Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Kupa UEFA: Sabri i “vë zjarrin” ëndrrës së Bordosë.

Formacioni turk ka shpresë të rikthehet i madh në Evropë. Gallatasaraj fiton dhe kualifikohet në sekondën e fundit.

Emocione të papërshkrueshme ka dhuruar superndeshja e mbrëmjes së djeshme në stadiumin “Ali Sami Jen” të Turqisë ndërmjet Gallatasarajit dhe Bordosë. Asgjë nuk i ka munguar kësaj sfide, por fundi i saj i ka buzëqeshur 60 mijë tifozëve të Gallatasarajit, që si gjithmonë e kanë festuar suksesin mes flakëve verdhekuqe. Shtatë gola në 90 minuta, nga tre për pjesë nëse nuk do të llogarisim golin e shënuar në sekondat e kohës shtesë nga mesfushori turk, Sabri Sanoglu.

Pjesa e parë fillon më mirë për “zhirondinët” e Lorant Blank, që kalojnë në minutën e parë në avantazh me një gol të Belion. Por aq sa i ndezur është fillimi i takimit, akoma më i zjarrtë është fundi i pjesës së parë, pasi fillimisht Arda Turan në minutën e 43-të dhe Herri Kjuëll, dy minuta më vonë bëjnë që Gallatasaraj të mbyllë 45 minutat e para në avantazh 2-1. Edhe fillimi i pjesës së dytë është i mirë për vendësit, që të entuziazmuar nga avantazhi i pjesës së parë, trefishojnë shifrat në minutën e 65-të, sërish me Arda Turan.

Kur dukej se gjithçka kishte përfunduar, dy minuta të magjishme të Bordosë barazojnë në mënyrë të pabesueshme shifrat me Kavenagin (74’) dhe Çemak (76’). Gjithsesi, vendësit meritonin plotësisht suksesin në këtë takim emocionues dhe një gjë të tillë do t’ia dhurojë Sabri, që me një goditje nga jashtë kualifikon Gallasarajin për në 1/8 e Kupës UEFA.

[Damian1]

Analiza e UEFA kurorëzon Liverpool si ekipin më të mirë

Skuadra e Benitez është më e mira në Europë sipas analizës së bërë nga UEFA që merr në konsideratë rezultatet e 5 vjetëve të fundit.

Sipas sistemit vlerësues të UEFA-së, ekipi i Liverpoolit është klubi më i mirë në Evropë, me një dallim të vogël në krahasim me Chelsean, i cili është në vendin e dytë, ndërsa Barcelona është në vendin e tretë.

Me fitoren 1-0 ndaj Real Madridit në Bernabeu, Liverpooli është ngritur në vendin e parë të tabelës zyrtare të UEFA-së për herë të parë pas vitit 1985. Sistemi i kombinimeve i rendit klubet sipas paraqitjeve në garat evropiane në pesë sezonet e fundit, ndërsa pikët fitohen në bazë të rezultatit të ndeshjeve dhe nivelit të kundërshtarit.

Liverpooli tani mban kreun e tabelës me 114 mijë e 77 pikë, para rivalit të Premierligës, Chelseat, që ka 110 mijë e 77 pikë. Barcelona në vendin e tretë ka 109 mijë e 403 pikë, ndërsa Milani është menjëherë pas me 109 mijë e 306 pikë dhe Arsenali mbyll top pesëshen me 101 mijë e 77 pikë.

[Damian1]

Pilulat e merkatos së futbollistëve në tregun europian

Manchester City tenton gjithçka për të marrë Terry ndërsa edhe Barcelona ka vënë në lëvizje agjentët për Benzema.

CHELSEA: ROBINHO - Pasi mungoi në shënjestrën e saj në merkaton verore, Chelsea mund të marrë brazilianin Robinho në një lëvizje befasuese. Sipas gazetave britanike, sheiku arab i City mund të tentohet nga ardhja në skuadër, e mbrojtësit John Terry për të lënë të lirë Robinho.

BARCELONA: RIBERY DHE BENZEMA - Dy pjesë me vlerë të futbollit europian janë të destinuar për të kaluar në Spanjë tek Barcelona. Pas zërave për nëj akord mes katalanasve dhe Bayern për francezin Ribery, agjenti i lojtarit, Alain Migliaccio ka konfirmuar se nëse Frank do largohet do shkojë te Barcelona. Ndërkohë ekipi spanjoll ka intensifikuar kontaktet me Lyon për sulmuesi Benzema.

JUVENTUS: DOWNING - Stewart Doëning mund të jetë pasardhësi i Pavel Nedved tek Juventus. Pas lamtumirës së deklaruar të mesfushorit çek në fund të sezonit, Juventus mund të marrë anglezin zi zëvendësuesin ideal të Nedved. Përveç emrave si Babel, Ribery e David Silva, bardhezinjtë interesohen edhe për lojtarin e Middlesbrough.

[Damian1]

Klinsmann mohon zërat për kalimin tek Manchester City

Trajneri i Bayern Munich, Jurgen Klinsmann, i ka hedhur poshtë spekulimet të cilat e kanë lidhur atë me një kalim tek Manchester City

Manchester City dëshiron ta zëvendësojë trajnerin aktual Mark Hughes me Jurgen Klinsmann.

Gjermani është nën presion të madh tek Bayerni për shkak të disa ndeshjeve të dobëta në Bundesligë. Megjithatë, ish-përzgjedhësi i kombëtares gjermane ka mohuar se dëshiron të largohet nga Allianz Arena.

“Gjithmonë ju them lojtarëve të mi si Frank Ribery, se spekulimet se një klub tjetër ju dëshiron janë një kompliment për Bayernin dhe vetë ju. Nëse i dëgjoni ofertat, duhet të jeni krenar dhe kjo iu pëlqen edhe menaxherëve dhe trajnerëve si edhe lojtarëve”, thotë Klinsmann.

“Por, unë kam marrëveshje me Bayernin deri në fund të sezonit të ardhshëm dhe mendoj vetëm për këtë dhe si të fitoj sa është e mundur më shumë trofe në këtë periudhë”, ka shtuar trajneri.

[Damian1]

Ronaldo me “defekt”, është i siguruar në rast dëmtimi

Do të rikthehet pas disa ditësh në fushë por dëmtimet e shpeshta kanë bërë që klubi ta sigurojë duke përfituar financiarisht nëse braziliani nuk luan.

Pas dy javesh “Fenomeni” Ronaldo do te beje debutimin me bluzen e Korinthiasit. Mirepo klubi brazilian nuk deshiron te rrezikoje, duke pasur parasysh demtimet ne te kaluaren te Ronaldos. Sipas lajmeve qe vijne nga Brazili, Korinthiasi ka nenshkruar nje shume te majme sigurimi per “Fnomenin”, ne rast se do te qendroje me shume se kater muaj jashte fushave.

Sigirimi i lojtarit ne fjale do ta ndihmoje Korinthiasin per t’i paguar rrogen nese demtohet. Ronaldo eshte siguruar me 6 milione real (afersisht 2 milione euro). Ne kete rast agjencia do te perfitoje 200 mije euro. “Kjo marreveshje ka ekzistuar edhe ne klubet e medha europiane ku ka luajtur, pse te mos benim edhe ne te njejten gje?”, - eshte shprehur drejtori i Korinthiasit, Antonio Karlos.

Gjate muajve qe nuk ka luajtur Ronaldo ka perfituar 600 mije real, duke perfshire edhe marsin, ndersa nga prilli e me pas do te perifotje 550 mije real ne muaj, qe bejne thuajse 190 mije euro ne muaj.

[Damian1]

Inter, Mourinho lavdëron Santon: Është një fenomen i ri

Trajneri i zikaltërve ka lavdëruar anësorin e ri të Interit që sipas tij i kujton legjendën e shuar të klubit, Faccheti

Në vigjilje të ndeshjes me Romën, Hoze Mourinjo ka gjetur kohën për të ngritur në qiell Santonin. “Është një fenomen. Pas 10-15 vjetësh do të bëhet një Maldini, një Zaneti apo një Faketi dhe une do të kujtoj që kam bërë të njohur. Por dua të theksoj që merita është vetëm e tij, e personalitetit që ka shfaqur në fushë.” Mourinjo ëhstë shprehur edhe për ndeshjen me Romën.

“Zakonisht, pas ndeshjeve të mëdha të Champions, ne fitojmë gjithmonë edhe në kampionat.” Interi kryeson e shkëputur nga skuadrat e tjera, ndërsa Roma pretendon një tjetër vend në Ligën e Kampionëve për sezonin e ardhshëm.

“Ne kemi nevojë për 30 pikë, që ta kemi të sigurt titullin. Roma duhet të tregojë çfarë objektivash ka. Mendoj që do të jetë një sfidë mjaft e vështirë. Roma është një skuadër që luan bukur futboll dhe kurrë nuk futet në fushë për të marrë një barazim 0-0. Kanë një trajner shumë të mirë, që do të kërkojë fitoren edhe në fushën tonë”, - është shprehur Mourinjo. Kivu nuk është grumbulluar për shkak të lodhjes fizike, ndërsa Kruz është ndëshkuar nga trajneri.

“Ky vendim ka të bëjë me paraqitjen në Ligën e Kampionëve. Një futbollist e humbet ose e fiton vendin e titullarit në bazë të asaj që jep në fushë. Dhe përgjegjës për zgjedhjet gjithmonë është trajneri.” Ndërsa për Vieiranë portugezi shton: “E di që ka shumë dëshirë të luajë, por për mua nuk është në 100% të formës. Dhe për të fituar mua më duhen futbollistë në formë të plotë.”

[Damian1]

Milan drejt revolucionit, Kakà është çelësi i zgjedhjeve

Dështimi i fundit në kupën UEFA ka bërë që drejtuesit të mendojnë riformatimin e ekipit. Por duhet të vendoset qëndrimi ose jo i Kakà.

Ose operacioni “Champions League” do të mbyllet me sukses duke garantuar pjesëmarrjen, ose Milan do të pësojë një ridimensionim rrënjësor. Ky ishte mesazhi i Adriano Galliani për futbollistët të cilët e shohin veten në rrezik largimi ose lënieje jashtë formacionit në fund të sezonit.

Çështja e trajnerit të ardhshëm shqetëson jo pak Berlusconin edhe pse pozicioni i Milanit është konfirmimi i Ancelotti nëse kualifikohet në Champions Por për trajnerin aktual janë edhe alternativat e Real, Chelsea dhe Manchester City. Kështu Ancelotti mund ti japë fund ciklit 8 vjeçar.

Pasardhësi i tij në fillim u pa në shtëpi me Leonardon por ky e mohoi. Galliani tha se do vazhdojnë me Ancelottin. Në garë janë edhe Roberto Donadoni. Pa harruar magjinë e ish-ëve Rijkaard e Van Basten.

[Damian1]

Premier League, fitojnë Blackburn, Bolton e West Ham

Fundjava e kampionatit anglez ka sjellë të tjera rezultate interesante duke sjellë 2 fitore të vendasve dhe një të ekipeve mike.

Dy gola nga Stephen Warnock dhe Keith Andrews siguruan 3 pikë të vyera për Blackburn që fitoi 1-2 në fushën e Hull në “KC Stadium”.

Ishte sulmuesi Ian Ashbee që i dha skuadrës së Hullit, shpresa për të marrë pikë por ndeshja u mbyll me disfatën e vendasve.

Fitore edhe për Bolton dhe trajnerin e saj Gary Megson, 1-0 ndaj Newcastle. Goli i vetëm erdhi nga zëvendësuesi Ricardo Gardner.

Sukses minimal edhe për West Ham e trajnerit Zola pasi Jack Collison shënoi golin që mposhti Manchester City.

Hull C. 1 - 2 Blackburn R.

West Ham U. 1 - 0 Manchester C.

Bolton W. 1 - 0 Newcastle U.

Aston Villa 2 - 2 Stoke

[Damian1]

Ferdinand: Mourinho mund të pasojë Ferguson tek Manchester

Mbrojtësi energjik i “Red Devils” ka konfirmuar mundësinë e uljes në pankinë të strategut portugez, pas sir Alex Mbrojtësi i Manchester United, Rio Ferdinand, dëshiron që ish-menaxheri i Chelseat, Jose Mourinho, ta vazhdojë suksesin e Sir Alex Ferguson si menaxher i klubit.

“Ka shumë pak njerëz të cilët të cilët mund ta bëjnë këtë detyrë. Nëse flasim për dikë me ego dhe personalitet, i cili do të mund ta bënte atë, atëherë Jose Mourinho është emri i cili ju bie në mend”, ka thënë Ferdinand.

“Manchester United nuk është një klub i cili vetëm dëshiron të fitojë. Tifozët kërkojnë që suksesi të arrihet duke luajtur në mënyrën e Manchester United. Futbolli sulmues është jetësor për klubin. Për mua Jose Mourinho është shumë kujdesshëm në këtë aspekt të lojës si menaxher”, shton mbrojtësi anglez.

[Damian1]

Gati rregullat e reja për futbollin, arbitra shtesë

Do të ketë arbitra shtesë në vijat anësore ndërsa është pezulluar përkohësisht ideja e kartonit portokalli.

Bordi i Shoqates Nderkombetare te Futbollit, organizmi i ngarkuar per te modifikuar rregullat ne kete sport, i ka hapur driten jeshile eksperimentimit te dy gjyqtareve anesore shtese te cilet do te bashkepunojne me kryesorin dhe do te garantojne nje kontroll me te mire ne aksionet qe zhvillohen ne zonen e portierit.

Pas eksperimentit te suksesshem ne europianin U19 vitin e kaluar, IFAB ka vendosur qe ky rregull i ri te aplikohet edhe ne nje kampionat ose lige profesioniste. Nese gjithcka do te shkoje mire, atehere ky rregull i ri do te perfshihet ne te gjithe kompeticionet boterore. Italia eshte vendi qe ka kerkuar te jete pjese e ketij eksperimenti te ri ne futbollin boteror.

Nuk ka marre miratimin e IFAB hipoteza e futjes ne futboll edhe te kartonit me ngjyre portokalli qe do te sherbente per te pezulluar ne disa minuta futbollistin, nderkohe qe eshte shtyre dhe propozimi per te cuar ne 20 minuta kohen e pushimit mes pjeses se pare dhe asaj te dyte.

IFAB ka modifikuar edhe rregullin e pozicionit jashte loje, sipas te ciles nese nje mbrojtes le fushen per cfaredo lloj arsyeje pa lejen e gjyqtarit kryesor, do te konsiderohet sikur eshte pjese e lojes deri ne perfundimin e aksionit.

Nje tjeter propozim i shtyre per mbledhjen e ardhshme te ketij organizmi eshte rritja e numrit te nderrimeve te futbollisteve nga 3 ne 4, kjo vetem ne rastin e pjeseve shtese, kur 90 minutat perfundojne ne barazim.