Mbyllur-Lajme dhe Diskutime per Sportin! Futboll.:.Motosport .:.etj

[CR9]

Një "Klasike" galaktike, nis numërimi mbrapsht

Mesi, Ibra e Ronaldo, në fushë për sfidën e vitit


Më në fund po vjen momenti i "Klasikes". Sfida e vitit ndërmjet Barcelonës dhe Realit të Madridit ka filluar "të nxehet". Katalanët, ende të pamposhtur në kampionat, shihen si favoritë në duelin e së dielës në La Liga. Kjo edhe prej paraqitjes së të martës në Champions, ku i dhanë një mësim të mirë Interit të Zhoze Murinjos. Dyshja Mesi-Ibrahimoviç është rikuperuar plotësisht dhe duket e gatshme të përballet me skuadrën e yjeve të Florentino Perez, e cila pritet të luajë me treshe Kaka-Benzema-Ronaldo. Një ndeshje që premton spektakël dhe "shkëndija".
Barazimi i fundjavës së kaluar me Bilbaon u kushtoi "blaugranave" kreun e klasifikimit në kampionat, por tashmë skuadra e Pep Guardiolës ka shansin të ngjitet sërish në krye. Një mbështetje e madhe do të jen 90 mijë të pranishmit në "Kamp Nou". Duke folur rreth përballjes, drejtuesi i stolit të Barçës nuk nguroi të ironizonte rivalët e përjetshëm: "Reali mbetet gjithmonë Reali Ata janë një skuadër e madhe. Fakti që janë në krye të klasifikimit nuk më çudit. Për më tepër që kanë shpenzuar 270 milionë euro në merkato: do të ishte një dështim i madh nëse nuk do të arrinin të fitonin ndonjë trofe". Ndërkohë, presidenti Laporta ka "blinduar" yjet: duke filluar nga Andres Iniesta, një prej pikave më të forta të skuadrës. Sipas të përditshmes "Sport", mesfushori 25-vjeçar pritet të rinovojë kontratën deri në vitin 2014 (luan te Barcelona që prej vitit 1996), ndërsa klauzola për prishjen e saj kap shifrën 200 milionë euro. Edhe francezi Erik Abidal ka arritur marrëveshjen parimore për të qëndruar me katalanët deri në vitin 2012 (klauzola për prishjen e kontratës mbetet 90 milionë euro) dhe tashmë do të përfitojë sa Keita dhe Jaja Ture.
Ndeshja e madhe ka bërë që tifozët "merengues" të shpresojnë, por edhe të jenë të shqetësuar. Skuadra e drejtuar nga Manuel Pelegrini ende nuk jep siguri: fitorja 1-0 me Zyrihun ka qenë e treta radhazi me këtë rezultat në shtëpi, pas sfidave me Alkorkonin dhe Rasing (klube që nuk kanë yje në skuadra). Sipas gazetave madrilene, sinjali i vetëm pozitiv është rehabilitimi i Kristiano Ronaldos. Deri më tani, Reali ka shpëtuar falë golave të Higuain, që nga rezervë është kthyer në hero me dy golat e tij. Gjatë sezonit të kaluar, Barça fitoi dy herë, madje në takimin e dytë ata dolën triumfues nga "Santiago Bernabeu", me rezultatin 6-2. "Suksesi kundër Interit në mesjavë ishte shumë i rëndësishëm për ne", tha kapiteni Pujol. "Përpara asaj ndeshjeje rrezikonim të eliminoheshim nga Champions, por tashmë kemi rifituar besimin në forcat tona".

[CR9]

Një "Klasike" galaktike, nis numërimi mbrapsht

Mesi, Ibra e Ronaldo, në fushë për sfidën e vitit


Më në fund po vjen momenti i "Klasikes". Sfida e vitit ndërmjet Barcelonës dhe Realit të Madridit ka filluar "të nxehet". Katalanët, ende të pamposhtur në kampionat, shihen si favoritë në duelin e së dielës në La Liga. Kjo edhe prej paraqitjes së të martës në Champions, ku i dhanë një mësim të mirë Interit të Zhoze Murinjos. Dyshja Mesi-Ibrahimoviç është rikuperuar plotësisht dhe duket e gatshme të përballet me skuadrën e yjeve të Florentino Perez, e cila pritet të luajë me treshe Kaka-Benzema-Ronaldo. Një ndeshje që premton spektakël dhe "shkëndija".
Barazimi i fundjavës së kaluar me Bilbaon u kushtoi "blaugranave" kreun e klasifikimit në kampionat, por tashmë skuadra e Pep Guardiolës ka shansin të ngjitet sërish në krye. Një mbështetje e madhe do të jen 90 mijë të pranishmit në "Kamp Nou". Duke folur rreth përballjes, drejtuesi i stolit të Barçës nuk nguroi të ironizonte rivalët e përjetshëm: "Reali mbetet gjithmonë Reali Ata janë një skuadër e madhe. Fakti që janë në krye të klasifikimit nuk më çudit. Për më tepër që kanë shpenzuar 270 milionë euro në merkato: do të ishte një dështim i madh nëse nuk do të arrinin të fitonin ndonjë trofe". Ndërkohë, presidenti Laporta ka "blinduar" yjet: duke filluar nga Andres Iniesta, një prej pikave më të forta të skuadrës. Sipas të përditshmes "Sport", mesfushori 25-vjeçar pritet të rinovojë kontratën deri në vitin 2014 (luan te Barcelona që prej vitit 1996), ndërsa klauzola për prishjen e saj kap shifrën 200 milionë euro. Edhe francezi Erik Abidal ka arritur marrëveshjen parimore për të qëndruar me katalanët deri në vitin 2012 (klauzola për prishjen e kontratës mbetet 90 milionë euro) dhe tashmë do të përfitojë sa Keita dhe Jaja Ture.
Ndeshja e madhe ka bërë që tifozët "merengues" të shpresojnë, por edhe të jenë të shqetësuar. Skuadra e drejtuar nga Manuel Pelegrini ende nuk jep siguri: fitorja 1-0 me Zyrihun ka qenë e treta radhazi me këtë rezultat në shtëpi, pas sfidave me Alkorkonin dhe Rasing (klube që nuk kanë yje në skuadra). Sipas gazetave madrilene, sinjali i vetëm pozitiv është rehabilitimi i Kristiano Ronaldos. Deri më tani, Reali ka shpëtuar falë golave të Higuain, që nga rezervë është kthyer në hero me dy golat e tij. Gjatë sezonit të kaluar, Barça fitoi dy herë, madje në takimin e dytë ata dolën triumfues nga "Santiago Bernabeu", me rezultatin 6-2. "Suksesi kundër Interit në mesjavë ishte shumë i rëndësishëm për ne", tha kapiteni Pujol. "Përpara asaj ndeshjeje rrezikonim të eliminoheshim nga Champions, por tashmë kemi rifituar besimin në forcat tona".

[CR9]

Laporta: Reali kundërshtari më i mirë këtë sezon

Presidenti i Barcelonës, Joan Laporta, ka lëshuar lëvdata në drejtim të Real Madridit, pas fitores së mbrëmshme minimale prej 1-0. Reali krijoi një varg shansesh për të shënuar dhe Laporta ka lavdëruar kualitetet e kundërshtarit të tij pas fundit të takimit.

“Është një kënaqësi e veçantë për Barcelonën, në 110 vjetorin e klubit. Ishte një ecje nëpër historinë e Barcelonës, kundër një kundërshtari i cili na ka munduar shumë në këtë fitore”.

“Ishte një Madrid i shkëlqyeshëm, që ka marrë përgjegjësinë dhe ka luajtur një stil sulmues me futbollistët më të mirë. Më pëlqeu Real Madridit dhe mendoj se ata janë kundërshtari më i mirë që na kanë vizituar në Nou Camp”, ka thënë Laporta

[CR9]

Katër lojtarë të Barcelonës në luftë për Topin e Artë

Katër lojtarë të kampionit të Evropës, Barcelonës, janë në mesin e dhjetë lojtarëve që do të luftojnë për çmimin prestigjioz Ballon d’Or (Topi i Artë). Lionel Messi është kandidati kryesor për të fituar çmimin që ndahet nga revista franceze France Football. Argjentinasit i janë bashkuar edhe tre bashkëlojtarë në listën e ngushtë të kandidatëve, të cilët janë Xavi, Andres Iniesta dhe Zlatan Ibrahimovic, i cili iu bashkua ekipit spanjoll gjatë verës nga Interi.

Samuel Eto’o, i cili shënoi golin e parë në fitoren 2-0 të finales së Ligës së Kampionëve ndaj Manchester United në sezonin e kaluar, dhe i cili verën e kaluar kaloi te Interi si pjesë e shkëmbimit me Ibrahimovic, po ashtu është pjesë e 10 lojtarëve që do të luftojnë për këtë trofe.

Nga Liga Premier janë tre lojtarë: sulmuesi i Manchester United, Wayne Rooney, mesfushori i Liverpoolit, Steven Gerrard, dhe sulmuesi i Chelseat, Didier Drogba.

Në lojtarët e mbetur janë dy përforcimet e verës të Real Madridit, fituesi aktual Cristiano Ronaldo dhe mesfushori brazilian Kaka.

Nga gara tashmë janë përjashtuar sulmuesi i Liverpoolit, Fernando Torres, që përfundoi i 11-ti në votimet e fundit, mesfushori i Arsenalit, Cesc Fabregas, i 12-ti, Ryan Giggs, i 14-ti dhe Thierry Henry i 15-ti

[CR9]

Katër lojtarë të Barcelonës në luftë për Topin e Artë

Katër lojtarë të kampionit të Evropës, Barcelonës, janë në mesin e dhjetë lojtarëve që do të luftojnë për çmimin prestigjioz Ballon d’Or (Topi i Artë). Lionel Messi është kandidati kryesor për të fituar çmimin që ndahet nga revista franceze France Football. Argjentinasit i janë bashkuar edhe tre bashkëlojtarë në listën e ngushtë të kandidatëve, të cilët janë Xavi, Andres Iniesta dhe Zlatan Ibrahimovic, i cili iu bashkua ekipit spanjoll gjatë verës nga Interi.

Samuel Eto’o, i cili shënoi golin e parë në fitoren 2-0 të finales së Ligës së Kampionëve ndaj Manchester United në sezonin e kaluar, dhe i cili verën e kaluar kaloi te Interi si pjesë e shkëmbimit me Ibrahimovic, po ashtu është pjesë e 10 lojtarëve që do të luftojnë për këtë trofe.

Nga Liga Premier janë tre lojtarë: sulmuesi i Manchester United, Wayne Rooney, mesfushori i Liverpoolit, Steven Gerrard, dhe sulmuesi i Chelseat, Didier Drogba.

Në lojtarët e mbetur janë dy përforcimet e verës të Real Madridit, fituesi aktual Cristiano Ronaldo dhe mesfushori brazilian Kaka.

Nga gara tashmë janë përjashtuar sulmuesi i Liverpoolit, Fernando Torres, që përfundoi i 11-ti në votimet e fundit, mesfushori i Arsenalit, Cesc Fabregas, i 12-ti, Ryan Giggs, i 14-ti dhe Thierry Henry i 15-ti

[CR9]

Wenger: Humbja është një goditje e madhe

Trajneri i Arsenalit, Arsene Wenger, pranon se humbja e djeshme ndaj Chelseat është një goditje e madhe për shpresat e topçinjve për të fituar titullin. Ekipi i Wenger tash mbetet në pozitën e katërt me 11 pikë prapa liderëve të tabelës.

“Po, ne jemi 11 pikë prapa Chelseat. Për momentin shanset tona për titull kanë pësuar goditje. Më herët flisnim për ‘titullin’, tash duhet të fitojmë ndeshje dhe mund të shihni se dëmi që pësuam në Sunderland ishte më i madh, në aspektin e vetëbesimit, se sa duhej të ishte”, ka thënë Wenger.

“Për momentin besoj se ata (Chelsea) janë në një pozitë shumë të fuqishme, por ky ekip, për mua, mund ende të humbasë pikë. Jam i bindur në këtë. Kjo është përshtypja të cilën e kam”, ka thënë Wenger

[CR9]

Terry: Do të bëhemi kampionë

Kapiteni i Chelseat, John Terry, thotë se ata janë në formë për të fituar Ligën Premier. Pas triumfit ndaj Arsenalit, Terry nuk dyshon se blutë i kanë të gjitha shanset për të rikthyer trofeun e kampionatit anglez.

“Kjo tregoi se mund të jemi kampionë sërish. Ne luajmë mirë. Kishim një periudhë të vështirë në 25 minutat e para. Por ne e gëlltitëm, ecëm përpara, mesfushorët dhe sulmuesit ishin të shkëlqyeshëm”, ka thënë Terry

[CR9]

el Clasico’, fiton Barca Dy gjigantët e futbollit botëror, Barcelona dhe Real Madridi, kanë dhuruar spektakël në përballjen e të dielës mbrëma në Camp Nou. Superderbi botëror- ‘el Clasico’ është zhvilluar në kështjellën e Blaugranëve, të cilët ishin nikoqirë të Mbretërve, në takimin që përfundoi me fitore minimale të vendasve, prej 1-0.

Ishte ky takimi ndërmjet 22 lojtarëve më të shtrenjtë që janë përballur ndonjëherë në historinë e futbollit, ndërsa dallimi i tyre në tabelë ishte vetëm një pikë.

Edhe pse u njoftua që Zlatan Ibrahimovic do të luajë nga minuta e parë, ndërsa Lionel Messi e Cristiano Ronaldo do të qëndrojnë në stol, ndodhi e kundërta: Ibra qëndroi në bankën rezervë, ndërsa Messi dhe Ronaldo luajtën nga fillimi.

Përkundër bukurisë së lojës, intensitetit, dinamikës dhe rasteve, pjesa e parë përfundoi pa gola. Mirëpo nuk ndodhi ashtu në pjesën e dytë.

Pesë minuta pasi u inkuadrua në lojë, sulmuesi i Barcelonës, Zlatan Ibrahimovic, krijoi avantazhin e vendasve (56’), pas një krosimi të Dani Alves.

Ritmin kësaj ndeshjeje ia ngadalësoi Sergio Busquets, i cili u përjashtua nga loja me kartonin e dytë të verdhë (63’).

Megjithatë, përkundër epërsisë në numrin e lojtarëve, dhe përkundër se trajneri Manuel Pellegrini inkuadroi të gjithë sulmuesit në lojë, Los Blancos nuk arritën as ta barazojë rezultatin.

Në fund të ndeshjes gjakrat u nxehën edhe më shumë, ashtu që edhe Lassana Diarra u përjashtua me kartonin e dytë të verdhë.

Pas kësaj fitoreje Barcelona rimerr kreun e tabelës me dy pikë më shumë se Real Madridi

[OVES12]

Torres afër rikthimit

Menaxheri i Liverpoolit, Rafa Benitez, ka pohuar se sulmuesi Fernando Torres, është shumë afër rikthimit në fushë pas lëndimit.
Torres është shoqëruar me lëndime të shpeshta dhe së fundi u dëmtua në detyrë me kombëtaren e Spanjës. Por Benitez shpreson se ai do të rikthehet për takimin kundër Blackburnit.“Informatat për Torres të cilat i kemi marrë mbrëmë ishim shumë pozitive, ai ndjehet mirë. Do të shohim se si do të jetë në stërvitjet e ardhshme, por duket se gjërat po shkojnë në kahe të mirë. Nëse do të jetë mirë edhe në disa ditët e ardhshme do të mund të luajë kundër Rovers”, ka thënë Benitez.

[OVES12]

Ronaldo ka frikë nga Manchester United

Ylli i Real Madridit, Cristiano Ronaldo, dëshiron të shmangë ndeshjen me ish-klubin e tij Manchester United në Ligën e Kampionëve.
Portugezi verën e kaluar u largua nga Old Trafford për të kaluar në Santiago Bernabeo për një shumë rekorde prej 94 milionë eurosh.“Nuk dua të luaj kundër Manchester United. Do të ishte ndjenjë e çuditshme nëse luaj kundër tyre. Sir Alex Ferguson më ka ndihmuar shumë në karrierë. Isha atje për gjashtë vite dhe ai më mësoi shumë gjëra”.“E kam ruajtur të njëjtin raport me të. Ai është mik imi shumë i mirë. Ende i kam të njëjtët miq. Flas me Wayne Rooney, Nemanja Vidic, Rio Ferdinand, Nani, Patrick Evra, Anderson”, ka thënë Ronaldo