Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Meksika, trajneri Eriksson shkarkohet pas 10 muajsh

Nuk ka zgjatur as 10 muaj kontrata e Meksikës me trajnerin suedes Sven Goran Eriksson. Fatale humbja me Hondurasin

Trajneri suedez Sven Goran Eriksson me kombëtaren meksikane nuk ka mundur të vazhdojë më dhe federate e ka shkarkuar pas vetëm 10 muajsh. Sven, që ka drejtuar më parë edhe Anglinë me të njëjtin fat, është shkarkuar nga Federata pas humbjes 3-1 ndaj Hondurasit për botërorin në Afrikën e Jugut.

Meksika ndodhet në krizë rezultatesh pasi ka fituar vetëm një nga 7 ndeshjet e fundit të zhvilluara nën drejtimin e Erikson. Trajneri suedez kishte ardhur me bujë të madhe për të zëvendësuar Hugo Sançez por nuk ka mundur t’i mbijetojë kritikave.

Eriksson ka lënë Meksikën në vendin e katërt në grupin Concacaaf, ndërsa kualifikohen vetëm 3 prej tyre. Kandidatë për zëvendësimin janë ish trajneri i Atletikos, Aguirre, dhe Manuel dela Torre.

Eriksson mori drejtimin e Meksikës pasi Sanchez dështoi të kualifikonte skuadrën latine në Olimpiadën e Pekinit në 2008.

[Damian1]

Seedorf: Ende nuk i kam dhënë fund karrierës me Holandën

Mesfushori i Milanit, holandezi Clarence Seedorf, edhe pse deri më tani nuk ka luajtur në asnjë ndeshje të kualifikimeve për Botërorin 2010 shpreson se mund të ftohet për të marrë pjesë në Afrikën e Jugut

“Në këtë moment paraqitja ime për Holandën nuk është e mundshme, por shpresoj se do të kem rastin për ta veshur fanellën e kombëtares në të ardhmen. Jam në formë të mirë te Milani dhe jam në dispozicion të përzgjedhësit”.

“Nuk e njoh trajnerin Bert van Marviijk, por kjo mund të jetë edhe gjë pozitive, ka theksuar Sedorf, duke shtuar: “Është e mundshme fillimi i epokës sime të re në kombëtare. Mendoj se ka vend për rikthimin tim”.

“Unë ende po përparoj si lojtar, kurse në lojë kënaqem më shumë se sa para 10 vjetësh, prandaj as që mendoj për pensionim. Shpresoj se për mua do të ketë një vend për Botërorin 2010.

[Damian1]

Carlos Tevez: Cristiano Ronaldo është nga tjetër planet

Futbollisti argjentinas ka thënë se loja e Cristianos shpeshherë ndryshon fatet e ndeshjes dhe Messi është i vetmi që i afrohet

Sulmuesi i Manchester United, Carlos Tevez, ka vlerësuar shokun e tij te Cristiano Ronaldo si lojtarin më të mirë në botë, dhe në një nivel të lartë si talenti argjentinasi Lionel Messi.

“Ndonjëherë paraqitjet e Cristiano Ronaldos janë nga një planet tjetër. Ai është vërtet një talent i veçantë” tha sulmuesi Tevez që është në huazim tek kampionët e Anglisë.

“I vetmi lojtar për të cilin mendoj se është në nivelin e tij sot, është bashkëlojtari im argjentinas, Lionel Messi”, ka thënë Tevez. “Leo luan tek Barcelona, por mendoj se ata do të mund të luanin shumë mirë së bashku”.

“Ata të dy janë të vetmin në futboll, të cilët mund ta fitojnë ndeshjen vetëm. Do të doja t’i kisha të dy në të njëjtin ekip”, ka shtuar argjentinasi. që ende nuk ka marrë ofertën e rinovimit nga sir Alex Ferguson.

[Damian1]

Juventus edhe Inter në luftë për brazilianin Dentinho

Talenti brazilian i Corinthians është vënë në shënjestrën e shumë klubeve italiane me në krye Juventusin dhe Interin

Mediat italiane përcjellin lajmin se dy ekipet italiane Juventusi dhe Interi, krahas luftës për titullin janë në luftë edhe tregun e transferimeve ku luftojnë për sulmuesin e Corinthians, Dentinho.

Corriere dello Sport ka shkruar se Juventusi udhëheq në luftë për të nënshkruar me talentin 20-vjeçar brazilian. Por konkurrenca për të nënshkruar me të mbetet e hapur, pasi garës i janë bashkuar Interi si dhe Real Madridi dhe Arsenali.

Sportivja italiane po ashtu thekson se klubet e interesuara duhet të jenë më të shpejtë në tentimet e tyre, pasi Dentinho ka edhe një ofertë anonime nga klub nga Arabia Saudite, i cili ofron 10 milion euro për brazilianin.

[Damian1]

Liverpool, Gerrard pranoi ofertën e re për rinovimin

Simboli i Liverpool ka pranuar të firmosë deri në vitin 2013 me klubin mitik anglez. Zyrtarizi është çështje ditësh

Kapiteni i Liverpulit, 28-vjeçari Stiven Xherard ka pranuar ofertën për zgjatjen e kontratës me Liverpulin dhe deri në fund të kësaj jave ai pritet të vendosë firmën e tij mbi kontratë, e cila do ta mbajë atë në "Anfield" deri në vitin 2013.

"Kjo është një gjë e madhe për klubin. Xherardi edhe një herë ka dëshmuar se sa është besnik dhe shumë shpejt dhe lehtë kemi arritur marrëveshjen. Mendoj se zgjatja e kontratës me Xherardin mund të jetë një nxitje dhe shembull për të gjithë futbollistët e tjerë”.

“Ai do të jetë inspirim dhe lider i skuadrës, ngase vitet më të mira janë para tij. Kjo është një shenjë e qartë se Liverpuli vazhdon të përparojë në çdo aspekt", ka pohuar trajneri i Liverpulit, Rafael Benitez.

[Damian1]

Anglia, Fabio Capello: Beckham do jetë në botërorin e 2010

Trajneri italian i “3 luanëve” ka nënkuptuar përfshirjen e mesfushorit Beckham në listën për botërorin e vitit të ardhshëm, duke përjashtuar surprizat

Duke u bazuar në fjalët e përzgjedhësit të kombëtares angleze, Fabio Kapelo, të thëna për tabloidin "The Sun", ylli anglez Dejvid Bekam ka gjasa të mira që të jetë pjesë e kombëtares angleze në Botërorin 2010. Aron Lenon, Shon Rajt Filips dhe Teo Ualkot janë pretendentë për pozitën e mesfushorit të djathtë, rol në të cilin luan edhe Dejvid Bekami.

Për këtë arsye një pjesë e madhe e opinionit në Angli, mendon se gjasat që 33-vjeçari i Milanit, Dejvid Bekam të ftohet për Botërorin 2010 janë tejet të limituara, duke pasur parasysh konkurrencën e 'luanëve të rinj'. Megjithatë, strategu italian, Fabio Kapelo, me deklaratat e tij i jep shpresa të mëdha Bekhamit.

"Dejvidi është në një formë shumë të mirë. Nuk ka luajtur deri në janar dhe për këtë arsye është kaq i freskët në lojë. Ka luajtur shumë mirë në ndeshjet e fundit me Milanin, madje lirisht mund të them se ishte lojtari më i mirë. Gjuajtjet e tij nga këndi, gjuajtjet e lira dhe harkimet janë tejet të rëndësishme. Bekami ende është njëri nga futbollistët më të mirë", ka thënë Kapelo.

[Damian1]

Barcelona kërkon portierin Buffon, gati oferta milionere

Mësohet se Barcelona ka filluar procesin e përgatitjes së ofertës për blerjen e portierit më të mirë në botë, Gianluigi Buffon

Agjenti i portierit italian deklaroi se Juventusi do të ishte gati të negocionte nëse i bëhej ndonjë ofertë marramendëse, ndërsa Blaugranët nuk kanë pritur gjatë dhe kanë filluar përgatitjet për këtë ofertë.

Katalanasit janë takuar me agjentin e Buffonit, Silvano Martina, dhe janë duke planifikuar mënyrën se si ta joshin portierin bardhezi drejt Camp Nout. Kontrata e portierit të Barcelonës, Victor Valdes, skadon në vitin 2010, ndërsa burime pranë klubit njoftojnë se atij nuk do t’i zgjatet kontrata.

Mediat italiane njoftojnë se Barca është gati të ofrojë 50 milionë euro për të siguruar shërbimet e Buffonit, shifër e cila ndoshta do ta ndryshojë mendjen e presidentit të Juves, Giovanni Cobolli Gigli, i cili ditë më parë ka deklaruar se Gigi nuk është në shitje.

[Damian1]

Signorini: Në Bolivi lojtarët nuk merrnin dot frymë

Humbja e Argjentines 6-1 ne fushen e Bolivise vazhdon te gjeneroje kritika dhe alibi. Këtë herë janë argjentinasit që mbrohen

Nje dite pasi trajneri Diego Armando Maradona nuk kerkoi justifikime, eshte pergatitesi atletik Fernando Signorini qe i del ne mbrojtje skuadres. Ndeshja eshte luajtur ne kryeqytetin La Paz qe ndodhet ne 3600 m lartesi mbi nivelin e detit dhe sipas tij, kjo eshte arsyeja qe kombetarja bardhekalter u shkaterrua me rezultatin 6-1.

“Te luash ne 3600 m lartesi mund te shkaktoje vdekjen e nje lojtari. Jam shume i bindur per kete. Kush eshte mesuar me kete gje nuk e ka problem, por une mendoj se behet fjale per nje dopim te vertete natyror”, shprehet ai ne nje interviste per “Radio La Red”. Me tej, Signorini ka shtuar se, me ate vape dhe ne ate lartesi lojtaret e Argjentines nuk arrinin as te merrnin fryme.

Para disa kohesh, vete FIFA ka marre nje vendim duke zyrtarizuar nje amendament qe nuk lejon zhvillimin e ndeshjeve mbi 3.000 metra lartesi mbi nivelin e detit. Ky vendim pritet te hyje ne fuqi ne vitin 2012 edhe pse eshte pritur me protesta te ashpra ne Bolivi. Ne te shkuaren, kombetarja boliviane ka fituar jo pak ndeshje te rendesishme nderkombetare duke perfituar pikerisht nga ky faktor avantazhues.

[Damian1]

Benitez e Gerrard më të mirët e muajit në Premier League

Trajneri dhe kapiteni i Liverpool janë shpallur më të mirët e futbollit anglez për muajin e kaluar

Dyshja e Liverpoolit, menaxheri Rafael Benitez dhe kapiteni Steven Gerrard kanë marrë çmimet e menaxherit dhe lojtarit më të mirë të Premierligës për muajin mars. Të kuqtë patën një sukses të jashtëzakonshëm muajin e kaluar duke iu dhënë shtytje shpresave për të fituar Premierligën me fitoret e thella ndaj kampionit Manchester United dhe ndaj Aston Villas.

Liverpool po ashtu mposhti edhe Sunderlandin për të nxjerrë pikët maksimale të muajit mars, dhe për të filluar muajin prill me vetëm një pikë prapa liderit të tabelës. Gerrard, i cili preku rrjetën edhe në fitoren 4-1 ndaj United dhe shënoi hat-trick në fitoren 5-0 ndaj Villas, ka fituar çmimin e lojtarit më të mirë për pestën herë.

Edhe për Rafael Benitez, kjo është hera e pestë që fiton këtë çmim, dhe e dyta këtë sezon, pas asaj të muajit tetor ku fitoi sërish.

[Damian1]

Reali i bindur se do të marrë Ronaldon për 75 milionë Euro

Skuadra galaktike ka zhvilluar bisedime me përfaqësuesit e Cristiano Ronaldos dhe oferta që do të shkojë te Manchester është 75 milionë Euro

Real Madrid është i bindur se do të mund të nënshkruajë me yllin e Manchester United, Cristiano Ronaldo, në fund të sezonit, për një shumë prej 75 milionë Eurosh.

Klubi spanjoll është i sigurt se do të mund të sigurojë marrëveshje me lojtarin dhe me kampionin e Anglisë, Evropës dhe Botës. Drejtuesit e Madridit kanë propozuar një marrëveshje të vlefshme 75 milionë Euro, e cila shpresojnë të pranohet nga klubi dhe lojtari.

Përfaqësues të lojtarit raportohet se kanë zhvilluar bisedime të vazhdueshme me ata të Madridit, duke ua bërë të qartë se Ronaldo nuk ka synim të mbetet në Manchester pas fundit të këtij sezoni.

Edhe më herët gjatë sezonit u raportua se Ronaldo tashmë kishte arritur marrëveshje me Realin, gjë e cila ka bërë që ai gjatë gjithë kësaj kohe të mos flasë për “ëndrrën” e tij të luajë tek klubi spanjoll.