maradona është një personalitet i madh në futboll, por nuk e kemi ftuar në ceremoni. Ai mund të hyjë në Afrikën e Jugut por nuk do lejohet të komentojë apo të jetë në ceremoni” tha Jordan për Diegon.

[Damian1]

Macheda rinovon kontratën deri në 2014 me Manchester United

“Jemi shume te kenaqur me ar2itjen e kontrates se re 4 vjecare. Te gjithe ne klub e konsiderojne si nje talent te madh”, deklaroi Alex Ferguson

Manchester United blindon talentin 18 vjecar italian, Federico Macheda. Kontrata e sulmuesit skadonte ne vitin 2010 por ajo eshte zgjatur deri ne 2014-en.

“Jemi shume te kenaqur me arritjen e kontrates se re 4 vjecare. Te gjithe ne klub e konsiderojne si nje talent te madh”, deklaroi Alex Ferguson. Macheda eshte rritur ne sektorin e te rinjve te Lazio-s dhe u bashkua me “Red Devils” ne vitin 2007.

Sezonin e shkuar sulmuesi i ardhur nga serie A, Federico Macheda shenoi disa gola vendimtare qe i dhane nje dore per titullin, skuadres se Manchester United.

[Damian1]

Shorti i botërorit të premten, 200 mln shikues pranë TV

200 milion shikues parashikohet se do të ndjekin shortin e finaleve të Kampionatit Botëror, e që do të transmetohet direkt në më shumë se 200 vende

Shorti pritet me një interesim të jashtëzakonshëm në të gjithë botën. 2000 të ftuar specialë dhe më shumë se 1700 përfaqësues të medias do të përcjellin çdo detaj, përshtypje dhe emocion pas njohjes së tetë grupeve në Kupën e Botës.

Një vit përgatitje, 5000 orë pune për të dhuruar një spektakël dhe shou, ku në Kejp Taun do të jenë 80 artistë. Një film do të shërbejë si një shije mirëseardhje për turneun që do të zhvillohet nga data 11 qershor deri më 11 korrik 2010. Programi i shortit do të hidhet në një ambient gjigant prej 4800 m2, ku janë përdorur midis të tjerash 6.5 ton hekur, 1600 m2 materiale të printuara. Shorti do të hidhet në orën 19:00 dhe do të zgjasë 90 minuta.

Përveç presidentit të Afrikës së Jugut, Jacob Zuma dhe atij të FIFA-s, Joseph Blatter të pranishëm do të jenë edhe emra të mëdhenj të futbollit botëror si Mishel Platini, Franc Bekenbauer, Euzebio dhe Roxher Milla. Nelson Mandela do të drejtohet me një video-mesazh. Shorti do të drejtohet nga fituesja e Akademisë së Afrikës së Jugut, Charlize Theron, e asistuar nga sekretari i përgjithshëm i FIFA-s, Zherome Valke. Në short do të jetë edhe Devid Beckham.

[Damian1]

Skandal në Spanjë, 20 futbollistë të implikuar në baste

Pas publikimit te skandalit nga UEFA per trukimin e rreth 40 ndeshjeve ku te perfshira jane edhe skuadrat e Vllaznise e Tiranes edhe ne Spanje federata ka nisur nje hetim

Skandalet e basteve ne futboll po marrin peherere e me shume hapesira ne mediat europiane dhe duket se do te prekin shume klube te medhenj.

Pas publikimit te skandalit nga UEFA per trukimin e rreth 40 ndeshjeve ku te perfshira jane edhe skuadrat e Vllaznise e Tiranes edhe ne Spanje federata ka nisur nje hetim. Sipas institucionit me te larte te futbollit spanjoll, disa lojtare te Liges se Pare jane perfshire ne nje skandal ndeshjesh te trukuara.

Federata shton se dosjet i kane kaluar gjyqesorit sportiv qe ka hapur nje hetim zyrtar. Nderkohe, gazeta “El Pais” shkruan se ka qene UEFA ajo qe lajmeroi drejtuesit e federates per implikimin e disa futbollisteve ne baste. Po sipas gazetes, behet fjale per rreth 20 lojtare nga dy divizionet me te larta te futbollit spanjoll, emrat e te cileve nuk dihen ende.

[Damian1]

Jurgen Klinsmann: Kurrë më nuk do të punoj në Bundesliga

"Është e sigurt se nuk do të kërkoj më punë në Bundesligë. Pas Botërorit 2010 ndoshta do të punoj diku tjetër", ka theksuar Klinsmann

Ish-përzgjedhësi i kombëtares së Gjermanisë dhe ish-trajneri i Bajernit të Munihut, Jurgen Klinsman, Botërorin e ardhshëm në Afrikën e Jugut do ta ndjekë në rolin e komentatorit për televizionin gjerman, RTL.

Në një bisedë për të përditshmen "Bild", Klinsman ndër të tjera ka bërë të ditur se më kurrë nuk do të drejtojë asnjë klub në Bundesligë, pasi duket se është zhgënjyer së tepërmi me periudhën njëvjeçare në krye të Bajernit.

"Është e sigurt se nuk do të kërkoj më punë në Bundesligë. Pas Botërorit 2010 ndoshta do të punoj diku tjetër", ka theksuar Klinsmann. Ndërkohë rreth zërave që ai mund të jetë pasardhës i Benitezit në krye të Liverpulit, Klinsman është shprehur: "Gjithmonë ka pasur dhe do të ketë thashetheme të ndryshme".

[Damian1]

Spanja, favorite e Franz Beckenbauer në Botërorin 2010

"Është e sigurt se nuk do të kërkoj më punë në Bundesligë. Pas Botërorit 2010 ndoshta do të punoj diku tjetër", ka theksuar Klinsmann

"Për mua Spanja është favoritja kryesore. Në këtë moment ajo ka skuadrën më të mirë në Evropë, e ndoshta edhe në botë", ka thënë Bekenbauer. Ai po ashtu ka thënë se nuk i pëlqen stili i lojës, të cilin po e praktikon Brazili nën drejtimin e Karlos Dungës.

"Brazili është sinonim për futbollin atraktiv dhe sulmues dhe kujtoj se në këtë mënyrë kanë luajtur në vitin 1970 Karlos Alberto dhe Pele. Ndërkaq nën udhëheqjen e Dungës brazilianët po luajnë vetëm me një sulmues, Kakanë, pas të cilit është Robinjo, por ky i fundit nuk është lojtar skuadre.

“Trajneri Carlos Dunga është i zemëruar me mua, sepse unë e them këtë hapur. Mendoj se Brazili nuk do të arrijë shumë në Botërorin 2010", ka nënvizuar Bekenbauer.

[Damian1]

FIFA zhgënjen parashikimet: Jo gjyqtarë shtesë në botëror

Qeveria botërore e futbollit pohoi do të bëjë një studim të plotë vendosjen e gjyqtarëve shtesë dhe përdorimin e video teknologjisë

FIFA vendosi kundër përfshirjes së anësorëve shtesë në Kupën e Botës 2010, duke theksuar se kjo do të shihet në të ardhmen.

Qeveria botërore e futbollit pohoi do të bëjë një studim të plotë për dy opsione, vendosjen e gjyqtarëve shtesë dhe përdorimin e video teknologjisë përpara se të marrë një vendim në të ardhmen.

Gjithçka vjen si pasojë e përdorimit të dorës së Tieri Henrisë në pasimin për golin që çoi Francën në finalet e Botërorit në ndeshjen kundër Irlandës në plejof. Presidenti Blatter tha se Henri do të investigohet nga komiteti disiplinor i FIFA-s.

[CR9]

Blindon Novaran
Samir Ujkani ka blinduar portën e Novaras. Ai në 12 ndeshje ka pësuar vetëm 5 gola. Nëse vazhdon kështu, kosovari beson se me klubin italian do të ngjitet në Serie B. Nëse e arrijnë këtë, portieri i Kombëtares shqiptare nuk përjashton mundësinë që karrierën ta vazhdojë te Novara.




Samir Ujkani po vazhdon të shkëlqejë me Novaran në Serie C1. Portieri kosovar e ka blinduar portën e klubit italian, i cili pa asnjë humbje në 15 xhiro kryeson renditjen tabelore në Lega Pro.

Pa dyshim se njëri ndër më meritorët për suksesin e Novaras është edhe gardiani i Kombëtares shqiptare. 21 vjeçari në 12 ndeshje, sa ka zhvilluar në fanellën e Novaras, ka pësuar vetëm 5 gola.

Ish portieri i klubit mbretëror belg Anderlecht as vetë nuk e ka pritur se do të ketë një paraqitje të tillë te skuadra e Novaras, ku u huazua në afatin kalimtar të verës nga klubi i Palermos.

“Kam pritur edhe nuk kam pritur se do të kem sukses. Por, si të punon për me jep gjithmonë maksimumin normalisht që duhet të kesh sukses”, ka thënë Ujkani për Express të hënën.

Pas 15 xhirove të zhvilluar në ligën e tretë italiane, Novara zë vendin e parë me 35 pikë të tubuara, pesë më shumë se Cremonesen që renditet i dyti. Ujkani beson se klubi i tij deri në fund të kampionatit do të arrijë ta mbajë vendin e parë dhe t’ia arrijë qëllimit – inkuadrimi në Serie B.

“Unë kur kam ardhur këtu, drejtori sportiv i Novaras më ka treguar objektivat e klubit dhe ato janë për me hy në Serie B. Momentalisht jemi duke shkuar mirë ku kemi 15 ndeshje pa humbje. Besoj se nëse vazhdojmë kështu, do t’ia arrijmë qëllimit”, theksoi ai.

Nëse Novara arrin të hyjë në Serie B, Ujkani nuk përjashton mundësinë të vazhdojë qëndrimin te ky klub. Por, për këtë duhet të vendosë Palermo, e cila mban kartonin e futbollistit.

“Në fund të sezonit unë duhet të kthehem sërish te Palermo. Nëse arrijmë inkuadrimin në Serie B, do të ishte shumë mirë të qëndroj te Novara, por për këtë duhet të vendosin klubet”, thotë portieri shtatlartë, i cili nuk është aspak pishman që ka zgjedhur Novaran.

Befason në Coppa Italia

Përveç shkëlqimit në Serie C1 (Lega Pro), Novara po befason edhe në Coppa Italia. Skuadra e Ujkanit në katër ndeshje të zhvilluara në këtë garë kanë arritur katër fitore. Ata kanë befasuar klubet nga Serie A, Parman dhe Sienan duke i eliminuar nga kjo garë.

Në të tetën e finales së Coppa Italia, Novara do të jetë mysafire e Milanos. Ujkani thotë se në këtë takim do të hyjë për fitore, edhe pse një gjë e tillë do të jetë shumë e vështirë.

“Ne drejt “San Siros” do të udhëtojmë me mendim që t’i mposhtim. Por, normal që ka me qenë shumë e vështirë, pasi dihet fuqia e Milanos”, u shpreh Ujkani.

Beson në Euro 2012

Gardiani i Kombëtares shqiptare beson se skuadra kuqezi mund të arrijë kualifikimin për në Kampionatin europian 2012, i cili do të mbahet në Ukrainë dhe Poloni. “Ne duhet ta shikojmë grupin se çfarë kundërshtarësh do të kemi. Por, duhet të besojmë në kualifikim, shikojeni Slloveninë se si arriti të shkojë në Kampionatin botëror”, thotë portieri me prejardhje nga Vushtrria.

Viti i Ujkanit

Samir Ujkani thotë se vitin 2009 nuk do ta harrojë për sa të jetë gjallë. Ai tregon se në këtë vit ka arritur të bëjë shumë gjëra, të cilat nuk kishte besuar se do t’i arrinte në këtë moshë.
“Për mua viti 2009 ka qenë vit, të cilin nuk mundem ta harroj. Këtë vit kam arritur të debutoj me Palermon në Serie A kundër Milanit. Po ashtu kam debutuar me Kombëtaren ndaj Milanit dhe kam luajtur dy ndeshje në eliminatore. Me Novaran po shkojnë punët shumë mirë”, përfundoi numri një i Novaras.