Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Kakà: Milanit i duhet Gerrard për t’u rikthyer te suksesi

Braziliani ka thënë se tek Milani po mbyllet një cikël dhe se mesfushori Steven Gerrard do të ishte ideal për të rikthyer skuadrën tek suksesi

Ka refuzuar milionat e Manchester City, dhe këtë po e bën edhe me Real Madrid. Por tani braziliani Kaka’ ka kërcënuar kuqezinjtë se do të qëndrojë vetëm nëse ata forcohen me lojtarë cilësorë dhe do të rikthehen tek suksesi.

Ricardo Kaka’ u ka dhënë edhe një këshillë drejtuesve të merkatos, pasi sipas tij Steven Gerrard do të ishte ideal për Milanin. “Më pëlqen futbolli modern. Më pëlqejnë futbollistët të cilët edhe mbrohen edhe sulmojnë mirë” tha Kaka’.

“Nëse do të vendosja unë, do të investoja shumë para tek një futbollist si Steven Gerrard, pasi është shumë i mirë për Milanin” shtoi braziliani. “Ai mund të luajë në çdo pozicion”

“Tek Milani po mbyllet një cikël dhe ne na duhet një miks lojtarësh me eksperiencë dhe të rinj për të fituar sërish” tha Kaka’.

[Damian1]

UEFA, Platini: Euro 2012 do organizohet në Poloni -Ukrainë

Kreu i qeverisë së futbollit europian, Michel Platini ka konfirmuar se Euro 2012 do të zhvillohet në Poloni dhe Ukrainë

Presidenti i UEFA-s, Mishel Platini ka hedhur edhe nje here poshte zerat se Ukraina dhe Polonia nuk do te mund te organizojne Euro 2012. I shoqeruar nga presidenti ukrainas Viktor Yushchenko, numri nje i organizes me te madhe te futbollit evropian ka pare nga afer punimet ne stadiumin olimpik te Kievit, ku dhe do te zhvillohet finalja e kampionatit te ardhshem Evropian.

Ky i fundit eshte vene shpesh here ne dyshim nga skeptiket, te cilet shprehen se dy vendet organizatore nuk do te mund te jene gati ne kohe per te pritur kete kompeticion te rendesishem te futbollit.

“Une do te beje te pamunduren qe Ukraina te mos e humbase mundesine per te organizuar Euro 2012. Nuk jam aspak i shqetësuar, pasi qeveria me garantoi se stadiumi olimpik i Kievit do te jete gati ne qershor te vitit te ardhshem. Po ashtu, edhe infrastruktura per te pritur skuadrat dhe tifozet”, ka bere te ditur Platini.

Pervec stadiumit te kryeqytetit Kiev, Ukraina dhe Polonia vazhdojne rikonstruksionin e impianteve te tjere qe do te presin ndeshjet e kampionatit evropian. Po ashtu, dy vendet po punojne edhe ne ndertimin e terminaleve te reja ne aeroporte dhe stacione hekurudhore nga dhe do te vijne tifozet.

[Damian1]

Deco ka frikë nga Messi: Barça favorite në Champions

Braziliani i Chelsea ka thënë se ata mund të eliminohen nga talenti argjentinas dhe Barcelona e cila vjen me rolin e favorites në Champions

Mesfushori i Chelsea, Deco, mendon se ish-ekipi i tij, Barcelona, është favorit në përballjen gjysmëfinale të Ligës së Kampionëve, pasi e ka në radhët e veta një lojtar si Lionel Messi.

Edhe krahas asaj që Cristiano Ronaldo e fitoi çmimin e Lojtarit më të Mirë të Vitit, shumica mendojnë se Messi megjithatë është më i mirë në botë.

Një nga ta është edhe Deco, i cili i njeh mirë kualitetet e argjentinasit dhe e din se kërcënimi kryesor për Chelsean vjen pikërisht nga Messi.

“Është vështirë të thuhet se cili ekip është më i mirë, pasi të dy kanë lojtarë të shkëlqyeshëm. Por mendoj se Barcelona ka përparësi pasi e ka Messin. Ai është një futbollist i cili mund të bëjë dallimin më shumë se të gjithë të tjerët në fushë”, thotë mesfushori portugez.

[Damian1]

Juventus, Gigli: Kundër Interit luajmë nderin e skuadrës

Numri 1 i “Zonjës së Vjetër” ka thënë se titulli tashmë është i pamundur por ata do të luajnë me nderin e skuadrës të shtunën ndaj Inter

Presidenti i Juventusit, Giovanni Cobolli Gigli, beson se ndeshja e të shtunës mbrëma kundër Interit do të jetë një mundësi që Zonja e Vjetër 'ta ruajë fytyrën dhe nderin' e saj.

Bardhezinjtë janë mikpritës të zikaltërve të shtunën mbrëma në Stadio Olimpico të Torinos, ndërsa presidenti i Juves shpreson që me një fitore t’u japin fund kritikave, edhe pse pohon se arritja e Interit dhe fitimi i Kampionatit është vetëm një ëndërr e shuar.

“Do të luajmë për fytyrën dhe nderin tonë. Scudetto është një iluzion edhe pse matematikisht ende nuk ka përfunduar gara. Vendi i dytë është shumë i rëndësishëm për ne”, ka thënë Gigli.

Presidenti i bardhezinjve, po ashtu ka mohuar spekulimet se ekziston pakënaqësi ndërmjet kapitenit Alessandro Del Piero dhe trajnerit Claudio Ranieri.

“Del Piero? Askush nuk ka dyshuar në aftësitë e tij. Ai ishte njëri nga lojtarët më të mirë kundër Genoas. Nuk mendoj se ka ekzistuar diçka ndërmjet tij dhe Ranierit. Nëse ata kanë pasur t’i thonë diçka njëri-tjetrit, atëherë mendoj se e kanë pastruar këtë gjë”, ka përfunduar presidenti bardhezi.

[Damian1]

Toni sponsorizon Mancinin në pankinën e Bayern Munchen

Sulmuesi italian Luca Toni u ka sugjeruar drejtuesve të kampionëve të Bundesligës që të marrin trajnerin italian, Roberto Mancini

Kërkon të kthehet shumë shpejt në pankinë dhe për këtë do të bëjë shkëputjen përfundimtare duke mos marrë para nga Interi. Roberto Mancini ka shumë nostalgji për futbollin dhe sheh me vëmendje zhvillimet jashtë Serie A.

Është mes kandidatëve në listë për Manchester City dhe Chelsea, por tashmë tekniku nga Jesi mund të ndërrojë destinacion. Në Gjermani është shfaqur kohët e fundit hipoteza për Bayern Munchen, ku drejtuesit do të prisnin me krahë hapur të pakënaqur nga Klinsmann,

Për të sponsorizuar Mancinin tek Bayern ka menduar Luca Toni që ka lavdëruar punën e teknikut duke thënë se në Bavari do ishte i suksesshëm. “Zgjedhja e Mancinit tek Bayern do ishte shumë positive për ne. por kjo i takon drejtusve” tha Toni.

[Damian1]

Galiani: Milani nuk ka menduar kurre per Adrianon...

Adriano Galiani nuk komenton persa i perket deklaratave te bera nga Kaka.

Adriano Galiani nuk komenton persa i perket deklaratave te bera nga Kaka, qe i kerkoi drejtueseve te hapin nje qark te ri ku te perfshijne ne te kapitenin e Liverpulit Stiv Xherard.

Nuk flas per merkaton perpara se te mbaroi kampionati ka shpjeguar administratori i deleguar i kuqezinjeve. Idete i kam te qarta por nuk eshte ende momenti per ti thene.

Me pas Galiani ka mohuar cdo lloj interesi te Milanit persa i perket lojtarit te Interit Adriano. Asnjeri nga ne theksoi ai nuk ka pasur ndonje here interes te Adriano dhe se maredhenia e tij me Interin nuk e perfshin aspak Milanin.

[Damian1]

Ribery: Kam shumë plane me Bayernin...

Mesfushori francez në radhët e Bayern Munichut, Frank Ribery, thotë se ai ka shumë plane me klubin gjerman, duke dhënë kështu sinjale se nuk do të largohet nga Allianz Arena në fund të sezonit.

Ribery shpesh është përmendur me një largim nga kampioni i Bundesligës, me një varg top ekipesh evropiane të interesuara për shërbimet e tij.

“Absolutisht jo. Me Bayernin kam plane të mëdha. Do të vazhdoj të përmirësohem. Ende kemi shumë plane”, është përgjigjur Ribery në pyetjen nëse ndjen se luan në ekipin e gabuar.

Por i pyetur nëse do të dëshironte të luajë për Barcelonën, francezi nuk ka mundur të mohojë. “Sigurisht. Cili lojtar nuk dëshiron të luajë në Barcelona?”.

[Damian1]

Del Marseille, gjysmëfinale gjermane dhe ukrainase

Marseille i dha lamtumirën kupës UEFA pasi u skualifikua nga Shakhtar ndërsa ka lënë turneun edhe PSG, Udinese e Manchester City

Janë zhvilluar ndeshjet e kthimit çerekfinale në Kupën e UEFA-s. Skuadra e Lorik Canës, Olimpiku i Marsejës, ka pësuar humbje edhe në ndeshjen e kthimit para tifozëve të vet ndaj skuadrës tjetër ukrainase, Shahtjor Donjesk, me rezultat 1:2.

Është interesant fakti se në gjysmëfinale do të takohen dy skuadra ukrainase dhe dy gjermane, që do të thotë se finalja e 20 majit në Stamboll do të ketë një skuadër gjermane dhe një ukrainase. Shahtjori në gjysmëfinale do të përballet me Dinamon e Kievit, që në ndeshjen e kthimit shënoi fitore bindëse ndaj Paris Sen Zhermenit, me rezultat 3:0.

Ndërkohë, Hamburgu ndonëse ka pësuar humbje nga Mançester Siti, 2:1, ka kaluar në gjysmëfinale, duke iu falënderuar fitores në ndeshjen e parë, 3:1. Ndërkaq, Verderi ka arritur ta mbrojë epërsinë nga ndeshja e parë, 3:1, në duel me Udinezen, duke e mbyllur ndeshjen e kthimit baras, 3:3.

Rezultatet

Mançester Siti - Hamburgu 2:1 (1:3)

Dinamo K. - PSZH 3:0 (0:0)

Marsej - Shahtjor 1:2 (0:2)

Udineze - Verder 3:3 (1:3)

P.S Në kllapa rezultatet e ndeshjeve të para.

[Damian1]

Torres sheh të ardhmen: Do luaj te Milan ose te Inter

“El Nino” që po shkëlqen këtë vit me Liverpool në Premier League, ka thënë se në të ardhmen sheh si opsion edhe Serie A

Sulmuesi spanjoll i Liverpoolit, Fernando Torres, i cili konsiderohet njëri nga sulmuesit më të mirë në rruzull, ka deklaruar se dëshiron të luajë në Serie A në të ardhmen, dhe ka përcaktuar dy skuadrat rivale nga qyteti i Milanos si objektiva të mundshëm.

“E kam thënë edhe më herët, që tashmë më kam luajtur në La Liga dhe aktualisht po luaj në Ligën Premier, prandaj mendoj se do të ishte diçka pozitive po ta provoja edhe Kampionatin italian. Ndoshta do të luaja në klubet e tilla si Milan dhe Inter”.

“Megjithatë, aktualisht jam shumë i kënaqur te Liverpooli dhe kam kontratë edhe katër vite. Këtu janë sjellë shumë mirë me mua dhe dëshiroj t’ua shpaguaj këtë me fitimin e titullit të Ligës Premier, të cilin tifozët e presin qe shumë vite”, ka thënë El Nino.

[Damian1]

Marcelo: Barça do të humbë nga Reali dhe nga Deportivo

Mbrojtësi brazilian Marcelo është shprehur optimist se Real do të fitojë titullin duke përfituar nga gabimet e Barcelonës

Mbrojtësi i Real Madridit, Marcelo, ka parashikuar rënien e Barcelonës nga pozita e parë duke thënë se Blaugranët do të mposhten nga Real Madridi dhe nga Deportivo La Coruna, me ç’rast Mbretërit do ta marrin primatin në La Liga.

“Ne do ta fitojmë La Ligan, sepse nëse ekziston një skuadër e cila di si t’i rikuperojë pikët, i tillë është pikërisht Real Madridi”.

“Unë besoj se ne do t’i fitojmë të gjitha ndeshjet, përveç në Sanchez Pizjuan, ku do të barazojmë kundër Sevillas. Kam respekt për të gjithë rivalët tanë, mirëpo ne nuk mund të lejojmë që të humbasim pikë”.

“Barca është një skuadër e madhe, mirëpo ata do të jenë të fokusuar në Ligën e Kampionëve, dhe mendoj se edhe ata do të barazojnë kundër Sevillas në Camp Nou, si edhe kundër Valencias në Mestalla”.

“Ndërsa do të humbin kundër nesh (në Bernabeu) dhe kundër Deportivo La Coruna (në Riazor), dhe sipas kalkulimeve të mia, ne do të përfundojmë në vendin e parë me 91 pikë, ndërsa Barcelona në të dytin me 89 pikë”, ka thënë Marcelo për AS.