Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Milan shpërfytyrohet 0-2 nga Palermo, barazon Interi

Milani ka vuajtur një humbje shokuese 0-2 në San Siro ndaj palermos duke u distancuar në luftën për titull ndërsa dhe Interi barazoi 1-1 ndaj Atalantës

Pas humbjes së Juventus në Bari, edhe ekipet e tjera kryesuese Inter dhe Milan janë ndalur këtë javë duke mos marrë pikët që dëshironin.

Në ndeshjen e luajtur në “San Siro”, Milani është mundur 0-2 nga Palermo me një lojë të dobët para tifozëve. Pas një pjese të parë pa gola, ishte Miccoli që shënoi në portën e kuqezinjve duke i dhënë avantazhin siçilianëve.

Kur pritej që Milan të barazonte, Palermo goditi sërish me një gol që tronditi shpresat e kuqezinjve për të marrë pikë. Mark Bresciano ishte autori i golit të dytë për miqtë ndërsa rastet e humbura nga Borriello, Pato e Ronaldinho ishin të shumtë.

Interi barazoi 1-1 në bergamo ndaj Atalantës edhe pse mund të kishet shtuar më shuëm distancën. Diego Milito i dha kryesimin zikaltërve në pjesën e parë por më pas një karton i kuq për Sneijder penalizoi miqtë. 10 minuta nga fundi Tiribocchi barazoi për Atalantën në 1-1.

Milan-Palermo 0-2

Atalanta-Inter 1-1

Catania-Livorno 0-1

Chievo-Fiorentina 2-1

Lazio-Genoa 1-0

Parma-Bologna 2-1

Siena-Udinese 2-1

[Damian1]

Buffon nën hekura, operacioni e mban 40 ditë larg fushave

Portieri Gigi Buffon do të kthehe4t mes shtyllave të portës në fillim të muajit Janar, pas operacionit që doli me sukses

Ka perfunduar me sukses operacioni ne gjurin e majte per portierin e Juventusit dhe kombetares italiane, Bufon.

Nderhyrja u krye ne kliniken Fornaca ne Torino mjeket kane deklaruar se riaftesimi i portierit te kombetares dhe Zonjes se Vjeter, Gigi Bufon mund te zgjase rreth 40 dite.

Nderkohe ne te njejten klinike eshte paraqitur per kontroll edhe Camoranesi, qe mbeti i demtuar ne ndeshjen kunder Barit diten e shtune e humbur nga bardhezinjte me rezultatin 3-1.

[Damian1]

Adriano Galliani premton një sulmues të ri...

Zëvendëspresidenti i Milanit, Adriano Galliani, iu ka thënë fansave të presin një sulmues të ri në muajin janar

Pas humbjes befasuese të djeshme nga Palermo, Galliani ka zbuluar se ata do të angazhohen për të sjellë një sulmues të ri në ekip.

“Ne jemi duke shikuar një sulmues, pa dyshim. Ne e duam Dzekon, por ai nuk i ka karakteristikat të cilat ne i kërkojmë”, ka thënë Galliani.

Sulmuesi i Wolfsburg, Edin Dzeko, muajin e kaluar edhe vetë shfaqi ambicien e tij për t’iu bashkuar rosonerëve.

[Damian1]

Guus Hiddink në Torino për negociata me Juventusin

Trajneri kombëtares ruse, Guus Hiddink, sipas mediave italiane raportohet se është në negociata me Juventusin.

Holandezi raportohet se dje në mëngjes kishte arritur në aeroportin e Torinos për t’u takuar me drejtuesit e klubit italian.

Ai ka biseduar dje për një zëvendësim të menjëhershëm të trajnerit aktual Ciro Ferrara. Ky ndryshim i pritur në stolin e Juventusit, vjen si pasojë e rezultateve negative të biankonerëve, së pari pas eliminimit nga Liga e Kampionëve nga Beyern Munichu dhe së fundi humbja tjetër nga Bari.

[Damian1]

Valencia, behet zyrtare ardhja e argjentinasit Dominguez

Ai ndodhet ne Spanje per vizitat mjekesore dhe per te nenshkruar kontraten prej 3 vjetesh e gjysme Stervitja e pare do te behet me 28 dhjetor, ndersa aktivizimi do te vije ne fillim te janarit

Valencia ka afruar zyrtarisht argjentinasin Aleandro Dominguez. Sulmuesi 28-vjecar, i mbiquajtur 'El Chori', ka firmosur nje kontrate prej 3 vjetesh e gjysme me klubin iberik.

Domingues sapo eshte liruar me parameter zero nga klubi rus i Rubin Kazanit, me te cilin fitoi titullin kampion dhe rrembeu vleresimin si “Lojtari me i mire” i kampionatit rus pas 16 golave te shenuar ne 23 ndeshje. Gjate diteve te fundit u fol shume edhe per nje marreveshje te lojtarit me klubin tjeter spanjoll, Seviljen, megjithate duket se si perfundim, zgjedhja e tij ka qene klubin valencian, qe kete sezon ka si qellim minimal pozicionimin ne zonen e Champions League ne kampionatin spanjoll.

Ai ndodhet ne Spanje per vizitat mjekespre dhe mezi pret te zbrese ne fushe me fanellen e re, megjithese stervitja e pare e kesaj aventure pritet te behet me 28 dhjetor, ndersa aktivizimi do te vije ne fillim te janarit: “Jam i entuziasmuar per kete etape te re te karrieres time – ka deklaruar – dhe mezi pres te luaj per Valencian”. Perpara Rubin Kazanit, argjentinasi ka luajtur me skuadrat e Quilmes e River Plate.

[Damian1]

Zidane kunder Platini: Heret a vone, moviola zbret ne fushe

Zizu nuk eshte dakord me presidentin e UEFA-s. Ish-kampioni francez i Juventusit dhe Real Madridit ka bere disa deklarata per te perditshmen ‘La Parisien’

“Heret a vone, moviola do te arrije te imponohet kundrejt arbitrimit”. Zinedine Zidane nuk eshte dakord me Michel Platini. Ish-kampioni francez i Juventusit dhe Real Madridit ka bere disa deklarata per te perditshmen ‘La Parisien’: “Ajo qe i ndodhi Tity Henry mund te me ndodhte edhe mua. Te gabohet eshte njerezore dhe kjo e ben te bukur futbollin. Natyrisht per ate episod u fol shume me teper, sepse ishte ne loje kualifikimi i Frances ne Boteror.

Nje dite do te dale dikush qe do te imponoje futjen e videos ne futboll, per t’i dhene fund ketyre polemikave qe shpesh jane edhe te kota.... Ndoshta do te ndodhe pas epokes se Platini, por heret a vone do te ndodhe, kjo eshte e sigurte. Nese moviola sherben vetem per te verfikuar nese nje gol eshte i vlefshem apo jo, une jam ne favor te saj. Por nese do te futet ne funksion per nje aksion loje, une jam kunder. Do te humbiste spontaniteti”.

[Damian1]

Berlusconi, telefon me Gallianin: Festa e 110-vjetorit do te behet

Presidenti ka konfirmuar festimet e diteve te ardhshme per 110 vitet e klubit. “Festa do te behet”, mesohet te kete thene kreu milanist

Administratori i deleguar i Milanit, Adriano Galliani ka telefonuar kryeministrin dhe njekohesisht presidentin kuqezi, Silvio Berlusconi, te shtruar ne spital si rrjedhoje e sulmit te pesuar te dielen.

Sipas asaj qe behet e ditur nga klubi kuqezi, Berlusconi ka konfirmuar festimet e diteve te ardhshme per 110 vitet e klubit. “Festa do te behet”, mesohet te kete thene kreu milanist, ndonese vete ai nuk mund te jete i pranishem ne takimin privat te dites se neserme me sponsoret, ndryshe nga sa ishte programuar. Te merkuren do te zhvillohet nje feste publike me titullin “Milan 110 me yll” ne qender te Milanos, qe do te zgjase deri me 31 janar 2010.

Gjate ketij organizimi do te zhvilohet panairi i trofeve dhe sendeve te vyera Milanit gjate te gjithe historise se deritanishme: midis gjerave te ekspozuara do te jene edhe dorezat e rekordit te pathyeshmerise se Sebastiano Rosit dhe topi i finales se "Wembley" ne vitin 1963. Me date 17 ne ora 17:00 do te jete e pranishme e gjithe skuadra aktuale, qe do te ngreje dolli per kete pervjetor te klubit.

[Damian1]

“Calciopoli”: 3 vjet burg Giraudos, nga 2 vjet gjyqtareve

Në ditët e ardhshme pritet edhe ndeshkimi për njeriun kryesor të këtij skandali, Luciano Moggi, i cili akuzohet për krijim shoqërie kriminale që finalizohej me mashtrim sportiv

Gjykata e Napolit ka dhënë 11 vendimet e para në lidhje me skandalin e Calciopolit, ku të akuzuarit kryesor janë Luciano Moggi e Antonio Giraudo. U dënua me 3 vjet heqje lirie ish-administratori i Juventusit në periudhen 1994-2006, Antonio Giraudo, i akuzuar për krijim shoqërie kriminale, që finalizohej me mashtrim sportiv, aq sa ndikoi direkt ne ecurine e kampionateve 2005 e 2006.

Gjithashtu u denuan me 2 vjet e 4 muaj heqje lirie ish-gjyqtari Tiziano Pieri dhe me 2 vjet kreu i Shoqatës së Gjyqtareve në Itali, Tulio Lanese. Ndërsa ish-gjyqtari Paolo Dondarini, i akuzuar vetëm për mashtrim sportiv, është dënuar me 2 vjet burg dhe 20 mijë euro gjobë. Giraudo, Pieri e Dondarini janë dënuar edhe më parë me ndalimin e vajtjes në stadiume për një periudhë 3-vjeçare.

Në ditët e ardhshme pritet edhe ndeshkimi për njeriun kryesor të këtij skandali, Luciano Moggi, i cili akuzohet për krijim shoqërie kriminale që finalizohej me mashtrim sportiv si dhe për kërcënime. Pas përfundimit të procesit sportiv të skandalit të Calciopolit, të zhvilluar nga Prokuroria e Federatës Italiane te Futbollit, në Gjykatën e Napolit është duke u zhvilluar procesi penal.

[Damian1]

Bayern, Toni: Me e lehte te fitoj llotarine, se te qendroj

Sulmuesi ne gazten “Bild”: “Do te merret nje vendim ne 10 ditet e ardhshme, por nuk kam alternativa te tjera, vec largimit”

Luca Toni i ka valixhet gati. Prishja e marredhenieve me trajnerinLouis Van Gaal duket e pandreqshme dhe sulmuesi pret vetem merkaton e janarit per te mbyllur aventuren e tij me Bayern. “Me siguri qe do te largohem nga Mynihu – ka deklaruar per “Bild” -. Do te merret nje vendim ne 10 ditet e ardhshme, por nuk kam alternativa te tjera, vec largimit”.

Sipas asaj qe shpreh italiani, do te jete nje ikje e dhimbshme, sepse “do te mbaj me vete kujtime te bukura, sidomos persa i takon sezonit te pare, ku shenova 39 gola ne te gjithe kompeticionet. Nisi te jete gjithcka me e veshtire me ardhjen e Klinsmannit, por tashme ka marre fund”.

Tifozet e Bayern shpresojne ne nje kthim mendjeje edhe nga ana e klubit, por Toni e perjashton kategorikisht: “Mundesi qe te qendroj? Le te themi se eshte me e lehte te fitohet nje llotari…”. Ne gjurmet e tij duket se eshte vene Interi, meqenese i duhet nje sulmues, nga momenti qe Eto’o gjate janarit do te marre pjese ne Kupen e Afrikes.

[Damian1]

Milan, Gattuso befason dhe rinovon deri ne qershor 2012

“Ne kete menyre ka zgjedhur te hyje ne historine e te pavdekshmeve te Milanit", eshte shprehur Vincenco D’Amico, agjent i Rinos

Pas periudhes se “furtunes” qe dukej se do te perfundonte me largimin e mesfushorit drejt Anglise ne janar, midis Gennaro Gattusos dhe Milanit eshte kthyer qetesia. Kampioni i botes ne fuqi ka vendosur te rinovoje kontraten e tij me klubin kuqezi deri ne 2012, ndersa kontrata e re skadonte ne 2011-n. "A.C. Milan komunikon se futbollisti Rino Gattuso ka rinovuar kontraten me klubin kuqezi deri ne 30 qershor 2012”, thuhej ne nje komunikate te nxjerre nga drejtuesit milaniste.

Mesfushori, i aktivizuar me pikatore deri tani edhe per shkak te demtimit, ishte bere protagonist i zerave te merkatos gjate javeve te kaluara. Administratori i Milanit, Galliani kishte saktesuar se nje vendim mbi te ardhmen e lojtarit do te ishte marre gjate pauzes se fundvitit. Por ja qe kjo levizje ka ardhur disa papritur dhe perpara kohe. Ne kete menyre mbyllen fjalet qe e shihnin lojtarin italian drejt Manchester City. “Ne kete menyre ka zgjedhur te hyje ne historine e te pavdekshmeve te Milanit – eshte shprehur Vincenco D’Amico, agjent i Rinos -. Me siguri do ta mbylle karrieren si kuqezi, eshte totalisht jashte merkatoje. Ai kishte thjesht nevoje te bente nje konfrontim direkt me klubin e me trajnerin, gje qe ndodhi. Per te arritur ne kete zgjidhje pozitive mjaftuan heshtjet e shikimet, me teper se negociatat e verteta. Rino pranoi edhe te reduktoje pagen”.

Me fanellen e Milanit, Gennaro Gattuso ka fituar nje kampionat (2003-04), dy Champions League (2002-03 e 2006-07), dy Superkupa europiane (2004 e 2007), nje Kupe te Italise (2002-03), nje Superkupe italiane (2004) dhe nje Boteror per klube (2007). Me fanellen kuqezi ka luajtur 407 ndeshje dhe ka shenuar 9 gola.