Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Arsenal mund Romën me golin e Van Persie, Lyon-Barça 1-1

Një penallti e holandezit ishte e mjaftueshme për të mundur Romën ndërsa Lyon barazoi 1-1 me Barcelonën.Në sfidën tjetër Atletico Madrid barazoi 2-2 me Porton në ndeshjen e parë të 1/8 të Champions League.

Arsenali ka bërë një nisje të mirë duke mundur Romën 1-0. Skuadra e “Gunners” ka bërë një lojë të mirë por iu desh vetëm një penallti për të kaluar verdhekuqtë në stadiumin “Emirates”. në minutën e 37-të ishte Mexes që ndërhyri në mënyrë të parregullt ndaj Van Persie dhe arbitri bëri me shenjë nga pika e bardhë. Penalltia u shndërrua në gol nga Van Persie. Bendtner dështoi të dyfishonte ndërsa më pas Riise nuk mundi të barazojë. De Rossi mori karton dhe do mungojë në ndeshjen e kthimit.

Lyon barazoi 1-1 me Barcelonën e cila për një orë shfaqi versionin e saj më të shëmtuar. ishte kapiteni i francezëve Juninho Pernambucano që shënoi një gol të bukur nga larg me goditje dënimi i favorizuar edhe nga dalja e gabuar e portierit. Më pas në pjesën e dytë Henry barazoi me kokë nga afër dhe kështu katalanasit shohin të qetë ndeshjen e kthimit.

Atletico Madrid barazoi 2-2 me Porton duke mos shfrytëzuar dy herë avantazhin e krijuar. Në stadiumin “Vicente Calderon” ishte Aguero që dhuroi asistin për Maxi Rodriguez dhe pas dy minutash shifrat u bënë 1-0. Por nëj gabim në mbrojtjen e spanjollëve lejoi barazimin e Lisandro. në minutat shtesë të pjesës së parë një goditje e Forlan i shpëtoi portierit mik Helton duke pësuar golin e dytë. Por bomberi më i mirë në Champions, Lisandro lopez shënoi sërish duke fiksuar shifrat 2-2.

[Damian1]

Sfida Inter-Manchester United mbyllet pa fitues dhe gola

Kampionët e Italisë kanë barazuar pa gola me “Djajtë e Kuq” duke mos shfrytëzuar faktorin fushë. Gjithçka vendoset ndeshjen e kthimit në “Old trafford”.

Është mbyllur pa gola raundi i parë i sfidës mes inter dhe Manchester United. Kampionët e Italisë kanë barazuar pa gola me “Red Devils në një ndeshje plot episode dhe vuajtje për zikaltërit. Një pjesë e parë që ka folur vetëm për anglezët, i la vendit të dytës e cila u zhvillua në mënyrë të barabartë për të dy ekipet.

Manchester United rrëmben kështu në “San Siro”, një barazim 0-0 të vlefshëm që mund të vendosë shumë në ndeshjen e kthimit në “Old Trafford”. Iniciativa në fraksionin e parë ihts e e “Djajve” të cilët guxuan më shumë në portën e Julio Cesar me sulmuesin Berbatov por edhe me driblimet e Rooney.

Në një anë Santon tregoi siguri për zikaltërit duke mos rënë pre e emocioneve të debutuesit në në ndeshje të nivelit të tillë ndërsa Rivas çaloi jo pak duke u zëvendësuar nga Cordoba pjesën e dytë. Në duelin trup më trup, Interi pati më shumë dëshirë dhe kjo u pa në minutat në vazhdim ku Cambiasso rrëmbente topa ndërsa Adriano sulmonte dhe mbronte ku të mundej.

Rasti më i artë për Interin vjen në minutat e fundit por topi parakalon të gjithë zonën para se të largohet nga mbrojtësit. në sekondat e fundit një goditje e Cristiano Ronaldos gjeti grushtat e portierit Cesar që ishte në pozicion të mirë ballor. skuadrat do të përplasin brirët pas dy javësh në “Old Trafford” kur Interi të provojë ferrin anglez.

[Damian1]

Morati: Murinjo më ka premtuar kualifikimin.

Presidenti i Interit, optimist për transfertën angleze. “Dua të përgëzoj Santonin, pasi tregoi se është një kampion”.

Barazimi pozitiv me Mançester Junajtidin, personaliteti i shfaqur nga i riu Santon, siguria e Mario Balotelit dhe mentaliteti fitues i Zhoze Murinjos janë faktorët që e bëjnë shumë optimist Masimo Moratin për kualifikimin e Interit për në fazën tjetër të Ligës së Kampioneve. Presidenti i Interit e ka komentuar me tone të qeta dhe shumë pozitive përballjen e “San Siros”, në takimin e paradites së djeshme me gazetarët italianë.

Zoti Morati, çfarë i mungoi Interit në pjesën e parë? Skuadra fillimisht zbriti shumë e frikësuar në fushë.

Ishim shumë të karikuar, mbase edhe pak të tensionuar për të marrë një rezultat pozitiv në këtë ndeshje, ndaj një gjë e tillë mund të jetë ndjerë nga lojtarët. E respektonim kundërshtarin tonë, por frika për të gabuar ishte më e madhe. Gjithsesi, forca e vërtetë e skuadrës u pa në pjesën e dytë, ku edhe me tre sulmues në 30 minutat e fundit, ekuilibrat e skuadrës nuk u prishën. Sigurisht që kjo është meritë e Murinjos, i cili u ka transmetuar lojtarëve të tij besim në vetvete.

Jeni optimist për ndeshjen e kthimit?

Realisht jam. Në Ligën e Kampioneve është shumë e rëndësishme të mos pësosh gol në ndeshjet që luan në shtëpi, ashtu siç është shumë e rëndësishme të shënosh në transfertë. Jam i bindur se Mançesteri e ka vuajtur faktin që nuk ka arritur të shënojë në Milano dhe në ndeshjen e kthimit, do i duhet sërish që të sulmojnë më shumë se ne për të kërkuar fitoren. Padyshim që përballja e “Old Trafford” do të jetë si një finale për të dyja skuadrat.

Kemi vënë re një ndryshim mentaliteti ndërmjet skuadrës së Murinjos dhe asaj së Mançinit?

Dëshira jonë gjithmonë ka qenë fitimi i Champions-it, por çdo ndeshje është një histori më vete. Pastaj më duket diçka e shëmtuar të bëj krahasime. Ndaj Mançesterit na priste një ndeshje e vështirë, por Interi e përballoi në mënyrë të shkëlqyer sfidën. Murinjo njihet për mentalitetin e tij fitues dhe lojtarët e tij e kanë kuptuar mjaft mirë këtë gjë.

Meqë jemi te mentaliteti fitues, Davide Danton ka debutuar shkëlqyeshëm në Ligën e Kampioneve, duke frenuar në mënyrë perfekte “Topin e Artë”, Kristiano Ronaldon.

Kur një lojtar 18-vjeçar, që debuton në kompeticionin më të rëndësishëm në botë vihet përballë lojtarit më të mirë për momentin, të paktën kështu thonë për Kristiano Ronaldon, nuk mund të presësh shumë. Por Santon ka konfirmuar se është një kampion. Padyshim ai është blerja jonë më e rëndësishme e merkatos.

Çfarë efekti ju bëri gjesti i Balotelit ndaj Kristiano Ronaldos?

Ai është karakteri i Balotelit dhe dua të them se edhe në atë gjest kishte diçka pozitive. Sigurisht që Mario duhet të ketë respekt për kundërshtarët e tij, por në atë mënyrë, ai bëri të kuptoj se nuk ndihet inferior ndaj askujt.

Mendimi juaj për paraqitjen e sulmit, Ibrahimoviç - Adriano?

Ajo e “San Siros” ishte një ndeshje e vështirë, dhe sigurisht që nuk kishin shumë hapësira si rrjedhojë e markimit të kundërshtarëve dhe kjo gjë nuk i lejoi që të ishin shumë të qetë në konkretizimin e rasteve të krijuara. Gjithsesi, për mua bënë një punë të mirë dhe besoj se për ata do ta kenë më të thjeshtë në Mançester.

Murinjo nuk e ka pëlqyer mënyrën e arbitrimit...

Gjykimet mbi gjyqtarët mund të jenë të shumta, por pas një ndeshjeje aq të bukur si ajo, nuk dua të bëj kritika.

Përpara fillimit të takimit, gjatë leximit të formacionit zikaltër, tifozeria e ka pritur me eufori skuadrën. Çfarë mendoni për “ndihmën” që ju ofroi publiku?

Publiku ynë është shumë i lidhur me Ligën e Kampioneve dhe atmosfera e sfidës me anglezët ishte edhe më e zjarrtë se ajo në derbi. Pikërisht për këtë arsye, ne duam të avancojmë më tej në Evropë, për t’i falur akoma më shumë kënaqësi tifozëve tanë.

[Damian1]

Juventus, 18 milionë Euro e afrojnë më shumë me Diego

Bardhezinjtë tani janë një hap larg mesfushorit të Werder Bremen pasi oferta është pranë kërkesës së klubit gjerman.

Juventus e ka rritur shumë shifrën që ofron për blerjen e futbollistit brazilian të Verder Bremenit, Diego. Menjëherë pasi klubi gjerman i Bundesligës 1, që ka në pronësi lojtarin në fjalë, ka refuzuar një ofertë të parë të bardhezinjve italianë, sipas të përditshmes prestigjioze gjermane, “Bild”, ka ardhur edhe një propozim i ri nga ana e drejtuesve të klubit të Juventusit.

Bëhet fjalë për një shumë prej 18 milionë eurosh në dorë, plus edhe një sërë përfitimesh të tjera në para, të cilat do të sanksionohen në kontratën që mund të nënshkruhet mes palëve.

E para do të varet nga arritja e mundshme e objektivave: fitorja në Champions League, titulli i Serisë A, Kupa e Italisë ose thjesht kualifikime në Champions. Zgjedhja e dytë konsiston në një përqindje të shumës së arkëtuar në një rast të mundshëm të shitjes së Diegos në një tjetër skuadër, ngaqë braziliani është vetëm 24 vjeç.

[Damian1]

Lipi: “Inter e Roma kualifikohen”.

Marçelo Lipi, trajneri i përfaqësueses italiane të futbollit, është shumë optimist per skuadrat Italiane në Ligën e Kampioneve.

Marçelo Lipi, trajneri i përfaqësueses italiane të futbollit, është shumë optimist pas sfidave të para të zhvilluara nga dy ndër tri skuadrat italiane në Ligën e Kampioneve.

Interi barazoi 0-0 në “San Siro”, ndërsa Roma u ndal në transfertë vetëm pas një penalltie. “Sigurisht që përpara këtyre sfidave, Interi dhe Roma ëndërronin krejtësisht një tjetër rezultat nga ata të arriturit, por kam shumë besim se për ndeshjet e kthimit do të jenë sërish dy formacionet italiane, skuadrat e favorizuara për të vazhduar në çerekfinalet e Ligës së Kampioneve.

Interi ka dy ndër tri rezultate për të vazhduar më tej, pasi fitorja dhe një barazim me gola do t’i kalonin më tej zikaltrit. Ndërkohë, Roma ka ndeshjen e kthimit në fushën e saj, në të cilën ka treguar se rrallëherë gabon. Arsenali nuk është Mançesteri, kështu që verdhekuqtë fitojnë 2-0 dhe avancojnë në aventurën evropiane”, është shprehur Lipi.

[Damian1]

Karlo Ançeloti: Duam finalen e Kupës UEFA.

Tekniku kuqezi flet për sfidën e sotme ndaj gjermanëve. “Ndaj Verderit do të luajmë si të ishte sfidë Champions-i”.

Trajneri i Milanit, Karlo Ançeloti, në prag të ndeshjes së sotme ndaj Verder Bremenit argumenton objektivat e rinj të shtëpisë kuqezi. Duke i parë zikaltrit e Interit shumë larg në kampionat, kreu i pankinës i kërkon skuadrës së tij të japë maksimumin në Kupën UEFA, e më pas ta mbyllë kampionatin në katër vendet e para, që i japin mundësinë Milanit të luajë në Ligën e Kampioneve sezonin që vjen: “Nesër (sot) do luajmë ndaj Verderit për Kupën UEFA, e duhet ta konsiderojmë këtë sfidë sikur të ishte një ndeshje e rëndësishme për Ligën e Kampioneve.

Objektivi ynë primar për momentin është ta mbyllim kampionatin në tri vendet e para, – thekson Ançeloti – por ama duam edhe finalen e Kupës UEFA. Dhe nëse do kualifikohemi ndaj Verderit, atëherë rruga jonë drejt finales do të ishte një objektiv mëse i mundshëm”. Përgjigjja ndaj kritikave – Ançeloti tani ka mundësinë më të mirë për t’u kthyer përgjigjen e duhur kritikave të presidentit Berluskoni dhe vërshëllimave të tifozerisë kuqezi.

“Jemi mësuar ta administrojmë mirë presionin e kjo gjë nuk na tremb më. Madje, presioni i madh më karikon të jap maksimumin tim”, siguron tekniku kuqezi, të cilit ndaj Verderit do i duhet të luajë pa Ronaldinjon dhe Kakanë. Madje ky i fundit rrezikon të mos jetë as i grumbulluar për sfidën ndaj Verderit. Formacioni – “Nuk do ketë rotacion. Ndaj Verder Bremenit nuk do kemi Kakanë dhe Ronaldinjon, ndërsa Shevçenko e Pato janë rikuperuar. Në mbrojtje do aktivizoj Bonerën, - pohon Ançeloti. –Kurse në mesfushë, Bekhami dhe Flamini do luajnë që nga minuta e parë. Edhe Inzagi do luajë që në fillim në sulm, pasi dëshiron të realizojë një objektiv të rëndësishëm.

Dhe kur Super- Pipo i vë vetes objektiva të rëndësishëm, vështirë se gabon përpara portës kundërshtare”. Hipotezat e shitjes – Mirëpo kur trajnerit Ançeloti i është kërkuar të bëjë një koment mbi mundësinë që klubi i Milanit t’ia shesë 40% të aksioneve sheikut Mansour, ai nuk ka preferuar të flasë. “Është një problem i karakterit administrativ, ndërkohë që unë merrem me çështjet teknike. Kështu që nuk mund të përgjigjem”, ka thënë tekniku i pankinës së Milanit.

[Damian1]

Spaleti pret i qetë sfidën e “Olimpiko”.

Trajneri i verdhekuqve sheh real kualifikimin e të tijve. “Kthimi në Romë do të jetë plotësisht një histori tjetër”. Jam shumë i sigurt se ndeshja e kthimit në Romë do të jetë krejtësisht një histori tjetër”.

Luçiano Spaleti, pavarësisht humbjes në transfertën angleze kundër Arsenalit, është shumë i qetë dhe optimist se kualifikimin, skuadra e tij do ta sigurojë përpara tifozerisë verdhekuqe, në stadiumin që do të mirëpresë edhe finalen e sivjetshme të Ligës së Kampioneve. “Faktikisht nuk kemi shfaqur asgjë të mirë në Londër, ndërkohë që nga ana tjetër bëmë të pamundurën për të mbyllur ndeshjen.

Gjithsesi, skuadra u rrit në pjesën e dytë, mirëpo në disa raste që krijuam për të shënuar, na mungoi ajo kthjelltësia që bën diferencën përpara portierit kundërshtar. Prapëseprapë nuk mendoj se ndërmjet nesh dhe Arsenalit ekzistojnë diferenca të mëdha, kështu që në ndeshjen e kthimit në ‘Olimpiko’ do jemi ne ata që do të drejtojnë lojën. Këto dy javë do të na shërbejnë edhe në rikuperimin e ndonjë të dëmtuari, por edhe të formës së lojtarëve si Toti, apo Pizarro, nga të cilët pres shumë herë më tepër nga ajo që paraqitën në ‘Emirates’. Besojmë tek kualifikimi dhe te forca e grupit tonë”, ka thënë Spaleti.

[Damian1]

Mesfushori Izraelian Benajun, ai që ngrin "Bernabeun".

Humbje e papritur për Realin, hipotekim për anglezët. Liverpuli arrin fitoren në Madrid, falë golit të izraelitit.

Praktikisht, Liverpuli ka arritur të hipotekojë kalimin në çerekfinalet e Ligës së Kampionëve, pasi u tregua i pamëshirshëm në mitikun "Santiago Bernabeu", duke regjistruar një fitore të rëndësishme ndaj Realit të Madridit. Skuadra rekordmene në kompeticionin më prestigjioz të futbollit evropian të klubeve ka marrë një goditje të rëndë e ndoshta të papritur, aq më tepër kur tashmë pas dy javësh i duhet udhëtojë drejt Liverpulit me një objektiv aspak të lehtë për t'u realizuar. Takimi dhuroi emocione të jashtëzakonshme. Tema taktike e sfidës është dukur qartë që në minutat e para. Reali është munduar më shumë për të administruar topin, Liverpuli mendon të mbrohet, duke u rinisur më pas në kundërsulm. Fazë në të cilën rrezikon seriozisht madrilenët, sidomos me Torresin dhe Benajun. Ndërsa, Reali nuk ka arritur të gjejë hapësira në "murin e kuq", duke u përpjekur të godasë vetëm me gjuajtje nga distanca të Marçelos e Roben.

Përpara fundit të pjesës së parë, Ksabi Alonso ka tentuar të befasojë Kasijasin me një gjuajtje nga 50 metra, por portieri spanjoll ndërhyn në kohë, për të shmangur golin. Huande Ramos aktivizon Gutin për Marçelon, me shpresën që të ketë një mesfushë më të frymëzuar. Megjithatë, kjo lëvizje bën që Reali të humbasë ekuilibrin dhe i jep mundësinë Liverpulit të hyjë me lehtësi në zonën kundërshtare.

Megjithëse si përfundim, goli i vetëm i ndeshjes u realizua tetë minuta përpara skadimit të kohës së rregullt nga mesfushori izraelit Benajun. Kaq ka mjaftuar që gjithçka të vështirësohet përsa u takon shpresave për kualifikim të Realit, që ka pësuar edhe humbjen e parë shtëpiake në epokën e Hunade Ramosit.

Në këtë mënyrë, Liverpuli që është shpallur 5 herë kampion i Evropës, hodhi një hap të madh drejt tetë më të mirave të kontinentit. Ndonëse, gjithçka do të vendoset zyrtarisht pas 90 minutave që do të luhen në "Anfilld".

[Damian1]

Champions League, mbretëron sërish futbolli anglez

Fitoret e Liverpool në Madrid, si dhe të Chelsea ndaj Juventus kanë treguar dominomin e skuadrave angleze në 1/8 e finaleve Liverpuli me fitoren e arritur në Spanjë duket se është bindshëm favoriti për të kaluar turin. Josi Benayun ishte autor i golit të të kuqve kur dërgoi në rrjetë topin e ardhur nga goditja e lirë e ekzekutuar nga Fabio Aurelio. Reali ishte i varfër në lojë dhe Arjen Roben pati mundësinë të barazonte me rastin më të mirë të krijuar nga spanjollët, por gjuajtja e tij u grushtua nga portieri Hoze Reina. Liga e Kampionëve ka qenë përherë arena më e përshtatshme për Liverpulin e Rafael Benitezit. Reali e pati shumë të vështirë të thyente disiplinën e Liverpulit dhe me gjithë përpjekjet e Raulit, të kuqtë e kontrolluan ndeshjen që në fillim. Liverpuli u mbrojt mirë dhe me siguri dhe mund të kishte kaluar në epërsi me kundërsulmet e veta. Fernando Torres gjuajti fort, por gjuajtja e tij e pjerrët nga e djathta u grushtua nga portieri Iker Kasiljas. Një rast tjetër ishte ai i Benjaunit, por portieri vendas ishte më i vëmendshëm se mbrojtësit e tij dhe doli në hyrje të zonës për të bllokuar mesfushorin e Liverpulit. Edhe Liverpuli përjetoi drithërima kur Reina priti gjuajtjen e Serxhio Ramosit dhe më pas atë të Gonzalo Higuainit. Por ky sulm u anulua për shkak se ishte në pozicion jashtë loje. Alonso iu afrua shumë golit kur gjuajtja e tij nga gjysmëfusha e Liverpulit u prit nga Kasiljas. Trajneri Huande Ramos futi në lojë Gutin në pjesë të dytë për ta përforcuar lojën e Realit, por kjo nuk e ndihmoi shumë Realin. Miqtë ishin të pafat kur sulmuesi Torres u zëvendësua pas një dëmtimi në kavilje. Reali rrezikoi me një kundërsulm, por gjuajtja e Robenit u grushtua nga portieri i Liverpulit. Skuadra mike e mposhti mbrojtjen vendase kur i pambuluari Benajun realizoi golin e vetëm të ndeshjes pasi mbrojtësi Gabriel Heinze kishte bërë faull më parë ndaj Dirk Kujtit.

Didier Drogba i dha Çelsit fitoren 1-0 kundër Juventusit mbrëmë, por finalistët e vjetshëm mund të pendohen që nuk e mbyllën çështjen e kualifikimit që në ndeshjen e parë. Drogba shënoi në minutën e 12-të, por duhet të kishte shënuar të paktën edhe dy gola të tjerë në pjesën e parë, të cilën Çelsi e dominoi plotësisht. Megjithatë, Juventusi i Klaudio Ranierit e mori veten dhe me kalimin e minutave u bë më i rrezikshëm, edhe pse në fund u mundën. Por në ndeshjen e kthimit ata e kanë të qartë se gjithçka është e hapur. Çelsi e nisi mirë lojën që prej fillimit dhe Drogba për pak sa nuk shënoi në minutën nëntë pas një gjuajtjeje me kokë. Tre minuta më vonë atij iu dha një tjetër mundësi për të gjuajtur në portë dhe këtë herë gjuajtja e tij ishte fatale për italianët. Salomon Kalu fut një pas në mes të mbrojtjes mike, Lampard ia lë topin Drogbas, i cili mposht portierin Xhianluixhi Bufon. Sulmuesi nga Bregu i Fildishtë duhet të kishte shënuar golin e tij të dytë kur u la i pambuluar gjatë një goditjeje këndi të Lampardit, por nuk goditi në kohën e duhur. Juventusi, që ishte mbyllur në gjysmëfushën e vet deri atëherë, tregoi dhëmbët me Alesandro del Pieron, por Çeh grushtoi jashtë. Megjithatë, Çelsi ishte në ngritje teksa Lampard kontrollonte mesfushën dhe shpërndante topa me saktësi. Nikolas Anelka bëri shumë punë në krahun e majtë, duke i dhënë mundësi Drogbas të qëndronte në qendër dhe të rrezikonte sërish me një gjuajtje me kokë. Teksa minutat kalonin, Çelsi e humbi ritmin dhe italianët e spostuan lojën drejt gjysmëfushës së vendasve. Portierit Çeh i doli shumë punë për të mbrojtur rezultatin. Në minutat e fundit, Anelka dërgoi një silur drejt portës së Juves dhe vendasit për pak sa nuk shënuan edhe golin e dytë të ndeshjes.

Skuadra greke e Panathinaikosit arriti një rezultat të rrallë pozitiv në Ligën e Kampionëve në ndeshjen e tyre kundër spanjollëve të Vilarealit, duke barazuar 1-1. Organizatori Jorgos Karagunis ishte autor i golit për miqtë, të cilët kanë humbur nëntë ndeshje të Kupës UEFA në Spanjë dhjetë vitet e fundit. Grekët kaluan në epërsi në pjesën e dytë, por ish-sulmuesi i Junajtedit, Rosi, barazoi me penallti. Në fillim të ndeshjes, Vilareali ishte më kërkues duke e detyruar portierin kroat të Panathinaikosit, Mario Galinoviç, që të bënte pritje të bukura në minutën e 6-të dhe të 19-të. Karagunis testoi gjithashtu mprehtësinë e portierit vendas në minutën e 26-të. Për spanjollët më i rrezikshmi ishte Rosi, kurse për grekët Karagunis dhe kjo u dëshmua edhe më vonë. Për skuadrën greke, shtatë minuta para përfundimit të pjesës së parë, u ndëshkua me karton Janis Gumas, i cili kishte një karton tjetër dhe do ta humbë ndeshjen e kthimit. Trajneri i Panathinaikosit, Henk Ten Kate, duke iu frikësuar kartonit të kuq për Gumasin, e zëvendësoi në pjesë të dytë me mbrojtësin brazilian Gabriel. Galinoviç tregoi aftësitë e tij dy herë në fillim të pjesës së dytë, kur priti gjuajtjet e Santi Kazorlas dhe Rosit. Megjithatë, vendasit u zunë në befasi nga Karagunis, i cili mposhti portierin Lopez duke shënuar golin e tij të tretë në Ligën e Kampionëve. Kjo e shty trajnerin e Vilarealit, Manuel Pelegrini, që të fuste në lojë francezin Robert Pires dhe turkun Nihat Kahveci. Pires e shpërbleu shpejt besimin e trajnerit pasi ishte ai që mori penalltinë pas ndërhyrjes nga mbrojtësi polak Jakub Vaurzyniak. Rosi u tregua i qetë dhe e shndërroi penalltinë në gol, treti edhe për të në këtë sezon të Ligës së Kampionëve.

Takimi me me shume gola i kesaj mbremjeje ka qene ai i Lisbones, ku vendesit jane mundur me nje rezultat tenistik nga Bajerni i Mynihut. Skuadra gjermane, qe i ka mungar Liges se Kampioneve vitin e kaluar, ka shperthyer ne kete faze te kompeticionit, duke shenuar pese here ne porten e Tiagos. Frenk Riberi ka qene I papermbajtshem,duke shenuar dy here ne porten e portugezeve te Sportingut, nje here me 11-metersh. Nje mbremje mjaft pozitive edhe per italianin Luka Toni, i cili ka shenuar nje dopiete ne minutat e fundit te kesaj sfide. Firmen ne fitoren e thelle te Bajernit e vuri edhe Miroslav Kloze, i cilia ka realizuar golin e dyte te takimit. Lojtari me i mire i ndeshjes ka qene pa dyshim Frenk Riberi, qe jo vetem ka arritur te shenoje dy here, por ka qene ideatori i te gjithe aksioneve te Bajernit. Nuk mund te diskutohte me per skuadren qe do te kualifikohet, pasi vete rezultati eshte shume i thelle dhe nuk le vend per hamendesime.

[Damian1]

Ibrahimovic shpreh siguri për kualifikimin e Interit

Sulmuesi suedez është treguar optimist për të fituar me Manchester pavarësisht dominimit të anglezëve në ndeshjen e parë Në mënyrë paradoksale, sulmuesi i Interit Zlatan Ibrahimovic e ka çuar në 100% shansin e kualifikimit në 1/8 e finaleve të Champions League. Pavarësisht dominimit të Manchester United dhe mosshfrytëzimit të faktorit fushë në ndeshjen e parë 0-0, bomberi zikaltër është shprehur optimist.

“Ne kemi 100% mundësi për t’u kualifikuar. Do të shkojmë në Mançester me dy rezultate nga tre në favorin tonë. Nuk kemi arritur të shënojmë, por nuk kemi lejuar as kundërshtarët tanë ta bëjnë një gjë të tillë”. Ylli suedez i Interit shkon përtej parashikimeve të bëra nga trajneri i tij, që në konferencën për shtyp pas ndeshjes ka folur për mundësi të barabarta midis zikaltërve dhe “Djajve të Kuq”.

“Ka qenë një ndeshje e bukur futbolli, pjesa e parë është kontrolluar nga ata, e dyta nga ne. Mançesteri është një skuadër e madhe, por edhe ne jemi të tillë. I jemi përgjigjur siç duhet, tani do të shkojmë në “Old Traford” për të fituar dhe të shohim se si do të përfundojë”, ka thënë Ibrahimoviç.