Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Juventus fiton trofeun “TIM”, mundi Interin dhe Milanin

Skuadra e bardhezinjve ka fituar për herë të parë trofeun TIM pasi mundi Interin me anë të penalltive dhe Milanin 2-0


Juventusi e ka mposhtur Interin dhe Milanin për t’u shpallur fitues i garës tradicionale Trofeo Tim, e cila zhvillohet ndërmjet tre skuadrave më të suksesshme italiane.

Përballja e tretë 45-minutëshe e zhvilluar ndërmjet bardhezinjve dhe kuqezinjve, ka përfunduar me fitoren e të parëve me rezultat prej 2-0. Golin e parë në këtë ndeshje e shënoi Amauri (14’), ndërsa Vincenzo Iaquinta e dyfishoi epërsinë e Juves (32’), dhe ku rezultoi të ishte goli i fundit në këtë ndeshje.

Në përballjen e parë Zonja e Vjetër e mposhti Interin pas ekzekutimit të penalltive, ndërsa pas kësaj fitoreje Juventusi shpallet fitues i Trofeo Tim.

Kjo është hera e parë që Juventusi shpallet fitues i këtij trofeu miqësor, ndërsa duhet të përmendim që sulmuesi bardhezi Carvalho Amauri u shpall lojtari më i mirë i kësaj gare, i cili shënoi nga një gol në të dyja ndeshjet e Juves.

[supervisor91]

MotoGp, pole per Vale Rossin ne Brno edhe pse rrezohet

Piloti i Yamaha ka bere xhiron rreth cirkuitit per 1 minutë e 56.145 sekona, duke lënë prapa Lorenzon, përkundër një rënieje në xhirot e fundit të sesionit kualifikues


Kampioni i botës në fuqi, Valentino Rossi ka regjistruar një kohë më të mirë se shoku i tij i skuadrës Jorge Lorenzo, duke siguruar “pole-position” para garës që do të zhvillohet sot në Brno te Cekise për MotoGP. Piloti i Yamaha ka bere xhiron rreth cirkuitit per 1 minutë e 56.145 sekona, duke qenë kështu para të gjithëve, përkundër një rënieje në xhirot e fundit të sesionit kualifikues. Gjithashtu vendosi edhe për rekordin e ri të pistës ceke, duke përmirësuar me 46 të mijëtat e sekondes kohën e mëparshme të arritur nga vetë Rossi në vitin 2006.

Jorge Lorenzo, i cili gjendet 25 pikë prapa Rosit në renditjen e kampionatit, fiksoi një kohë prej 1 minute e 56.195 sekondash, duke u pozicionuar i dyti, i ndjekur nga Dani Pedrosa qe me Honda fiksoi kohen 1:56.528. Kështu duket se pas vendimit të Stonerit për një tërheqje të përkohshme si pasojë e stresit, lufta për titullin e Moto GP ëshhtë shndërruar në një cështje brenda familjes së Yamahas.

[supervisor91]

Cana, blerja me e mire ne Premierlige


Lorik Cana eshte blerja me e mire e Premierliges ne kete merkato vere. Analistet gjermane, e cilesojne transferimin e mesfushorit shqiptar ne radhet e Sanderlendit nga Olimpik Marseja, si manovren me te goditur: ketu kombinohet kualiteti i lojtarit dhe shifra qe trajneri Stiv Brus pagoi per ta afruar ne skuader.
Per sherbimet e 26-vjeçarit interesoheshin disa klube angleze, ku nuk munguan edhe emrat e medhenj si Arsenali e Liverpuli, por edhe Hamburug e Verder Bremeni ne Bundeslige.

Ai klasifikohej perpara atyre qe shiheshin si blerjet e medha ne eliten e futbollit britanik: Juri Zhirkov nga CSKA e Moskes te Çelsi (20 milione euro), Gereth Berri nga Aston Vila te Mançester Siti (14 milione euro), Antonio Vanelcia nga Uigan te Mançester Junajtid (18 milione euro) apo edhe Karlos Tevez nga Mançester Junajtid te Mançester Siti (28 milione euro). “Nese me pyesni perse mendoj se Cana eshte blerja me e mire ju them se nuk do te kaloje shume kohe, e te gjithe ta mendojne si une”, deklaroi analisti i “Spox”, Rafael Honigshtajn.

“Shqiptari eshte nje perbindesh, i cili ben praktikisht gjithçka: spastron, nderton lojen, eshte lider dhe nese eshte e nevojshme luan edhe si mbrojtes qendre. Ai ka qene kapiten te Marseja e mund te jete lider edhe te Sanderlendi. Edhe pse ne Premierlige nuk eshte nje emer shume i degjuar, Cana eshte jashtezakonisht cilesor”.

Rreth kuqeziut ka folur edhe Filip Auker, korrespondenti i “France Football” ne Angli. “Nese krahasojme shifren 6 milione euro qe Sanderlendi shpenzoi per ta blere, me kualitetin qe ka ky futbollist, mendoj se ajo eshte qesharake”, deklaroi ai.

Nje prej arsyeve te dhena eshte se paundi britanik eshte zhvleresuar me 20 per qind ne krahasim me vlerat e gushtit 2007. “Kjo ka bere qe klubet angleze, ndryshe nga ato spanjolle te mos realizojne blerje te bujshme. Ne anen tjeter, çdo lojtar i transferuar ne Premierlige, ne te vertete vlen 20 per qind me teper”, saktesoi Honigshtajn.

[supervisor91]

Eliminohen Federer e Nadal


Eshte mbyllur ne cerekfinalet e turneut te Montrealit, aventura kanadeze e dy favoriteve dhe tenisteve me ne forme ne bote, Roxher Federer dhe Rafael Nadal, te cilet jane eliminuar ne menyre surprize.
Numri nje ne bote, Federer eshte mundur nga francezi Tsonga ne nje ndeshje qe zgjati dy ore e 19 minuta.

Ne setin e pare francezi ishte me i miri edhe pse rezistenca e Federer coi shifrat 7-5. Por nje demtim ne berryl uli ndjeshem lojen e Tsonges qe humbi fraksionin e dyte 6-1 pas sherbimeve fatale te Federer.

Tenisti zviceran ishte prane festes kur coi setin final ne 5-2 por ketu nisi dhe reagimi i pabesueshem i Tsonges qe detyroi Federer te dorezohet. Te njejtin fat pati edhe Rafael Nadal qe konfirmoi dobesine e tij ne perballjet me Huan Martin Del Potro.

Ne duelin latin ishte argjentinasi qe doli fitues edhe pse per tenistin nga Majorka u pane permiresime pas mungeses me shume se dy muaj. 7-6 dhe 6-1 ishin setet ne te cilet Nadal iu nenshtrua humbjes duke lene turneun e Montrealit.

[supervisor91]

Edgar Cani tek Empoli

Keto duket se jane oret decizive per transferimin e Edgar Canit tek Empoli. Talenti shqiptaro-italian, vazhdon te stervitet me Palermon, por per shkak te konkurrences se madhe te sicilianet, ai do te huazohet ne klubin e Serise B italiane.
Edhe pse ka bere paraqitje mjaft te mira gjate fazes pergatitore nen urdhrat e Zenges, pas perfundimit te huazimit tek Askoli (5 gola ne 20 ndeshje), 20-vjeçari do te dergohet serish larg zirozeve per t’u aktivizuar rregullisht dhe fituar eksperience.

“Cani eshte nje lojtar qe na intereson dhe kemi arritur akordin parimor me Palermon”, deklaroi presidenti i Empolit, Fabricio Korsi. “Megjithate, me pare duhet te shesim disa futbolliste nga kontingjenti aktual. Sapo kjo te ndodhe, sulmuesi do te afrohet ne ekipin tone per sezonin e ri”.

[supervisor91]

Drogba-gol ne shtese, Chelsea i Ancelottit e nis mbare Premier

Afrikani ka pranuar se kishte fat në realizimin e golit vendimtar ndaj Hullit: “Une provova të krosoj, por fatmirësisht topi kaloi portierin dhe përfundoi në rrjetë


Celsi i udhëhequr nga trajneri i ri Carlo Ancelotti e ka filluar me fitore sezonin 2009/2010 në Premier League. Takimi i zhvilluar në stadiumin “Stamford Bridge”, ndërmjet bluve dhe Hull City, ka përfunduar me fitoren e londinezëve me rezultatin 2-1.

Heroi i vendasve në këtë përballje ishte Didier Drogba, i cili shënoi të dy golat për Chelsean. Krejt papritur, serine e hapi Tiger Steph (28’), i cili debutoi për Chelsean, mirëpo Didier Drogba barazoi rezultatin në minutën e 37-të. Megjithe perpjekjet dhe rastet e shumta, vetëm në minutat shtesë të takimit (90'+2), sulmuesi nga Bregu i Fildishtë shënoi edhe golin e dytë të ndeshje dhe të fitores për Chelsean. Ndërkohë që afrikani në fund ka pranuar se kishte edhe pak fat në atë realizim të tij: “Une provova të krosoj, por fatmirësisht topi kaloi portierin dhe përfundoi në rrjetë…. Gjithsesi, me rastet që kishim gjatë pjesës së dytë, mund të shënonim shumë gola, por thjesht ishim të pafat. Ja qe fati na buzeqeshi ne fund. Gjithmonë është e rëndësishme të fitohet ndeshja e parë dhe ne ia dolëm mbanë, duke besuar dhe e kërkuar pa pushim suksesin”.

[supervisor91]

Juventus kerkon te arrije tek Zaccardo

Mbrojtesi Zaccardo i ka shprehur shokut te rij te skuadres Barzagli se ai mund te kthehet ne Itali, pasi ne Gjermani ai ka fituar Bundesligen, por ka humbur vendin e titullarit


Ai ka folur me shokun e tij te skuadres dhe i ka treguar hipotezen e largimit te tij nga Gjermania. Zaccardo, i cili duket i pakenaqur tek Wolfsburg mund te largohet nga Gjermania, edhe pse me kete skuader ai arriti te fitoje Bundesligen. Demtimet e shumta e kane lene jashte fushave per nje kohe te gjate dhe kane bere qe Crisian te humbase vendin e titullarit ne rradhet e kampioneve ne fuqi sidomos pas ndryshimit te trainerit.

Pas arrijtes tek fantazisti Diego, i marre nga Werder Bremen, perforecimi i rradhes per ‘Zonjen e Vjeter’ mund te vije perseri nga Germania. Kesaj rradhe behet fjale per nje italian, pjese e ekipit ne fitimin e boterorit te 2006-es ne Gjermani. Kane mbetur edhe 2 jave nga mbyllja e merkatos dhe tani Juventus duket se eshte ne ndjekje te tij, i cili eshte i vendosur t’i jape fund aventures se tij ne Gjermani.

Ky lajm u be i ditur dje pasdite ne Gjermani. Zaccardo, pas nje stervitje shlodhese, ashtu si dhe pjese tjeter e skuadres, pas fitores ne diten e shtune perballe Kelnit u duk vertet i pakenaqur. Cristian hyri ne takim ne minutat e fundit ne vend te gjermanit Gentner por nuk beri asnje koment per kete fakt. Por ai ka biseduar me shokun e tij te skuadres Andrea Barzagli, bashke me te cilin u transferua nje dite me pare nga Palermo tek Wolfsburg, duke i bere gjermanet te derdhin ne arkat e italianeve plot shumen 7 milion euro per kartonin e tij. Te dielen, ne redaksine e klubit kampion, te sponsorizuar nga kompania e madhe e makina ‘Wolkswagen’, nuk gjendej askush dhe i vetmi person i cili u pa te dilte nga qendra stervitore ishte traineri i ti i skuadres, Armin Veh, i cili zuri vendin e Felix Magath. Dhe nuk eshte pare asnje prej futbollisteve ne menyre per te biseduar apo per t’u informuar per kete ceshtje. Juventus eshte ende ne pritje per te gjetur kohen e duhur per t’u hedhur ne sulm per mbrojtesin Zaccardo.

[supervisor91]

Deshton turi vezhgues i Kuzhese ne Gjermani


Ka deshtuar turi vezhgues i trajneri te Kombetares sone, Josip Kuzhe, ne Gjermani.
Sikurse ishte paralajmeruar ne perfundim te ndeshjes miqesore ndaj Qipros (te fituar me rezultatin 2-1), tekniku kroat i kuqezinjve do te udhetonte drejt ketij vendi per te ndjekur nga afer disa nga futbollistet shqiptare, te cilet pritej te aktivizoheshin kete fundjave ne Bundesligen 2.

Ne siten e Kuzhese do te duhet te kalonin dy sulmuesit e lene jashte listes anti-Qipro, Edmond Kapllani i Fc Agsburgut dhe Besart Berisha i Armina Bieleveldit.

Por kjo nuk eshte realizuar, per shkak se trajneret perkates nuk kane aktivuar per asnje minute dy futbollistet shqiptare.

Javen e ardhshme pritet qe Kuzhe te udhetoje drejt Italise per te vezhguar ne aksion sulmuesin tjeter kuqezi, Erjon Bogdani.

[supervisor91]

Cana “fiton” Angline: Eshte luftarak

Qe ne debutimin me Sanderlendin ne Premier League, Lorik Cana ka fituar zemrat e shume anglezeve, per me teper te tifozeve te “Maceve te Zeza”. Trajneri i Sanderlendit, Stiv Brus, nuk i ka kursyer pergezimet ne adrese te mesfushorit shqiptar.
Ai e cilesoi ate si lojtarin ideal per t’i dhene dinamizem skuadres se tij.

“Cana i dha shume dinamizem lojes sone dhe tregoi se eshte nje luftetar i mire ne mesfushe”, u shpreh tekniku i Sanderlendit.

Sipas “Sunderland Echo.com”, Lorik Cana ka bere vertet nje debutim mbreselenes, duke konfirmuar qe ne ndeshjen e pare se eshte i prere per te luajtur ne kampionatin anglez.

“Blerja e re e Sanderlendit, Lorik Cana, arriti te neutralizonte ne shume raste suedezin Elmander te Boltonit, duke fituar edhe admirimin e tifozeve te shumte te Sanderlendit, te cilet kishin udhetuar per te mbeshtetur skuadren e tyre. Cana fizikisht ishte lojtari me ne forme i ekipit”, shkruhej ne artikullin analizues te ndeshjes.

Nderkaq, ne komentin e ndeshjes se faqes zyrtare te Sanderlendit, vleresimi per Canen ishte ky:

“Boltoni ushtroi presion per te barazuar ndeshjen, por fale ‘punes se madhe mbuluese’ te Lorik Canes, qe bllokoi Dejvisin, ky i fundit krosoi dobet topin e perfunduar direkt ne duart e portierit te Sanderlendit, Fulop”.

Ndersa nje e perditshme sportive angleze i ka kushtuar Canes nje reportazh, ku mesfushori ka theksuar se, pervecse te demonstroje vlerat si lojtar, ka si synim edhe ndryshimin e mendimit te anglezeve e me gjere per Shqiperine dhe shqiptaret.

“Mendoj se Shqiperia eshte nje vend shume i vogel, por me njerez te mire. Shume histori qe thuhen per ne nuk jane te verteta. Por do te bej te pamunduren qe te prezantoj vendin tim dhe t’i tregoj britanikeve se nuk kane perse te mendojne keq kur permendet Shqiperia. Futbolli te ndihmon qe te ndryshosh mendimet e njerezve”, perfundon Cana.

[supervisor91]

Superkupa, Atletico Bilbao - Barcellona 1- 2

Barcelona ka mundur ne transferte 2-1 Atletikon e Bilbaos ne takimin e vlefshem per superkupen e Spanjes, perpara nje stadiumi me 35 mije tifoze.
Atletiko ka qene e pare qe ka shkuar ne avantazh ne minuten e 44-te te takimit me ane te De Marcos.

Ne pjesen e dyte skuadra e Guardioles ka permbysur rezultatin fale golave te Ksavit (13') e Pedros (22').

Ndeshja e kthimit do te luhet me 23 gusht ne Barcelone.