Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Ronaldo: Nuk do të ishte interesant po të luaja mirë që tani

Edhe pse theu të gjitha rekordet e transferimeve, Cristiano Ronaldo ende nuk e ka gjetur formën më të mirë te Real Madridi, megjithatë ai thotë se ende është herët për të gjykuar.

“Po ndjehem mirë, po e rikthej formën dalëngadalë. Kuptohet që do të dëshiroja të luaj më mirë, mirëpo kështu janë gjërat tani, këto gjëra kërkojnë kohë”.

“Jam i bindur dhe jam i sigurt, se kur të fillojë sezoni do të jem në gjendje të mirë për t’i ndihmuar Real Madridit të shënojë gola”.

“Nuk do të ishte në rregull po të luaja shumë mirë që tani, atëherë nuk do të isha në formë në gjysmën e sezonit. Qëllimi im është ta rikthej formën dalëngadalë. Jam i qetë, jam stërvitur mirë dhe jam i sigurt se gjërat do të përmirësohen”, ka thënë Ronaldo për SIC.

[OVES12]

Gattuso të gjitha shpresat te Ronaldinho

Para fillimit të sezonit të ri në Serie A, mesfushori i Milanit, Gennaro Gattuso, pajtohet se skuadra e tij nuk do ta ketë lehtë, megjithatë shpreson në kualitetet e Ronaldinhos.

“Juve dhe Inter ndoshta janë favoritë, mirëpo ne e kemi Ronaldinhon”.

“Ai është një lojtar shumë i rëndësishëm, dhe nëse ai kthehet në formën e tij më të mirë të të kaluarës, atëherë do të kemi sukses si klub”, është shprehur Rino për “Sky”.

[OVES12]

Aguero: Thash se do të qëndroj dhe ja ku jam

Sergio Aguero ka ripërsëritur dëshirën e tij për të qëndruar te Atletico Madridi, edhe pse për të janë të interesuara shumë skuadra të mëdha.

“Gjithmonë kam thënë se dua të qëndroj te Atletico dhe ashtu ka ndodhur”, ka thënë argjentinasi për gazetën “AS”, pas fitores prej 3-2 kundër Panathinaikosit në kuadër të fazës kualifikuese të Ligës së Kampionëve.

21-vjeçari ka folur edhe për ndeshjen, duke u shprehur i kënaqur me golin e tij dhe sidomos me fitoren.

[supervisor91]

Bolt, rekord te ri boteror ne 200 m


Usain Bolt ka shenuar nje rekord te ri boteror ne finalen e boterorit ne 200 metra. Xhamajkiani e ka realizuar garen per 19.19 sekonda.
Pas tij, kane ardhur Edward ne vend te dyte dhe Spearmon ne te tretin.

Bolt ne boterorin e atletikes qe po zhvillohet ne Gjermani vendosi nje rekord te ri boteror ne 100 metra duke e mbaruar garen per 9 sekonda e 58 te qindtat.

[supervisor91]

F1, rregullorja e re, Kers edhe ne 2010-n


Kers do te perdoret ne Formula 1 edhe ne 2010-en. Edhe pse ishte parashikuar heqja e saj, sistemi (qe rekuperon energjine e frenimit duke e transformuar ne energji mekanike apo elektrike) eshte serish ne rregulloren e re te Federates Nderkombetare te Automobilizmit.
Nderkohe propozimet e Bernie Ecclestone per disa modifikime nuk do te merren ne konsiderate, pra nuk do te kete asnje limit per buxhetin e skuadrave dhe as sistemit te medaljeve.

Te gjitha makinat do te garojne me serbatore te mbushur me benzine, por gjate provave pilotet mund te luftojne per vendin e pare me serbatoret bosh

[supervisor91]

Vettel zgjat kontraten me Red Bull


Sebastian Vettel ka zgjatur kontraten me skuderine Red Bull deri ne vitin 2011.
Lajmin e ben te ditur skuderia austriake ne nje komunikate te shpernndare ne preg te gares se Valencias. Ne deklarate thuhet mes te tjerash se kontrata ka nje klauzole per shtyrje deri ne vitin 2012. Gjate ketij sezoni Vettel ka fituar dy gara dhe mban vendin e dyte ne klasifikimin e pergjithshem.

Nderkohe, sot ne Valencia ka nisur fundjava per cmimin e madh te Europes. Testet e para te lira i ka fituar braziliani i Brawn GP, Rubens Barichello. Ai ka lene pas Heikki Kovalainen me McLaren dhe Lewis Hamilton.

[supervisor91]

“Bild”: Schumi stervitet per rikthimin


Michael Schumacher ndoshta mund te rikthehet ne pista per te garuar serish me nje makine.
Pas deklarates per mediat ku shprehu keqardhjen e tij per terheqjen nga vendimi i rikthimit ne piste me Ferrarin, ish 7 here kampioni i botes po stervitet ne sekret te plote per te rifituar formen fizike.

Lajmin e ben te ditur gazeta gjermane “Bild” qe thekson se Schumi po e zhvillon stervitjen ne Zvicer. Nderkohe, ai do te jete i pranishem ne pisten e Valencias ku kete te diele do zhvillohet gara per cmimin e madh te Europes.

[supervisor91]

F1, Alonso me i shpejti ne provat e dyta te lira


Fernando Alonso ka qene me i shpejti i sesionit te dyte te provave te lira per Cmimin e Madh te Evropes qe do te zhvillohet te dielen ne Valencia.
Piloti i Renault e ka zhvilluar xhiron per 1'39''404.

Mbrapa tij ka qene dy Brawn Gp e Jenson Button dhe Rubens Barrichello.

Piloti i Ferrarit Kimi Raikkonen ka rezultuar i 11-ti, ndersa Luca Badoer qe zevendesoi Massen pas aksidentit, rezultoi i 12-ti.

[OVES12]

Leonardo: Është koha të rikthehet Ronaldinho

Trajneri i Milanit, Leonardo, e ka paralajmëruar mesfushorin brazilian Ronaldinho se është koha ai ta kthejë formën e vjetër, para se të jetë shumë vonë.

“Është duke u rikthyer në formë, është më mirë. Puna është tash ose kurrë. Tash është momenti për t’u dëshmuar në Milan dhe në ekipin kombëtar”, ka thënë Leonardo në konferencën e shtypit para ndeshjes së nesërme debutuese kundër Sienës.

Ronaldinho pati një fillim të mbarë kur arriti në Milan sezonin e kaluar, por ra nga konkurrenca për pozitën e fillestarit dhe e humbi vendin në kombëtare.

Kalimi i Kaka në Real Madrid, mund të jetë një rast për brazilianin të dëshmohet se është i gatshëm për sfidë në Serie A dhe Leonardo thotë se ai duhet ta shfrytëzojë shansin.

“Ishte mrekulli të shihet në stërvitje sot. Ai duhet ta bëjë këtë. Do të bëj gjithçka t’i përgatis më së miri atë dhe gjithë ekipin”, ka shtuar trajneri brazilian.

[OVES12]

Buffon: Ronaldo më i mirë se Ibra

Portieri i Juventusit, Gianluigi Buffon, beson se sulmuesi legjendar brazilian, Ronaldo, është një lojtar shumë më i mirë se sulmuesi i Barcelonës, Zlatan Ibrahimovic.

Buffon, i cili ishte pyetur të emërtojë lojtarin më të mirë me të cilin ai është përballur ndonjëherë në karrierën e tij, ka zgjedhur Ronaldon para ish-bashkëlojtarit të tij.

“Ibrahimovic? Bah, Ronaldo ka fituar dy Kupa Botërore dhe ka qenë golashënuesi më i mirë gjatë tre Kupave. Ronaldo ishte mësuar të fitonte ndeshjet vet, edhe ato të vështirat edhe ato të lehtat. Ronaldo i vërtet gjithmonë ka qenë kampion për mua”, ka thënë Buffon.

“Ai gjithmonë do të mbahet mend në mesin e më të mirëve, por ai ka mundur të jetë edhe më i mirë se çdokush, përfshirë Pelen dhe Maradonnën”, ka shtuar italiani.

Buffon këtë vikend do të ketë përballë një sulmues shqiptar, është fjala për Erjon Bogdanin, ekipi i të cilit, Chievo, do të përballet me Juventusin në javën e parë të sezonit të ri të Serie A.