Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Gerrard: City mund ta fitojë Ligën Premier

Kapiteni i Liverpoolit, Steven Gerrard, thotë se Manchester City do të jetë njëri nga konkurrentët e fortë për ta fituar titullin e kampionit të Ligës Premier në sezonin e ri.
Gjatë këtij afati kalimtar ‘pasanikët’ kanë transferuar lojtarë të tillë si Carlos Tevez, Emmanuel Adebayor, Roque Santa Cruz, Gareth Barry dhe Kolo Toure, ndërsa pritet që t’i konkurrojnë katërshes së madhe në garën për titull.“(City) ka bërë që të gjithë të ulen dhe të mendojnë. Padyshim se do të luftojë për top-katërshin. Nëse shikojmë standardin dhe kualitetin e lojtarëve që ka transferuar, ata mund të jenë i aftë të garojnë edhe për titull”, ka thënë Gerrard për “The Sun”.

[OVES12]

Eto’o: Mund të rikthehem te Barcelona

Përforcimi i ri i Interit, Samuel Eto'o, thotë se ai dëshiron të japë maksimumin për të ndihmuar nerazurët të arrijnë te triumfe të reja, por ka pohuar edhe mundësinë që në një të ardhme të rikthehet te ish-klubi i tij, Barceona.
Eto’o shënoi me gol debutimin e tij zyrtar për klubin në kuadër të Superkupës së Italisë, të cilën Interi e humbi ndaj Lazios me rezultat 2-1. “Jam i lumtur se si shkojnë gjërat në Inter. Tashmë mbresat që luajta në Superkupë janë pozitive. Ne dominuam ndeshjen, duke krijuar shumë mundësi. Më pëlqen trajneri shumë, synoj të jap maksimumin sapo të mundem, me qëllim që ta falënderoj atë”, ka thënë kamerunasi. “Gjithmonë kam qenë mirë në Barcelona dhe një ditë mund të rikthehem dhe të luaj për atë klub të madh. Por tash jam në Inter, ku tashmë ndjehem i lehtësuar pas një periudhe aq të shkurtër”, ka shtuar Eto’o.

[supervisor91]

Juve me mision në Madrid, objektivat Aguero dhe Maxi

Skuadra e bardhezinjve po interesohet për dyshen argjentinase të Atletico Madrid, Sergio Aguero dhe Maxi Rodriguez


Skuadra italiane Juventus po interesohet për dy lojtarët e Atletico Madridit, Sergio Aguero dhe Maxi Rodriguez për ti sjellë në Torino që këtë verë.

Njoftohet se bardhezinjtë janë duke u interesuar për shumën e dy argjentinasve dhe pastaj do të shqyrtojnë mundësinë e transferimit të tyre. Aguero është njëri nga lojtarët më të kërkuar në Evropë, për të cilin janë shumë të interesuar Manchester United, Inter dhe Chelsea, ndërsa sa i përket Maxi Rodriguez, Juve mund ta ketë më lehtë ta transferojë.

Por për dyshen argjentinase që është pjesë e pandashme e kombëtares së drejtuar nga Maradona ka një sërë konkurentësh me peshë financiare dhe fame. Manchester United, Real Madrid dhe Chelsea mund të parakalojnë juventus në garën e milionave

[Damian1]

Beckham: Duhet të kthehem në Europë, Milan është gati

Ylli anglez, Dejvid Bekam nuk e ka mohuar kthimin e mundshëm në Angli, mirëpo ka thënë se zgjedhja e tij e parë për kthim në futbollin evropian mbetet Milani.

"Nga unë nuk do të mund të dëgjoni se nuk do të kthehem kurrë në Premier Ligë, por sinqerisht jam kënaqur në kohën sa kam luajtur te Milani, i cili më dëshiron sërish në radhët e veta.

Milani është njëri nga klubet më të mira në botë", ka theksuar Bekam, duke shtuar: "Tani për tani jam plotësisht i përqendruar në suksesin e La Galaksi, kurse pas përfundimit të edicionit do të marrë vendimin se ku do ta vazhdoj karrierën.

E di se çfarë ka deklaruar përzgjedhësi Fabio Kapelo, por ajo nuk është diçka e re. Edhe më parë e kam ditur se duhet të rikthehem në Evropë, për të qenë kandidat për Botërorin 2010

[Damian1]

Ferguson: Ronaldinho ishte pranë kalimit në "Old Trafford"

Trajneri i Mançester Junajtedit, Aleks Ferguson, ka zbuluar prapaskenat e transferimit të Kristiano Ronaldos në "Old Trafford" vite më parë

Në fakt, trajneri skocez ka thënë se klubi i tij në atë kohë ishte shumë afër marrëveshjes me Ronaldinjon, por kur transferimi i tij dështoi, atëherë u vendos që në skuadër të transferohej Ronaldo.

"Gjithçka ishte gati për transferimin e Ronaldinjos. Madje, unë mendoja se marrëveshja ishte punë e kryer, por kur shkova në Paris për të biseduar me të, e pashë se gjërat kishin lëvizur në drejtim jo të duhur", ka theksuar Ferguson, duke shtuar: "Përfaqësuesit e tij ankoheshin se marrëveshja nuk ishte e njëjtë me atë që kishim biseduar më herët. Ajo që më kujtohet tash është fakti se ai atë ditë kishte qenë në Barcelonë”.

“Në ato momente të dyja palët ishim të zhgënjyer, por ne gjatë asaj vere arritëm të nënshkruajmë me Kristiano Ronaldon, gjë të cilën sigurisht se nuk do ta bënim, nëse do të vinte Ronaldinjo. Tash kur Kristiano ka shkuar te Reali, mund të them se golat e tij do të na mungojnë, por sigurisht se do të vijmë deri te golat me një taktikë tjetër".

[Damian1]

Drogba: 6 skuadra do të luftojnë për titull në Premiership

Futbollisti i Çelsit, Didie Drogba ka pohuar se në edicionin e ri në Ligën Premiere do të jenë gjashtë skuadra, të cilat do të luftojnë për titull kampioni

Krahas 'katërshes së madhe' me Çelsi, Mançester Junajted, Liverpul dhe Arsenal, sulmuesi afrikan Didier Drogba në grupin e kandidatëve për titull ka përfshirë edhe Mançester Sitin dhe Aston Vilën.

"Nuk do të më ketë 'katërshe të madhe', por do të ketë 'gjashtëshe të madhe'. Deri më tash nuk kam luajtur asnjë edicion të lehtë në Angli. Çdo vit është gjithnjë e më vështirë", ka pohuar Drogba.

"Në këtë edicion, pa dyshim do të kemi detyrën më të vështirë sesa në të kaluarën. Ekzistojnë madje pesë apo gjashtë skuadra, të cilat do të konkurrojnë për titull", ka nënvizuar sulmuesi nga Bregu i Fildishtë, Drogba.

[OVES12]

Ribery= €30m + Sneijder + Robben

Real Madridi vazhdon të jetë i interesuar për shërbimet e superyllit francez Franck Ribery. Njoftohet se Los Blancos planifikojnë t’i ofrojnë Bayern Munichut 30 milionë euro dhe shërbimet e dyshes Wesley Sneijder dhe Arjen Robben, për ta transferuar Riberyn në Santiago Bernabeu.
Edhe pse drejtuesit e Bayernit vazhdojnë të pohojnë që lojtari i tyre nuk është në shitje, duke kërkuar një shumë të madhe parash, megjithatë Los Blancos nuk heqin dorë nga objektivi i tyre. Trajneri i Realit, Manuel Pellegrini, ka thënë se dy holandezët janë pjesë e planeve të tij, mirëpo Florentino Perez dëshiron një skuadër superyjesh, dhe Ribery është një i tillë.

[OVES12]

Juve interesohet për Aguero dhe Rodriguez

Sipas të përditshmes spanjolle "Marca", Juventusi interesohet për dy lojtarët e Atletico Madridit, Sergio Aguero dhe Maxi Rodriguez.
Njoftohet se bardhezinjtë janë duke u interesuar për shumën e dy argjentinasve dhe pastaj do të shqyrtojnë mundësinë e transferimit të tyre. Aguero është njëri nga lojtarët më të kërkuar në Evropë, për të cilin janë shumë të interesuar Manchester United, Inter dhe Chelsea, ndërsa sa i përket Maxi Rodriguez, Juve mund ta ketë më lehtë ta transferojë.

[supervisor91]

FIFA: Shqiperia, surpriza e miqesoreve


Shqiperia eshte surpriza e dites e te merkures futbollistike nderkombetare.
Ne kete perfundim kane arritur specialistet e organizate me te larte te futbollit ne bote, FIFA-s, te cilet, ne faqen zyrtare ne internet, kane evidentuar te vecantat e impenjimeve te kombetareve te te gjithe globit ne ndeshjet e tyre perkatese. Mes shume eventeve te rendesishme te te merkures se ngarkuar ne ndeshje nderkombetare, Shqiperia eshte perzgjedhur nga nepunesit e FIFA-s si “Rezultati i dites”.

“Edhe pse nuk do te ishte aspak surprize qe Shqiperia te mund te merrte me te miren ne perballjen e saj me kombetaren e Qipros, te paket ishin ata njerez qe e kishin parashikuar, se kombetarja ballkanase, e cila e ka shume te veshtire te shenoje shume gola, te arrinte ate fitore emfatike, nje goleade te vertete 6-1”, shkruhej dje ne faqen zyrtare te FIFA-s ne internet, ku me pas vazhdonte: “Hera e fundit qe shqiptaret kishin arritur nje fitore me shume gola, daton ne vitin 2003, kur shenuan pese gola ne porten e Vietnamit dhe nuk pesuan asnje”.

Me fitoren e te merkures ne mbremje ne takimin miqesor ndaj ishulloreve te Mesdheut, Kombetarja jone ka shenuar edhe nje rekord te ri te saj per sa u perket fitoreve me te thella. Para kesaj ndeshjeje, rekordin e mbante pikerisht triumfi 5-0 ndaj Vietnamit me 12 shkurt te vitit 2003 ne turneun miqesor te Norcias (Itali). Nderkohe qe nje tjeter fitore e thelle e perfaqesues sone ne historine e saj vjen nga nje ndeshje e luajtur ndaj perfaqesueses se Turqise me 21 janar 1998 ne Gaziantep, ku kuqezinjte kishim mundur te triumfonin me rezultatin 4-1.

[supervisor91]

Kuzhe: U mahnita nga potenciali i lojtareve


Fitorja tenistike e Shqiperise perballe Qipros ka bere buje edhe ne Kroaci.
Mediat e ketij vendi kane nxituar te kontaktojne me trajnerin Josip Kuzhe, per ta pyetur rreth pershtypjeve qe i la triumfi 6-1. Gazeta “Jutarnji List” shkruante: “Pas humbjes se pafat me Portugaline, Kuzhe u dhuroi tifozeve shqiptare nje mbremje me futboll fantastik”.

Ndersa tekniku 56-vjecar, per te perditshmen deklaroi: “Kisha frike nga Qipro, e cila ka nje skuader mjaft te forte, por ishte nje ndeshje fantastike. Shqiperia luajti futboll te klasit te larte per 70 minuta. Jam shume, shume i lumtur”.

Kuzhe shtoi: “Ne dy ndeshjet e fundit eliminatore (me Danimarken dhe Suedine) rezultatet nuk jane te rendesishme, pasi po punojme per te ardhmen. Por, u mahnita nga potenciali i lojtareve te mi. Edhe trajneri i Qipros u shpreh i tronditur nga loja e jashtezakonshme e Shqiperise’ dhe kjo na karikon per te ardhmen”. Tashme trajneri do te nise nje turne 1-javor ne Gjermani, per t’u takuar dhe vezhguar lojtaret kuqezi, qe militojne ne ligat e ketij vendi.