Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Sulmuesi Wayne Rooney: Do të mbetem tifoz i Evertonit

Në prag të përballjes së Manchester United me Everton në kupën e Anglisë, sulmuesi ka konfirmuar besnikërinë për ish ekipin

Futbollisti i Mançester Junajtedit, Uejn Runi, që është pionier i Evertonit, ka folur për ballafaqimin e skuadrës së tij aktuale me ish-skuadrën e tij në çerekfinale të Kupës së Anglisë.

"Gjithmonë ia dëshiroj të mirë Evertonit. E kam të vështirë kur luaj kundër skuadrës nga 'Goodison Park', sepse luaj kundër fanellës me të cilën jam rritur dhe kundër skuadrës në të cilën kam luajtur që kur isha fëmijë", ka pohuar 24-vjeçari Runi.

"E di që tifozët më nuk më duan, por kjo nuk më pengon shumë. E kuptoj një gjë të tillë. E përsërisë dhe do ta them gjithnjë: Do të dëshiroja që Evertoni të jetë klubi më i mirë në Angli pas Mançester Junajtedit". Runi ka bartur fanellën e skuadrës së parë të Evertonit si adoleshent nga viti 2002 deri në vitin 2004, kur kaloi në "Old Trafford" për 23,5 milionë euro.

"I gëzohem sfidës së të dielës. Shumë pjesëtarë të familjes time do të vijnë në 'Wembley'. Do të jetë kjo një sfidë e ndjenjave të përziera. Shpresoj, që megjithatë do të jetë Mançester Junajtedi, ai që do të kalojë tutje", ka nënvizuar Runi. Krejt në fund, Runi ka porositur tifozët e Evertonit që të mendojnë dy herë para se të fillojnë ta ofendojnë, për të mirën e tyre.

"Thashë se nuk më pengon aspak fakti që tifozët e Everonit nuk më duan, por kjo më motivon edhe më shumë dhe më bën edhe më të mirë në fushën e lojës", ka përfunduar Runi.

[Damian1]

Fabregas: Arsenal nuk i frikësohet askujt në Champions

Kapiteni spanjoll i Arsenalit ka thënë se nuk kanë frikë nga dy ndeshjet e ardhshme të vështira, dhe do tentojnë Champions

Skuadra e Arsenalit pas fitores bindëse ndaj Vilarealit, 3:0, e cila ia sigurojë kualifikimin në gjysmëfinale të Ligës së Kampionëve, do të ketë dy ndeshje tejet të vështira kundër rivalëve më të mëdhenjë anglez: fillimisht ndaj Çelzit të Gus Hidinkut në Kupën e Anglisë dhe më pas ndaj Mançester Junajtedit në gjysmëfinale të Ligës së Kampionëve.

Kapiteni i "Topçinjve", Çesk Fabregas ka thënë se skuadra e tij nuk do të dorëzohet para rivalëve 'më të vjetër dhe më me përvojë'. "E respektoj Mançester Junajtedin për gjithçka që ka arritur në vitet e fundit. Për mua ajo është skuadra më e mirë në botë", ka theksuar Fabregas për tabloidin "The Sun", duke shtuar:

"Por, nuk i frikësohem. Nuk i frikësohemi askujt dhe mendoj se me lojërat tona e kemi dëshmuar një gjë të tillë". Më pas spanjolli e ka pranuar se skuadra e tij është shumë e re dhe me më pak përvojë, por ka thënë se kanë qasje pozitive në çdo ndeshje.

"Kemi plotë vetëbesim te forcat tona, edhe pse ndoshta nuk e kemi përvojën që e ka Çelsi apo Mançester Junajtedi. Mirëpo, nuk jam i brengosur për këtë gjë. Jemi skuadër e re dhe është e pabesueshme se me çfarë qasje pozitive futemi në çdo ndeshje. Gjithmonë kërkojmë lojë sulmuese. Duam që të luajmë në mënyrë direkte dhe me kundërsulme agresive. Kemi shumë vullnet për çdo sfidë të re", ka përfunduar Fabregas.

[Damian1]

Liverpool, Benitez: I gëzuar që nuk e shitëm Xabi Alonso

Trajneri spanjoll Benitez ka prapsur të gjitha ofertat për bashkëkombasin e tij Xabi Alonso duke u shprehur i gëzuar që nuk e largoi në verë

Trajneri i Liverpulit, Rafael Benitez ka paralajmëruar të gjitha klubet e interesuara për shërbimet e Ksabi Alonsos, se i pret një punë e vështirë për të siguruar transferimin e tij dhe për këtë arsye i ka këshilluar që të gjejnë zgjidhje tjetër.

"Kohë më parë kemi pranuar ofertën zyrtare të Juventusit dhe kemi kërkuar një shifër shumë të madhe, të cilën klubi torinez assesi nuk ka mundur ta paguajë. Ksabi Alonso po luan në formë të shkëlqyer në këtë edicion dhe është futbollisti ynë kryesor. Ne do të bëjmë çmos që ta mbajmë atë në skuadrën tonë", ka theksuar Benitez.

Ksabi Alonso u bashkua me Liverpulin në vitin 2004, kur u transferua nga Real Sosiedad për 10 milionë euro, kurse deri më tash ka realizuar 205 paraqitje për Liverpulin dhe ka shënuar 17 gola. Krahas Juventusit për shërbimet e tij janë të interesuara edhe dy skuadrat gjigante spanjolle, Real Madrid dhe Barcelona.

[Damian1]

Del Piero: Nuk e kam zili Interin, duam të fitojmë

Ikona e Zonjës së Vjetër, Alessandro Del Piero, është duke u përgatitur për ndeshjen e madhe kundër Interit dhe pohon se nuk është xheloz ndaj superioritetit e Interit në këto vitet e fundit në Serie A

“Nuk e kam zili aspak Interin. Jam krenar për vitet që kam kaluar te Juventusi, përfshirë edhe këto vitet e fundit, të cilat kanë qenë më të vështirat”.

“Kontrata ime me Juventusin përfundon në vitin 2010, dhe në muajt e fundit të sezonit të ardhshëm do të preferoja të përqendrohem maksimalisht në suksesin e Juves, sepse do të jenë momentet më të rëndësishme për mua”, ka thënë Del Piero për “Sportweek”.

Kapiteni bardhezi është pyetur edhe për largimin e Zlatan Ibrahimovicit drejt Interit në kohën kur Juve u dërgua në Serie B në vitin 2006.

“Nuk mendoj se ai ka nevojë të kërkojë falje për këtë gjë. Ne u zhvendosëm në Serie B dhe ai vazhdoi karrierën në një skuadër tjetër. Ai ishte vendimi i tij. Por unë nuk mendoj se ishte ai që e bëri Interin më të mirë këto vitet e fundit, por ishin paratë e Morattit”, ka shtuar Pinturicchio.

[Damian1]

Cristiano: Nuk e kam vështirë të pranoj kritikat e trajnerit

Portugezi Cristiano Ronaldo ka shuar polemikat që në lindje, me trajnerin Ferguson në lidhje me formën e tij të fundit

Futbollisti më i mirë në botë në vitin e kaluar, Kristiano Ronaldo, ka pohuar për "Sky Sports" se nuk është ndjerë keq që ka marrë kritika nga trajneri i tij, Aleks Ferguson. "Nuk e kam problem t'i pranoj kritikat. Gjithmonë kam respektuar trajnerët dhe përzgjedhësit e kombëtareve, sepse dua që të mësoj diçka prej tyre.

Nëse Fergusoni thotë diçka të tillë, atëherë ajo duhet të jetë e vërtetë", ka thënë Ronaldo, duke shtuar: "Mendoj se po luaj mirë dhe kam shënuar disa gola të rëndësishëm për skuadrën. Kemi rast që të fitojmë gjithçka që është e mundshme të fitohet në një edicion dhe jam i bindur se do të realizojmë diçka të tillë".

Ylli i "djajve të kuq" është i vetëdijshëm se skuadra e tij kohët e fundit ka një rënie të formës, por beson se fitorja ndaj Portos do t'i sjellë shumëçka pozitive. "Në pesë apo gjashtë ndeshjet e fundit nuk kemi luajtur në nivelin të cilin mundemi, por unë besoj se në ndeshjet e ardhshme do të jemi shumë më të mirë, sepse fitorja ndaj Portos na ka sjellë vetëbesim shumë të madh", ka përfunduar Kristiano Ronaldo.

[Damian1]

Presidenti i Torinos lavdëron Xhemailin: Ka mjaft kualitet

Urbano Cairo, president i Torinos ka konfirmuar qëndrimin e mesfushorit me origjinë shqiptare edhe pas përfundimit të periudhës së huazimit

Presidenti i Torinos, Urbano Cairo, ka deklaruar se mesfushori 23 vjeçar, Blerim Xhemaili, do të qëndrojë me Torinon edhe pasi t’i përfundojë koha e huazimit nga Bolton Wandrers.

Shqiptari me pasaportë zvicerane nuk pati fat gjatë kohës së qëndrimit të tij në Ligën Premier, pasi që pësoi një lëndim serioz dhe pas rikthimit nga lëndimi, nuk arriti ta bindë trajnerin e ekipit anglez për aftësitë e tij.

Mirëpo që nga ardhja në Serie A, mesfushori nga Maqedonia i ka mahnitur të gjithë me lojën e tij dhe pavarësisht disa mungesave si titular, ai ka qenë çelësi i atyre pak pikëve që ka marrë skuadra “granata”.

“Blerimi e ka dëshmuar se ka kualitet të madh, edhe si lojtar edhe si njeri. Ai është një lojtar me vlera të mëdha, i cili është i rëndësishëm tani dhe do të jetë edhe në të ardhmen”, ka thënë presidenti i Torinos, Cairo.

[Damian1]

Champions, Pobeda dënohet 8 vjet për fiksim rezultatesh

Skuadra maqedonase “Pobeda” dënohet me tetë vjet mospjesëmarrje në garat evropiane pasi Ka fikduar rezultatin e një ndeshjeje në Champions

Kampioni i Maqedonisë në futboll, Pobeda, është dënuar nga UEFA me tetë vjet mos pjesëmarrje në të gjitha ligat evropiane, për shkak të kurdisjes së ndeshjes me skuadrën armene Pjunik.

Kjo është bërë e ditur nga UEFA, vendimi i së cilës erdhi pas hetimeve që janë bërë në lidhje me ndeshjen e parë të kualifikimeve për Ligën e Kampionëve ndërmjet këtyre dy skuadrave, e cila ishte zhvilluar më 13 korrik të vitit 2004.

UEFa kishte analizuar ndeshjet e FC Pobedës pasi në duelin e parë ishin vendosur shuma të mëdha për fitoren e armenëve në Maqedoni, e cila kishte një koefiçent 5.5 dhe kështu ndodhi, Piunik fitoi jashtë fushës dhe barazoi në Armeni.

[Damian1]

Liverpool, ndoshta pa kapitenin Gerrard kundër Arsenalit

Me shumë gjasa, Liverpool do të privohet nga numri 8 në ndeshjen vendimtare për titullin, atë ndaj Arsenalit në “Anfield Road”

Pasi u eliminua nga Champions, në një ndeshje epike si ajo me Chelsea, tashmë Liverpool ka përqendruar forcat në kampionat, dhe përpara ka ndeshje kritike.

Sipas tabloidit britanik "The Sun", Liverpooli do të luajë në mungesë të simbolit Steven Gerrard në takimin e Premier Ligës, të martën kundër Arsenalit në Anfield.

Mesfushori anglez mungoi në ndeshjen mjaft të rëndësishme të Ligës së Kampionëve, ku Liverpooli u eliminua nga Chelsea, ndërsa mungesa edhe kundër Topçinjve, do të jetë një goditje e madhe për Të Kuqtë, të cilat janë në garë për ta fituar titullin kampion të Anglisë.

Sipas të njëjtit burim që citon drejtues të Liverpool, 28- vjeçari Gerrard mund të mungojë edhe në takimin e Liverpoolit kundër Hull City në fundjavën e ardhshme.

[Damian1]

Sot Partizani-Tirana, rivaliteti i përjetshëm vazhdon

“Me një pikë do të isha i kënaqur, pasi bëhet fjalë për kundërshtar të fortë”, - tha Duro, i cili në takimin e fundit midis dy klubeve arriti të barazonte 2-2 me Tiranën, çka solli më pas edhe shkarkimin e ish-trajnerit boshnjako-kroat Bllaz Slishkoviç

Trajneri i Partizanit, Shpëtim Duro, e konsideroi Tiranën, rivalen e përjetshme dhe kundërshtaren e radhës në kampionat si një “Celsi” në këndvështrimin financiar, por në atë sportiv njëshi i “demave” është i bindur se skuadra e tij është e aftë t’u marrë pikë bardhebluve. Edhe pse Partizani ka një diferencë prej -25 pikësh me Tiranën kryesuese e në dy ndeshjet e fundit në kampion” kanë humbur si me Dinamon e Vllazninë, optimizmi në shtëpinë e kuqe para derbit me 23-herë kampionët është i lartë.

“Me një pikë do të isha i kënaqur, pasi bëhet fjalë për kundërshtar të fortë”, - tha Duro, i cili në takimin e fundit midis dy klubeve arriti të barazonte 2-2 me Tiranën, çka solli më pas edhe shkarkimin e ish-trajnerit boshnjako-kroat Bllaz Slishkoviç.

Mesfushori durrsak i Partizanit, Dritan Babamusta (27 vjeç, 18 ndeshje, 3 gola gjatë këtij edicioni), pohoi se përballë të tilla takimeve motivimi i lojtarëve vjen natyrshëm, pasi në një derbi si Partizani-Tirana, secili ekip dëshiron të dalë i fituar. “Pavarësisht se kemi synime të kundërta, Tirana për të dalë kampion e Partizani për të qëndruar në Superligë. Mund të them se një barazim do të ishte i kënaqshëm për ne”, - tha Babamusta, i cili është në sezonin e tij të me Partizanin (69 ndeshje, 6 gola në total), pas jo pak, por 9 sezoneve me Teutën (185 ndeshje, 17 gola në periudhën 1997-2005).

Blendi Nallbani, një nga titullarët e Tiranës dhe ndër më të “moshuarit” e kampionatit (37 vjeç), e vlerëson ndeshjen me ish-skuadrën e tij, Partizani (9 sezone, 126 ndeshje në total), si një nga gjashtë finalet e mbetura deri në fund të sezonit. “Partizani është një kundërshtar i vështirë. Të gjithë rivalët tanë presin të gabojmë. Ne duhet te mendojmë të fitojmë, sesa të shpresojmë vetëm në një hap fals të Vllaznisë. Në një derbi nuk luajnë rol përbërjet e skuadrave, pozicionin në klasifikim. Unë mendoj se Partizani duhet pasur frikë”, - tha Nallbani, i cili deri tani është aktivizuar në 15 sezone me Tiranën, 276 ndeshje në total me fanellën bardheblu.

Të njëjtën mendim për sfidën e sotme ndan edhe zëvendëstrajneri i Tiranës, italiani Mauro Bençivenga. “Do të jetë një takim i fortë dhe i hapur. Do të futemi në fushë për të fituar e për të mos e lëshuar vendin e parë”, - tha ndihmësi i Agustin Kolës. Tirana kryeson kampionatin me 54 pikë pas 27 javësh, me pikë të barabarta me Vllazninë, që nga ana e saj luan me Teutën (38) në Durrës. Dinamo (47) do të luajë në transfertë me Besën (38) në Kavajë. Shkumbini (41) pret Lushnjën (29), ndërsa Flamurtari (30) do të luajë në Vlorë me Apoloninë (25). Elbasani (27), tashmë nën drejtimin e Ramadan Shehut do të presë në shtëpi Bylisin (25) e vendit të fundit.

[Damian1]

Ankandi për portier, Bayern Munchen kërkon francezin Frey

Kampionët e Bundesligës, Bayern Munchen do të ofrojnë një shumë të majme për gardianin e portës së Fiorentinës, Frey

Bayern Munchen është gati të bëjë një ofertë për portierin e Fiorentinës, francezin Sebastien Frey. “Il Corriere Dello Sport” njofton se kampionët gjermanë nuk janë të kënaqur me Michael Rensing, prandaj dëshirojnë një portier më të sigurt në portën e tyre.

Bavarezët do t’i ofrojnë 20 milionë euro Fiorentinas për të hequr dorë nga portieri francez, i cili vazhdon të konfirmojë formën e tij të mirë prej disa vjetësh në Serie A.

Në ndeshjet e Champions League, porta e Bayern Munchen u mbrojt nga Jorg Butt por kjo nuk mundi të evitojë pësimin e 5 golave nga ana e Barcelonës. Pas largimit të Kahn, porta bavareze ka qenë e pastabilizuar.