Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Skandal në Spanjë, futbollistë të dyshuar për trafik droge

Futbolli spanjoll përfshihet nga një skandal i lidhur me dyshimet për trafik droge nga ana e disa futbollistëve në La Liga.

Dy agjente te FIFA-s dhe disa lojtare jane vene ne qender te nje hetimi nga policia iberike per trafik kokaine mes Valencias dhe Madridit. Gjate operacionit eshte zbulluar nje ngarkese me rreth 600 kg kokaine me prejardhje nga Argjentina, e destinuar per t’u shperndare ne Gadishullin Iberik.

Nje prej liderve te kesaj organizate eshte ish agjenti i lojtareve Zoran Matijevic, udhetimet e shumta te te cilit ne Ameriken e Jugut bene qe policia te dyshoje per levizjet e dyshimta.

Sipas gazetes spanjolle “AS”, hetimet mund te nxjerrin ne siperfaqe nje skandal te madh, pasi mendohet se disa lojtare te hetuar luajne per skuadra si, Atletico Madrid, Rayo Vellecano, Poli Ejido dhe Hercules.

[Damian1]

Futbollistët e Weymouth nuk luajnë, bastet humbin miliona

Mospagesa nga ana e klubit ka bërë që skuadra e një kategorie inferiore, Weymouth të paraqitet me një ekip të rinjsh.

Humbje milionash Futbollistët e skuadrës së parë të Weymouth nuk kanë zbritur në fushë sepse nuk ishin paguar dhe Rushden & Diamonds ka fituar takimin 9 – 0. Në lojë kanë qenë të rinjtë dhe për këtë fakt shoqëritë e basteve kanë humbur 1 milion Paund pasi e vunë re shumë vonë formacionin e ekipit vendas.

Ngjarja e 21 shkurtit ka bërë që Federata Angleze e Futbollit të dyshojë duke nisur hetimet ndërsa skuadra e Weymouth po kalon një siatuatë të vështirë financiare. Ndoshta ketu kane gisht edhe financimet e kompanive te basteve.

Pak ditë më parë ishin zyrtarët e federatës angleze të futbollit të cilët shprehnin dyshime për mënyrën sesi do të kontrollohen lojtarët e dyshuar për fiksim rezultatesh

[Damian1]

Kualifikohen PSG dhe CSKA Moska, eliminohet Sampdoria

Parizienët kanë fituar edhe ndeshjen e dytë ndaj Wolfsburg ndërsa CSKA mundi Aston Villa duke kaluar më tej. Jashtë Sampdoria.

Paris SG ka fituar 1-3 në fushën e Wolfsburg duke kaluar më tej në kupën UEFA. Ishte Luyindula që zhbllokoi rezultatin me një penallti në minutën e 38 ndërsa Rothen në pjesën e dytë shënoi sërish për miqtë. Më pas Hasebe tentoi të rikthejë gjermanët në lojë por Luyindula shënoi edhe golin e tretë për Parisin që meritoi kualifikimin.

Edhe CSKA e Moskës fitoi 2-0 ndaj anglezëve të Aston Villa duke kaluar më tej. Ekipi rus gjeti golin e parë pas 60 minutash me Yuri Zhirkov ndërsa sulmuesi brazilian Vagner Love siguroi kualifikimin në dëm të ekipit të trajnerit O’Neal.

Ka dështuar ekipi italian Sampdoria që është mundur edhe në ndeshjen e dytë nga ukrainasit e Metalist. Ekipi i Mazzarri që nuk kishte Cassano në fushë lejoi dy gola nga Sergey Valyaev dhe Jaja duke humbur shanset e tij.

[Damian1]

Lorik Cana rikthehet në fushë, Marseille eliminon Twente

Cana e nisi takimin si titullar dhe bëri një punë të madhe në mbrojtje, duke nxjerrë jashtë loje sulmuesin kryesor të Twentes, N’Kufo. Marsejezët u kualifikuan me penallti.

Rikthehet kapiteni Lorik Cana dhe Olimpiku i Marsejës kualifikohet falë gjuajtjeve të penalltive për në çerekfinalet e Kupës UEFA. Cana gjatë një interviste para ndeshjes kishte pohuar se Marseja do t’ia dilte të kualifikohej.

Skuadra franceze fitoi me Tuenten (0-1), ashtu siç kishin bërë dhe holandezët në ndeshjen e parë në Francë (0-1). Pas 90 minutave të dyta rezultati i përgjithshëm i dy takimeve shkoi në 1-1, duke i çuar dy skuadrat në kohën shtesë, ky nuk pati më gola. Në gjuajtjet e penalltive, Marseja fitoi 7-6, duke u kualifikuar për më tej.

Lorik Cana, i cili e nisi takimin kundër Tuentes nga minuta e parë, sipas komentin e faqes zyrtare të Marsejës, bëri një punë të madhe në mbrojtje, duke nxjerrë jashtë loje sulmuesin kryesor të Tuentes, N’Kufo, ky i fundit humbi edhe penalltinë për formacionin e Stiv Meklarenit.

Lorik Cana u zëvendësua në minutën e 94-t të takimit nga mesfushori tjetër shkatërrues i Marsejës, Modest M’Bami (realizoi me penallti).

[Damian1]

Milan eliminohet nga Werder, Ajax lë jashtë Fiorentina

Kuqezinjtë janë befasuar nga barazimi me gjermanët ndërsa Ajax barazoi me Fiorentinën në fund duke e eliminuar.

Milani sheh ti ikë nga duart edhe objektivi që mund të arrihej më shumë, kupa UEFA. Skuadra italiane e Ancelotti ka barazuar 2-2 me Werder Bremen duke lënë para kohe kompeticionin. E gjendur në avantazh të dyfishtë me golat e Pirlo me penallti dhe Patos, Milani nuk arriti të ruajë epërsinë duke u arritur nga dy golat e Claudio Pizarro. barazimi 1-1 në ndeshjen e parë favorizon gjermanët.

Fiorentina është eliminuar nga Ajax pasi barazoi 1-1 në Holandë por ndeshjen e parë e kishte humbur 1-0. Goli i Gilardinos në pjesën e dytë u zhvlerësua nga Leonardo.

Udineze ka fituar 2-1 me Lech duke u kualifikuar më tej ndërsa edhe Zeniti fitoi ndaj Stuttgart duke nxjerrë jashtë gjermanët. Manchester City mundi 2-1 Kobenhavn duke kaluar më tej pas dy golave të Bellamy.

CSKA Moscow 2 - 0 Aston Villa

Metalist Kharkiv 2 - 0 Sampdoria

Hamburger SV 1 - 0 NEC Nijmegen

Twente Enschede 0 - 1 Marseille *

Wolfsburg 1 - 3 Paris S.G.

Galatasaray 4 - 3 Bordeaux

Milan 2 - 2 Werder Bremen

Ajax Amsterdam 1 - 1 Fiorentina

Manchester C. 2 - 1 FC Copenhagen

Standard Liege 1 - 1 Braga

Stuttgart 1 - 2 Zenit St. Petersburg

Udinese 2 - 1 Lech Poznan

[Damian1]

Liga e Kampioneve vendos mbi të ardhmen e trajnerëve

Ndeshjet e Ligës së Kampioneve kanë vendosur shumë mbi të ardhmen e disa trajnerëve në Evropë të cilët kanë siguruar vendin e tyre.

Pas fitores 1-0 ndaj Realit të Madridit në të tetat e finales së Champions, trajneri i Liverpulit Rafa Benitez ka hedhur poshtë zërat se do të japë dorëheqjen. “Edhe që përpara këtij takimi, unë nuk po mendoja të largohesha, por doja që të fitonim ndeshjen dhe të bëja më të mirën për këtë klub”, tha Benitez. Tekniku spanjoll arriti të fitonte sërish ndaj Realit të Madridit, duke u konfirmuar si një makth për këtë ekip. “Ne donim të luanim me kundërsulm, duke punuar mirë në mbrojtje dhe besoj se ia arritëm”, deklaroi trajneri i Liverpulit.

Asgjë nuk ka mbaruar për Çelsin dhe Juventusin, pavarësisht se blutë e Londrës fituan 1-0 në takimin e parë. Një gjë të tillë e kanë pranuar të dy trajnerët. Gus Hidink deklaroi se Çelsi zotëroi gati 90 për qind të ndeshjes, por edhe përballja e kthimit mbetet mjaft e vështirë. “Ajo që më bëri më shumë përshtypje është se jemi në top formë, por në nivele të tilla duhet më shumë”, deklaroi tekniku holandez. Në krahun tjetër, Klaudio Ranieri u shpreh se Juventusi bëri një ndeshje të mirë, por dështoi në shënimin e një goli që mund të ishte vendimtar për takimin e kthimit. Ai falënderoi gjithashtu edhe tifozët e Çelsit për mikpritjen që i bënë në Stemford Brixh, një stadium ku Ranieri qëndroi për 4 vjet.

Posti i Jurgen Klinsman nuk duket më në dyshim, pas fitores 5-0 që Bajerni i Mynihut arriti në fushën e Sportingut të Lisbonës në të tetat e finales së Champions League. Bavarezët bënë një hap të sigurt drejt turit tjetër të këtij kompeticioni, por për Klinsman ky rezultat ishte disi i papritur. “E dinim që do të përballeshim me presingun e Sportingut, sidomos në fillim të ndeshjes, por mendoj se kishim edhe pak me fat. Goli i parë erdhi pas një veprimi të shkëlqyer të Riberi dhe pastaj çdo gjë shkoi siç duhet. Tani duhet të vazhdojmë kështu”, deklaroi tekniku i Bajernit, posti i të cilit ishte vënë në diskutim pas humbjes 1-2 ndaj Këlnit ditën e shtunë. Në krahun e Sportingut të Lisbonës ka patur shumë hidhërim për këtë humbje. Portugezët arritën për herë të parë në këtë fazë të Ligës së Kampioneve dhe sipas trajnerit Pualo Bento, ajo që ndodhi në fushë ishte e pashpjegueshme. “Edhe skuadra të mëdha kanë ndeshje të tilla kur sdinë çfarë bëjnë në fushë”, tha ai.

[Damian1]

Dëmtohet spanjolli Torres, do mungojë ndaj Manchester Utd

Sulmuesi i Liverpool do të jetë të paktën dy javë larg fushave çka do të thotë mungesë edhe në ndeshjen ndaj kampionëve të Anglisë.

Sulmuesi i Liverpoolit, Fernando Torres, do të mungojë më shumë se dy javë dhe mund ta humbë duelin me Manchester United në Old Trafford që do të zhvillohet më 14 mars.

Spanjolli pësoi sërish një dëmtim të nyjës për të cilën arsye edhe u zëvendësua në ndeshjen e fundit ndaj Real Madridit në Bernabeu. Sipas informatave të fundit, Torres do të humbë disa ndeshje, përfshirë udhëtimin në Middlesbrough dhe ndeshjen e të martës kundër Sunderlandit.

Pas 10 ditësh është ndeshja e kthimit ndaj Real Madridit, dhe katër ditë më pas derbi i madh kundër Manchester United. Pikërisht kjo ndeshje e fundit llogaritet si vendimtare, pasi nëse Manchester United do të fitojë, kjo do të thotë edhe fund për shpresat e Liverpoolit për të arritur tek titulli i Premierligës.

[Damian1]

Roma, dëmtohet Totti duke rrezikuar ndeshjen me Interin

Numri 10 i Romës ka shfaqur shqetësime në gju dhe mungesa e tij në ndeshjen e së dielës duket e sigurt.

Për Francesco Totti nuk ka paqe dhe pas rikthimit pas dëmtimit të gjatë. Kapiteni i Romës ka patur sërish probleme në stërvitje duke u larguar nga fusha nën kujdesin e mjetëve të skuadrës dhe duke shkaktuar problemin e radhës për Luciano Spalletti.

Totti do të kryejë një tjetër ekzaminim për të vërtetuar edhe shkallën e disponueshmërisë së tij por ai me shumë mundësi nuk do të jetë ndaj kampiones së Italisë. Mungesa e Tottit nuk është e vetmja në kampin romanist.

Ndaj armatës së Mourinho nuk do të jetë edhe dyshja braziliane e mbrojtjes, Cicinho-Juan të cilët do të krijojnë boshllëqe në prapavijën e verdhekuqve në sfidën e së dielës në “San Siro”.

[Damian1]

Platini, juventin i deklaruar dhe shtypi anglez tërbohet.

Pa mbaruar mirë Çelsi-Juve, tifozllëku “juventin” i Mishel Platinisë është një hije që bie mbi ndeshjen e kthimit që do të luhet pas dy javësh.

Pa mbaruar mirë Çelsi-Juve, tifozllëku “juventin” i Mishel Platinisë është një hije që bie mbi ndeshjen e kthimit që do të luhet pas dy javësh. Në komentatorët angleze ka ndezur shumë dyshime në lidhje me sjelljen jo fort siguruese të presidentit të UEFA-s. “El Roi” i paharrueshëm i Juventusit anjelian është ende tifoz i deklaruar i skuadrës bardhezi. Ja që në atdheun e “fair-play”-it dhe të futbollit, mund të ndodhë edhe kjo. “Daily Mail”, përmes një prej gazetrëve më të rëndësishëm, Martin Samuel, ka sulmuar deklaratat e hapura për tifozllëkun e Platinisë, duke nxjerrë në dritë një intervistë të francezit në gazetën “La Stampa” të 29 dhjetorit 2008. “do të më pëlqente t’i dorëzojë Juventusit trofeun e Ligës së Kampionëve”, tha Platini në atë rast. Tepër dyshuese e ka konsideruar gazetari edhe një tjetër frazë të Platinisë, më 21 tetor 2008, kur Juventusi mposhti Realin e Madridit. “Isha në Torino kur Del Piero i shënoi gol Iker Kasijasit. Dhe u ngrita në këmbë, jo vetëm sepse jam juventin, por sepse ai ishte goli më i bukur i vitit 2008”.

Pikërisht mbi atë frazë “jam juventin”, ka nisur një polemikë përreth presidentit të UEFA-s, i cili mesa duket nuk është aspak i paanshëm. “Presidenti i UEFA-s është juventin? T’i dorëzojmë Juventusit trofeun e Ligës së Kampionëve? Nuk duket se është kjo gjuha që duhet të përdorë njeriu që drejton futbollin evropian”, ka ngritur si çështje komentatori. Duke e shoqëruar shkrimin edhe me foton e Platinisë, që ngre Kupën e Kampionëve në natën e tmerrshme të tragjedisë së Heyselit në vitin 1985. Mediat angleze kanë pikëpyetje edhe për ndikimin psikologjik që mund të ketë Platini te gjyqtari i ndeshjes së kthimit, ndërkohë që bilbili portugez i së mërkurës e kaloi çdo gjë me sukses.

Polemike gjithashtu duket edhe fraza, kur gazetari anglez ka thënë: “Sa me fat presidenti i UEFA-s, Platini që Hoze Murinjo s’është më menaxher i Çelsit, klubi që do të ndeshet me Juventusin”. Përndryshe, ka nën kuptuar, kushedi se çfarë ferri do të kishte ndezur portugezi, që ankohet gjithmonë me gjyqtarët. Gjë të cilën e konfirmoi edhe pas ndeshjes me Mançesterin, duke akuzuar gjyqtarin se kishte vërshëllyer disa si tepër në favor të miqve.

Artikulli nuk kishte si të mos përfundonte me një referim shumë të hidhët te çështja e skandalit të famshëm të futbollit italian. “Juventusi ka humbur dy titujt e fundit, sepse Luçiano Moxhi, ish-drejtori i përgjithshëm, orkestronte caktimin e gjyqtarëve, të cilët i leverdisnin”. Domethënë, çdo gjë ka përfunduar në të njëjtin drejtim: Juve e djeshme dhe ajo e sotmja, të bashkuara nga gjyqtarët, që i shkelin syrin. Kështu, mesazhi për tifozin juventin Platini, është dërguar qartë. Edhe në futbollin anglez, tashmë fenomeni i dyshimit është shtrirë gjërë e gjatë.

[Damian1]

Akuza ndaj arbitrit, Mourinho “shpëton” ndaj dënimit të UEFA

Trajneri portugez i Interit, nuk do të dënohet për akuzat ndaj arbitrit spanjoll në ndeshjen ndaj Manchester United.

Organizata evropiane e futbollit UEFA nuk do të dënojë trajnerin e Interit Hoze Murinjo për shkak të komenteve lidhur me referimin në ndeshjen e së martës në Milano, me Mançester Junajtedin (0:0), në të tetën e finales së Ligës së Kampionëve.

“UEFA nuk do të fillojë kurrfarë procedure për dënimin e Hoze Murinjos”, thuhet në një deklaratë të UEFA-s. te publikuar ne website zyrtar.

Eksperti portugez pas ndeshjes deklaroi se është i pakënaqur me referimin e gjyqtarit Luis Medine Kantaljeho nga Spanja, pasi ai nuk akordoi një penallti në favor të vendasve.