Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Roma sulmon Balotelli: E ka mësuar Mourinho të mashtrojë!

Klubi roman ka qenë i ashpër pas barazimit të “vjedhur” në stadiumin “San Siro”. nën akuzë penalltia e dhënë për Balotellin

Drejtori teknik i Romës, Bruno Conti ka qenë i shpër me drejtuesit e kampionëve të Italisë Inter, pas barazimit 3-3 në San Siro. Zyrtari i verdhekuqve ka thënë se janë vjedhur në Milano pasi arbitri dha një penallti inekzistente.

Në qendër të sulmit edhe trajneri portugez, Jose Mourinho. “Duhet të përgëzojmë Mourinho për mënyrën se si po e mëson Balotellin” tha kampioni i botës në 1982. “Kjo tregon qartë edukimin e tij futbollistik” tha Conti.

“Ajo nuk ishte një penallti dhe akordimi nga arbitri minoi ndeshjen me atë vendim. Besoj se Mourinho e ka mësuar mirë nxënësin e tij” tha Conti.

[Damian1]

Frika e Arshavin: Arsenal mund të mbetet jashtë Champions

Sulmuesi rus ka thënë se ekipi i tij i ri, ndoshta nuk do të arrijë të kualifikohet për në turneun më prestigioz europian të futbollit.

Ka bërë debutimin vetëm pak ditë më parë por ka nisur të shfaqë edhe frikën e parë për mungesën e objektivave tek skuadra e re. Sulmuesi rus Andrey Arshavin ka thënë se ndoshta Arsenali mund të mbetet jashtë Champions League këtë sezon pasi po dështon në disa ndeshje, dhe kjo nuk ishte ajo që siberiani priste.

Skuadra e Arsene Wenger ka qenë mes 4 më të mirave në kampionatin anglez në 13 vjetët e fundit por këtë herë kërcënohet të mbetet vetëm në kupën UEFA pasi United, Chelsea, Liverpool dhe Aston Villa janë para saj.

"Asnjë nuk guxon që të mendojë këtu se ne do jemi jashtë Champions, por kjo nuk është rruga e duhur. E kemi bërë objektivin tonë edhe më të komplikuar por beteja ende nuk është mbyllur” tha Arshavin.

"Në çdo ndeshje kemi me dhjetara raste për të shënuar por finalizojmë pak prej tyre. Ndeshja e fundit ishte barazimi i katërt pa gola për Arsenal, dhe klima është e tendosur” tha Arshavin. Ai u ble nga Zeniti për 16 milionë Paund por ende nuk ka lënë shenjë në Angli.

[Damian1]

Merkatoja e Juventus 13.5 milionë Paund për Malouda

Bardhezinjtë kanë një sërë objeëktivash por për francezin e Chelsea, kanë zyrtarizuar ofertën ekonomike.

Juventusi kërkon me çdo kusht afrimin e Florent Maluda për sezonin e ardhshëm. Ndërkohë, edhe francezi i Çelsit, që shihet si pasardhësi ideal i Pavel Nedved, nuk e ka fshehur dëshirën për të veshur fanellën bardhezi.

Drejtuesit e “Zonjës së Vjetër” kanë ofruar 13,5 milionë sterlina për 28-vjeçarin. Për momentin gjithçka mbetet në kuadrin e zërave të merkatos, por një plus tjetër për afrimin e mesfushorit është edhe fakti se ai pëlqehet nga trajneri Ranieri.

Maluda ka karakteristika interesante për lojën e Juventusit, por klubi ka hartuar edhe një listë me alternativa të tjera. Në “pole position” qëndron gjithmonë David Silva i Valencias, edhe pse mesfushor i talentuar kushton shtrenjtë. Dy lojtarë që simpatizohen janë edhe Riberi e Diego, gjithsesi konkurrenca për shërbimet e tyre është mjaft e fortë.

[Damian1]

Barcelona arrin akordin me Ribery, presidenti e mohon

Sipas mediave është arritur një akord 4 vjeçar mes palëve por presidenti Laporta është treguar i kujdesshëm duke mohuar transfertën.

Duke nisur nga 2009/2010, futbollisti francez Frank Ribery do të luajë me fanelën “blaugrana” të skuadrës së Barcelonës.

Për këtë është e sigurt gazeta gjermane "Bild am Sonntag", sipas së cilës talenti francez i Bayern Munchen ka arritur një akord me katalanasit për 4 vitet e ardhshme.

Ky lajm vjen pak orë pas deklaratave të agjentit të Ribery, Alain Migliaccio që tha se Frank do largohet nga Bavaria vetëm për Barcelonën. Sipas “Bild”, katalanasit do të zyrtarizojnë marrëveshjen që parashikon një shumë të majme dhe kalimin e Hleb tek Bayern.

Ribery ka thënë se ndihet mirë në Bundesliga, por me Messi dhe Henry do të formonin një treshe vdekjeprurëse për çdo kundërshtar, në Spanjë dhe në Europë. Presidenti Laporta e ka mohuar por kjo mund të zyrtarizohet në Qershor.

[Damian1]

Afrika e Jugut 2010, nis shitja e biletave për botërorin

FIFA ka njoftuar se po vazhdon normalisht shitja e biletave për aktivitetin global që do të mbahet pas një viti Federata Ndërkombëtare e Futbollit (FIFA), ka filluar shitjen e biletave të para për Kampionatin botëror të futbollit, i cili në vitin 2010 do të mbahet në Afrikën e Jugut. Në kontigjentin e parë janë lëshuar 74.000 bileta në shitje nga gjithsej tre milionë sa janë planifikuar të shtypen.

Të gjithë të interesuarit për blerjen e biletave duhet të paraqesin kërkesat në faqen zyrtare të FIFA-s në internet. Kërkesat për rrethin e parë të shitjes së biletave mund të paraqiten nga 20 shkurti deri më 31 mars.

Ndërkohë më 15 mars në formë lotarie do të përcaktohen fatlumët që do të kenë rastin të ndjekin nga afër ndeshjet e Kampionatit botëror, i cili do të mbahet gjatë muajit qershor dhe korrik të vitit 2010.

[Damian1]

Arrihet akordi për Beckham, tek Milani deri në muajin Qershor

Futbollisti anglez do të mungojë në 17 ndeshje për kalifornianët pasi do të ndihmojë Milanin deri në fund të sezonit.

Lojtari i njohur anglez David Beckham, do të qëndrojë në ekipin e Milanit deri në fund të muajit qershor dhe pastaj do të kthehet me ekipin e LA Galaxy në Los Angelos.

Një lajm të tillë e kanë bërë të ditur mediat lokale sportive të Losa Angelosit, sipas të cilave Beckham është i detyruar të mbyllë deri në verë kampionatin italian dhe më pas, të rivendosë të kthehet në Amerikë.

Sipas të dhënave që dalin nga ekipi i Galaxy, ai është gati të paguajë shifrën prej 10 milionë euro për të patur lojtarin e madh në ekipin e tij. Kurse për ekipin italian të Milanit, thuhet se ai ka ofruar një shifër inferiore ndaj tij.

[Damian1]

Pato ndihet më i vetmuar në sulmin e Milanit.

Braziliani është i bindur se Milani do të dalë nga kriza. “Dua një ekip me dy sulmues, kështu shënojmë më shumë”.

Sulmuesi i Milanit, Aleksandre Pato, ndonëse të dielën ka firmosur golin e tij të 15-të sezonal me kuqezinjtë, përballë mediave italiane flet për krizën që ka mbërthyer skuadrën. Ndër të tjera gjen kohën për t’i bërë disa sugjerime të vogla teknikut kuqezi, Karlo Ançeloti. “Golat e mi vlejnë pak, – shpjegon Pato, – kur nuk fitojmë dhe kjo gjë më bezdis shumë.

Më vjen keq, sepse kam shënuar 15 gola gjatë këtij sezoni, por disa prej tyre nuk kanë shërbyer për t’i sjellë pikë të vyera skuadrës. Jam i sigurt se Milani do arrijë të dalë nga kjo krizë rezultatesh, në të cilën është futur dhe do të arrijë të kualifikohet për në Ligën e Kampioneve gjatë sezonit që vjen”.

Më pas, sulmuesi kuqezi, i cili gjatë këtij sezoni ka shënuar 12 gola në kampionat dhe 3 në Kupën UEFA, përfiton nga rasti për t’i dhënë këshilla teknikut, duke i treguar këtij të fundit se përkrah tij dëshiron edhe një tjetër sulmues, pasi kështu do të kishte më shumë hapësira në fushë: “Gjatë pjesës së parë kundër Sampdorias isha i izoluar totalisht në sulm, por me aktivizimin e Inzagit, situata u përmirësua dukshëm e si rrjedhojë arrita edhe të shënoj. Personalisht e kam më të lehtë të realizoj, kur Milani luan me dy sulmues.

Për momentin duket sikur jemi në krizë, por mund të them se dëmtimet e shumta e kanë penalizuar mjaft skuadrën. Të luash pa katër ose pesë lojtarë titullarë nuk është e lehtë për asnjë skuadër”. Braziliani Aleksandre Pato shprehet optimist për kualifikimin e Milanit në zonën e Ligës së Kampionëve, në fund të këtij kampionati: “Jam i sigurt në kualifikimin e skuadrës sonë në Champions. Ky kompeticion evropian nuk do të kishte kuptim pa Milanin për dy vjet radhazi. Ne i kemi të gjitha mundësitë për të arritur këtë objektiv minimal”, ka përfunduar sulmuesi Aleksandre Pato, ose siç thirret ndryshe nga tifozeria kuqezi ‘Patoku’.

[Damian1]

Mourinho vjell “vrer” ndaj të gjithëve: Prostitucion intelektual

Trajneri i Interit ka qenë i ashpër pas polemikave për penalltinë e Balotelli duke mos kursyer akuzat ndaj shumë klubeve.

“Këtu ka një manipulim të madh të opinionit intelektual. Ishte një punë e organizuar për të manipuluar të gjithë që të flisnin keq për Interin pas penalltisë së dhënë për ne ndaj Romës” tha Mourinho në një konferencë shtypi e cila zgjati vetëm 7 minuta pasi ai u largua.

“Pse nuk flisni për Milanin që është 12 pikë pas nesh dhe nuk do të fitojë asgjë? Pse nuk flisni për Juventus që ka përfituar më shumë nga të gjitha nga gabimet e arbitrave. Ne kemi përfituar vetëm një herë. Kur fituam në Siena me një gol jashtë loje” tha Mourinho i irrituar.

“Trajneri i Juventus, Claudio Ranieri tha se ndihet në krah të Luciano Spalletti?. Atëherë unë ndihem në krah të atyre që kanë humbur pikë padrejtësisht ndaj Juventus” tha Mourinho që pasi u pyet për një telefonatë misterioze nga Ranieri, la konferencën.

[Damian1]

Adebayor: Arsenalit tani i duhen fitore në çdo ndeshje

Sulmuesi afrikan ka thënë se objektivi për Champions mbetet i mundur vetëm sëse londinezët do të fitojnë takimet e mbetura.

Sulmuesi i Arsenalit, Emmanuel Adebayor, thotë se ekipi i tij ka nevojë për fitore në të gjitha ndeshjet deri në fund të sezonit, nëse dëshiron të përfundojë në katërshen e parë, që të dërgon në Ligën e Kampionëve.

Topçinjtë kanë një sfidë të vështirë për të përfunduar në top katërshen më të mirë të tabelës së Premierligës, pasi aktualisht gjenden në pozitën e pestë me gjashtë pikë prapa Aston Villës. “Liga e Kampionëve është prioritet për Arsenalin. Që të futemi në katërshe duhet të japim gjithçka, të fitojmë në çdo ndeshje nga tash deri në fund të sezonit”, ka thënë Adebayor.

“E dimë se nuk do të jetë e lehtë, e dimë se do të jetë vështirë, por duhet të jemi të gatshëm dhe të përballemi me këtë”, ka shtuar sulmuesi nga Togo. Ai pritet të largohet nga londinezët nëse Arsenali do të dështojë për tu kualifikuar. Destinacioni: Barcelona.

[Damian1]

Benitez: Dëmtimet e Torresit na kanë kushtuar shumë

Trajneri i Liverpool tha se humbja e pikëve ka ardhur edhe nga mungesa e bomberit spanjoll në shumë ndeshje.

Menaxheri i Liverpoolit, Rafael Benitez, thotë se ekipi i tij ka vuajtur në ndeshjen e fundit ndaj Middlesbrough, dhe shton se nëse Fernando Torres do të ishte i gatshëm për lojë, rezultati do të ishte më ndryshe.

“Nëse Fernando Torres nuk do ishte aq shpesh i lënduar, gjërat do të qëndronin më ndryshe, por nuk mund ta ndryshojmë situatën tash”, thotë benitez.

“Secili ekip ka lojtarë që lëndohen. Por Torres është lojtari ynë kryesor dhe shënoi shumë gola për ne në sezonin e kaluar. Edhe ky sezon ai mund të ishte shumë më ndryshe për të, po ishte i gatshëm për lojë”, ka shtuar spanjolli.