Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Arshavin thotë se golat e shënuar ishin fat.

Mesfushori rus Andrei Arshavin thotë se katër golat e tij të shënuar për Arsenalin në përballje me Liverpoolin ishin që të gjitha të shënuara me fat.

“Ndonjëherë thjesht ndodh që çdo goditje fluturon në rrjet. Në karrierën time kam shënuar dy hat-trick por kurrë nuk kisha shënuar katër gola.

Ndjehem mirë, por i zhgënjyer që nuk arritëm të marrin rezultatin që dëshiruam”, ka thënë Arshavin.

“Të dy ekipet kërkonin fitoren. Ishte një ndeshje e pabesueshme. Ne dëshirojmë të fitojmë çdo ndeshje dhe të jemi sa më lartë në tabelë dhe jo në pozitën e katërt”, ka shtuar mes tjerash rusi.

[Damian1]

Shevchenko dëshiron të shënojë sërish...

Andriy Shevchenko, ka shënuar dy gola, së bashku me Kaka, derisa Milani shënoi fitore 5-1 në miqësohen e mbrëmshme kundër 11-shes së zgjedhur të ligës së Hungarisë.

Pas ndeshjes, e cila u ndoq nga 40 mijë fansa hungarez, Shevchenko ka deklaruar se ai dëshiron të fillojë të shënojë gola sërish për Milanin.

“Të shënoj gola sërish do të jetë një gjë e bukur, por për të shënuar duhet të jesh në fushë. Të qenit shënuesi i dytë më i mirë në historinë e këtij klubi të mrekullueshëm është gjë fantastike. Gjithmonë kam dashur ta arrij këtë, por frika më e madhe është se nuk do të kem rast të luftoj për rekord tjetër”, ka thënë ukrainasi.

Në listën e golashënuesve në ndeshjen e mbrëmshme u shënua edhe Ronaldinho, i cili shënoi nga penalltia, derisa në ndeshje gjatë 90 minutave u angazhuan edhe nënshkrimet e muajit janar, Felipe Mattioni dhe Thiago Silva.

[Damian1]

Gerrard: United do të ngecë sërish

Kapiteni i Liverpoolit, Steven Gerrard, thotë se Manchester United ka gjasa të ngecë në tentimin për të fituar titullin e këtij sezoni

“United ka një ekip fantastik dhe duhet të shohim vetëm ecjen e tyre, të shohim nëse do të humbasin pikë. Do të ishte shumë më ndryshe nëse ne do ta kishim humbur ndeshjen (ndaj Arsenalit)”, thotë Gerrard.

“Mendoj se një pikë do të thotë shumë. Duhet të presim dhe të shohim sa e madhe do të jetë kjo pikë për ne”.

“Tash duhet që United të mposhtet që është shumë e vështirë për t’u bërë, pasi është një ekip i mirë. Ende besoj se do të ketë kthesa në garën për titull dhe do të vazhdojmë të luftojmë”, ka shtuar kapiteni i të kuqve.

[Damian1]

Hiddink: Chelsea duhet t’i thotë lamtumirë titullit

Trajneri holandez Guus Hiddink ka thënë se tashmë Chelsea duhet të fokusohet në vendin e dytë pasi kreu është i pamundur

Trajneri i Çelsit, Gus Hidink ka pranuar se skuadra e tij ka hequr veten nga lufta për titull pas barazimit me Evertonin në 'Stmaford Bridge". Kjo ndeshje u mbyll pa gola, kështu që tashmë Çelsi ngec 6 pikë dhe ka një ndeshje më shumë të zhvilluar se sa Mançester Junajtedi. "Kemi thënë para ndeshjes se nuk guxojmë më të humbim pikë, por i humbëm", ka thënë Hidink i zhgënjyer.

Megjithatë, Çelsi mbetet në garë për dy trofe tjerë: Ligën e Kampionëve dhe Kupën e Anglisë. Në gjysmëfinale të Ligës së Kampionëve londinezët do të ballafaqohen me Barecelonën, kurse në finale të Kupës së Anglisë më 30 maj do të luajnë kundër Evertonit.

"Teorikisht edhe më tej jemi në garë për titull, por duhet të jemi të sinqertë dhe tashmë të përqendrohemi në Ligën e Kampionëve dhe Kupën e Anglisë. Kemi luftuar në Ligën Premiere aq sa kemi mundur, por pas disa ditësh na pret sfida me Barcelonën, kurse më pas edhe finalja e Kupës së Anglisë, prandaj ky edicion mund të jetë i suksesshëm për ne", ka nënvizuar Hidink.

Trajneri hollandez ka thënë se skuadra e tij duhet të luajë lojë më të mençur në sulm. "Ne kërcënuam vazhdimisht portën kundërshtare, por nganjëherë kjo nuk mjafton. Evertoni u mbrojt me kujdes dhe me shumë futbollistë. Në raste të tilla ne duhet të luajmë lojë më të mençur në sulm", ka përfunduar Hidink.

[Damian1]

Pepe shokon Real Madridin: Nuk dua të luaj më futboll

Incidenti me një kundërshtar në ndeshjen ndaj getafes ka kthyer kundër Pepes të gjithë opinionin dhe tashmë portugezi thotë se ndoshta mund të mos luajë më

Pas episodit te pazakonte mes mbrojtesit te Real Madrid, Pepe dhe lojtarit te Getafes, Casquero, ne ndeshjen e fituar 3-2 nga skuadra “merengues”, lojtari portugez ben nje deklarate shokuese.

Behet fjale per momentin e rrezimit te lojtarit te Getafes, te cilin Pepe e qelloi dy here me shkelma edhe pse ai ndodhej i shtrire pertoke. Kjo u denua nga te gjithe lojtaret ne fushe.

“Nuk dua te rikthehem me ne fushen e futbollit. Ne ate moment as nuk e kuptova domethenien e sjelljes time. Humba kontrollin per disa minuta. Nese do ta kuptoj se nuk jam ne gjendje te rikthehem ne fushe, do t’u dedikohem gjerave te tjera”, theksoi lojtari ne nje interviste dhene per gazeten “Marca” dy dite pas episodit te dhunshem.

[Damian1]

Bayern Munchen kërkon holandezin Rafael Van der Vaart

Skuadra kampione e Gjermanisë kërkon të përfitojë nga mosaktivizimi i Van der Vaart me Realin për ta sjellë në Bavari

Kampioni i Gjermanisë, Bayern Munich, është duke përcjellë situatën e mesfushorit të Real Madridit, Rafael van der Vaart, i cili nuk është i kënaqur me gjendjen e tij në Bernabeu.

Sipas DSF, gjigantët bavarezë janë afër t’ia plotësojnë Van der Vaartit dëshirën për t’u larguar nga Los Blancos, pasi që po përgatisin një ofertë për të.

Në fund të këtij sezoni Bayerni mund të mbetet pa mesfushorin francez Franck Ribery, pasi që për të janë të interesuara shumë skuadra të mëdha evropiane, duke përfshirë edhe Real Madridin.

Mësohet se galaktikët tashmë kanë bërë një ofertë për Riberyn, ndërsa ata mund ta përfshijnë në marrëveshje edhe kalimin e Van der Vaart në Allianz Arena.

[Damian1]

Tifozët e Juventus “kryqëzojnë” ekipin dhe Cannavaron

Tifozët e Juves kundër ekipit të tyre dhe vendimit për rikthimin e Kanavaros. “Për ju nuk kemi më kohë që të humbim”. Kontestimi vjen pas eliminimit nga Kupa e Italisë, me Lacion

Një parullë është shkruar në rrugët e qytetit të Torinos, nga një grup ultrasish, që nuk janë pajtuar me dështimin e fundit. Në ndeshjen me Lacion, tifozët nuk kanë dashur që të rikthehet Fabio Kanavaro, sërish në klubin e Juves.

Një numër jo i madh tifozësh kanë shkruar edhe disa parulla kundër ekipi, ndërkohë një nga aksionerët e klubit, Blank ka takuar skuadrën dhe i ka dhënë sërish mbështetje trajnerit Klaudio Ranieri.

Sipas Blank, Ranieri mbetet pjesë e ekipit dhe vazhdon të ketë besimin e klubit. Klaudio Ranieri drejton Juven, që nga fillimi i sezonit dhe pas eliminimit nga Kupa e Italisë ekipi i tij nuk do të ketë më asnjë shans për të fituar ndonjë trofe. I vetmi objektiv për bardhezinjtë është pozicionimi në vend të tretë.

[Damian1]

Finalja e kupës së Italisë, Sampdoria-Lazio, jashtë Inter

Skuadra e Interit është eliminuar nga Sampdoria, edhe pse në takimin e kthimit fitoi 1-0, por miqve u vlejti fitorja 3-0 në ndeshjen e parë

U desh një magji e Zlatan Ibrahimovic por kjo nuk mjaftoi që Interi të kualifikohej në finalen e kupës së Italisë, trofeu ”TIM”. Skuadra e drejtuar nga Mourinho ka fituar 1-0 në ndeshjen e dytë ndaj Sampdorias, por dorianët ishin imponuar në sfidën e parë 3-0 dhe në total Interi u skualifikua.

Në ndeshjen e luajtur në “San Siro”, kampionët e Italisë ishin superiorë në shumicën e minutave, por goli i avantazhit erdhi në minutën e 27-të. “Ibracadabra” dërgoi në rrjetën e Castelazzi një top të bukur që vlejti avantazhin e Interit.

Më pas shtatlarti suedez goditi edhe shtyllën por ndeshja nuk ndryshoi deri në fundin e lojës. Në fundin e ndeshjes Marco Materazzi u ndëshkua edhe me karton të kuq duke i vënë vulën skualifikimit të Interit. Tani në finale do jetë Lazio ndaj Sampdorias.

[Damian1]

Resino: Nuk do të largohem nga Atletico.

Trajneri i Atletico Madrid, Abel Resino, nuk ka koment pas humbjes së mbrëmshme turpëruese prej 5-1 nga Racing Santander.

“Ka pasur shumë gabime dhe ekipi kurrë nuk e kontrolloi ndeshjen. Këto janë gjëra të pakuptueshme dhe të pashpjegueshme. Nuk mund ta kuptoj dhe nuk mund ta shpjegoj”, ka thënë Resino.

“Nuk do të largohem. Sonte u ndjeva keq. Por nesër duhet të rikthehem në punë dhe t’i mbledh lojtarët. Do të vazhdoj përpara, jam tip luftarak”, ka shtuar spanjolli.

[Damian1]

Benitez: Liverpool më i mirë se United

Menaxheri i Liverpoolit, Rafa Benitez, ka bërë edhe një ngacmim ndaj Manchester United dhe trajnerit Sir Alex Ferguson, duke përsëritur se Liverpooli është më i mirë se kampioni në fuqi.

“Nuk po krijoj luftë fjalësh me Alex Ferguson, por besoj se ai mund të shohë se ne jemi ekip më i mirë dhe jemi shumë afër United. Ai është mësuar të luajë lojëra të tilla mendjeje për shumë vite”.

“Askush nuk ka thënë asgjë kundër tij, ose të ngrihet ndaj tij, pasi ai ka një ekip shumë të mirë i cili mund të fitojë trofe. Duket se ai ka licencë për të bëra gjëra të tilla”, thotë Benitez.