Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Sot luhen Porto-Manchester dhe Arsenal-Villarreal

Kampionët në fuqi Manchester United duhet të fitojnë jashtë fushe për tu kualifikuar ndërsa Arsenalit i mjafton edhe një barazim pa gola ndaj Villarreal

Porto dhe Manchester United do të luajnë sot në 20:45, aktin e dytë të dramës për të vedosur se kush skuadër mes tyre do të kualifikohet për në gjysmëfinale. Barazimi 2-2 në ndeshjen e parë favorizon kampionët portugezë, por kjo nuk do të ndalë “Djajtë e Kuq” që nuk vuajnë nga psikoza e fushës kundërshtare.

Për porton nuk do të ketë ndryshime në formacionin e Ferreira, ndërsa tek Manchester United do të besojnë më shumë se kurrë tek dyshja Ronaldo-Rooney për të mundur luzitanët. Një vend në pankinë edhe për talentin e ri, Macheda.

Në ndeshjen tjetër Arsenali do ta ketë më të lehtë se në ndeshjen e parë ndaj Villarrealit, pasi në “Emirates” skuadra e Wenger do ta nisë nga një barazim 1-1 në "El Madrigal".

Arsenal mund të kualifikohet edhe me një barazim pa gola ndaj “Nëndetëses” spanjolle e cila do të jetë pa kapitenin e saj brazilianin Marcos Senna dhe Santi Cazorla.

[Damian1]

Bogdani kërkon fitore kundër Siena...

Sulmuesi i Chievos, Erjon Bogdani, ka folur për humbjen minimale të vikendit të kaluar kundër Milanit, për të cilën shumica mendojnë se ishte pafat për ekipin nga Verona, ndërsa ka kërkuar fitore kundër Sienas në ndeshjen e të shtunës.

“Të shtunën luajtëm mirë. Zakonisht arrinim deri përpara golit, por fatkeqësisht nuk arrinim t’i finalizonim shanset tona. Madje e goditëm edhe shtyllën”.

“Prandaj mendoj se e merituam së paku një barazim. Të njëjtën gjë e thanë edhe lojtarët e Milanit në fund të ndeshjes”.

Këtë fundjavë Chievo është mysafir i Sienas, ndërsa sulmuesi shqiptar nuk dëshiron barazim.

“Duhet të luajmë për fitore. Tani jemi vetëm pesë pikë larg zonës së rrezikut dhe duhet të mundohemi të qëndrojmë sa më larg”, ka thënë Bogu për Sportmediaset.it.

[Damian1]

Cissokho: Ronaldo është lojtar i zakonshëm.

Mbrojtësi i Portos, Aly Cissokho,e konsideron asin e Manchester Unitedit, Cristiano Ronaldo, si çdo lojtar tjetër.

Të mërkurën mbrëma ekipi portugez do të jetë nikoqir i Djajve të Kuq në ndeshjen kthyese çerekfinale të Ligës së Kampionëve. Takimi i parë i zhvilluar në Old Trafford përfundoi me rezultat të barabartë 2-2.

“Për mua, Ronaldo është si të gjithë lojtarët tjerë. Do të jem i kujdesshëm dhe i përqendruar. Unë kam besim në aftësitë e mia dhe nuk do ta ndërroj mënyrën e lojës. Do të jem i fokusuar si në çdo lojë tjetër”, është cituar nga “The Sun”, lojtari i cili ka obligim ta ndalë Ronaldon.

[Damian1]

Hiddink: Duhet të luajmë shumë më mirë kundër Barcelonës

Trajneri i Bluve, Guus Hiddink, thotë se nëse lojtarët e tij i bëjnë të njëjtat gabime të cilat i bënë kundër Liverpoolit edhe ndaj Barcelonës, atëherë të favorizuar për të vazhduar në finale do të jenë kundërshtarët e tyre.

“Gjatë kohës së ndeshjes zemra më ka rrahur nga 160 deri 180 herë në minutë. Unë kam përcjellë disa ndeshje dramatike, mirëpo kjo ishte një lloj ndeshjeje ku të gjithë bënin gabime. Për këtë arsye ishte po aq atraktive. Njëherë mendon se je jashtë, pastaj reagon”.

“Do të jetë ndryshe kundër Barcelonës në gjysmëfinale. Ata janë një skuadër shumë më e përparuar, kanë mjaftë teknikë dhe dinë si t’i shfrytëzojnë hapësirat”.

“Më pëlqen shumë filozofia e tyre e futbollit. Ata vazhdimisht transferojnë lojtarët të cilët të joshin t’i shikosh si luajnë”.

“Atyre u pëlqen të luajnë lojë sulmuese. Mendoj se ata janë më të mirët, prandaj do ta kemi të vështirë të luajmë kundër tyre. Nëse luajmë si në ndeshjen kundër Liverpoolit, atëherë do ta kemi një mbrëmje të vështirë”, ka thënë holandezi për “The Sun”.

[Damian1]

John Elkann: Nuk ka alibi, Dua vendin e dyte ne kampionat...

Takim ball per balle midis skuadres dhe pronarit John Elkann. Ne pranine e Blanc dhe Secco i kerkoi skuadres qe te mos humbin pike ne kampionat dhe te arrijne te shkojne ne finalen e Kupes se Italise.

Ka zgjatur 45 minuta takimi midis pronarit John Elkann dhe skuadres se tij bardh e zi. Ai mberriti ne oren 10:30 minuta ne qendren sportive, pak para tij kishin ardhur Jean-Claude Blanc administrator i deleguar dhe drejtori sportiv Alessio Secco. Elkann ka mbledhur lojtaret dhe trajnerin ne dhomat e zhveshjes. Takimi ishte i qete por Pronari i skuadres ishte i vendosur ne ate qe donte.

Vertet e kemi humbur mundesine per te fituar kete kampionat por dua qe ta mbajme me patjeter vendin e dyte dhe dua te shkojme deri ne filanen e Kupes se Italise eshte shprehur ai. Nuk duhe te harrojme edhe takimin e te shtunes me Interin. Duhet ta fitojme kete ndeshje per nder. Me keto fjale e ka mbyllur takimin Pronari i Juventusit.

[Damian1]

Trajneri i kombëtares Arie Haan zyrtarizon dorëheqjen

Trajneri holandez Arie Haan nuk do te jete me ne stolin e kuqezinjve pas ndeshjeve te dobeta kohet e fundit ne eliminatore. Zyrtarizimi i largimit te tij ka lene bosh kete post

Trajneri i kombetares shqiptare te futbollit, Arie Haan ka dhene doreheqjen nga ky post.

Vendimi eshte marre pasditen e se merkures dhe duket se ai ka gjetur gjuhen e perbashket me FSHF per t’u larguar.

Doreheqja vjen pas disa humbjeve te njepasnjeshme te regjistruara nga perfaqesuesja shqiptare ne turin e eliminatoreve per ne boterorin Afrike 2010.

Largimi me vullnetin e holandezit ka kursyer detyrimet financiare te FSHF-se, pasi ne rast te prishjes se njeanshme te kontrates, institucioni i futbollit shqiptar do t'i paguante te gjitha detyrimet e parashikuara ne kontrate, teknikut holandez.

Aktualisht, federata nuk ka publikuar asnje emer konkret per te marre drejtimin e kombetares kuqezi qe ndodhet ne vendin e 5-te te Grupit 1 per eleminatoret e Boterorit 2010.

[Damian1]

Scolari do të rikthehet në pankinë në muajin Qershor

Trajneri brazilian Luis Felipe Scolari ka konfirmuar se do të jetë në stol në muajin qershor por pa bërë të ditur skuadrën

Ish-trajneri i Çelsit, Luis Felipe Skolari, ende është duke pushuar pas periudhës së pasuksesshme në Ligën Premiere, kur u shkarkua nga posti në muajin shkurt. "Në adresë time kanë ardhur disa oferta.

Në mesin e tyre ka edhe skuadra kulmore, kurse disa skuadra që më kanë bërë ofertë nuk hyjnë në mesin e skuadrave elitare", ka pohuar Skolari.

Megjithatë, ai nuk ka dashur të sqarojë se për cilat klube bëhet fjalë. Megjithatë, dihet se dëshira e tij është që të vazhdojë punën në futbollin evropian. "Në qershor do të analizojë ofertat dhe do të vendos se ku do të vazhdoj të punoj", ka nënvizuar Skolari.

[Damian1]

Cristiano: Goli më i mirë që kam shënuar ndonjëherë

Fituesi i Topit të Artë ka thënë se goli ndaj Portos që solli kualifikimin, ishte më i bukuri që ai ka shënuar ndonjëherë në karrierë

Të mërkurën në “Dragao” duhej ndihma e tij dhe Topi i Artë nuk ka zhgënjyer. Cristiano Ronaldo ka shtangur që në minutën e 6, të pranishmit në Oporto me një gol të rrallë, dhe për këtë ndihet krenar.

Ylli i Manchester United, Cristiano Ronaldo, e ka etiketuar golin e tij në fitoren e mbrëmshme ndaj Portoss si golin më të bukur që ka shënuar ndonjëherë.

Anësori portugez shënoi në minutën e gjashtë të ndeshjes nga 27 metra largësi për t’i dhënë fitoren minimale Manchester United, fitore kjo që e kualifikoi në gjysmëfinale të Ligës së Kampionëve.

“Ky është goli im më i mirë që kam shënuar. Ishte një goditje fantastike dhe nuk mund të pres ta shoh sërish në DVD. Jam shumë i lumtur për këtë”, ka thënë Ronaldo.

[Damian1]

Kupa UEFA, sot zhvillohen ndeshjet e kthimit çerekfinale

Udinese dhe Marseille kanë detyrën e vështirë të rikerojnë disavantazhin e krijuar 3-1 në ndeshjen e parë. Në fushë edhe Paris SG Manchester City

Sonte zhvillohen ndeshjet e kthimit çerekfinale të Kupës UEFA. Pas takimeve të para, Shaktiari, Hamburgu dhe Verderi arritën të shfrytëzojnë përparësinë e terrenit vendës duke i mposhtur rivalët e tyre, Marsejin, Mançester Sitin dhe Udinezen me nga dy gola dallim. Vetëm Paris Sent Zhermeni nuk arriti të krijoi çoftë edhe epërsi minimale ndaj Dinamos, kështu që sonte në Kijev, parisienët do të kenë punë të vështirë për të kaluan në gjysmëfinale.

Mançesteri në “Siti Stadium” do ta ketë shumë vështirë kundër Hamburgut (1:3), ndonëse shumica e futbollistëve më të mirë të skuadrës pushuan të dielën e kaluar kundër Fullamit (1:3).

Gjithashtu në të njëjtën situatë ndodhet Udineze e cila në “Friuli” do të pret Verderin, që ka udhëtuar në Udine me dy gola epërsi (1:3). Punën më të vështirë do ta ketë Olimpik nga Marseji i cili mund të kaloi në gjysmëfinale vetëm nëse e mposht Shaktiarin me tri gola diferencë, pasi skuadra nga Donjecki fitoi ndeshjen e parë (0:2).

18.45 Kijev: Dinamo – PSZH (0:0)

20.45 Mançester Siti – Hamburger (1:3)

20.45 Marsej – Shaktiar (D) (0:2)

20.45 Udine: Udinese – Verder (1:3)

[Damian1]

Champions, Messi: Do të jetë vështirë kundër Chelsea

Talenti argjentinas i Barcelonës ka thënë se kualifikimi për finalen e madhe do jetë i hapur ndaj londinezëve të Chelsea

Skuadra e Barcelonës me lehtësi ka mbrojtur epërsinë nga ndeshja e parë ndaj Bajernit dhe me meritë është kualifikuar në gjysmëfinale të Ligës së Kampionëve, ku do të takohet me skuadrën e Çelsit.

Argjentinasi, Lionel Mesi e sheh si tejet të vështirë sfidën me londinezët. "Çelsi ka një sulm të shkëlqyeshëm dhe vërtet është rival i vështirë. Dy përballjet tona do të jetë shumë të komplikuara", ka pohuar Mesi, duke shtuar:

"Çdo skuadër në këtë nivel mund të fitojë dhe të gjithë rivalët janë të vështirë", ka thënë futbollisti tjetër i Barçës, Iniesta. Ndeshja e parë Çelzi-Barcelona do të zhvillohet më 28 prill në Barcelonë.