Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Lionel Messi: Argjentina - Brazil, ndeshja ime...

Superylli i Barcelonës, Lionel Messi, thotë se ndeshja e të shtunës ndërmjet Argjentinës dhe Brazilit, e cila do të zhvillohet në qytetin e tij Rosario, është ndeshja ku ai do të shkëlqejë.



Trajneri i Argjentinës, Diego Maradona, ka kërkuar që kjo përballje të transferohet nga Buenos Airesi, në qytetin e lindjes së Messit, me qëllim që t’i japë motivim shtesë lojtarit më të mirë në botë.

“Është shumë e veçantë që do të luaj në qytetin tim. Kjo është ndeshja ime- një ‘Clasico’ të cilin Brazili do të mundohet ta fitojë. Nuk ka rëndësi nëse shënoj unë ose ndonjë bashkëlojtar e bën këtë, por ajo që është e rëndësishme është fitorja”.

“E dimë se kjo ndeshje është e rëndësishme dhe ne jemi të bindur se do ta fitojmë”, ka thënë Messi.

[Damian1]

Anglia, John Terry: Shpresojmë në fitoren ndaj Kroacisë

Mbrojtësi anglez i Chelsea, John Terry ka shprehur optimizmin se do arrijnë kualifikimin para kohe ndaj Kroacisë

Kombëtarja e Anglisë luan ndeshje miqësore me Slloveninë, por e gjithë vëmendja e futbollistëve, por edhe e opinionit anglez është e përqendruar në ndeshjen kundër Kroacisë, që zhvillohet të mërkurën.

“Shpresojmë që të mërkurën do të sigurojmë pjesëmarrjen në Botëror, me fitore ndaj Kroacisë. Kjo do të ishte një gjë e madhe për ne. Nga kombëtaret evropiane vetëm Holanda tash për tash ka siguruar pjesëmarrjen në Afrikën e Jugut”.

“Sa më parë që ta sigurojmë edhe ne kualifikimin, do të jetë më mirë”, ka pohuar kapiteni i Anglisë, Xhon Terri. Mbrojtësi i Çelsit për shkak të një lëndimi të lehtë në muskuj mund të mos paraqitet ndaj Sllovenisë, por është e sigurt se do të jetë i gatshëm për ballafaqimin ndaj Kroacisë.

[Damian1]

Sërish polemika në Spanjë mes Platini dhe Real Madrid

Shifrat e shpenzuara këtë vit nga madrilenët kanë bezdisur kreune UEFA-s që ka kritikuar sërish skuadërn spanjolle

Që presidentit të UEFA-s, Michel Platini nuk i pëlqenin shpenzimet e çmendura të Real Madrid, ishte e dukshme. Por nga radhët e një artikulli në të përditshmen “Marca”, drejtuesi i futbolit europian ka kritikuar sërish madrilenët.

"Shifra të tilla më bezdisin shumë pasi shkatërrojnë futbollin dhe të bukurën. Historia tregon se jo gjithmonë janë futbollistët e mëdhenj që sjellin trofetë. Perez do të fitojë të gjitha dhe për këtë ka blerë yje” tha Platini.

“Por rezultati do të shihet në muajin maj dhe mendoj se ndoshta fusha nuk do ti japë të drejtë Real Madridit dhe presidentit Perez” tha kreu i UEFA-s.

[Damian1]

Carlo Mazzone: Titulli, garë ndërmjet Juves dhe Interit

Sipas ish-trajnerit të Romës, njëkohësisht trajnerit më me përvojë në Itali, Carlo Mazzone, gara për Scudetto në sezonin 2009/2010, do të zhvillohet ndërmjet Juventusit dhe Interit.

“Këtë sezon, për titullin pres përballje kokë më kokë ndërmjet Juventusit dhe Interit”.

“Milani do t’u shkojë prapa, sepse nuk mendoj që (Rossonerët) do të mund t’i rikuperojnë të gjitha ndryshimet që kanë bërë deri më tani”, ka thënë Mazzone për “Gazzetta.it” duke shtuar se edhe sigurimi i një vendi për në Ligën e Kampionëve do të paraqesë një garë të fortë.

“Tash për tash Fiorentina është favoriti im, mirëpo aty është Genoa që është shumë afër, Sampdoria skuadër e cila mund të jetë zbulimi i këtij sezoni, Lazio, Napoli, Roma dhe Palermo”, ka shtuar Mazzone.

[Damian1]

Klaas-Jan Huntelaar: Dua ta mposhtim Real Madrid

Sulmuesi i Milant, Klaas-Jan Huntelaar, është i gatshëm t’i hakmerret ish-skuadrës së tij Real Madrid, kur dy skuadrat do të përballen në fazën grupore të Ligës së Kampionëve.

“E di se ndeshja do të luhet në tetor. Do të luajmë kundër Realit dhe do të ishte madhështore po ta vendosja nënshkrimin tim në atë përballje”.

“Brenda gjashtë muajsh kam pasur tre trajnerë dhe tre presidentë. Shënova tetë herë në Spanjë sezonin që shkoi dhe isha sulmuesi më i mirë gjatë asaj periudhe. Reali pagoi 27 milionë euro për mua, por prapëseprapë më shitën”, ka treguar holandezi për Ilsussidiario.net.

[supervisor91]

FC Newborn, skuadra e re e kosovareve

Sezoni aktual eshte edhe i pari ne histori per FC Newborn, ekipi i kosovareve ne Zvicer, i cili me ne fund do te marre pjese ne ligen amatore te ketij vendi.
Kjo nuk eshte nje skuader krejtesisht e re, pasi ajo me pare eshte quajtur Fc Edona.

Kjo skuader para tre vitesh militoi ne kampionatin lokal te qytetit Schafhhauser.

Qellimi ishte qe ekipi te perbehej nga futbolliste kosovare dhe permes paraqitjeve te mira te pastroje imazhin e keq qe ekziston per kosovaret dhe shqiptaret ne kete vend apo edhe ne te tjera.

FC Edones nuk i kane munguar sukseset sportive: ajo eshte shpallur nje here kampione dhe dy here fituese e Kupes.

Por tashme Edona ka bere hapin tjeter dhe eshte futur ne futbollin aktiv, por me nje emer te ri, FC Newborn.

Tashme skuadra mban emrin e monumentit simbol te pavaresise se Kosoves te shpallur me 17 shkurt 2008. President i saj eshte Luan Hajredini.

[supervisor91]

Curri: Te jemi te kujdesshem

Edhe pse Shqiperia nuk ka me asnje objektiv ne dy sfidat e mbetura te Boterorit 2010 (me Danimarken dhe Suedine), Debatik Curri thekson se skuadra eshte e perqendruar.
Per sfiden e se merkures me danezet, mbrojtesi kerkon kujdes maksimal, mbi te gjitha ne goditjet standarde.

“Do te kemi shume pune ne kete ndeshje, pasi dihet qe skandinavet jane mjaft te rrezikshem, mbi te gjithe ne goditjet standarde”, deklaroi lojtari i Vorskla Poltaves ne kampionatin ukrainas.

“Nepermjet lojes ne ajer, ata jane gjithmone ne gjendje te rrezikojne porten e kundershtareve. Do te japim maksimumin per te mos dale nga fusha pa nje rezultat pozitiv dhe per te kenaqur tifozet tane”.

Edhe Curri beson se fakti qe skuadra e Olsen do te kerkoje me patjeter tri piket, mund t’i sherbeje Kombetares kuqezi:

“Jemi shume te perqendruar dhe mund te shfrytezojme faktin se ata do te jene nervoze”.

[supervisor91]

Dallku: Me danezet s’kemi ç’te humbasim

Pas daljes jashte objektivave ne grupin 1 te eliminatoreve te Boterorit 2010, Armend Dallku e shikon sfiden e te merkures ndaj Danimarkes si nje ndeshje prestigji, ku Shqiperia nuk ka asgje per te humbur.
Prandaj ai kerkon maksimumin nga te gjithe shoket e skuadres, per nje ndeshje ku synohet rezultat pozitiv dhe loje argetuese per te kenaqur tifozet.

Mbrojtesi kosovar thekson se kritikat e trajnerit per pakenaqesi ne lidhje me lojen e zhvilluar te enjten ne miqesoren me U-19, vijne per shkak se Josip Kuzhe kerkon gjithnje maksimumin nga ekipi.

Megjithate, ai pohon se ishte nje test me vlera para ndeshjes me Danimarken.

Nuk ka se si te mos te te shkoje mendja te ndeshja e pare e luajtur ne Kopenhagen, ku Shqiperia u turperua me humbjen 3-0, rezultat i cili i kushtoi largimin Ari Hanit.

Dallku pranon se “kuqezinjte nuk luajten mire”, por justifikohet me faktin se “kishim shume mungesa”.

Ndersa tani, ne prag te sfides se kthimit ne Tirane, mbrojtesi shikon nje Shqiperi me te kompletuar:

“Skuadra eshte e plote dhe luajme perpara sportdashesve tane te cileve duhet t’u dhurojme nje ndeshje te mire dhe rezultat pozitiv”.

Kosovari nenvizon se ndeshja me Qipron i ka motivuar dhe se do te kerkojne me shume ndaj Danimarkes.

“Ne nuk kemi çfare te humbim, por do te bejme nje loje te mire dhe kjo vetem per prestigjin tone dhe per te kenaqur sportdashesit tane”, shton Dallku, i cili e di mire se jo gjithçka do te jete e lehte perballe kryesuesve te grupit.

Ai ve ne dukje moralin e larte te skuadres, por paralajmeron kujdes nga kundershtari.

“Danimarka ka nivel te larte, ka futbolliste me te dhena te mira teknike teper te rrezikshme ne lojen ne ajer, ndaj duhet te bejme mjaft kujdes ne goditjet e tyre standarde dhe te mos shkaktojme faulle prane zones tone”, shprehet Dallku, i cili tashme pranon se ky eshte sezoni i fundit ne kampionatin ukrainas, pasi ka ardhur koha te ndryshoje ambient:

“Kam kontrate me Vorsklan edhe per nje vit e gjysme, megjithate mendoj se ne merkaton e ardhshme mund edhe te leviz jo vetem nga ky ekip, por ndoshta edhe nga Ukraina. Tashme mendoj se ka ardhur koha per te ndryshuar kampionat”, perfundon mbrojtesi i Kombetares.

[supervisor91]

Perballe Danimarkes, vetem Bogdani sulmues

Zbulohet skema me te cilen trajneri Josip Kuzhe synon te “frenoje” Danimarken. Gjate seancave stervitore te skuadres, drejtuesi i stolit kuqezi ka hedhur bazat e atij qe do te jete formacioni titullar ne sfiden e mesjaves se ardhshme (9 shtator) ne “Qemal Stafa”.
Ajo qe bie me shume ne sy eshte spostimi i Klodian Duros perpara mbrojtjes. Mesfushorit elbasanas do t’i besohet nje rol “alla Pirlo”: 31-vjeçari do te jete ndertuesi i pare i aksioneve te Kombetares shqiptare. Nje “dirigjent” i mirefillte.

Vizioni dhe klasi i larte (jo i panjohur) qe mesfushori i Apollon Limasolit tregoi ne miqesoren me Qipron, e kane bindur Kuzhene se ai eshte lojtari me i pershtatshem per kete rol, mbi te gjitha pas “sakrifikimit” te radhes te Lorik Canes ne qender te mbrojtjes.

Nepermjet kembeve te tij do te kaloje shperndarja e topave te te gjithe lojtaret e tjere. Levizja duket se eshte e menduar mire: Duro eshte i afte te vertikalizoje topa ne kundersulmet e shpejta, por nuk terhiqet mbrapa as kur behet fjale per te dueluar me kundershtaret.

Ne rolin e mesfushorit perpara mbrojtjes deri me tani ka qendruar gjithmone Ervin Bulku. Ndryshimi ne skeme ben qe lojtari i Krivbasit te spostohet disi me perpara, madje i eshte kerkuar edhe qe te shtyje gjate aksioneve sulmuese, e pse jo te provoje edhe porten me gjuajtje nga distanca.

Skela do te luaje i spostuar djathtas, ndersa detyra me e veshtire qe vlonjatit i eshte caktuar per takimin kunder danezeve eshte qe te mendoje edhe per fazen mbrojtese.

Ne repartin difensiv konfirmohet aktivizimi i Ansi Agollit, i cili do te zevendesoje te demtuarin Vangjeli.

Ai do t’i bashkohet Dallkut, Canes dhe Currit. Balotazhi i vetem per nje fanelle titullari eshte ai ndermjet Jahmir Hykes dhe Gilman Likes, me kete te fundit qe duket me i favorizuar per te luajtur ne krahun e majte te mesit te fushes.

Hamdi Salihi do te jete me 100 per qind ne fushe, ne skemen me dy sulmues te teknikut kroat, megjithate, i vetmi qe do te kete detyra ofensive te “deklaruara” eshte Erjon Bogdani.

Te gjithe te tjeret duhet te mendojne me pare per mbrojtjen, per te siguruar te pakten nje barazim.

[supervisor91]

Kuzhe: Fitorja do te me lumturonte

Josip Kuzhe kerkon te minimizoje pakenaqesite e shprehura publikisht pas miqesores se fituar 4:0 me U-19.
Trajneri kroat theksoi se nepermjet fjaleve te tij kerkonte te motivonte lojtaret per te dhene me te miren gjate pergatitjeve per ndeshjen me Danimarken dhe jo t’i kritikonte.

Ai ul tonet, ne menyre qe te mos krijoje pakenaqesi brenda grupit dhe qe te ruaje atmosferen e mire ne ekip.

“Po, eshte e vertete, pas ndeshjes isha kritik ndaj ekipit: loja ne skuader ishte disi me e mire se ajo qe futbollistet e mi paraqiten ne aspektin individual”, deklaroi 56-vjeçari gjate konferences per shtyp.

“I bera ato deklarata pasi mendoj se mund te ishim paraqitur me mire ne ate miqesore. Gjithsesi, nuk duhet te harrojme se ishte vetem nje ndeshje qe na sherben per t’u pergatitur per Danimarken dhe ne kete pikepamje jam i qete. Synimi im nuk ishte te kritikoja lojtaret, por t’i motivoja ata per t’u permiresuar. Ndeshja kunder perfaqesueses U-19 na sherbeu, sepse aty eksperimentova pozicione te reja per disa futbolliste. Eshte e natyrshme qe skuadra nuk mund te shprehet ne formen optimale ne takime te tilla testuese”.

Trajneri nuk e fshehu deshiren per te fituar, duke theksuar se nje rezultat i tille perballe te besuarve te Morten Olsen do ta kenaqte.

“Sigurisht qe do te me pelqente fitorja. Jo vetem mua, por te gjitheve. Nje rezultat i tille do t’i lumturonte edhe tifozet, te cilet presin maksimumin nga skuadra kunder Danimarkes, shtoi ai. Detyra jone eshte te krijojme nje atmosfere te mire, duke nderthurur lojen e bukur me rezultatin pozitiv per te ardhmen e skuadres, por edhe per tifozet. Luajme ne fushen tone dhe duhet te permiresohemi: paraqitja duhet te jete me e mire se ajo qe ekipi ka bere ne Danimarke”.

Kuzhe nuk e fshehu faktin se do ta filloje lojen me dy sulmues, nderkohe qe konfirmoi edhe spostimin e Agollit ne mbrojtje, per te zevendesuar Vangjelin.

“Po mendoja te luaja me te njejtin formacion qe fitoi dhe zbaviti tifozet me Qipron. Por, demtimi i Vangjelit e ben te pamundur kete. Ne ditet ne vazhdim do te studiojme variantet me te pershtatshme, por mund te them se Agolli do te spostohet ne krahun e majte te mbrojtjes, ndersa skuadra do ta nise lojen me dy sulmues”, perfundoi trajneri.