Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Kina kundër Inter dhe Lazio: Jo profesionistë e të paedukatë

Autoritetet kineze kanë shprehur pakënaqësinë ndaj protagonistëve të dy ekipeve italiane që luajtën për Superkupën në Pekin

Trofeu i parë sezonal i luajtur në Pekin mund të ketë qenë përveç të tjerash, edhe një sukses mediatik, por duket se Inter dhe Lazio nuk kanë lënë një kujtim të mirë në Kinë.

Sipas njërit prej shoqëruesve, lojtarët e skuadrave italiane janë sjellë si “turistë luksi që nuk kanë asnjë konsideratë” për fqinjin”. Fjalët e Wang Bo vijnë si kritikë e radhës për jetën mondane të futbollistëve.

Në shënjestrën e mediave janë vënë edhe për shmangien e miqësoreve me skuadrat lokale si dhe fjalët e Mourinho që tha se gazetarët vendas nuk janë kompetentë. “Ata shpenzuan 7 mijë Euro vetëm duke pirë verë” tha Wang.

[Damian1]

Xhemajli pranë kalimit te Milan, ndërkohë vjen portieri Roma

Skuadra e Milanit dëshiron ta transferojë mesfushorin e Torinos, Blerim Xhemajli ndërsa ka arritur të bindë edhe portierin e Monaco, Flavio Roma

Sipas Sportmediaset, kuqezinjtë do t’i ofrojnë Torinos katër milionë euro dhe shërbimet e Gianmarco Zigonit për ta transferuar tetovarin në San Siro.

Ndërisa bisedimet për shqiptarin që përfaqëson Zvicrën janë në proces, portieri 35-vjeçar i Monacos, Flavio Roma, ka kaluar ekzaminimet mjekësore te kquezinjte dhe shumë shpejt pritet konfirmimi zyrtar i transferimit të tij.

[OVES12]

West Ham do të nënshkruajë me Tonin dhe Gudjohnsen?

West Ham United vazhdon të shpresojë në transferimin e sulmuesit të Bayern Munichut, Luca Toni, dhe atë të Barcelonës, Eidur Gudjohnsen.

Sipas “The Guardian”, ekipi anglez planifikon t’i transferojë dy sulmuesit në formë huazimi, ashtu që të sigurojë menjëherë shërbimet e tyre para se të mbyllet ky afat kalimtar.

Trajneri i ‘Çekiçëve’, Gianfranco Zola, është admirues i ish-bashkëlojtarit të tij te Chelsea, Gudjohnsen, ndërkohë që Toni nuk është më sulmuesi i favorizuar te bavarezët.

[OVES12]

Henry do të mungojë për Superkupë?

Sulmuesi i Barcelonës, Thierry Henry, duket se do të mungojë në ndeshjen e të dielës për Superkupën e Spanjës, kundër Athletic Bilbaos, si pasojë e lëndimit të tendinit të Akilit.

Francezi është lënduar gjatë një ndeshjeje miqësore që u zhvillua në San Francisco, kundër ekipit meksikan Chivas.

Henry tashmë është tërhequr nga përfaqësuesja e Francës për ndeshjen kualifikuese për Kampionatin Botëror kundër Ishujve Faro, ndërsa mjeku i Barcës ka thënë se edhe paraqitja e tij kundër Bilbaos është e dyshimtë.

[OVES12]

Kaka: Jemi në pozitë më të mirë se Argjentina

Duke folur për ndeshjen vendimtare të Brazilit dhe Argjentinës, për kualifikim në Kampionatin Botëror, superylli i Real Madridit, Ricardo Kaka, thotë se Argjentina nuk është në pozitë të mirë.

“Argjentina nuk është edhe aq mirë, derisa Brazili me një fitore, do të kualifikohet në Kampionatin Botëror”, është shprehur Kaka.

Argjentina dhe Brazili do të ndeshen në shtator, në Rosario, në ndeshjen e rivalëve të përjetshëm të Amerikës Latine.

[supervisor91]

Kombëtarja “Under 21” humbet ndaj Maltës 1-2 në Durrës

Shqipëria U-21 humbi 1-2 me Maltën në miqësoren e zhvilluar në “Niko Dovana” (rreth 200 shikues), në një ndeshje shumë ta varfër nga emocionet, përveç momenteve të golave të Januzit për Kombëtaren tonë e Çirkopit e Faruxhias për Maltës, e sidomos therëse ishte humbja e penalltisë nga ana e Karabecit për Shpresën tonë


Pjesa e parë ishte thuajse nën dominimin e Shpresës sonë, që shpërdoroi dy-tri mundësi të mira, përveç momenteve të penalltisë së humbur nga Karabeci e golit të Januzit, ndërkohë që në të dytin thuajse formacioni i drejtuar nga Bushati-Pano, ishte inekzistent në fushë. Momenti i parë kulmor (dhe njëherësh fatkeq) erdhi në minutën e 22-të, kur mesfushori i Partizanit, Erando Karabeci (lojtari që i dha fitoren Shqipërisë U-21 në ndeshjen me Gjeorgjinë U-21) u tregua i pasaktë, kur nuk arriti të shënojë nga pika e bardhë, pasi portieri maltez Henri Bonello (luan për Sliemën) e priti sferën.

Gjithsesi, gabimin e korrigjoi Ahmed Januzi, kur sulmuesi i Vorskla Poltavës në kampionatin ukrainas shënoi në minutën e 35-të. Avantazhi i djemve të Artan Bushatit rezistoi vetëm katër minuta. Gjyqtari ndërkombëtar i FIFA-s, Sokol Jareci akordoi penallti për maltezët pas një faulli ndaj Bepe Muskatit. Çirkop, i cili luan me Tarxien në Maltë, nuk fali, duke barazuar shifrat e mbyllur 45 minutat e parë 1-1. Për Shpresën tonë, përveç Januzit (autorit të golit), i cili ndërmorri disa kalime të shpejta, u dallua mesfushori i Tiranës, Sabien Lilaj, ndërkohë që edhe sulmuesi i Teutës, Vilfor Hysa, dha disa sinjale të mira në sulm, kur në minutën e 62-të bëri disa veprime të bukura individuale brenda zonës, por topi i goditur prej goditi rrjetën e jashtme.

Mbrojtja me Klodian Seminën, Ditmar Bicin, Polizoi Arbërin e Renato Mallotën ishte në një ditë pozitive, me përjashtim momentit të golave të pësuar. Madje gjiganti Bici (ende pa ekip, stërvitet me Tiranën) rrezikoi në pjesën e parë, por pa mundur të shënojë, ashtu si Semina goditi nga larg në pjesën e dytë (60’), por Bonello e devijoi në goditje këndi. Edhe Malota në dy raste, 68’ e 87’, ishte afër golit. Në pjesën e dytë Bushati hodhi në fushë Jozef Thanën (Teuta), Odise Roshin (Flamurtari), Bekim Balën (Vllaznia), por pa pasur asnjë efekt në organizimin dhe shpejtësinë e aksioneve tona. Duhet nënvizuar se loja pati edhe ndonjë moment nervozizmi, teksa Jareci e nxorri disa herë kartonin e verdhë si për ekipin tonë ashtu dhe atë maltez, kur mund të ndëshkonte ndonjë maltez (Xhozef) edhe me karton të kuq.

Në minutën e 70-të, një aksion model i maltezëve midis dy lojtarëve të Sliemës, Terenc Vela e Miguel Ciantar, ky i fundit i dhuroi një asist perfekt për kapitenin Tirron Farruxhia, që vetëm sa e shtyu topin në rrjetë. Shqipëri-Maltë 1-2. Nuk ka ku të shkojë më keq. Momenti i fundit i mirë për Shqipërisë ishte ai i minutës së 90-të, kur pas ekzekutimit të një goditje të lirë (rreth 20 metra), Bici goditi shumë metra mbi shtyllën horizontale.

[supervisor91]

Schumacher: Çfarë trishtimi, falenderoj tifozët e Ferrarin

7 herë kampioni i botës në Formula 1, ka shpjeguar në një konferencë shtypi, arsyet e “prapa kthehu” të vendimit për të mos pilotuar


Michael Schumacher i është dorëzuar dhimbjes dhe nuk do të rikthehet në Formula 1, të paktën në sezonin aktual.

Piloti gjerman ka zgjedhur nëj konferencë shtypi në Gjenevë, ku ka shpjeguar mes emocioneve, motivet e refuzimit për tu kthyer në timonin e Ferrarit, duke ritheksuar se kushtet fizike nuk e lejuan ti dorëzohej pasionit.

“Jam shumë i zhgënjyer pasi ishte një zgjedhje e imponuar. Më vjen keq që po zhgënjej Ferrarin dhe që nuk po ndaj me ta, euforinë e krijuar në momentin që thashë se do rikthehem” tha Schumacher.

“Falenderoj tifozët anembanë botës që më motivuan më shumë sesa mendoja. Kur ferrari më thirri për të zëvendësuar Massa, isha entuziast por problemet fizike nuk më lejojnë të kthehem në pistë” tha gjermani.

[supervisor91]

Shqipëria “përmbyt” ishullin Qipro, 6-1 në “Qemal Stafa”

Kombëtarja shqiptare e futbollit ka “abuzuar” me Qipron duke shënuar një fitore historike 6-1 në stadiumin “Qemal Stafa”


Kombëtarja shqiptare e futbollit ka treguar ndoshta lojën më të bukur ndonjëherë përballë tifozëve në “Qemal Stafa” duke fituar thellësisht 6-1 ndaj një kundërshtari relativisht të vështirë si Qipro.

Ndeshja ndaj ishullorëve nuk ka patur histori edhe pse në disa raste jemi ndihmuar nga fati dhe arbitri turk që ishte shpeshherë zemërgjerë ndaj kuqezinjve.



Avantazhi i Shqipërisë erdhi me një penallti të Skelës në minutën e 26 edhe pse faulli për hir të së vërtetës ishte jashtë zonës qipriote. Por Qipro arriti të barazojë me anë të mesfushorit Charalampidis në minutën e 37 pasi ky mundi nga afër portierin Ujkani.

Por Shqipëria mori sërish avantazhin në minutën e 45 me një tjetër penallti të Skelës që mbante dhe shiritin e kapitenit. Goli i tretë i kuqezinjve erdhi nga Bogdani pas një goditje të bukur me roveshatë nga Hamdi Salihi.

Por fati ishte në anën e kuqezinjve pasi Dallku fitoi një tjetër penallti. Klodian Duro goditi penalltinë e cila u grushtua por elbasanasi shënoi më pas me kokë për shifrat 4-1. Ndërkohë nga ana e sulmit u bë efikas Ansi Agolli që shënoi me një supergjuajtje golin e pestë tonin. Qipro nuk pati fuqi të reagonte as kur zëvendësuesi Emiliano Vila shënoi golin e KO, 6-1, për Shqipërinë.

[OVES12]

Dy gola të Defoe shpëtojnë Anglinë

Dy gola të sulmuesit të Tottenham, Jermain Defoe, i kanë ndihmuar kombëtares së Anglisë të rikthehet nga disavantazhi 2-0 për të barazuar 2-2 në ndeshjen miqësore përballë Holandës.
Defoe ka shënuar pas vetëm tre minutash pasi është përfshirë në lojë në pjesën e dytë dhe ka barazuar gjysmë orë më pas. Për Holandën në pjesën e parë shënuan Dirk Kuyt (10’) dhe Rafael van der Vaart (38), pas gabimeve të Rio Ferdinant dhe Garreth Berryt.Për kombëtaren angleze David Beckham bëri paraqitjen e tij të 113-të, ndërsa u zëvendësua në pjesë të dytë. 34-vjeçari ka nevojë edhe për 12 paraqitje tjera për të barazuar rekordin e Peter Shilton prej 125 paraqitje me kombëtaren.Holanda tashmë e ka siguruar pjesëmarrjen në Kupën Botërore 2010, ndërsa Anglia mund ta bëjë këtë duke mposhtur Kroacinë në Wembley më 9 shtator.

[OVES12]

Mancini: Nuk largohem nga Inter

Që nga transferimi i tij tek Inter, Amantino Mancini ka zhgënjyer plotësisht duke mos mundur ta shfaqë formën që tregonte te Roma.
Kjo është arsyeja që spekulime të ndryshme e kanë lidhur atë me një largim të mundshëm nga Giuseppe Meazza, ndërsa skuadrat më të interesuara për shërbimet e tij janë Sampdoria, West Ham United dhe Lyon.Mirëpo, braziliani ka refuzuar çdo mundësi për t’i braktisur Nerazzurët gjatë këtij afati kalimtar.“Unë jam mirë tek Inter. Kuptohet që dëshiroj të luaj më shumë, mirëpo në fund të fundit unë jam mirë, jam i lumtur dhe më pëlqejnë të gjithë në klub”.“Mourinho më ka dhënë shpresë se do të mundohet të më gjejë më shumë kohë për lojë këtë sezon, mirëpo edhe shumë lojtarëve të tjerë ua ka premtuar të njëjtën gjë”.“Duhet të stërvitem mirë dhe të jap më të mirën nga vetja kur të më jepet shansi në fushë. Do të mundohem ta bëjë këtë dhe nëse më vjen mundësia, atëherë do të mundohem të nxjerr më të mirën nga ajo”, është shprehur 29-vjeçari për “Sky Sport24”.