Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Shevcenko, lamtumire Celsit

Sulmuesi ukrainas Andri Shevcenko largohet nga Celsi. Lajmi eshte dhene nga vete trajneri italian i “blues”, Karlo Anceloti.
“Fola me Shevcenkon. Kerkon nje ekip qe mund t’i garantoje nje aktivizim te vazhdueshem, une kete nuk mund t’ia ofroj dhe jam i sigurte qe ka bere zgjedhjen e duhur”, shpjegoi per gazetaret ne Londer Anceloti.

Dy jane klubet alternative per ukrainasin, e para eshte nje rikthim ne vendlindje me Dinamon e Kievit ose pranim te ofertes se Spartakut te Moskes.

Me kete vendim ish lojtari i Milan pas tre sezoneve te deshtuara ne Londer, ku ne njerin prej tyre u dha borxh serish tek kuqezinjte i jep fund karrieres se tij ne Stemford Brixh.

[supervisor91]

Fisichella e Trulli, nisje e dyfishtë italiane në Formula 1

Italiani Fisichella ka fituar Pole Position dhe do niset i pari në garën e Belgjikës ndërsa pas tij surpriza vazhdon me Jarno Trulli


Emocionet dhe surprizat e Formula 1 kanë vazhduar edhe në provat zyrtare për Çmimin e Madh të Belgjikës që zhvillohet në pistën e Spa. Në fundin e sesionit të tretë të denjë për adrenalinë të madhe për të gjithë shikuesit, Giancarlo Fisichella ka fituar Pole Position.

Piloti roman i skuadrës Force India ishte më i shpejti në pistën belge duke ndalur kronometrin në kohën 1'46"308, dhe duke lënë pas krahëve Jarno Trulli me skuadrën e Toyota, si dhe Nick Heidfeld me BMW.

Vetëm vendi i gjashtë për polotin e Ferrarit, Kimi Raikkonen ndërsa jashtë 10 vendeve të para kanë mbetur edhe emra të tillë si Hamilton, Alonso dhe Button. ventdit të fundit nuk i ka shpëtuar sërish Luca Badoer.

[Damian1]

Bayern mund Wolfsburg, Robben debuton me 2 gola

Holandezi i sapotransferuar tek Bayern ka kontribuar në suksesin 3-0 të bavarezëve ndaj kampionëve të Wolfsburg

Bayern Munich e ka mposhtur kampionin në fuqi të Bundesligas, Wolfsburg, në derbin e javës së katërt në Kampionatin gjerman. Ndeshja e zhvilluar të shtunën në Allianz Arena, ndërmjet Bayern Munichut dhe Wolfsburgut ka përfunduar me fitoren e vendasve me rezultat prej 3-0.

Golin e parë në ndeshje e shënoi Mario Gomez në minutën e 27-të, ndërsa pas inkuadrimit në lojë në pjesën e dytë, anësori holandez Arjen Robben, u bë lojtari i kësaj ndeshjeje.

Ish-lojtari i Real Madridit dyfishoi rezultatin në minutën e 68-të, ndërsa dhjetë minuta pa përfunduar koha e rregullt, Robben vendosi edhe rezultatin përfundimtar, duke shënuar golin e dytë personal në ndeshjen e parë me fanellën e bavarezëve.

[Damian1]

Real mund Deportivo 3-2, Cristiano debuton me gol

Madrilenët kanë fituar 3 pikë në startin e sezonit në Primera Division ndërsa Cristiano ka deburtuar pozitivisht

Cristiano Ronaldo ka debutuar me gol nga La Liga, duke shënuar nga penalltia, në ndeshjen e parë të sezonit në La Liga, të cilën Real Madrid e fitoi me rezultat 3-2 në Santiago Bernabeu ndaj Deportivo La Coruna.

Rezultatin për mbretërit e hapi kapiteni Raul në minutën e 26-të të lojës. Pas një asistimi nga Kaka, Karim Benzema goditi në drejtim të portës, por topi preku shtyllën dhe u kthye te Raul që me shtytje të lehtë e dërgoi atë në rrjetën e mysafirëve.

Deportivo arriti të barazojë pas katër minutash tjera me anë të Riki, gëzim që sërish nuk zgjati shumë, pasi vendasit fituan një penallti me anë të Raul, të cilën e shndërroi në gol futbollisti më i shtrenjtë në botë, Cristiano Ronaldo.

Me të filluar pjesa e dytë, Deportivo befasoi sërish, duke barazuar kësaj here me anë të Juan Carlos Valeron. Ai që ia solli fitoren Realit ishte Lassana Diarra pas një ore lojë, me anë të një goditje të ulët në këndin e djathtë të portës së kundërshtarit.

[Damian1]

Inter masakron Milan në derbi, mbyllet 4-0 për kampionët

Interi ka shkatërruar me një rezultat të thellë rivalët e Milanit në derbin e Madonnina duke shënuar 4 gola në portën e fqinjëve

Inter ka vendosur hegjemoninë në derbin milanez të zhvilluar në stadiumin “San Siro” duke shkatërruar rivalët e Milanit me rezultatin e thellë 4-0. Ndeshja e dominuar plotësisht nga kampionët në fuqi të Italisë tregoi ekipin më në formë në Serie A, ndërsa zbuloi edhe boshllëqet në prapavijën e Milanit.

Armata e drejtuar nga trajneri Mourinho gjeti golin e parë pas 29 minutash lojë kur Thiago Motta shënoi në portën e Storarit pas asistit perfekt të argjentinasit Diego Milito. Më pas një penallti e fituar nga Eto’o ndihmoi Interin të shkonte në shifrat 2-0 ndërsa goli u shënua nga Milito, një nga më të mirët në fushë.

Në minutën e 40-të Gattuso mori kartonin e dytë të verdhë duke lënë Milanin me 10 futbollistë ndërsa situata u bë më e vështirë dhe loja u zhvillua më së shumti në portën e kuqezinjve. Pak para mbylljes së pjesës së parë erdhi goli i tretë i Maicon.

Në pjesën e dytë ishte Dejan Stankovic që mrekulloi tifozët me një goditje të bukur e cila ishte dhe “qershia” mbi tortë” e derbit të Madonnina, pasi shifrat u mbyllën 4-0 për Inter.

[supervisor91]

Tirana i falet nje 11-metershi te dyshimte

Pritej shume nje reagim i Tiranes, por ai ka ardhur vetem sa i perket rezultatit. Nderkohe qe bardheblute stonojne ende ne loje.
Nje gje te tille e konfirmon fakti se ne ndeshjen e djeshme, te luajtur ne stadiumin “Qemal Stafa”, kane mundur me shume veshtiresi Skenderbeun e saporikthyer nga Kategoria e Pare ne fund te sezonit te kaluar.

Per te mundur korçaret modeste, kampionet ne fuqi i jane falur nje 11-metershi shume te dyshimte ne minutat shtese te lojes, i kthyer ne gol nga portieri Blendi Nallbani.

Java e dyte ka nxjerre ne pah serish Tiranen ne pike te hallit, e cila nuk po mundet te dale ne lojen e saj me te mire, ndoshta edhe per shkak te mungesave te shumta qe ka pasur ne kete takim.

Trajneri Ilia Lonçareviç nuk ka pasur ne dispozicion per kete ndeshje, per shkak te demtimit, kapitenin Mukaj, sulmuesit Memelli e Malindi, mesfushorin Muzaka dhe per arsye skualifikimi mbrojtesin Andi Lila.

Nderkohe perballe kane pasur nje skuader, e cila mund te konsiderohet vertet modeste per nga menyra se si eshte ndertuar ne vetem pak dite para fillimit te sezonit dhe per nga objektivat sezonale qe ka (thjesht qendrimin ne kategorine Superiore).

Megjithate ne radhet e saj jane afruar disa futbolliste kroate, te cilet kane bere nje paraqitje te mire edhe dje ne “Qemal Stafa”.

Takimi ka filluar i mire per bardheblute, te cilet kane mundur te administrojne lojen dhe te ndertojne disa aksione, por kane munguar rastet e mira per te shenuar.

Pjesa e pare eshte mbyllur me rezultatin 0-0. Ne te dyten eshte pare nje nivel loje thuajse i barabarte per te dyja skuadrat, por ne fushe ka munguar grinta.

Te pakta kane qene rastet ne porta, aq sa mund te numerohen me gishtat e njeres dore. Miqte humben nje mundesi te mire per te shenuar ne pjesen e dyte, por porta bardheblu shpetoi per merite te portierit Nallbani, i cili ndali me kembe topin qe po shkonte drejt rrjetes.

Bardheblute shkuan vetem dy here ne zonen kundershtare, ku ne njerin rast tronditen traversen me ane te Sefes, i cili me pak me shume fat mund te kishte shenuar.

Bardheblute, ne dukje disi te lodhur, kane vuajtur shume ne kete takim dhe per te zhbllokuar rezultatin eshte dashur te presin deri ne minutat shtese.

Nje aksion nga e majta ne minuten e pare shtese, nje nga bardheblute arrin te depertoje ne zone dhe aty rrezohet.

Edhe pse nje rast i dyshimte, gjyqtari drejton doren nga pika e 11-metershit, duke akorduar nje penallti per bardheblute.

Ky veprim acaron korçaret, te cilet kane protestuar ashper, madje nuk kane kursyer edhe shtyrjet ndaj arbitrit, i cili sipas tyre kishte dhene nje 11-metersh te paqene.

Kontestime kishte edhe nga tribuna, ndersa ne fushe per te qetesuar gjakrat hyjne shume forca policore. Tirana ia beson portierit Nallbani ekzekutimin e saj: numri 1 i bardhebluve gjuan fort, topi perplaset ne traverse dhe perfundon ne rrjete.

Ky ishte fundi i takimit, i cili i ka dhuruar edhe tri piket e para sezonale kampioneve, qe pritet te kalojne nje jave jo shume te qete per shkak se do te jene ne qender te kritikave per nivelin e lojes se paraqitur ne kete takim.

[supervisor91]

Besa triumfon, Dinamo “shfryn” Flamurtarin


Java e dyte e Kategorise Superiore ka konfirmuar dy skuadra, Dinamo dhe Besa, qe tashme tregojne se jane ne gjendje te fitojne edhe ne transferte, madje ne fusha te veshtira.
Dinamo ka shpartalluar Flamurtarin ne Vlore, 3-0, ndersa Besa ka mundur Shkumbinin ne Peqin 2-1. Ne kete menyre, te dyja skuadrat, jo vetem jane ne krye te renditjes me pike te plota, me nga dy fitore secila, por kane zhvilluar lojerat me bindese dhe kane arritur rezultatet me pretenduese te mundshme.

Ndeshja e zhvilluar dje ne stadiumin “Flamurtari” te Vlores ka pare te perballen dy skuadrat me te mira te javes se pare te sezonit.

Vlonjatet qe kishin mundur 1-3 Tiranen ne kryeqytet vinin ne kete takim me synimin per te ruajtur ate vazhdimesi te mire edhe ndaj bluve.

Ndersa Dinamo, pas nje fitoreje kunder te krutaneve te sapopromovuar ne eliten e futbollit shqiptar, kerkonte rikonfirmim si nje pretendente e denje per titull pikerisht ndaj Flamurtarit.

Fati i ka buzeqeshur skuadres se Muçes, e cila ka rezultuar me efikase. Pas vetem 37 minutash loje, Bakaj ka bere te heshte stadiumi “Flamurtari” me golin e avantazhit.

Me rifillimin e pjeses se dyte, kur pritej reagimi i vendasve, Sefa çon ne dy numrin e golave per Dinamon. Goli i “KO”-se ka ardhur ne minuten e 64, ku Plaku shenon edhe golin e fitores 3-0.

Nje humbje zhgenjyese per Flamurtarin, i cili merr nje grusht te forte, ndoshta ne nje moment euforik. Besa ia del te fitoje ne Peqin nje ndeshje te paralajmeruar si shume te tensionuar.

Ne minuten e trete shenon Cikalleshi per Kavajasit dhe dyfishon Mihani ne te 63-en. Ne te 81-en ngushton Mustafaraj, por kaq nuk mjafton per Shkumbinin.

Rigjen fitoren Teuta e Durresit, ne shtepi, duke mundur 2-1 Kastriotin e Krujes, qe nuk e njeh ende piken ne kete kampionat, nderkohe qe Gramozi befason Laçin, ne fushe, teksa barazon 1-1.

Kategoria Superiore

Java 2

Tirana-Skenderbeu 1-0

90’+1’ (p) Nallbani

Laçi-Gramozi 1-1

55’ (p) Nora / 57' Hyseni

Shkumbini-Besa 1-2

81' Mustafaraj / 3' Cikalleshi, 63' Mihani

Teuta-Kastrioti 2-1

Mile 16’ e 84’ (p) / 28’ Abazaj

Flamurtari-Dinamo 0-3

37' Bakaj, 58' Sefa, 64' Plaku

Vllaznia-Apolonia 1-0

90’+3’ Nallbani


Renditja

Skuadrat N P

1. Dinamo 2 6

2. Besa 2 6

3. Flamurtari 1 3

4. Apolonia 1 3

5. Skenderbeu 1 3

6. Vllaznia 1 3

7. Tirana 2 3

6. Teuta 2 3

9. Gramozi 2 2

10. Shkumbini 2 1

11. Laçi 2 1

12. Kastrioti 2 0

[supervisor91]

Raikonen fiton SPA-ne ne Belgjike


Piloti finlandez i Ferrarit Kimi Raikonen fiton Cmimin e Madh te SPA-se ne Blegjike duke i dhene fitoren e pare sezonale skuderise italiane.
Nje start perfekt nga piloti finlandez, aksidenti ne kthesat e para te gares qe i kushtoi largimin britanikeve, Xhenson Baton dhe Ljuis Hamilton ia thjeshtuan detyren Raikonen.

Menjehere pas largimit te Safety Car e cila qendroi per pak xhiro ne piste pas incidentit, ferraristit i kane mjaftuar vetem pak sekonda per te parakaluar Xhankarlo Fizikelen duke marre edhe kryesimin e gares, pozicion te cilin e mbajti deri ne finish.

Ne vendin e dyte u rendit Fizikela me makinen Force Inda, ndersa ne te tretin Sebastjan Vetel me Red Bull.

Pas perfundimit te Cmimit te Madh te Belgjikes renditjen per pilote e udheheq Xhenson Baton me 72 pike, i ndjekur nga shoku i skuadres Rubens Barrikelo me 56 pike dhe Sebastjan vetel me 53 pike.

Gara e ardhshme e Formula 1 do te jete ne Monxa ne Cmimin e Madh te Italise pas dy javesh.

[Damian1]

Diego, i ngazëllyer me dy golat e shënuar ndaj Romes

“Ndaj Romes pamë një kualitet të lartë të Juventusit. Ishte aftësia e lojtarëve për t’u adoptuar shpejt në sistemin e ri”, ka deklaruar braziliani qe u be protagonist ne "Olimpik"

Mesfushori i Juventusit, Diego, është i ngazëllyer pas dygolëshit të shënuar në derbin e mbrëmshëm ndaj Romës, kur ndihmoi ekipin të shënojë fitore 3-1. “Mendova se do të ishte më vështirë t’ia dalim kundër Romës, por po ashtu e dija se duke luajtur ashtu siç luajtëm, mund të fitonim dhe e bëmë këtë”, ka thënë Diego.

“Sapo kam ardhur kam ditur të ambientohem në futbollin italian dhe kjo falë atmosferës te Juventus, trajnerit Ciro Ferrara, bashkëlojtarëve dhe dashurisë së fansave. Duke i falënderuar të gjithë, tashme jam më i lehtësuar. Ndaj Romes pamë një kualitet të lartë të Juventusit. Ishte aftësia e lojtarëve për t’u adoptuar shpejt në sistemin e ri”, ka perfunduar braziliani.

[Damian1]

City refuzon ofertën e Barcelonës për Robinhon

Por, siç shkruan sportivja spanjolle “Marca”, klubi anglez ka refuzuar ofertën e katalanasve për brazilianin, e cila thuhet të ketë kapur vlerën e 40 milionë eurove

Mediat spanjolle bëjnë të ditur se Barcelona ka dërguar një ofertë në drejtim të Manchester City për të marrë shërbimet e sulmuesit Robihno.

Por, siç shkruan sportivja spanjolle “Marca”, klubi anglez ka refuzuar ofertën e katalanasve për brazilianin, e cila thuhet të ketë kapur vlerën e 40 milionë eurove.

Mendohet se oferta fillimisht është analizuar nga klubi, por pas diskutimeve me menaxherin Mark Hughes, pronarët e klubit kanë vendosur të refuzojnë ofertën për 25-vjeçarin.