Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Spanjolli Cesc Fabregas drejt Milanit, bëhet gati oferta

"La Gazzetta Dello Sport" njofton se Milani dëshiron ta sjellë në San Siro asin e Arsenalit, Francesc Fabregas

Kuqezinjtë janë pranë humbjes së Ricardo Kaka, i cili pritet që të hënën të nënshkruajë kontratë me Real Madridin, ndërkohë drejtuesit kuqezi dëshirojnë ta përforcojnë skuadrën me paratë e fituara nga shitja e brazilianit.

Mediat italiane njoftojnë se Fabregas do të ishte lojtari i duhur për klubin nga Serie A, ndërsa mesfushori spanjoll ka shprehur dëshirën për t’u larguar nga Topçinjtë pas aventurës gjashtëvjeçare në Londër.

Mësohet se ish-bashkëlojtarët e tij, Mathieu Flamini dhe Philippe Senderos, janë duke bërë orvatje për ta bindur Fabregasin që të nënshkruajë për Milanin.

[Damian1]

Barça-Real, “derbi” për argjentinasin Javier Mascherano

Argjentinasi i Liverpool, Javier Mascherano perplas Barcelonen e Realin edhe jashte fushe pasi dy klubet kërkojnë të firmosin me të

Sipas gazetes “Sport”, dy gjigandet e futbollit spanjoll jane vene ne ndjekje te mesfushorit, i cili nuk e ndien me veten komod ne “Anfield Road”.

Pengesa me e madhe per largimin e lojtarit eshte trajneri Rafa Benitez. Vetem nje shume qe shkon deri ne 25 milione euro do t’ua prishte mendjen drejtuesve te Liverpool. Mascherano shihet si nje zevendesues i denje per dyshen Yaya Toure e Keita qe pritet te aktivizohen ne Kupen e Afrikes dhe kjo do krijonte nje boshllek te madh ne repartin e mesfushen katalanase.

Barcelona eshte vene ne ndjekje edhe te mbrojtesit te Romes, John Arne Riise, i cili eshte shprehur se aktualisht ndodhet ne organiken verdhekuqe dhe nuk ka ndermend te largohet. Emer tjeter ne listen e trajnerit Pep Guardiola eshte edhe Filipe Luis i Deportivo La Coruna-s.

[Damian1]

Liverpool rrezikon falimentimin, ka një barrë borxhesh

Kohë të keqija për klubin anglez të Liverpool që duket se është në prag të krizës financiare, prej borxheve

E ardhmja e “The Reds” eshte ne rrezik pasi arka e shoqerise po boshatiset, ndersa borxhet e pronareve Hicks dhe Gillet jane shtuar.

Lajmin e ben te ditur tabloidi “Guardian” qe citon raportin e shoqerise te revizionit Kpmg. Kjo shoqeri u punesua nga dy banka qe synonin te financonin klubin me rreth 350 milione euro hua.

Sipas ketij raporti, shoqeria kontrolluese e klubit “Kop Football” ka nje barre te madhe borxhesh.

Sinjalet negative per shoqerine e Liverpool jane dhene edhe me pare ku pronaret amerikane kane deklaruar shpesh here se bilanci i shoqerise nuk eshte pozitiv, madje per shume vjet “The Reds” jane detyruar te jetojne bashke me borxhet e medha.

[Damian1]

Anglia dhe Capello nuk njohin rivalë, 0-4 në Kazakistan

Kombëtarja angleze e drejtuar nga Capello ka vazhduar serinë e fitoreve edhe ndaj modestëve të Kazakistanit 0-4

Anglia dhe trajneri italian Fabio Capello nuk njohin rivalë në fushatën eliminatore të botërorit të ardhshëm në 2010. Ekipi anglez që drejtohet me sukses nga tekniku friulan fitoi 0-4 në Kazakistan me një lojë dominuese.

Pas një fillimi nën nivel, skuadra vendase shënoi një gol por që u zhvlerësua nga anësori për pozicion të parregullt në zonën angleze. Këtu filluan vuajtjet e Kazakistanit.

Ishte Gareth Barry ai që shënoi pas një krosi nga e majta e sulmit duke i dhënë avantazhin Anglisë.

Më pas para fundit të pjesës së parë sulmuesi Emile Heskey shënopi golin e dytë për Anglinë nga një distancë e afërt. Në fraksionin e dytë Wayne Rooney shënoi për shifrat 3-0 duke eklipsuar çdo shpresë të vendit të “Borat”.

Kur dukej se ndeshja do të mbaronte 3-0 për Anglinë, miqtë shënuan sërish golin e fundit. Frank Lampard ktheu në gol një penallti të akorduar. Tashmë Anglia kryeson grupin me 6 fitore në po kaq ndeshje dhe 18 pikë në total.

[Damian1]

Zidane: I lumtur nëse Kaka’ vesh fanelën me numër 5

Legjenda e Realit, Zinedine Zidane ka thënë se do të ishte i limtur nëse braziliani Kaka’ do të kishte fanelën 5 te Reali

Këshilltari i Realit të Madridit, Zinedin Zidan, u ka pohuar gazetarëve në Itali se transferimi i Kakasë është punë e kryer, pasi braziliani tashmë ka hedhur nënshkrimin mbi kontratë me klubin madrilen.

Ai një gjë të tillë e bëri në konferencën për shtyp në Romë, ku mori pjesë në ndeshjen lamtumirëse të ish-kolegut të tij në kombëtaren e Francës dhe ish-futbollistit të Romës, Vinsente Kandela.

"Kaka ka nënshkruar me Realin, apo jo?!", ka pyetur Zidan gazetarët dhe ka buzëqeshur. Më pas, ai ka refuzuar ta konfirmojë një informatë të tillë si zyrtar i Realit, duke vazhduar të 'luajë' me gazetarët.

"Unë nuk e di, për këtë arsye po ju pyes juve", ka theksuar francezi duke buzëqeshur sërish. "Personalisht do të jem shumë i lumtur nëse Kaka do të jetë pasardhës i fanellës time me numrin 5. Nuk do të bëhem xheloz, pasi kemi të bëjmë me një futbollist të madh", ka përfunduar Zidan.

[Damian1]

Secco: Me Diegon, Juventusi do të shpallet kampione

Drejtori sportiv i “Zonjës së Vjetër” ka thënë se ardhja e Diegos në ekip, do të dërgojë ata drejt titullit në Serie A

Drejtori sportiv i Juventusit, Alessio Seko, thotë se ardhja e Diegos në klub do t’i rikthejë bardhezinjtë në pistat e kampionëve.

“Kishim një fillim të mirë në tregun e transferimeve. E organizuam kompletimin e transferimeve për po thuajse një vit. E bëmë atë që ishte e patjetërsueshme. Tash nuk do të ngutemi”, ka thënë Seko në një intervistë për Corriere dello Sport.

“Shuma e harxhuar (për Diegon, 24.5 milionë euro) është shumë e rëndësishme. Por duke marrë parasysh vitet dhe vlerën e lojtarit, mendoj se është reale. Diego është një prej lojtarëve të rrallë të cilët mund ta bëjnë ndryshimin”, ka shtuar italiani.

Zonja e Vjetër tashmë ka kompletuar edhe një transferim të rëndësishëm, duke rikthyer në Torino ish-mbojtësin e saj, Fabio Cannavaro.

[Damian1]

Natalie Rooney joshet dhe braktiset nga Fellaini

Kushërira e sulmuesit anglez u tradhtua nga një futbollist i Everton, ekip për të cilin modelja bën tifozllëk

Që ajo kishte një pasion për skuadrën e Everton, kjo dihej prej kohësh dhe fotoja nudo vetëm me shallin e skuadrës e vërtetonte këtë.

Por Natalie Rooney, kushërira e sulmuesit të Manchester United, Wayne, tani e ka konsumuar këtë pasion edhe në fushë me një futbollist pak të njohur, si Marouane Fellaini.

Ishte pikërisht modelja e njohur që tregoi mbi flirtin me lojtarin afrikan në faqet e “News of the World”. “Më joshi dhe më pas më braktisi” tha Natalie.

“Më bombardoi me SMS dhe telefonata por më pas zbulova se ai mendonte vetëm për seksin” tha kushërira e Wayne Rooney. “Ishte i çuditshëm me ato flokë të mëdhenj dhe të paqethur por në atë të tjera nuk kishte qime” tha duke qeshur Natalie.

[Damian1]

Lampard: Dua të jem si Mourinho kur të lë futbollin

Mesfushori i Chelsea ka thënë se synon të bëhet trajner i suksesshëm si Jose Mourinho me të cilin ka punuar më parë

Mesfushori i kombëtares angleze dhe skuadrës së Chelsea, Frank Lampard ka shfaqur ambiciet për tu bërë një trajner i suksesshëm, dhe të ndjekë hapat e Jose Mourinho, kur të braktisë futbollin e luajtur.

Lampard tha se as nuk po e mendon në këto kohë tërheqjen pasi beson në një sezon të sukseshëm nën drejtimin e Carlo Ancelotti. Por e ardhmja nuk dihet.

“Do të marr licencën e trajnerit për të qenë i aftë dhe më pas do të shoh. MË pëlqen të punoj me lojtarët kur të mos jem në gjendje të luaj vetë” tha Lampard. Më parë ai tha se nuk e pëlqente modelin e Mourinho por tani e ka vërtetuar që është fitues.

[Damian1]

Iniesta: Tek Barcelona deri në fund të karrierës time

Mesfushori i Barcelonës, Andres Iniesta, thotë se ai dëshiron ta përfundojë karrierën e tij si futbollist te klubi katalanas

Spanjolli Andres Iniesta ishte lojtar kyç në ekipin e Pep Guardiolës, që fitoi tre trofe këtë sezon. Gjithashtu vlerat e tij janë konfirmuar edhe në kombëtaren spanjolle si pjesë e pazëvendësueshme e mesfushës.

I pyetur në një intervistë për El Mundo Deportivo, se nëse është i interesuar për të kaluar në Santiago Bernabeu, ai është përgjigjur negativisht.

“Jo, jo, jam i qetë dhe i lumtur këtu. Ende ëndërroj të tërhiqem nga loja aktive me fanellën e Barcelonës”, ka thënë mesfushori katalanas Iniesta.

“Topi i Artë? Mund ta shoh veten si fitues të titujve me Barcelonën, por për të tjerat nuk mendoj shumë”, ka shtuar spanjolli i Barcelonës.

[Damian1]

Roma kërkon një Roman, në shënjestër rusi Pavlyuchenko

Futbollisti rus i Tottenham kushton rreth 10 milionë Euro dhe mund të ndërrojë kampionat pas lënies në hije në Londër

Roma është në kërkim të një sulmuesi shtatlartë dhe kualitativ për sezonin e ardhshëm dhe orët e fundit është zgjuar një interesim për një emër të vjetër.

Por ndërsa vazhdojnë zërat për një tratativë me Trezeguet, ka fituar ndjeshëm kuotë edhe emri i Roman Pavlyuchenko. Sulmuesi rus ishte në shënjestrën e klubit italian edhe në sezonin e kaluar kur u transferua nga Spartak Moska tek Tottenham.

Por kandidatura është rikthyer një aktualitet duke patur parasysh largimet e mundshme të Menez (Lyone) dhe Julio Baptista (Sevilla). Çmimi është 10 milionë Euro. Rusi Roman Pavlyuchenko në Angli ka patur një sezon të suksesshëm por ka mbetur në hije si rezultat i rezultateve të dobëta të skuadrës.