Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Weah: Eto’o mund të bëhet si unë

Legjenda e dikurshme e Milanit, George Weah, mendon se Samuel Eto’o mund të bëhet "Weah i Interit".
“Për ta përsëritur veten në Itali, ai duhet të punojë shumë. Serie A është një ligë e vështirë. Te Barcelona ai ka bërë disa gjëra të jashtëzakonshme”. “Kur unë erdha nga Paris Saint-Germain, shumë njerëz ishin skeptikë për aftësitë e mia, sepse erdha nga Franca. Mirëpo unë punova shumë dhe arrita sukses edhe në Itali”. “Ia dëshiroj të gjitha të mirat, edhe pse luan për Interin”, është shprehur Weah për Repubblica.it.

[Damian1]

Beckham: Tifozët kërkojnë hakmarrje? Ne do t’ua japim

Opinioni anglez me padurim e pret sfidën e të mërkurës ndaj Kroacisë. Anglezët dëshirojnë t'i hakmerren kroatëve për atë humbje të dhimbshme para dy vjetësh

Ajo disfatë ia pamundësoi shkuarjen në Euro 2008. "Jemi të vetëdijshëm se tifozët tanë presin që t'i hakmerremi Kroacisë” tha Beckham.

“Por, për ne është me rëndësi që të hyjmë në lojë me mendimin që fitorja në këtë ndeshja na siguron pjesëmarrjen në Botëror. Kjo është e gjitha ]farë mendojmë", ka theksuar Bekam. Veterani i kombëtares angleze ka falënderuar posacërisht Fabio Kapelon, i cili e mori drejtimin e kombëtares angleze nga Stiv Meklareni.

"Fabio ka kthyer vetëbesimin në skuadër. Nuk kemi pasur sukses në kualifikimet e kaluara dhe tifozët kishin humbur besimin tek ne dhe normalisht se kjo e mundonte secilin futbollist. Por, trajneri i ri ka kthyer besimin tek tifozët tanë dhe tek futbollistët, kurse kjo ishte gjëja kryesore që na nevojitej. Tani sërish luajmë futboll të bukur", ka nënvizuar Bekam.

Beckham gjithashtu ka pranuar se ai mban kontakte me presidentin e Realit të Madridit, Florentino Perez. Pasi ka pranuar se gjatë dimrit do të kthehet sërish në futbollin evropian, në mënyrë që të sigurojë një vend në kombëtaren e drejtuar nga Fabio Kapelo për Botërorin 2010, Bekami ka konfirmuar kontaktet e vazhdueshme me Perezin.

"Po, gjithmonë kam qenë në kontakt me Perezin. Kam biseduar me të dhe ia kam uruar kthimin në postin e presidentit", u ka thënë Bekam gazetarëve anglezë. "Gjithmonë do të mbajë kontakt me të, sepse ai është njeriu i cili më mori në Madrid. Kthimi i tij nuk është i dobishëm vetëm për Realin, por edhe për ligën spanjolle në përgjithësi", ka theksuar Bekam. Mediat angleze spekulojnë që Bekam mund të rikthehet në Madrid.

[Damian1]

Van Basten për Milan: Kur s'ka investime, s'ka as trofe

Sulmuesi legjendar i Milanit, Marko van Basten (44-vjeç) ka kritikuar krerët e klubit për veprimet e gabuara

Van Basten i ka paralajmëruar drejtuesit se pa investime në përforcime të skuadrës, do të kenë një edicion pa trofe.

"Si mund të jeni të lumtur pas humbjes 4:0 në derbi lokal? Si mund të jeni konkurrues në momentet kur skuadrat tjera përforcohen, kurse ju nuk blini fare lojtarë", i ka bërë pyetje Van Basten politikës së klubit, e cila gjatë kësaj vere ka shitur futbollistin më të mirë, Kaka, kurse ka blerë Tiago Silvën dhe Klas Jan Huntelarin.

"Huntelar është një sulmues i shkëlqyer. Ai është i mirë brenda 16-metërshit dhe personalisht shpresoj se ai do të ketë sukses në Itali. Por, ai është i vetmuar. A e keni vërejtur se sa futbollistë ka transferuar Interi dhe sa Juventusi? Ata kanë investuar shumë më tepër se Milani. Pa investuar nuk ka as sukses, prandaj nëse nuk janë sjellë përforcimet është vështirë të pritet që klubi të kthehet në shtigjet e vjetra të suksesit.

Por, nëse do të mungojnë sukseset, assesi nuk bënë të fajësohet trajneri Leonardo. Ai po e bën mirë punën e tij dhe askush nuk guxon ta kritikojë nëse mungojnë fitoret. Ai po punon maksimalisht me ato mundësi që ka", ka përfunduar Van Basten.

[Damian1]

Dridhet edhe Manchester City, FIFA heton merkaton e tij

Pas bllokimit te merkatos se Chelsea deri ne vitin 2011, rreziku me i madh tashme i kanoset skuadres se Manchester City

FIFA ka konfirmuar nisjen e nje hetimi pas ankeses se bere nga klubi francez i Rennes per transferimin e dyshimte te Jeremy Helan. Nje situate e ngjashme provokoi sanksionet ndaj klubit te Roman Abramovich edhe pse ceshtja tashme eshte apeluar.

Skuadra franceze e Ligue 1, Rennes akuzon skuadren e “Citizens” se ka ushtruar presion mbi lojtarin qe te prishte kontrane me skuadren franceze.

Pezullimin ne merkato e rrezikoi edhe Manchester United por pas hetimeve te FIFA-s, gjithcka rezultoi e rregullt.

[Damian1]

Biletat e Inter–Barcelona, deri tani janë shitur 72 mijë

Rreth 40 mijë kupona janë për abonetët, ndërsa prej të hënës janë blerë 32 mijë të tjera në biletaritë e stadiumit

Stadiumi “San Siro” mesa duket do të jetë plot për ndeshjen Inter–Barcelona e vlefshme për Ligën e Kampioneve. Plot 72 mijë bileta janë shitur deri më tani ndërsa ka mbetur edhe 8 ditë nga takimi. Rreth 40 mijë kupona janë për abonetët, ndërsa prej të hënës janë blerë 32 mijë të tjera në biletaritë e stadiumit.

Kapaciteti i "San Siros" është 80 mijë vende të ulura. Biletat për këtë sfidë kushtojnë nga 22 deri në 370 euro. Përballja Inter–Barcelona është takimi më i rëndësishëm i turit të parë të fazës në grupe të Ligës së Kampioneve, edhe sepse në Milano do të rikthehet Ibrahimovic që u largua drejt Spanjës këtë verë.

[Damian1]

Ambrosini “betonohet” kuqezi, rinovon kontratën me Milanin

Kapiteni zgjat marrveshjen deri ne 2011-n: “Vazhdoj te jem i bindur se qe kete sezon mund te arrij kenaqesi te medha me kete skuader”

Skuadra e Milanit ka njoftuar per rinovimin e kontratës se mesfushorit Massimo Ambrosini deri në vitin 2011. Dy palët kanë biseduar gjatë kësaj vere në lidhje me zgjatjen e kontratës, ndërsa pas një dialogu jo shumë të gjatë është arritur marrëveshja.

Vazhdimi i kontratës vjen vetëm disa muaj, pasi klubi kishte njoftuar se Ambrosini do të jetë kapiteni i ri i Milanit. “Marreveshjen e kishim arritur qe prej disa kohesh, por vetem firma kishte munguar per arsye te karakterit praktik - ka treguar vete lojtari -. Jam shume i kenaqur per kete rinovim, gje qe do te thote se do te duhet te me duroni akoma edhe per pak kohe. Vazhdoj te jem i bindur se qe kete sezon mund te arrij kenaqesi te medha me kete skuader”. Mesfushori luan për kuqezinjte që nga viti 1995, kur u transferua nga Cesena, ndërsa sipas të gjitha gjasave, ai do ta mbyllë karrierën në “San Siro” pasi ne fund te kontrates do te jete 34 vjec.

[Damian1]

Fabregas: S’e di nëse vitin që vjen do luaj me Arsenalin

Kapiteni i Arsenalit, Çesk Fabregas ka mohuar zërat se emri i tij është i lidhur me kandidaturën e Sandër Rosellit për president të ri të Barcelonës

Por njëherësh Fabregas, ka thënë se nuk është i sigurt nëse edhe edicionin e ardhshëm do të luajë në Premier League. Emri i 22-vjeçarit spanjoll vazhdimisht lidhet me Barcelonën dhe Realin, por ai thotë se është plotësisht i përqendruar në paraqitjet e tij në fanellën e Arsenalit.

Roselli është favoriti kryesor për të marrë drejtimin e Barcelonës, pas përfundimit të mandatit të Zhoan Laportës në vitin e ardhshëm, por Fabregas këmbëngul se nuk ka kurrëfarrë marrëveshje me Rosellin. "Deri më tani nuk kam biseduar me askënd rreth çështjes së zgjedhjeve te Barcelona. Këtu nuk ka asgjë të vërtetë”.

“Nuk e di nëse do ta braktis Ligën Premiere në edicionin e ardhshëm. Jam i lumtur te Arsenali dhe ky është një edicion shumë i rëndësishëm për klubin. Nuk kam biseduar ende me askënd rreth kësaj çështjeje, por nëse diçka duhet të ndodh, atëherë sigurisht se do të ndodh, por deri më tash nuk ka asgjë", ka theksuar Fabregas.

Ai ka pranuar se edhe Reali ka treguar interes për shërbimet e tij. "Para dy vjetësh kam pasur disa bisedime me Realin. Skuadra madrilene dhe tifozët e saj vazhdimisht kanë qenë të mirë ndaj meje dhe për këtë arsye gjithmonë do t'u jem mirënjohës. Asnjëherë nuk kam pasur biseda serioze me asnjë klub, që nga koha kur jam bashkuar me Arsenalin", ka përfunduar Fabregas.

[Damian1]

Valeri Bojinov: Italia nuk i ngjan një kampioni bote

Sulmuesi bullgar Valeri Bojinov paralajmëron Italinë që të mos presë ndeshje të lehtë në Torino, dhe është i bindur se do t’i heshtë tifozët italianë.

Të mërkurën mbrëma Italia dhe Bullgaria takohen në Olimpico të Torinos, ndërsa fitorja për Azzurët do të thoshte një hap pranë kualifikimit për Kampionatin Botëror, Afrika e Jugut 2010.

“E ndoqa Italinë duke luajtur kundër Gjeorgjisë, dhe ky nuk është ekipi që unë e mbaj mend. Ne duhet të jemi të qetë dhe t’i shfrytëzojmë shanset tona”.

“Ky nuk është ekipi nga Kupa e Botës, ne i respektojmë të zgjedhurit e Lippit, por nuk ia kemi frikën askujt”, ka thënë Bojinov për “Gazzetta.it”.

[Damian1]

Guus Hiddink mendon për rikthim në Premier League...

Përzgjedhësi i kombëtares së Rusisë, Guus Hiddink, pranon se ai është duke menduar për një rikthim në Ligën Premier pas fundit të Kupës Botërore 2010.

Holandezi, i cili pjesën e dytë të sezonit të kaluar drejtoi Chelsean dhe kaloi disa muaj të suksesshëm në Stamford Bridge, planifikon të marrë një pushim të vogël pas Botërorit që zhvillohet verën e ardhshme në Afrikën e Jugut, por thotë se pëlqen rikthimin në Ligën Premier.

“Në Angli kalova shkëlqyeshëm dhe para se të punoj në Chelsea shpesh i përcillja ndeshjet e Ligës Premier. Më pëlqen të jem në Angli dhe ta shijoj atmosferën. Sigurisht se më mungon, por po ashtu më pëlqen të punoj me djelmoshat në Moskë”, ka thënë Hiddink.

“Anglia është shumë atraktive. Është e veçantë dhe niveli i konkurrencës është shumë i lartë. Por kam nevojë të mendoj nëse do të pushoj disa muaj, gjysmë viti ose një vit, ose më ndryshe. Ende nuk e di”, ka shtuar holandezi.

[Damian1]

Ribery: Milan gaboi me shitjen e Gourcuff, po aq sa me Kakà

Futbollisti francez, Ribery mendon se një tjetër veprim i gabuar i kuqezinjve ka qenë edhe shitja e Gpurcuff te Bordeaux

Gjatë kësaj vere shumëkush e ka vlerësuar të gabuar shitjen e Kakasë nga ana e Milanit dhe pikërisht mungesën e brazilianit e shohin si pasojë të rezultateve të dobëta të klubit kuqezi në fillim të edicionit.

Ndërkohë, futbollisti francez, Frank Riberi, i cili është pjesë e Bajernit të Munihut, mendon se një tjetër veprim i gabuar i kuqezinjve ka qenë edhe shitja e Gurkufit. "Kaka është një futbollist i shkëlqyer, në të cilin bazohet loja e klubit dhe kombëtares së tij. Por, askush nuk e përmend veprimin po aq të gabuar të Milanit, kur e shitën Joan Gurkufin", ka thënë Riberi.

Mesfushori 23-vjeçar francez, Gurkuf erdhi në Milan në vitin 2006, por nuk arriti të ambientohet në Milan. Ai në edicionin e kaluar luajti si i huazuar te Bordo, kurse gjatë kësaj vere klubi francez e bleu kartonin e tij nga Milani. "Duke luajtur me Gurkufin së bashku në kombëtare, e kam ndjerë shpirtin e Zidanit në fushën e gjelbër. Loja e tij është e shkëlqyer. Ai mund të shkëlqejë po aq sa Zidani", ka thënë Riberi.