Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Tifozët e Romës kundër shitjes së mbrojtësit francez Mexes

Eksodit tek skuadra e Romës, pritet ti shtohet edhe Philippe Mexes por tifozët kanë kundërshtuar një gjë të tillë

Mbështetësit e skuadrës nga kryeqyteti italian kërkojnë që Roma të mos e shesë mbrojtësin francez Philippe Mexes gjatë afatit kalimtar veror.

Tuttomercatoweb.com ka njoftuar se verdhekuqtë do të shesin shumë lojtarë në merkaton verore, sidomos nëse nuk kualifikohen në Ligën e Kampionëve, ndërsa njëri prej lojtarëve që mund të largohen është edhe Mexes.

Mbrojtësi kërkohet nga Milani dhe Juventusi, megjithatë, kapiteni Francesco Totti së fundmi ka mohuar spekulimet për shitjen e lojtarëve romakë në fund të sezonit.

Sido që të, jetë tifozët romakë i kanë marrë gjërat në duart e tyre duke vendosur një pllakat të madhe jashtë fushës stërvitore të klubit Trigoria, ku shkruan: “Mexesi është i paprekshëm”.

[Damian1]

Bayern dhe Wolfsburg fitojnë duke mbajtur distancën 3 pikë

Bayern Munchen ka fituar 0-1 në fushën e Arminia Bielefeld ndërsa Wolfsburg kaloi me vështirësi 2-1 Bayer Leverkusen

Lufta në Bundesligën gjermane ashpërsohet më shumë me kalimin e javëve dhe dueli në distancë mes Bayern Munchen dhe Wolfsburg ka vazhduar me fitoret respektive. Bayern fitoi 0-1 në Bielefeld me një gol të sulmuesit italian Luca Toni që ka vlejtur 3 pikë.

Por edhe kryesuesja e Bundesligës, Wolfsburg fitoi 2-1 ndaj Bayer Leverkusen duke mbetur 3 pikë larg vendit të dytë që mbahet nga bavarezët. Grafite shënoi dy herë për vendasit, një prej të cilëve me penallti ndërsa Kroos sigloi barazimin e përkohshëm.

Skuadra e Stuttgart mori një fitore me vlerë 0-3 në fushën e Koln ndërsa ka fituar jashtë fushës edhe Dortmundi me shifrat 0-2 ndaj Bochum.

Rezultatet:

Koln 0 - 3 Stuttgart

Arminia Bielefeld 0 - 1 Bayern Munich

Bochum 0 - 2 Borussia Dortmund

Eintracht Frankfurt 4 - 1 Monchengladbach

Karlsruhe 2 - 2 Hoffenheim

Wolfsburg 2 - 1 Bayer Leverkusen

[Damian1]

Derbi Partizani-Tirana barazim, humb Vllaznia me Teutën

2-2 është mbyllur derbi i kryeqytetit mes Partizanit dhe Tiranës, ndërsa Vllaznia ka humbur kreun pasi u mund 1-0 nga Teuta

Partizani dhe Tirana kanë dhuruar spektakël në kryendeshjen e kësaj jave në stadiumin “Qemal Stafa” ndërsa derbi i kryeqytetit është mbyllur me nga një pikë dhe dy gola për secilën skuadër. Barazimi ka premiuar Tiranën e cila tani ndodhet në krye të renditjes.

Dy gola të Daniel Xhafaj për bardheblutë dhe golat e Babamustës dhe të korçarit Ngjela ishin kulmet e kësaj sfide, përveç tensionit që nuk mungoi në fushë dhe në stadium.

Befasia ka ardhur nga Teuta e cila mundi 1-0 në “Niko Dovana” skuadrën e Vllaznisë duke bërë që shkodranët të rrëshqasin në vendin e dytë. Goli i vetëm erdhi nga Vangjel Mile. Besa dhe Dinamo barazuan 1-1 me gola te Lecit dhe Cekos. Fitore edhe per Shkumbinin 1-0 ndaj Lushnjes me gol te Dervishit.

Elbasani rikthehet tek fitorja pas shume kohesh duke mundur 2-1 Bylisin. Takimi i vetem pa gola i javes se 28-te eshte ai mes Flamurtarit dhe Apolonise.

Rezultatet:

Partizani 2-2 Tirana

Teuta 1-0 Vllaznia

Besa 1-1 Dinamo

Shkumbini 1-0 Lushnja

Elbasani 2-1 Bylis

Flamurtari 0-0 Apolonia

[Damian1]

Zarate bën Lazio “të fluturojë”, Genoa rrezikon vendin e 4

Njëra nga ndeshjet më të rëndësishme të javës së 32-të në Serie A, e zhvilluar në Stadio Ferraris ndërmjet Genoas dhe Lazios, ka përfunduar me fitoren minimale të skuadrës mike

Pas fitores kundër Romës javën e kaluar në derbin roman, duket se Lazio ka marrë zemër për t’i dhënë fund serisë së ndeshjeve të dobëta, dhe do të kërkojë një vend që çon në Evropë.

Golin e vetëm në ndeshje e shënoi argjentinasi Mauro Zarate (65’), i cili ia siguroi tre pikë skuadrës së tij, duke e ngritur në pozitën e shtatë me një pikë më shumë se Palermo, e cila të dielën e zhvillon ndeshjen e javës së 32-të kundër Bolognas.

Nga ana tjetër, kjo humbje mund t’i kushtojë Genoas, pasi që me fitore eventuale kundër Udineses të dielën, Fiorentina mund t’ia zë vendin e katërt. Po ashtu një mundësi e artë i është dhënë edhe Romës që të afrohet drejt vendit të katërt, nëse shënon fitore në Olimpico kundër Lecces.

[Damian1]

Chelsea në finale të FA Cup pasi eliminoi Arsenalin 2-1

Skuadra londineze e Chelsea ka fituar 2-1 në “Wembley” dhe tani do të njohë finalisten tjetër në FA Cup, që do dalë nga Manchester United-Everton

Gjysmëfinalja e parë e Kupës FA e zhvilluar të shtunën mbrëma në Wembley, ndërmjet Arsenalit dhe Chelseat, ka përfunduar me fitoren e Bluve me rezultat prej 2-1.

Topçinjtë ishin skuadra e parë që hapi rezultatin me anë të Theo Walcott (18’), megjithatë të zgjedhurit e Guus Hiddink u treguan të vendosur duke arritur ta përmbysin këtë rezultat.

Në minutën e 33-të, Blutë i barazuan shifrat me anë të mesfushorit Florent Malouda dhe ishte ky rezultati i pjesës së parë.

Gjashtë minuta pa përfunduar koha e rregullt, në skenë doli i rikthyeri në formë, Didier Drogba, i cili e dënoi Arsenalin me golin e fitores që e dërgon Chelsean në finale të FA Cup, ku do të ndeshet me fituesin e përballjes Manchester United-Everton.

[Damian1]

Barcelona fiton ndaj Getafe nën firmën e Lionel Messit

Skuadra katalanase nuk njeh rivalë as në fushat kundërshtare dhe këtë e ka treguar edhe këtë fundjavë ndaj Getafes ku fitoi 0-1

Barcelona vendos seriozisht një dorë tek titulli pas fitores 0-1 ndaj Getafes, ku tashmë rrethi ngushtohet ndërsa kampionati i afrohet fundit. Getafe u detyrua ti nënshtrohet një goli të Lionel Messit në minutën e 19-të të pjesës së parë.

Dominimi i Barcelonës vazhdoi edhe me kalimin e minutave por në disa tentativa sulmuesit u ndalën nga portieri dhe në një rast nga shtylla.

Rezultatet:

Athletic Bilbao 0 - 1 Deportivo La Coruna

Atletico Madrid 3 - 0 Numancia

Getafe 0 - 1 Barcelona

Malaga 1 - 1 Mallorca

[Damian1]

Mbyllet barazim 1-1 derbi i Italisë, Juventus ndal Interin

Një gol i sulmuesit Mario Balotelli ka bërë që Interi të jetë më pranë se kurrë, rikonfirmimit si kampion i Italisë por më pas barazimi final erdhi nga Grygera

Juventus barazon 1-1 me Interin dhe nuk përfiton nga faktori fushë për të ngushtuar distancën me kreun. Dy gola në pjesën e dytë mbyllën derbin e Italisë 1-1.

Është dashur një kundërsulm “i zi” i nisur nga Muntari dhe i përfunduar nga Mario Balotelli për të mposhtur Juventusin në tempullin e tij në Torino.

Goli për Interin ka ardhur në pjesën e dytë pasi deri në atë minutë kishte patur shumë raste por nuk ishin tundur rrjetat e Buffon dhe Julio Cesar. Në minutën e 64 Mario Balotelli mposhti bardhezinjtë me një goditje rrafsh me tokën.

Më pas rreth 15 minuta nga fundi arbitri ndëshkoi edhe portugezin Thiago me karton të kuq dhe gjërat u bënë të pamundura për Juventus. Por një kros në zonën e Interit ka sjellë golin e barazimit për Juventus pasi Zdenek Grygera shënoi me kokë.

[Damian1]

Gaspart: Mos zgjidhni Florentino Perez për Real Madrid

Ish presidenti i Barcelones, Joan Gaspart shpreson qe Florentino Perez te mos zgjidhet president i Real Madrid

“U kerkoj madrileneve te mos e votojne per te miren e Barcelones. Ata duhet te votojne dike tjeter”, shprehet ish kreu katalanas per periudhen 2000-2003.

Ne intervistat dhene per gazetat “Marca” e “As” ai thekson se Florentinon e ka mik, por si president te Real Madrid nuk e admiron. “Me beri nje shaka te hidhur kur me mori Figon dhe kete nuk kam per ta harruar asnjehere”, thekson Gaspart.

Zgjedhjet per presidencen e Real Madrid do zhvillohen ne fund te muajit maj dhe eshte pikerisht Perez favoriti per te marre drejtimin edhe pse gjerat jane bere me te paqarta me rikthimin e Ramon Calderon.

[Damian1]

Drogba: Ende nuk kemi fituar asgjë, Chelsea i duhen tituj

Sulmuesi afrikan Drogba ka thënë se skuadra e tij duhet të qëndrojë me këmbë në tokë pavarësisht sukseseve të fundit me Liverpool dhe Arsenal

Heroi i Chelsea në gjysmëfinalen e FA Cup, Didier Drogba, është shprehur i ngazëllyer me eliminimin e Arsenalit, por i ka paralajmëruar bashkëlojtarët e tij se ende nuk kanë fituar asgjë.

“Jemi në finale të Kupës FA dhe në gjysmëfinale të Ligës së Kampionëve. Jemi pak mbrapa në Premier League, por ende jemi aty. Megjithatë, do të themi që kemi pasur një sezon të mirë, vetëm atëherë kur të fitojmë diçka, përndryshe të gjitha do të jenë dështim” tha Drogba.

“Është kënaqësi që jemi në finale të FA Cup, por do të jemi të lumtur vetëm atëherë kur ta fitojmë trofeun”, ka thënë sulmuesi nga Bregu i Fildishtë. Ai ishte vendimtar edhe në kualifikimin e Chelsea në Champions League ndaj Liverpool.

[Damian1]

Roma drejt Champions pas fitores, sukses për Udinese

Roma ka mundur 3-2 skuadrën e Lecce duke mbetur në garë për Champions League ndërsa ka fituar edhe Udinese me Fiorentinën. Disfatë për Napolin e Donadonit

Roma ka fituar me vështirësi ndaj skuadrës së Lecce 3-2 por ka marrë 3 pikë të vyera në stadiumin “Olimpico”.

Verdhekuqtë e trajnerit Spalletti iu falën dy golave të Totti, një prej të cilëve me penallti dhe njëtë Brighi, për të kaluar miqtë që kishin barazuar më parë me Munari dhe Papadopoulos.

Udinese fitoi 3-1 me skuadrën e Fiorentinës. Autorët e golave për vendasit ishin D’Agostino dy herë, një prej të cilëve me penallti, ndërsa për miqtë nga Firenze shënoi mbrojtësi Dainelli.

Atalanta humbi ndaj Reggina 0-1 ku ishte Ceravolo në minutën e 40 që i dha 3 pikët kalabrezëve. Cagliari-Napoli u mbyll 2-0 me golat e Jeda dhe Lazzari 47, ndërsa Catania fitoi me Sampdoria 2-0 me golat e Mascara dhe Martinez. Palermo-Bologna 4-1 dhe Siena-Chievo 0-2.