Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Legjenda Bolt: 9"58

Medalje e Arte dhe rekord Boteror ne garen e 100 metrave per xhamajkanin


Finalja e shumepritur e 100 metrave ne Berlin nuk ka zhgenjyer aspektativat e tifozeve. Perkundrazi, kjo gare eshte shnderruar ne nje nga garat me te rendesishme ne historine e atletikes. Nodhi ajo qe pritej, Usain Bolt fiton medaljen e Arte dhe per me teper arrin dicka vertet per t’iu mbajtuar mend shume gjate ne kete sport. Ai arrin te thyeje rekordin Boteror te gares se 100 metrave duke arritur kohen 9”58. Pas tij, duke marre medalje te Argjendte, u rendit amerikani Tyson Gay, me nje tjeter kohe mjaft te mire, 9”71. I fundit ne ‘pod’ eshte renditur Asafa Powell, i cili arrin medaljen e Bronxte fale kohes 9”84.
Bolt e ka permiresuar rekordin e tij me 11 te qindtetat, pasi me perpara ai kishte regjistruar kohen 9”69 te arritur ne finalen e madhe te Pekinit, gjate lojerave Olimpike. Per te arritur ne kete fitore, pas presioneve te medha te nje rivali teper te vendosur si Tyson Gay, kampionit Bolt iu desh te jepte maksimumin e tij per gjate tere gares dhe te mos leshonte as edhe nje meter ne sprintin final. Ai shtyu gjate tere kohes dhe ne fund, rezultati u pa dhe ishte nje super rekord boteror te pamenduar ndonje here me pare. Nuk mendohej ndonje here se qenia njerezore do te arrinte te kapte ne 100 metra kohen 9”60. Njeqind mije te pranishmit ne stadiumin ‘Olympische’ jane habitur nga kjo arritje e Bolt, i cili nuk ndalonte se festuari fitoren me brohorima te pafundme gezimi. Duartrokitje te shumta edhe per Gay, i cili arriti te shkonte vetem 2 te qindta larg rekordit ekzistues perpara kesaj gare dhe per Asafa Powell, i vendosur si gjithmone. Keta te tre, formojne nje ‘pod’ vertet te pakrahasueshem.

Pas gares, Usain Bolt, teper i emocionuar eshte shprehur: “Ishte nje gare mjaft e mire. Une erdha ne Berlin jo per te thyer rekorin boteror por per te fituar medaljen e Arte. Jam vertet i lumtur qe arrita ate qe doja”. Keto jane fjalet e Bolt nga pista e stadiumit ‘Olympische’. “I pavemendshem perpara gares? Une doja te vrapoja por edhe te kenaqesha dhe pikerisht kjo ndodhi”- vazhdon ai. “Jam gati te arrij fitore edhe ne garat e tjera te 200 metrace dhe te stafetes”- perfundon ai.

[Damian1]

Lazio mendon për Materazzi por agjenti mohon tratativat

Pasi ka humbur betejën për të blerë Luganon, Lazio kërkon të firmosë me mbrojtësin interist, Marco Materazzi

Lazio ka nisur të jetë aktore e fuqishme në merkato edhe pse ende nuk ka bërë një goditje të vërtetë. Bardhekaltërit e kryeqytetit italian pasi kanë humbur mbrojtësin Lugano tani kërkojnë një emër më me peshë: Marco Materazzi.

Futbollisti i kampionëve të Italisë, Inter, është vënë në shënjestrën e presidentit Lotito edhe pse tratativa mohohet nga vetë futbollisti përmes agjentit. “Nuk ekziston asnjë kontakt mes klubeve. Sigurisht Marco pëlqehet nga shumë skuadra por ai nuk ka dashur të braktisë Interin” tha agjenti i Materazzi, Claudio Vigorelli.

“Nga sot e deri në 31 Gusht gjithçka është e mundur por Materazzi nuk e ka problem të qëndrojë në Milano”. E përkthyer ndryshe, nëse Inter nuk e shet, Materazzi nuk largohet në drejtim të Lazio.

[Damian1]

Moggi: Interi do të fitojë titullin por jo Champions League

Ish-drejtori sportiv i Juventusit, Luciano Moggi, ka folur për Interin dhe shanset e këtij ekipi të fitojë edhe Serie A edhe Ligën e Kampionëve

Sipas Moggit, pas largimit të sulmuesit Zlatan Ibrahimovic drejt Barcelonës, nerazurët duhej të nënshkruanin një lojtar më ndryshe, pasi tani duhet ta ndryshojnë planin e lojës.

“Interi, pavarësisht se humbi Superkupën e Italisë, mbetet një ekip i fuqishëm. Nuk dua të përsëris veten, por këtë vit ata do të detyrohen të ndryshojnë shumë. Me Ibrahimovic ata kishin një lojtar i cili udhëhiqte ekipin, por me Milito dhe Eto’o, ata kanë dy lojtarë të rëndësishëm, por më ndryshe”, ka deklaruar Moggi.

“Tani ekipi duhet të luajë dhe të përkrahë sulmuesit. Në Pekin, sulmuesit ishin tepër të izoluar dhe mendoj se kjo është dëshmi se mesfusha nuk funksionon. Sidoqoftë, edhe kështu ata do të mund të fitojnë në Itali, por jo edhe në Ligën e Kampionëve”, ka shtuar italiani.

[Damian1]

Alex Ferguson: 8 fitore nga 1-0 dhe më pas marrim titullin

Trajneri skocez i Manchester United po planifikon një strategji të veçantë për të rikonfirmuar “Red Devils” kampionë. Fitore cinike nga 1-0

67 vjeçari skocez Alex Ferguson ka pranuar se do të ishte i kënaqur me 8 fitore me një rezultat cinik 1-0 këtë sezon, nëse kjo do të nënkuptonte titullin e radhës për Manchester United. Kampionët e Anglisë nuk ishin në një formë të shkëlqyer në fitoren 1-0 me Birmingham, falë golit të Rooney.

Por Ferguson, që u desh të bënte pa lojtarë të tillë si Rio Ferdinand dhe Nemanja Vidic, shpreson në rezultate të tilla, vetëm të jenë fitore. kjo sipas tij do të sillte titullin e 19 në historinë e “Red Devils”.

“Kur skuadra nuk pëson gola, ky është një tregues thelbësor për vendosmërinë dhe shkakton frikë te kundërshtarët. Dua të fitoj 8 herë dhe të gjitha nga 1-0. Kjo mund të mos jetë e mirë për nervat por na sjell suksesin” tha Ferguson.

[Damian1]

Kakà viziton Milanin, pritet me duartrokitje në fushë

Ish futbollisti brazilian i Milanit, i ka bërë nje vizitë surprizë shokëve të tij kuqezinj duke treguar edhe ambientin tek Reali

“Ricardo Kakà rikthehet te Milan”. Ky do të eklipsonte edhe lajmin për transferimin e brazilianti këtë verë, por rikthimi i tij është vetëm për disa orë. Futbollisti brazilian ka vizituar ish shokët e skuadrës ku është pritur me duartrokitje.

Pasi ka biseduar gjate me trajnerin Leonardo, Kakà ndenji me pas me futbollistet e tjere dhe tregoi pershytjet te Reali. "Është mirë të jesh pjesë e Realit dhe është lehtë të luash në një skuadër të tillë, ku je në mesin e shumë futbollistëve cilësorë. Të gjithë futbollistët dinë gjithçka rreth futbollit dhe në këtë rast vetëm duhet të gjejmë balancin e duhur dhe të kemi unitet brenda skuadrës", ka pohuar Kaka.

Më pas braziliani ka thënë se mesfushori spanjoll, Ksabi Alonso është përforcim i madh i skuadrës madrilene.

"Ksabi Alonso ndoshta nuk është një emër aq atraktiv, por ai vlen shumë për Realin. Personalisht jam shumë më i lirë kur jam duke luajtur me të. Kur ai është në fushë kemi në forcë të madhe në mesfushë, por edhe kemi përparësi në zotërimin e topit. Një futbollist i tillë është i vlefshëm si ari", ka nënvizuar Kaka.

[Damian1]

Wenger vlerëson Arsenalin: Ekip tërheqës për të gjithë

Suksesi tenistik ndaj Evertonit 6-1, në premierën e këtij sezoni, ka entuziazmuar trajneri e Arsenalit, Wenger

Trajneri francez në radhët e Arsenalit, Arsene Wenger ka lavdëruar skuadrën e tij pas fitores bindëse në javën e parë të Premier Ligës ndaj Evertonit, 6:1.

"Është e vërtet që klubet tjera shpenzojnë shumë më tepër para se Arsenali. Politika jonë asnjëherë nuk ka qenë të blejmë futbollistë të formuar dhe të hedhim miliona para këmbëve të futbollistëve të mëdhenj”.

“Ne gjithmonë kemi zgjedhur rrugën e vështirë, formimin e futbollistëve dhe blerjen e lojtarëve të rinj. Mirëpo edhe më tej mendoj se jemi joshës për futbollistët e shkëlqyer", ka theksuar Venger, duke shtuar:

"Të gjithë e vlerësojnë futbollin tonë dhe e dinë që në skuadrën tonë do të ndjehen mirë. Po ashtu, e di se shumë futbollistë mendojnë se tek ne mund të përparpojnë shumë. Përveç kësaj, tek ne fitohet me stil, pasi Arsenali luan futboll tërheqës dhe çdo fitore është e veçantë".

[supervisor91]

Ducati, oferte konkrete per Jorge Lorenzo-n


Skudera Ducati duket se po e mbyll epoken Stoner per te kaluar tek nje tjeter talent.
Behet fjale per spanjollin e Yamaha-s, Jorge Lorenzo, i cili eshte konfirmuar si nje nga pilotet e se ardhmes ne Moto GP. Italianet i kane premtuar 7 milione euro ne sezon pilotit por nuk dihet nese kjo oferte eshte bere para apo pas gares se Cekise ku Lorenzo doli nga pista per shkak te mungeses se perqendrimit.

Nderkohe, Suzuki zyrtarizon ardhjen e spanjollit Alvaro Bautista, ndersa Melandri do rikthehet tek Honda Gresini ne krah te bashkekombasit Marco Simoncelli. Rinovim per Dani Pedrosa-n me Honda HRC qe eshte edhe motori zyrtar i kesaj skuderie, ndersa per Ellias dhe Toseland ky eshte sezoni i fundit ne Moto GP.

[supervisor91]

Massa: nuk pata frike nga vdekja

Felipe Massa rrefen se nuk e ka jetuar friken se mund te vdiste pas aksidentit te frikshem te Hungarise.
Piloti brazilian shprehet se pas perplasjes i ra te fiket dhe me pas i hapi syte ne spital. “Jam ne shtepi dhe shume i qete sepse po rekuperohem sa me shpejt qe te jete e mundur”, thekson braziliani i Ferrarit qe rrezikoi jeten ne garen e Hungarise, pasi ne kasken e tij u perplas nje pjese nga makina e Barrichello-s.

“Pavaresisht sherimit te shpejte, data e rikthimit tim nuk dihet ende. Mjeket me kane thene se rikthimi im varet vetem nga une. Besoj se do filloj njehere me garat kart”, shton Massa. Ne vijim te intervistes, ai falenderon bashkeshorten Rafaella, qe sipas tij nuk i ka kerkuar per asnje moment te terhiqet nga garat.

[supervisor91]

Apeli rikthen Alonson ne Valencia


Federata Nderkombetare e Automobilizmit kishte vendosur qe Fernando Alonso te mos merrte pjese ne garen e shtepise se tij ne kete fundjave ne Valencia por gjithcka eshte kthyer pas.
Vendimi u mor pas episodit qe i ndodhi perpara 3 javesh ne cmimin e madh te Hungarise, kur iu shkeput nje gome nga makina per faj te mekanikeve te cilet nuk e kishin montuar mire. Reagimi ka qene i menjehershem nga ana e drejtueseve te skuadres franceze te cilet e apeluan, duke e detyruar FIA-n qe te terhiqet nga kjo mase ndeshkimore.

Gjykata e Apelit tashme e ka kthyer kete mase ne nje gjobe prej 50 mije dollaresh per skuadren e Flavio Briatores. Ky vendim i ka rikthyer buzeqeshjen jo vetem Fernando Alonsos, por edhe organizatoreve te cmimit te madh te Valencias te cilet do te kene ne kete fundjave te pranishem idhullin vendas.

[supervisor91]

F1, Hamilton: Në Valencia me sistemin Kers, do fitoj

Kampioni në fuqi i botës, britaniku Hamilton ka thënë se do përdorë në GP e Europës sistemin Kers dhe do shënojë fitoren e dytë radhazi këtë vit.


Piloti britanik Lewis Hamilton është më i karikuar se kurrë në prag të Çmimit të Madh të Europës që do të zhvillohet në pistën e Valencias. Kampioni në fuqi i botës ka thënë se do përdorë sistemin Kers në garën që vjen dhe se pret të fitojë sërish.

“Falë përmirësimeve që kanë bërë inxhinerët e McLaren mund të shënoj një dopietë dhe të fitoj garën në Valencia pas asaj në Hungari. Jam ende i elektrizuar për fitoren në Hungari dhe ky optimizëm po më shoqëron dhe këto ditë” tha Hamilton.

“Mund të mbaj të njëjtin hap edhe në Valencia edhe pse është një pistë e ngushtë dhe shumë e ngadaltë. Vështirë të bësh parakalime por McLaren ka treguar se mund të bëhet me sistemin Kers. Në Valencia është një pistë ku nuk të fallen gabimet” tha kampioni britanik.