Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Trajneri Rossi lë Lazion: Nuk isha në qendër të projektit

Siç edhe u paralajmërua, trajneri i Lazios, Delio Rossi, në konferencën e shtypit ka pohuar se sezonin e ardhshëm nuk do ta drejtojë ekipin roman

Në një intervistë për mediat italiane gjatë fundjavës, Delio Rossi paralajmëroi se nuk do të jetë pjesë e Lazios në sezonin e ardhshëm. Sot trajneri italian pohoi edhe zyrtarisht se do të largohet nga klubi pas katër vitesh.

“Për mua është vështirë të them se nuk do të vazhdoj me Lazion pas katër vitesh të kaluara në klub. Ky nuk është një vendim i lehtë, një kohë të gjatë kam menduar për këtë, por kuptova se më nuk jam pjesë e projektit të klubit”, ka thënë Rossi.

“Fitova Kupën e Italisë para një stadiumi të mbushur dhe njerëz të gatshëm për festë. Më vjen keq që nuk do të jem pjesë e Superkupës”, ka shtuar mes tjerash italiani.

[Damian1]

Guus Hiddinkk: Sir Alex Ferguson gaboi taktikisht...

Ish-menaxheri i Chelseat, Guus Hiddink, ka fajësuar Sir Alex Ferguson dhe taktikën e gabuar të tij, për disfatën e Manchester United nga Barcelona në finalen e Ligës së Kampionëve.

“Finalen e Ligës së Kampionëve e shikova me një gëzim të veçantë. Ishte tepër e mërzitshme. Në fushë kishte vetëm një ekip dhe ishte Barcelona. Nuk kishte luftë të vërtetë dhe kjo është dëshmi se duhet më me kujdes ta analizoni kundërshtarin”, ka thënë Hiddink.

“Barcelona e luajti futbollin e vet, por ata dinin si t’i shfrytëzonin pikat e dobëta të United. Messi nuk luante në anën e tij të zakonshme të djathtë dhe më shumë lëvizte në pjesën e qendrës, derisa Samuel Eto’o luante në të djathtë”, ka shtuar holandezi

Hiddink nuk është i vetmi që e ka fajësuar Fergusonin për taktikë të gabuar. Pas finales së Romës, këtë e kanë bërë edhe Cristiano Ronaldo dhe Carlos Tevez.

[Damian1]

Turbullohet futbolli anglez, edhe West Ham ndryshon pronar

West Ham ndryshon pronar pasi shoqeria islandeze e Gudmundsson nuk ka mundur t’i beje balle krizes financiare

Keshtu, aksionet e klubit londinez i jane shitur shoqerise CB Holding, ndersa president do te jete aksioneri me i madh i kompanise, Andrew Bernhardt.

Menjehere sapo ka marre drejtimin e shoqerise, biznesmeni i njohur ka bere me dije se nuk do kryeje revolucion ne radhet e “Cekaneve”. West Ham u shit per rreth 114 milione euro edhe pse marreveshja ende nuk eshte publikuar ne detaje.

Nderkohe, kriza globale ka prekur edhe Newcastle qe pas shume sezonesh do luaje ne kategorine inferiore. Klubi i “Qymyrxhinjve” ka dale ne shitje per rreth 100 milione sterlina. Sipas televizionit BBC, deri tani jane ofruar disa bleres.

[Damian1]

Lippi: Kupa e Konfederatave, turne i rëndësishëm për ne

Përzgjedhësi i kombëtares së Italisë, Marçelo Lipi, e ka vlerësuar si tejet të rëndësishëm Kupën e Konfederatave, e cila zhvillohet gjatë këtij muaji në Afrikën e Jugut

Në këtë turne, Italia bënë pjesë në të njëjtin grup me Brazilin, kurse përballja ndërmjet këtyre dy skuadrave zhvillohet më 21 qershor.

"Për ne ky turne është shumë i rëndësishëm, sepse do të na shërbejë për të përmirësuar shumëçka. Dëshiroj të punoj në ngritjen e atmosferës në skuadër, dua që të jemi sa më të afërt me njëri-tjetrin brenda skuadrës", ka pohuar Lipi.

"Jemi shumë të qetë në prag të këtij aktiviteti dhe nuk ka nevojë për nervozizëm. Rezultati nuk është në plan të parë, thjeshtë dua të fitojë një unitet sa më të madh në skuadër. Brazili? Natyrisht të gjithë na pyesin për atë ndeshje, por ajo është vetëm njëra prej shumë ndeshjeve”.

“Mund të them se ne edhe më tutje jemi kampionë bote, gjë e cila na jep motiv shtesë, por edhe vështirësi. Gjithsesi mendoj se Brazili momentalisht ka skuadrën më të mirë në botë", ka nënvizuar Lipi.

[Damian1]

Ribery mohon Realin: Kush është ky Florentino Perez?!

Mesfushori francez, Frank Riberi nuk e di ose bëhet sikur nuk di se kush është Florentino Perez, presidenti i Real Madridit dhe njeriu i cili dëshiron ta shohë atë me fanellën e Realit

"Florentino Perez? PO kush është ky?, ka pyetur 26-vjeçari Riberi gazetarin e televizionit francez TF1, derisa ky i fundit e kishte pyetur për interesimin e Realit dhe mundësinë që Florentino Perez ta bind të vesh fanellën e Realit.

"Sinqerisht nuk kam kurrëfarë ideje se çfarë do të ndodh me mua në të ardhmen e afërt. Unë e kontrolloj më së paku situatën time. Kontrata me Bajernin vlen deri në vitin 2011 dhe më duhet ta pranoj se në Munih ndjehem mirë. Kam kaluar dy edicione të shkëlqyera në këtë klub. E përsëris, as vetë nuk e di se çfarë do të ndodh në të ardhmen e afërt. Të shohim", ka vazhduar futbollisti francez.

Në fund, Riberi ka përjashtuar mundësinë për të kaluar në Ligën Premiere të Anglisë. "Nëse do të jem i detyruar të braktis Bajernin atëherë nuk vjen në shprehje që të transferohem në Angli. Atje është klima e njëjtë sikur në Gjermani", ka përfunduar Riberi.

[Damian1]

“Cristiano Ronaldo, Miss World 2010” bën xhiron e botës

Pas përzgjedhjes së Kristiano Ronaldos si “Mashkulli më seksi i planetit” nga revista britanike “Gay Times”, kapiteni i Portugalisë, “fitoi” edhe një çmim tjetër “Miss Bota 2010”

Banderola e famshme “Cristiano Ronaldo, Miss World 2010”, që tifozët shqiptarë shpalosën gjatë takimit Shqipëri-Portugali (1-2), ka bërë xhiron e botës në uebsajtet e specializuara për gosipe.

Sipas faqes franceze, eparsa.fr (që ka publikuar edhe imazhet e banderolave), pas përzgjedhjes së Kristiano Ronaldos si “Mashkulli më seksi i planetit” nga revista britanike “Gay Times”, kapiteni i Portugalisë, “fitoi” edhe një çmim tjetër “Miss Bota 2010”.

“Dalloni mirë ‘Miss’ jo ‘Mister’- shkruan faqja franceze, që vlerëson faktin se pavarësisht hidhërimit nga humbja me Portugalinë, tifozët shqiptarë u shfaqën plot ide, duke shfaqur dy banderola gjiganteske ironike kundrejt yllit të Mançesterit.

“Nuk dihet ende se e kujt ishte ideja e kësaj shfaqje “lokale”, por impakti ishte i madh”,- thekson eparsa.fr.

[Damian1]

Kakà kryen vizitat mjekësore për Realin e Madridit

[Damian1]

Zyrtare, Kaka shkon tek Real Madridi

Ricardo Kaka eshte zyrtarisht lojtari i Real Madridit. Komunikimi ka ardhur nga faqja e internetit te Milanit ne te cilen falenderohet kontributi i dhene nga braziliani per ekipin kuqezi.

Ricardo Kaka eshte zyrtarisht lojtari i Real Madridit. Komunikimi ka ardhur nga faqja e internetit te Milanit ne te cilen falenderohet kontributi i dhene nga braziliani per ekipin kuqezi.

“Nga sezoni tjeter Kaka do te luaje me Real Madridin. Ac Milan falenderon njeriun dhe kampionin e madh Kaka per kontributin deciziv ne fitoret e shumta ne gjashte vite te impenjimit te tij kuqezi. Do te jete shume e veshtire te mbushet boshlleku qe do te leje Kaka”, thuhet ne faqen e internetit.

Nderkohe ne “website”-n e Real Madridit paraqitet firma e brazilianit ne nje kontrate gjashte vjecare.

Kostoja e kalimit te tij tek skuadra spanjolle ka nje vlere prej 65 milione eurosh.

[Damian1]

Real Madrid angazhon edhe David Villan...

Mediat spanjolle shkruajnë se Real Madridi tashmë ka arritur marrëveshje edhe për angazhimin e sulmuesit spanjoll David Villa.

Sportivja spanjolle Marca thotë se David Villa është lojtari i ri i madh i cili i bashkohet Real Madridit.

Reali ka arritur të mposhtë konkurrencën e klubeve nga Premier League si dhe Barcelonën, për të arritur te shërbimet e spanjollit, i cili zyrtarisht do të prezantohet si përforcim i ri i ‘mbretërve’ në ditët në vazhdim.

Real Madridi thuhet se do t’i paguajë Valencias rreth 37 milionë euro, si dhe bonuse shtesë në varësi të sukseseve të klubit në La Liga dhe në Ligën e Kampionëve.

[Damian1]

Laporta: Po të isha Etoo, do të vazhdoja kontratën...

Presidenti i Barcelonës, Joan Laporta, mbetet me shpresa se do të arrijë të sigurojë kontratë të re për sulmuesin kryesor Samuel Eto'o.

“Po të isha ai, do të ripërtërija kontratën. Ajo çfarë ndodh me Eto’o është normale, pasi ai është një lojtar për të cilin lakmojnë të gjitha klubet e mëdha evropiane dhe kësaj i shtohet fakti se kontrata e tij skadon në fund të sezonit”, ka thënë Laporta.

“Shpresoj se ne do të arrijmë një marrëveshje, pasi ai është lojtar vendimtar dhe një profesionalist i madh”, ka shtuar spanjolli.