Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Beckham: Krenar me paraqitjen e 109 me kombëtaren angleze

Futbollisti i huazuar tek Milan po jeton momente të shkëlqyera edhe nën drejtimin e Capello në kombëtaren angleze

Mesfushori i LA Galaxy, i cili është i huazuar tek Milani deri në fund të sezonit, David Beckham, është shprehur i ngazëllyer pas paraqitjes së 109-të me kombëtaren angleze, në fitoren e thellë 4-0 ndaj Sllovakisë.

“Vërtet nuk mund të besoj. Është diçka të cilën gjithmonë e ëndërroni kur jeni fëmijë, të luani për Anglinë. Të arrish një numër të tillë paraqitjesh dhe të qëndrosh mbi Bobby Moore, një legjendë e futbollit anglez, është emocionuese. Kjo do të thotë shumë”, ka thënë Beckham për mediat angleze.

“Momentet e tilla të bëjnë të ndjehesh i vlerësuar. Gjatë gjithë karrierës të luash në Wembley dhe të luash për vendin tënd. Kam arritur 109 ndeshje dhe jam krenar për këtë”, ka shtuar mesfushori anglez i “Tre luanëve”.

[Damian1]

Messi i jep fitoren Argjentinës, 4-0 kundër Venezuelës

Sulmuesi i Barcelonës ka qenë inspiruesi kryesor i kombëtares argjentinase që ka shkatërruar Venezuelën në “Monumental”

Lionel Mesi ka udhëhequr kombëtaren e Argjentines ne fitoren e paster 4-0 kunder Venezueles, te vlefshme per eliminatoret e Boterorit 2010 ne zonen e Amerikes se Jugut, i pari sukses ky ne shtepi per Diego Armando Maradona qe kur u ul ne pankinen e kësaj skuadre.

Mijera tifoze mbushen shkallet e stadiumit “Monumental” te Buenos Aires, nderkohe qe me mijera te tjere e ndoqen ndeshjen ne bare te ndryshme per te pare performancen si trajner i kombëtares te idhullit te tyre Maradona, i cili drejtonte per here te pare skuadren e kalter ne kryeqytetin argjentinas.

Vendasit fituan pa veshtiresi fale formes se shkëlqyer te talentit Lionel Mesi, qe shenoi golin e pare. Golat e tjere u shenuan nga Tevez, Maksi Rodrigez dhe Aguero. “Ishte nje ndeshje perfekte. Kontrolluam gjithe ndeshjen dhe shenuam kater gola.

Nuk mund te shkonte me mire. Jam shume i lumtur dhe dua te falënderoj te gjithsej skuadren”, ka bere te ditur Maradona. Pas kësaj fitoreje Argjentina renditet ne vendin e dyte te renditjes per zonen e Amerikes se Jugut me 19 pike, kater me pak se Paraguaui, i cili udhëheq klasifikimin.

[Damian1]

Botërori 2010, sa na kushton humbja me Hungarinë

Të mërkurën do të luajmë në Danimarkë por ende “djeg” humbja në “Qemal Stafa” që mund ta vuajmë në fushatën e ardhshme

Humbja 1-0 ne “Qemal Stafa” kunder Hungarise ka minuar te gjithe fushaten e kombëtares shqiptare ne eliminatoret e Boterorit 2010 ne grupin 1. Nese shpresat per t’u kualifikuar jane shuar përfundimisht, disfata e fundit ne shtepi ka vene nje pikëpyetje te madhe ne synimin kryesor te këtij sezoni, qe ishte vendi i katert. Ky objektiv mbahet gjalle vetem nga matematika, pasi shifrat e deritanishme flasin kunder kuqezinjve te drejtuar nga Ari Han.

Pas gjashte ndeshjeve te zhvilluara Shqiperia ka grumbulluar vetem 6 pike dhe renditet ne vendin e peste te renditjes, duke lene poshte vetem Malten qe ka zhvilluar po aq ndeshje sa ekipi shqiptar. Nese do te shihnim siper ne tabelen e klasifikimit, kundershtaret me te afert jane Suedia dhe Portugalia, por te dyja keto skuadra kane ndeshje me shume per te luajtur. Edhe sfidat e mbetura ne grupin 1 eliminator nuk favorizojne aspak skuadren kuqezi.

Te besuarit e Ari Han do te zbresin te merkuren ne kryeqytetin danez, Kopenhagen per t’u përballur me kryesuesit e grupit, me pas me 6 qershor do te presin ne Tirane Portugaline dhe do te mbyllin fushaten eliminatore me 14 tetor ne Stokholm kunder Suedise.

Tre rivale, por ne te njejten kohe tre emra te mëdhenj te futbollit evropian per kombëtaren shqiptare qe eshte vene përpara nje misioni te pamundur dhe kuqezinjte duhet te jene me shume se optimiste, per te besuar te vendi i katert ne kete grup eliminator.

RENDITJA

1. Danimarka 4 10

2. Hungaria 5 10

3. Portugalia 5 6

4. Suedia 4 6

5. Shqipëria 6 6

6. Malta 6 1

[Damian1]

City, 45 milionë Euro për “njeriun me shenjë” Ribery

Ajo që u shpenzua nga Manchester City për brazilianin Robinho mund të tejkalohet me një marrëveshje për asin francez, Ribery

Skuadra angleze e Manchester City është i gatshëm për të kaluarën shifrën rekorde prej 42 milionë Eurosh të cilën e pagoi për Robinhon, duke synuar të transferojnë yllin e Bayern Munich, Franck Ribery.

Sheiku arab i Manchester City do të dërgojë një ofertë prej 45 milionë eurosh për Ribery. Edhe menaxheri i City, anglezi Mark Hughes, ka përkrahur pronarët e Abu Dhabi United Group për të bërë ofertë për Lojtarin më të Mirë të Vitit në Francë dhe Gjermani.

Skuadra e “Citizens” shpresonte të merrte Ribery për një shumë prej 20-25 milionë euro, por vlera e tij është ngritur pasi për të interesim janë duke shprehur edhe Chelsea, Real Madrid, Barcelona dhe Juventus. Gara është e hapur dhe milionat nuk mungojnë.

[Damian1]

Tragjedi në Bregun e Fildishtë, humbin jetën 22 tifozë

Shembja e një pjese të stadiumit ka shkaktuar një tragjedi në Abidjan pasi kanë humbur jetën 22 persona

Faji i policisë por edhe të strukturës së dobët të stadiumit të Abidjanit, ka shkaktuar një tragjedi në Bregun e Fildishtë. të paktën 22 fansa kanë humbur jetën pas një ndeshjeje futbolli e cila u përfshi në kaos pas fitores 5-0 të kombëtares së Didier Drogba.

Pas fërshëllimës finale e cila sanksionoi fitoren 5-0 të Bregut të Fildishtë me Malavin, tifozët të stimuluar nga gazi lotsjellës i policisë kanë shkaktuar trazira. Pikërisht kjo dyndje dhe zhvendosje ka qenë fatale.

“Kemi mjaft të vdekur dhe dhjetëra të plagosur“ tha një zëdhënës i policisë së Abidjanit. Futbolli afrikan është goditur rëndë nga shumë tragjedi mes të cilave dhe në Zambia e në Zimbabve

[Damian1]

Wayne Rooney: Jam nën kontroll, di të përmbahem

Sulmuesi i Manchester United, Wayne Rooney, ka hedhur poshtë fjalët se nervozizmi i tij mund t’i kushtojë në ndeshjen e Kupës Botërore.

Sulmuesi i Manchester United, Wayne Rooney di të përmbahet dhe këtë e ka treguar edhe në ndeshjen e kombëtares të fituar 4-0 ndaj Sllovakisë.

“Jam gjithmonë nën kontroll. Jam një lojtar me më shumë përvojë dhe kam luajtur në ndeshje të mëdha në nivel klubi, që vërtet më ka ndihmuar”, ka thënë Rooney.

Sulmuesi anglez do të bëjë paraqitjen e tij të 50-të me Anglinë në ndeshjen e të mërkurës kundër Ukrainës, të vlefshme për kualifikimet për Botërorin 2010.

“Jam i kënaqur që mund të arrij 50-shin, por më shumë dua të fitoj trofe. Shpresoj se në të ardhmen do të arrijmë ta bëjmë këtë”, ka shtuar anglezi.

[Damian1]

Trajneri Ancelotti nuk e përjashton largimin nga Milani

Trajneri i Milanit, Carlo Ancelotti, nuk e ka përjashtuar një largim të afërt nga stadiumi “San Siro” pas 8 vjetësh

Lajmet se Carlo Ancelotti mund të largohet nga klubi italian vazhdojnë të qarkullojnë, me disa që e lidhin atë me kalim në Chelsea dhe disa të tjera me kalim tek Real Madrid.

Edhe vetë trajneri është logjik rreth të ardhmes së tij dhe nuk përjashton një largim. “Sigurisht, nuk do të udhëheq Milanin përgjithmonë... gjithçka është e mundshme”, ka thënë ai për Corriere dello Sport.

“Do të doja të them lamtumirë menjë përqafim, por tash nuk është momenti dhe raporti jonë i punës është tërësisht në harmoni”, ka shtuar italiani.

[Damian1]

Barça, Laporta: Valdes duhet të harrojë rritjen e pages

Presidenti i katalanasve citohet të ketë mohuar kategorikisht një rritje page për gardianin e skuadrës “blaugrana”

Portieri i Barcelonës, Victor Valdes, duhet të harrojë ngritjen e dukshme të pagë nëse ai dëshiron të qëndrojë tej Barcelona edhe për disa sezone.

Gazeta spanjolle sportive “AS” thotë se presidenti i Barçës, Joan Laporta, nuk ka synim ta vendosë portierin në një rend me yjet më të paguara të klubit, Lionel Messi dhe Samuel Eto'o.

Kontrata aktuale e Valdes skadon në fund të sezonit të ardhshëm, dhe agjenti i tij Gines Carvajal, thotë se qetësia po humb sa i takon marrëveshjes së re dhe mund të pritet një largim i portierit.

[Damian1]

Apeli i John Terry: Anglia duhet të ruhet nga Shevchenko

Mbrojtësi i kombëtares angleze ka thënë se ukrainasi mund të ndëshkojë ekipin në “Wembley” kur të luajnë të mërkurën

Kapiteni i kombëtares së Anglisë, Xhon Terri, ka paralajmëruar bashkëlojtarët e tij që të kenë kujdes nga rreziku më i madh që vjen nga Ukraina - Andri Shev]enko. Sulmuesi 32-vjeç i Milanit, ka kohë që nuk po luan në formë të mirë, por emri i tij edhe më tutje paraqet frikë për kundërshtarët.

Shevçenko në vitin 2004 ishte shpallur futbollist i vitit në Evropë, kurse tri herë ishte golashënuesi më i mirë i Ligës së Kampionëve. Megjithatë, në dy-tri edicionet e fundit ai nuk ka arritur të luajë në nivelin e tij më të mirë. "Ai do të vjen këtu për t'u dëshmuar. Atij nuk i shkojë mirë kur ishte në Çelzi, por kjo nuk do të thotë se nuk është një futbollist cilësor dhe golashënues i shkëlqyeshëm.

I rikujtoj bashkëlojtarët e mi që të kenë vëmendjen tek Shevçenko. Golat e tij gjatë karrierës flasin mjaft, por edhe fakti që ai është një idhull i vërtet i ukrainasve", ka thënë Terri. Ukraina në tri ndeshje të zhvilluara në grupin 6 për kualifikimet e Botërorit 2010 ka arkëtuar 6 pikë, derisa Anglia në katër ndeshje ka marrë pikët maksimale dhe kryeson grupin.

[Damian1]

Sulmuesi Wayne Rooney do të bëhet baba për herë të parë

Futbollisti dhe gruaja e tij Coleen do të bëhen prindër pasi partnerja është shtatzënë që prej tre muajsh

Futbollisti dhe sulmuesi i Manchester United, Wayne Rooneydo të bëhet baba për herë të parë. Nuk ka të bëjë fare dopieta në kombëtare ndaj Sllovakisë në gëzimin e tij pasi është një gjë tjetër.

Për të gëzuar sulmuesin ka menduar bashkëshorftja e tij Coleen e cila është shtatzënë prej 3 muajsh dhe sipas llogarive Rooney do të bëhet baba në shtator.

Sulmuesi Wayne e Coleen nuk e kanë komentuar ende lajmin por një burim pranë protagonistëve shtoi se nuk dihet nëse është mashkull apo femër.