Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Nyon, hidhet shorti i fazës në grupe të Europa League

Skuadrat e mëdha duket se nuk do të kenë problem kualifikimin në 12 grupet që ka ravijëzuar shorti i hedhur në selinë e UEFA në Nyon

Europa League ka hyrë në një fazë interesante ku ekipet tashmë do të kenë përballje të bukura në grupe. Skuadrat që kanë dalë nga shorti i hedhur në selinë e UEFA-s në Nyon janë vendosur në 12 grupe.

Ekipet në të gjitha grupet e nzjerra nga shorti do të luajnë shanset e tyre për tu renditur në dy vendet e para në çdo grup, vend që vlen dhe kualifikimin. Këtyre skuadrave të kualifikuara do ti shtohen edhe 8 ekipe që do të renditen të tretat në fazën e grupeve në Champions League.

Tabloja e plotë:

Grupi A: Ajax, Anderlecht, D.Zagreb, Timisoara

Grupi B: Valencia, Lille, Slavia Praga, Genoa

Grupi C: Hamburg, Celtic, Hapoel Tel Aviv, Rapid Wien

Grupi D: Sporting, Heerenven, Hertha Berlin, Ventspils

Grupi E: Roma, Basel, Fulham, CSKA Sofie

Grupi F: Panathinaikos, Galatasaray. Dinamo Bukuresht, Sturm

Grupi G: Villarreal, Lazio, Levski, Salzburg

Grupi H: Fenerbahce, Steaua, Twente, Sheriff

Grupi I: Benfica, Everton, AEK Athinë, BATE

Grupi J: Shakhtar, Brugge, Partizan, Toulouse

Grupi K: PSV, Kopenhagen, Sparta Praga, Cluj

Grupi L: Werder, Austria, Athletic Bilbao dhe Nacional

[Damian1]

Alexandre Pato: Do ta jepja jetën të shënoja në derbi

Tensioni sa vjen e shtohet para ndeshjes së të shtunës mbrëma ndërmjet Milanit dhe Interit në Derby della Madonnina, ndërsa Alexandre Pato nuk e ka fshehur dëshirën për të shënuar kundër zikaltërve.

“Mendoj se Interi është skuadër e fuqishme, shumë e fuqishme. Ka fituar Scudetton dhe ka treguar kualitet të madh”.

“Mirëpo, Milani nuk është inferior. Fitorja në derbi është shumë e rëndësishme. Mund të të japë vetëbesim, dhe ndihmë për ta shtuar vetërespektin”.

“Gjatë ndeshjeve parasezonale na konsideruan të vdekur, mirëpo nuk është ashtu. Dhe do ta dëshmojmë këtë. Çfarë do të jepja të shënoja kundër Interit? Jetën time. Futbolli është jeta ime. Është gjithçka”, ka thënë braziliani për “Gazzetta.it”.

[Damian1]

Eto’o: Do ta mposhtim Milanin, por nuk do të shënoj

Sulmuesi i ri i Interit, Samuel Eto’o, është i bindur se skuadra e tij do të dalë fituese nga përballja e të shtunës mbrëma kundër Milanit.

“Shpresoj që derbi të jetë përplot lojë të bukur dhe t’u ofrojë kënaqësi tifozëve. Me gjithë respektin që kam për Milanin, ne do të fitojmë”.

“Nuk mendoj se do të shënoj, por mund të them se Interi do të mposhtë Milanin”, ka thënë kamerunasi për “La Gazzetta Dello Sport”.

[Damian1]

Bayern, ardhja e Robben i hap portën largimit të Ribery

Transferimi i holandesit Arjen Robben nga Real Madrid për tek Bayern Munich i hap portën transfertës drejt klubit të Real të mesfushorit francez të Bayern, Franck Ribéry

Kalimi i francezit Ribery do bëhet, në 2010 ose këtë verë. Presidenti i Real, Florentino Perez, pritet që të kontaktojë me homologun e tij të Bayern, Karl-Heinz Rummenigge, lidhur me problemin e francezit, të cilin Reali ka tentuar prej shumë javësh që ta marrë në radhët e veta.

Gazeta Marca shkruante nga ana e saj se transferta e Robben për rreth 25 milionë euro, ka normalizuar marrëdhëniet mes të dy klubeve lidhur me lëvizjen e Ribéry dhe transferta e holandezit ka qënë një çelës për çështjen e Ribéry.

Ndërkohë, gazeta El Pais konfirmonte se transferta e Ribéry tek Real në 2010 është vendosur nga të dy presidentët gjatë negociatave për Arien Robben.

[supervisor91]

Superkupa për Barçën, Ibra zhgënjen por vendos Pedro

Katalanasit kanë fituar Superkupën e Europës ndaj Shakhtar Donetsk. Ndeshja e mërzitshme u vendos nga zëvendësuesi i Ibrahimovic, Pedro


Pas një drame të zhvilluar në Monte Karlo, Barcelona ka arritur ta mposhtë me rezultat minimal Shakhtarin për t’u shpallur fitues i Superkupës së Evropës. Ndeshja e vlefshme për Superkupën e Evropës, e zhvilluar në Stadiumin Louis II të Montekarlos, ndërmjet fituesit të Ligës së Kampionëve, Barcelonës, dhe fituesit të Kupës UEFA, Shakhtar Donetsk, ka përfunduar me fitoren e Barcelonës prej 1-0.

Duhet përmendur që Barca e filloi ndeshjen me treshen sulmuese Lionel Messi, Thierry Henry dhe Zlatan Ibrahimovic, derisa në anën tjetër sulmonte vetëm Luiz Adriano, i mbështetur nga mesfushorët Fernandinho, Ilsinho dhe William.

Edhe pse Barcelona ishte dominuese në pjesën më të madhe të lojës duke krijuar presion tek ukrainasit, Shakhtari u mbrojt mirë duke bërë që pjesa e parë e ndeshjes të përfundonte pa gola. Ngjashëm ndodhi edhe në pjesën e dytë, Blaugranët nuk arritën ta gjenin rrjetin e portës kundërshtare, kështu që koha e rregullt përfundoi pa gola.

As në 15 minutat e para të kohës shtesë nuk u shënua gol, mirëpo në gjysmën e dytë të vazhdimeve më në fund Barcelona shënoi.

Pas një kombinimi ndërmjet Lionel Messi dhe lojtarit që zëvendësoi Zlatan Ibrahimovicin, Pedro Rodriguez, ky i fundit e gjeti rrjetën kundërshtare për t’ia dhënë avantazhin Barcelonës, pak minuta pa përfunduar takimi (115’).

Ky ishte edhe goli i fitores, i cili Barcelonës ia siguron trofeun e Superkupës së Evropës, edhe atë për të tretën herë në histori të klubit.

[supervisor91]

Sot luhet Manchester United- Arsenal, përplasje gjigantësh

Aleks Ferguson paralajmëron skuadrën e tij Mancester Junajtid në prag të sfidës me Arsenalin. Ai i ka parë londinezët në ndeshjen me Sëlltikun dhe thotë se me ta nuk është asnjëherë e lehtë


Trajneri i Mançester Junajtid Aleks Ferguson e quajti një ndeshje tepër interesante atë me Arsenalin sot, ndërsa i quajti një problem distancat e largëta që duhet të përshkruajë skuadra e tij në fazën në grupe të Champions League. Sot “Djajtë e Kuq” do të ndeshen me rivalët e Arsenalit, në një sfidë gjigandësh që do të luhet në “Old Traford”. Topçinjtë vijnë në këtë takim pas dy fitoresh radhazi, në të cilat ata kanë shënuar 10 gola.

“Ndeshjet kundër Arsenalit nuk janë asnjëherë të lehta, madje janë gjithnjë shumë interesante. Mendoj se starti i tyre i sezonit ka qenë qershia mbi tortë e Premier Ligës. Fitorja 6-1 ndaj Evertonit është një rezultat fantastik”, deklaroi Ferguson në një konferencë për shtyp.

Skocezi tha gjithashtu se i kishte ndjekur londinezët ndaj Sëlltikut ditën e mërkurë dhe se kishte mbetur i impresionuar nga loja e tyre. Për takimin e së shtunës Arsenali ka në dyshim kapitenin Çesk Fabregas, ndërsa Teo Uolkot nuk luan për arsye dëmtimesh. Për Mançesterin ndërkohë kthehet Nemanja Vidiç, por mungon Van der Sar.


Ferguson foli edhe për shortin e Champions League që e ka vendosur skuadrën e tij në një grup me CSKA Moskën, Volfsburgun dhe Beshiktashin. “Udhëtimi është vështirësia më e madhe. Po shihja skuadrat para shortit dhe thoshja që nuk dua të shkoj në Rusi dhe në Turqi, ku të duhen 4 orë e gjysmë udhëtim. Dhe na ra pikërisht kështu. Distancat e gjatë janë problemi më i madh, megjithëse skuadrat ruse janë rritur shumë edhe në cilësi vitet e fundit”, deklaroi Aleks Ferguson.

[supervisor91]

Epiqendra e futbollit sot 20:45 në “San Siro”, Milan VS Inter

Sportdashësit anembanë botës do të admirojnë sot përplasjen e parë zyrtare të skuadrave milaneze, e vlefshme për Serie A


Ethet kanë nisur prej ditësh por pak orë nga sfida e madhe në derbi, Milani dhe Interi duken të qetë për mbrëmjen e sotme. Në një stadium si “San Siro” ku biletat janë shitur të gjitha dhe do të ketë rreth 100 televizione anembanë botës.

Në një anë është Milaniq ë e ka nisur si duhet kampionatin me nëj fitore ndaj Sienës dhe në anën tjetër Inter që do të kërkojë suksesin e parë, që mund të vlejë shumë në garën për titullin kampion.

Për zikaltërit ka ardhur në kohë kartoni i holandzit Sneijder dhe aim und të aktivizohet nga minuta e parë nga trajneri Mourinho.

Milan-Inter sot ora 20.45:

Milan (4-3-1-2): Storari; Zambrotta, Nesta, Thiago Silva, Jankulovski; Gattuso, Pirlo, Flamini; Ronaldinho; Pato, Borriello.

Në dispocizion: Roma, Onyewu, Abate, Ambrosini, Seedorf, Huntelaar, Inzaghi. Trajner: Leonardo

Të padisponueshëm: Abbiati, Bonera, Di Gennaro, Dida

Inter (4-3-3): Julio Cesar; Maicon, Lucio, Samuel, Chivu; Zanetti, Stankovic, Thiago Motta; Balotelli, Milito, Eto'o .

Në dispocizion: Toldo, Santon, Cordoba, Vieira, Muntari, Mancini, Sneijder. Trajneri: Mourinho

Të padisponueshëm: Cambiasso, Arnautovic

[Damian1]

Alex Ferguson: Arsene Wenger di kur duhet të shesë...

Në prag të ndeshjes derbi, Manchester United – Arsenal në Old Trafford, menaxheri i djajve të kuq Alex Ferguson ka lëshuar lëvdata për rivalin e tij të sotëm, Arsene Wenger.

“Një ekip i ri, si Arsenal, që është duke u pjekur, duhet të respektohet dhe përcillet. Mendoj se një gjë që Wenger e ka bërë në mënyrë fantastike në Arsenal është se gjithmonë ka shitur në kohën e duhur. Ai e di se kur është koha për një lojtar të largohet”, thotë Ferguson.

“Nuk është lehtë të menaxherohet kjo. Ai e ka bërë atë edhe me Emmanuel Adebayor dhe Kolo Toure”.

“Mendoj se Arsenali është më mirë se sezonin e kaluar. Ata ndoshta kanë mungesë të përvojë në krahasim me ne, Liverpoolin dhe Chelsean, por nuk ka dyshim se do të jenë këtu. Ata do të jenë shumë afër këtë vit”, ka shtuar skocezi.

[Damian1]

Diego: “Champions League? Mund t’ia dalim”

“Grupi eshte i ekuilibrauar, por kam dhe nje motiv personal per te ngritur kete kupe. Ne Rome do te shkojme per te fituar”



Nese me Milan dhe Inter fati ishte vertet i keq, mund te thuhet qe edhe per Juventus dhe sidomos brazilianin Diego, ishte paksa i frikshem. Ai do te kete perballe rivalet e perjetshem te ish-skuadres se tij Werder Bremen, ish-kampionet e Gjermanise, Bayern Mynih, me te cilen inati nuk eshte shuar ende: “Jam perballur shume here me kete skuader kur isha tek Werder dhe tani qe jam tek Juventus besoj se do te kete nje shije tjeter kjo perballje”. Pervec emocioneve personale braziliani kerkon qe skuadra e tij te kete kujdes nga bavarezet: “Kemi perpara nje kundershtar shume te forte. Bavarezet jane nje skuader qe nuk fshihen dhe kerkojne te arrijne gjithmone gjithcka, edhe ne Champons. E konsideroj si nje rivale shume te forte dhe jo vetem ne fazen e grupeve, por ne mund ta mundim”- shprehet ai.

As talenti brazilian nuk i fsheh deshirat dhe objektivat e tij: te triumfoje ne Europe, arsyeja kryesore per te cilen ai u largua nga Werder dhe erdhi ne Torino: “Kemi perpara nje grup te ekuilibrauar, por di qe ky Juventus mund dhe duhet te avancoje dhe ta kaloje me patjeter kete faze grupesh. Do te luajme gjithmone per te fituar, pavaresisht kundershtarit qe do te kemi perballe. Te gjithe jane shume te forte, por ne jemi Juventusi dhe kjo mjafton. Une kam nje motivacion personal per te fituar kete Champions League dhe do te hyj ne fushe duke menduar per kete objektiv”.

Por perpara se te mendoje per Champions League, Diego duhet te shohe ndeshjen e se dieles, ku bardhezinjte do te kene perballe kryeqytetasit e Romes ne javen e dyte te Serie A. Kjo eshte nje ndeshje qe entuziazmon brazilianin dhe per kete ai shprehet: “Roma? Eshte nje skuader shume e mire. Por ne do shkojme atje per te fituar”.

[Damian1]

Chelsea di vetëm të fitojë, në vendin e parë me 100% pikë

Skuadra londineze e drejtuar nga Carlo Ancelotti tani merr fitoren e katërt radhazi duke mundur Burnley me golat e Anelka, Ballack dhe Cole

Chelsea di vetëm të fitojë nën drejtimin e trajnerit italian Carlo Ancelotti. Blutë e Londrës kanë marrë fitoren e katërt radhazi në po kaq ndeshje në kampionat duke impresionuar në “Stamford Bridge” pasi tani në Premier League kanë 100% të pikëve.

“Viktima” e radhës për Chelsea, është bërë ekipi debutues i Burnley, protagonist i një nisje të mirë të kampionatit.

Por Chelsea nuk ka falur duke fituar 3-0 ndaj ekipit modest me golat e Anelka në shtesën e pjesës së parë, dhe më pas Ballack e Cole në minutat e para të pjesës së dytë.