Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Olsen: Ne Shqiperi na pret nje ambient armiqesor


Morten Olsen paralajmeron skuadren e tij, qe ta vleresoje maksimalisht perballjen e se merkures me Shqiperine ne stadiumin “Qemal Stafa”.
Trajneri i perfaqesueses se Danimarkes e ka te qarte se ne Tirane kryesuesit e Grupit 1 (qe me tri pike kualifikohen ne Boterorin 2010), do te perballen me nje ambient armiqesor.

“Takimi do te jete i ndezur. Ketu do te ndikoje edhe atmosfera ‘e nxehte’ dhe aspak miqesore qe krijojne tifozet shqiptare per skuadrat kundershtare”, deklaroi 60-vjeçari duke rikujtuar sfiden e afro pese viteve me pare, te fituar 2:0 perballe kuqezinjve. “Do te jete me shume nje sfide nervash, ku skuadra duhet te tregoje profesionalizmin e saj. eshte nje ndeshje krejt e ndryshme nga ato qe jemi mesuar te luajme”.

Ne deklaraten e dhene per “TV2”, Olsen shprehet se Bendtner dhe yjet e tjere te Danimarkes nuk do ta kene te lehte te luajne perballe nje publiku te tille: “Do te diskutojme me lojtaret dhe t’i parapergatitim per nje ambient te ndryshem nga te tjeret. Skuadra ime duhet te kete parasysh se sa here qe Shqiperia do te kaloje mesin e fushes, fansat do te fillojne te bertasin dhe t’i mbeshtesin. Kjo eshte menyra se si reagon publiku atje”.

Me tej, trajneri shtoi se per momentin danezet duhet ta harrojne Suedine dhe Hungarine, por te jene te perqendruar maksimalisht te Shqiperia e drejtuar nga Josip Kuzhe.

Ne rast se nuk marrin tri piket te merkuren, ne tetor nordiket do te luajne “finalen e madhe” me rivalet direkt te Suedise, qe ndodhen vetem 4 pike larg dhe shpresojne te perfitojne nga nje hap fals i Danimarkes.

“Nuk me intereson si dalin rezultatet e skuadrave te tjera te grupit. Ne duhet te mendojme vetem per Shqiperine: te merkuren ta harrojme Suedine apo Hungarine. Ndodhemi ne pozitat e kryesuesve fale punes dhe pergatitjes se mire, e per kete arsye duhet te jemi te perqendruar dhe te fitojme tri piket ne takimin e se merkures”, shtoi Olsen.

“Me barazimin perballe Portugalise realizuam objektivin tone. Pika e marre ishte si nje fitore per ne. Vuajtem presionin e luzitaneve, por u mbrojtem mire”. I njejti skenar do te perseritet edhe ne Shqiperi, por kete here do te jete Danimarka ajo qe do ta kontrolloje lojen, ndersa kuqezinjte pritet te mendojne me shume per mbrojtjen.

“Shqiperia eshte nje skuader e mirorganizuar dhe me lojtare te talentuar, por e theksoj se presioni me i madh me te cilin duhet te perballemi jane tifozet. Nese duam te luajme ne Kupen e Botes, duhet t’i rezistojme presionit te 20 mije personave qe brohorasin ekipin e tyre”, perfundoi Olsen.

[supervisor91]

Rosi: Une ne F1? Kurre mos thuaj kurre



Piloti italian i MotoGP, Valentino Rosi pas fitores ne Mizano te San Marinos nuk perjashton mundesine e nje garimi ne Formula 1.
“Kurre mos thuaj kurre. Nuk e isha i gatshem te lija MotoGP-ne. Gjithcka mes meje dhe Ferrarit ka ndodhur krejt rastesisht, ndoshta ngaqe bera nje paraqitje te mire ne testime”, eshte shprehur per mediat italiane “The Doctor”.

Zerat per nje kalim te mundshem te Valentino Rosit nga garat e shpejtesise me dy rrota MotoGP ne ato me kater rrota, Formula 1 jane shtuar dhe shume media e cilesojne kete fakt vetem ceshtje kohore pas aksidentit te pilotit brazilian te Ferrarit, Felipe Masa.

[OVES12]

Ricardo Kakà: Dua ta shoh Argjentinën në Botërorin 2010
Pasi ka ndihmuar kombëtaren e tij për ta çuar Argjentinën në një pozitë të paqartë në kualifikimet për Botërorin 2010 në Afrikën e Jugut, braziliani Kaka tregohet i ndershëm
Braziliani ka thënë se Botërori pa Argjentinën nuk është i mirë. Në fakt, Brazili mposhti Argjentinën në ndeshjen e së shtunës, 3:1 dhe në këtë mënyrë e siguroi kualifikimin në Afrikën e Jugut, dhe futbollistët e Diego Armando Maradonës momentalisht ndodhet në pozitën e katërt, e cila siguron kualifikimin, por nga tri ndeshjet e fundit, dy i zhvillojnë si mysafirë.

“Kampionati botëror pa Argjentinën nuk do të ishte i mirë. Ne kemi bërë punën tonë dhe normalisht se më vjen mirë që e kemi mundur Argjentinën, por sinqerisht do të isha i lumtur sikur t’i shoh argjentinasit në Botëror, sepse në finalet e Botërorit duhet të jenë kombëtaret më të mira në botë”, ka thënë Kaka.

[OVES12]

Valdano mohon mundësinë e transferimit të Ribery në Janar
Drejtori i përgjithshëm i Realit të Madridit, Jorge Valdano ka pohuar se Reali i Madridit për momentin nuk është i interesuar për Franck Ribery

Zyrtari madrilen ka përjashtuar mundësinë që gjatë afatit kalimtar të dimrit të bëjnë përpjekje për ta transferuar futbollistin francez.

Ndonëse raportet e mediave sugjerojnë se Reali do të bëjë një ofertë në janar, Valdano nuk mendon se do të ndodh diçka e tillë dhe duket se tashmë e ka kthyer vëmendjen tek lojtarët që aktualisht janë në Madrid.

"Riberi është një gjë e kaluar, por ndoshta diçka që mund të mendojmë për të ardhmen, por sot jemi të përqendruar tek 24 futbollistët, të cilët e përbëjnë skuadrën e Realit të Madridit", ka theksuar Valdano për "Marca", duke shtuar: “Nuk mendoj se afati i dimrit është për futbollist të kalibrit të Riberisë, por nuk e di çfarë do të ndodhë".

[OVES12]

Gilardino: Amauri nuk i zgjidh problemet e Italisë
Sulmuesi italian, Alberto Xhilardino ka pohuar se ai është futbollist i cili do të zgjidhë problemin e shënimit të golave në kombëtaren italiane
Futbollistët e Lipit nuk kanë shënuar gol që nga fitorja 3:1 ndaj SHBA-së në qershor në Kupën e Konfederatave. Në fitoren e së shtunës 2:0 ndaj Gjeorgjisë në kuadër të kualifikimeve për Botërorin 2010, të dy golat për italianët i shënoi gjeorgjiani, Kakhaber Kalaxe.

Mungesa e golave ka bërë që Marçelo Lipi të mendojë për përfshirjen e brazilianit, Amauri në kombëtaren italiane, por Xhilardino beson se ai mund t'i jap fund 'shterpësisë' dhe nuk e sheh zgjidhjen tek përfshirja e Amaurit.

"Ne kurrë nuk kemi folur rreth Amaurit. Një futbollist nuk është zgjidhje për problemet tona", ka pohuar Xhilardino. "Ai është një lojtar në formë të mirë dhe shumë i fortë, por ajo që është me rëndësi është grupi që kemi këtu dhe që kemi marrë tri pikë kundër Gjeorgjisë. Sa i përket Amaurit do të vendosë federata dhe stafi i kombëtares.

Nuk dua të ndjej se kam nevojë që të jem zgjedhja e parë në sulm te kombëtarja. Më shumë do të dëshiroja të shënoja një gol në ndeshjet vendimtare. Gjithsesi, synimi im është të arrijë rekordin prej 20 golave të Paolo Rosit”, ka përfunduar Xhilardino.

[OVES12]

Spanjolli Torres: Në Liverpool ndjehem si në shtëpinë time
Sulmuesi spanjoll i Liverpulit, Fernando Torres është i lumtur në Angli dhe optimist për të ardhmen e skuadrës
"Njerëzit këtu janë shumë të mirë dhe të sjellshëm. Ata kanë respekt të madh për futbollistët edhe kur janë jashtë fushës së gjelbër. Kjo është njëra nga gjërat kryesore për mua. Në Spanjë ishte e vështirë për mua për të shkuar në restorante apo thjeshtë të eci rrugës me miqtë e mi. Këtu ndjehem si në shtëpinë time", ka pohuar Torres.

"Këtu në Liverpul mund t'i bëjë këto gjëra, të shkoj në park me qenin tim për shëtitje dhe të shkoj në darkë me miqtë e mi. Është një qytet i klasës punëtore dhe kjo mua më pëlqen shumë, pasi kam lindur në një qytet të klasës punëtore në Spanjë. Njerëzit punojnë gjatë gjithë javës dhe çdo fundjavë shkojnë në stadium për të përkrahur skuadrën e tyre", ka nënvizuar Torres, duke shtuar:

"Është vërtetë e veçantë për mua kur shoh tifozët e Liverpulit me emrin tim në bluzën e tyre. Unë i kuptoj ata kur veshin një bluzë me emrin e Stiven Xherardit apo Karragerit, sepse ata janë nga Liverpuli. Kurse, unë kam ardhur që dy vjet këtu si një lojtar i huaj, por ata më duan mua njëjtë sikur Stiven Xherardin apo Xhimi Karragerin. Kjo është një gjë e mahnitshme dhe i falënderoj për respektin dhe përkrahjen që ma japin".

[OVES12]

Huntelaar beson në një edicion të suksesshëm te Milani
Sulmuesi i Milanit, Klas Jan Huntelar beson se ai do të mund të ketë një rol kryesor në skuadrën kuqezi
Sulmuesi holandez është shprehur i gatshëm për të luftuar për pozitën e titullarit në skuadrën e Leonardos. "Kam besim të madh dhe e di se çfarë do të ndodh me mua dhe Milanin”.

“Ka pak ditë që kam ardhur në Milano dhe ende kam nevoj për të studiuar dhe për ta kuptuar se si luhet futbolli italian. Unë e di se do të vijë koha ime dhe shpresoj se do të jem një lojtar titullar si te Milani ashtu edhe te Holanda", ka pohuar Huntelar.

Për momentin, Marko Borielo, Aleksandre Pato dhe Filipo Inzagi kanë përparësi tek trajneri Leonardo, por Huntelari këmbëngul se do t'ia dalë që të bind Leonardon se e meriton vendin e titullarit. "Konkurrenca për mua nuk është problem. Jam i bindur se do të jem pjesë e skuadrës dhe së bashku do të kemi një edicion shumë të mirë", ka nënvizuar Huntelar.

[OVES12]

Tërmeti në Shqipëri, trembet kombëtarja e Danimarkës
Drejtuesit e Federatës Daneze të Futbollit kanë dërguar njerëz në Shqipëri për të hetuar dhe mbledhur informacione mbi situatën pas tërmetit që ka rënë në Dibër
Tërmeti i rënë në Shqipëri të dielën në mbrëmje vonë, ka trembur drejtuesit e Federatës Daneze dhe futbollistët e kombëtares së këtij vendi, para udhëtimit për në Tiranë. Gazeta më e madhe daneze, “Politiken”, raporton se lëkundjet prej 5.4 ballë të shkallës Rihter, i kanë bërë lojtarët të kërkojnë informacione të detajuara nëse mund të udhëtojnë drejt Shqipërisë apo jo.

Federata Daneze e Futbollit ka dërguar menjëherë në Shqipëri zëdhënësin e saj të shtypit, që do të hetojë dhe të mbledhë informacione mbi sigurinë dhe rrezikun që paraqitet për lojtarët.

Drejtori i shtypit në Federatën Daneze, Lars Behrend tha se situata po vëzhgohet nga afër, por sipas tij, tërmeti më mirë që ndodhi të dielën se në ditët që kombëtarja e Danimarkës do të jetë në Tiranë.

“Shpresojmë që ai të mos përsëritet të martën, kur ne të jemi në Shqipëri”, tha ai. Një tërmet prej 5.4 ballësh, i shkallës Rihter, me qendër në Dibër, goditi të dielën vonë Shqipërinë, duke shkaktuar lëkundje të forta edhe në kryeqytet. Ndeshja Shqipëri-Danimarkë do të luhet të mërkurën në orën 20.30 në stadiumin kombëtar “Qemal Stafa”.

[OVES12]

Beckham: Do të luaj ku dëshiron Capello

David Beckham ka thënë se është i kënaqur që t’ia plotësojë çdo kërkesë trajnerit të Anglisë, Fabio Capello, vetëm e vetëm që të jetë pjesë e përfaqësueses në Afrikën e Jugut.
“Trajneri gjithmonë më ka thënë se ofroj gjëra të ndryshme. Ai do ta zgjedhë një ekip dhe lojtarët të cilët do t’i fitojnë ndeshjet ose garat”. “Jam i lumtur që jam në skuadër. Ky është qëndrimi im, edhe nëse kjo do të thotë se do të luaj vetëm 20 minutat e fundit të ndeshjes”. “Prandaj jam i lumtur të jem i përfshirë në këtë skuadër, me këta lojtarë në këtë fushatë kualifikuese”, ka thënë Beckham për “The Daily Mirror”.

[OVES12]

LA Galaxy kërkon Marquezin

Skuadra nga MLS amerikane, LA Galaxy, dëshiron ta transferojë mbrojtësin e Barcelonës, Rafael Marquez, nga sezoni i ardhshëm.
“Sport” njofton se ekipi kalifornian planifikon ta transferojë meksikanin me qëllim që ta zëvendësojë emrin e David Beckhamit pasi mesfushori të largohet nga skuadra. Barcelona përveç se ka qendërmbrojtësit Carles Puyol, Gerard Pique dhe Gabriel Milito (që po rikuperohet), po ashtu gjatë këtij afati kalimtar, katalunasit transferuan edhe ukrainasin Dmytro Chygrynskiy, kështu që largimi i Marquez mund të ndodhë lehtë.