Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Gati eksodi veror tek Chelsea, do largohen 5 futbollistë

Drejtuesit e klubit të “Stamford Bridge” kanë paralajmëruar ikjen e disa futbollistëve të panevojshëm në fund të sezonit.

Chelsea po përgatit një revolucion Brenda skuadrës dhe do ta materializojë këtë, në fund të sezonit në muajin qershor, me largimin e disa yjeve.

Drejtuesi i klubit londinez Bruce Buck, ka zbuluar për mediat se 5 futbollistë të njohur të “Stamford Bridge” do të lënë skuadrën e Chelsea pas disa muajsh në merkaton verore.

Buck shpreson që paratë e fituara nga shitja e 5 futbollistëve që do të jenë shumë miliona, të përdoren për të sjellë emra të njohur tek Chelsea. Bosi aktual i pankinës, Guus Hiddink ka insistuar se do të largohet në fund të sezonit, por sipas Buck aim und të qëndrojë nëse fiton ndonjë trofe.

Biznesmeni amerikan Buck tha: "Do të ketë hyrje dalje të shumta në skuadër këtë verë. Nuk e di nëse do të jenë 3, 4 apo 5 por ne presim të largojmë ata që nuk nevojiten për ti zëvendësuar me të tjerë” tha Buck.

[Damian1]

Galliani: Ancelotti qëndron vetëm nëse jemi të tretët

Administratori i Milanit ka qenë i qartë në lidhje me largimin e mundshëm të trajnerit duke i bërë presion për rezultatet.

Eksperiences se gjate te Karlo Ancelotit ne krye te Milanit mund t’i kete ardhe fundi. Per here te pare e ardhmja e tij varet nga rezultatet. Ka folur vete zevendespresidenti Galini per kete problem. “Anceloti do te qendroje nese arrin ne fund te szonit vendin e trete.” Nuk eshte thjesht nje pohim, por ulmtimatum.

Sepse eshte ndaluar te gabosh e te mos marresh pjese ne Ligen e Kampioneve. Per here te pare pas shtate sezonesh e gjysme eshte vene ne dyshim e ardhmja e ktij trajneri. Gjithmone jemi mesuar te degjojme “trajneri do te qendroje deri ne perfundim te kontrates…etj ., etj”.

Milani ka ardhur ne kete situate pas zhgenjimeve te njepasnjeshme ne Kupoen UEFA, Kupen e Italise dhe ne Kampionat, ku Interi eshte i shkeputur aq sa eshte e pamendueshme te arrihet.

[Damian1]

Spektakël në Bundesliga, dalin nudo dhe përqafohen në fushë

Episodi i veçantë ka ndodhur në një ndeshje futbolli të Bundesligës së dytë gjermane ku spektakli ka qenë në një tjetër kuptim.

Ne nje ndeshje te Bundesliges se dyte gjermane, dy tifoze te zhveshur kane pushtuar fushen e blerte dhe me pas jane perqafuar.

Behet fjale per dy te dashuruar. Ajo, tifoze e Mynih 1860, ndersa ai, tifoz i St Paulit, skuadres se dyte te Hamburgut.

Kur kane dale ne fushe kane qene te pikturuar me ngjyrat e skuadrave te tyre. Deshmia me e qarte qe “pushtimi” i fushave nuk eshte gjithmone i dhunshem. Ne fushat e sportit eshte pare shpesh nje episod i tille ku njerezit zgjedhin kete proteste per shkaqe te caktuara.

[Damian1]

David Silva, favorit si pasardhës i Nedvedit.

Ranieri zgjedh diamantin e ri për “Zonjën e Vjetër”. Tekniku bardhezi voton për spanjollin: Më pëlqen shumë.

Diego, Riberi, apo David Silva? Cili do të jetë pasardhësi i “skeptrit” të Pavel Nedvedit? Asi 36-vjeçar çek ka vendosur të mbyllë karrierën e tij të shkëlqyer në fund të këtij sezoni, kështu që për merkaton e ardhshme verore, Juves i duhet një zëvendësues në lartësinë e duhur, për të mbetur në nivele të lartë, si në Itali, edhe në arenën evropiane. Treshja e kandidatëve që në javët e fundit po qëndron në plan të parë stimulon jo pak tifon bardhezi. Ndonëse Klaudio Ranieri duket se ka një preferencë të vetën, që do të bëjë gjithçka për ta konkretizuar: “David Silva është shumë i fortë, më pëlqen shumë – ka zbuluar tekniku juventin. - I njoh shumë mirë cilësitë e tij që kur drejtoja Valencian dhe ai luante ende me të rinjtë. Që në atë kohë nuhatja talentin e tij të madh. Është një lojtar i shkëlqyer”. Strategjia e klubit torinez është e qartë dhe nuk lë vend për keqkuptime.

“Një tjetër Nedved nuk ekziston. Pak a shumë të njëjtën gjë këshillova edhe kur isha në Napoli, gjatë vitit të parë post- Maradona. U thashë drejtuesve të mos blinin një numër 10 për të zëvendësuar Diegon, sepse s’do të gjenin një të tillë. Do të duhet të gjejmë një kampion që të përshtatet sa më shumë të jetë e mundur me mekanizmat tanë – ka shpjeguar Ranieri. - Nëse do të jetë e nevojshme, edhe mund të ndryshojmë modul”. Këtu vjen edhe hapja e shtigjeve për Diegon, me trajnerin bardhezi, që për yllin e Verderit preferon të shprehet më i rezervuar, nga sa ndodh me Silvën: “Është një futbollist i madh. Në të dyja sfidat e Kupës UEFA ndaj Milanit më la vërtet një përshtypje të shkëlqyer”. Në fund nuk mund të mungonte një batutë për Riberinë, këtë herë me ton më ironik në krahasim me fjalët e thëna për dy kandidatët e parë, duke lënë të kuptohet se fantazisti francez do ta ketë të vështirë të lëvizë nga Bajerni.

“Riberi? Jam pro ardhjes së tij – ka thënë Ranieri, duke buzëqeshur -. Ashtu si edhe për Kakan e Paton...”. Hapësirë në fjalët e Ranierit ka edhe për kampionatin dhe për ndjekjen e Interit të Murinjos, me të cilin tekniku juventin kishte bërë polemika gjatë verës: “Me Hozenë pata batuta atëherë, por tani është e pamohueshme që po bën një punë shumë të mirë në krye të zikaltërve...”. Po Juve, a mund t’i rrezikojë zikaltrit për fitimin e titullit: “Të tregohemi të ndershëm, ata kanë shpenzuar gjatë viteve të kaluara, për të arritur aty ku janë tani. Ne, megjithatë, duam të përmirësojmë rezultatin e vjetshëm. Luftojmë e vuajmë, duke qenë në garë. Për fazën e fundit synojmë të rikuperojmë të gjithë kampionët e dëmtuar”.

[Damian1]

Sulmohet kombëtarja e kriketit të Sri Lankës, 8 viktima

Një akt terrorist ka njollosur sportin më popullor në Pakistan pasi është sulmuar kombëtarja mike para një ndeshjeje.

Momente terrori ka përjetuar për të paktën 40 minuta kombëtarja e kriketit të Sri Lankës e cila po shkonte për të luajtur një ndeshje në Lahore, në Pakistan.

Një komando prej disa terroristësh të armatosur me granata dhe mitralozë ka sulmuar autobusin e sportistëve që po shkonte në stadiumin e qytetit.

Në atentat janë vrarë të paktën 5 policë vendas, 3 kalimtarë dhe janë plagosur 6 sportistë të kombëtares së Sri Lankës si dhe zëvendëstrajneri anglez. Atletët miq ishin ftuar në Pakistan pasi më parë kombëtarja indiane dhe ajo australiane kishin anuluar vizitën.

Në stadiumin “Gaddafi”, autobusi është sulmuar me armë dhe sipas burimeve locale u përjetua një kasaphanë. Mes të plagosurve edhe Paul Farbrace, trajner britanik.

[Damian1]

Gattuso: Periudha më e vështirë në 25 vitet e fundit për Milan

Mesfushori i Milanit, Gennaro Gattuso, thotë se kuqezinjtë janë në krizë e cila mbase është më e keqja në 25 vitet e fundit.

Është i dëmtuar prej javësh por kur e sheh Milanin në këtë gjendje, ndihet mjaft keq.

Mesfushori italian Gattuso ka thënë se situate nuk është e mirë tek klubi kuqezi pasi humbjet dhe skualifikimet po i japin një imazh të keq.

“Situata nuk është e mirë. Ne përjetojmë momentet më të këqija në historinë e Milanit në 25 vitet e fundit. Duhet të bëjmë gjithçka për të arritur në Ligën e Kampionëve”, ka thënë Gattuso.

“Do të ishte tragjedi nëse e humbin sërish. Do të ishte e vështirë, pasi kemi edhe 12 ndeshje përpara, që kërkojnë shumë, por nëse luajmë siç duhet të luajë Milani, nuk do të kemi probleme”, ka shtuar italiani.

[Damian1]

Milani ka vendosur të kursejë, -30% pagat e futbollistëve

Skuadra e kuqezinjve ka nisur të tregojë efektet e krizës globale, për herë të parë në epokën e Silvio Berlusconi do të ketë shkurtime.

Një kufi për pagat dhe një shkurtim të shpenzimeve. Kjo do të ndodhë në pak ditë tek Milani që tani do të ketë më pak miliona për të shpenzuar, si masa e parë financiare në kohën e Berlusconit.

Do të ketë një shkurtim prej më shumë se 30% që është vendosur nga pronari Silvio Berluskoni si një efekt i radhës që ka shkaktuar kriza ekonomike edhe në futboll.

Sipas mediave, janë ngrirë edhe tratativat për danezin Agger ndërsa drejtuesit po mendojnë që pasardhësi i Maldinit të vijë me koston zero.

Futbollistët dhe agjentët e tyre janë informuar për shkurtimin ekonomik dhe masat e marra. 120 milionë Euro paguajnë Inter dhe Milan për pagat vjetore ndërsa Juventus 115 milionë. por kuqezinjtë mund të zbresin në vendin e tretë pas shkurtimit.

[Damian1]

Luka Modric kritikon Cristiano, por ai mendon për “flakën” e re

Mesfushori kroat ka sulmuar fituesin e Topit të Artë pasi sipas tij ai simulon në fushë. Por Cristiano mendon për të dashurën e tij të re.

Është një aktor i mirë për teatrin. Nuk ka menduar të kujdeset për fjalët e rënda mesfushori kroat Luka Modric në lidhje me portugezin e Manchester United, Cristiano Ronaldo. Futbolisti ballkanas i Tottenham nuk e duron dot simulimin e Ronaldos në fushë, dhe sjelljen josportive të luzitanit.

Praktikë e cila sipas kroatit, “Topi i Artë” e bën shpesh. Referimi sipas Modric i bëhet edhe kartonit të verdhë që mori Ronaldo në finalen e Carling Cup ku pas një simulimi, arbitri Chris Foy ndëshkoi portugezin.

“Ronaldo po e ekzagjeron me këto simulime. Në Angli është një rregull, loja e ndershme dhe nuk shkojnë këto sjellje të Ronaldos” tha Modric.

NGUSHELLIMI – Për momentin Cristiano Ronaldo po ngushëllohet me të bukurën Gabriela, 27 vjeçaren braziliane që është instruktore fitness. Ajo është flaka e tij e fundit. “Gabi” ka kaluar një javë të zjarrtë në vilën e portugezit dhe nuk i ka shpëtuar paparacëve.

[Damian1]

Mourinho: Manchester do fitojë Premier League, jo Champions

Trajneri i Interit ka thënë se United do të jetë sërish në majën e Premier, por në Europë tha se Inter mund të kualifikohet.

Portugezi Jose Mourinho ka njohur forcën e Manchester United dhe ka thënë se ai ekip është i pandalshëm në rifitimin e titullit në Premier League.

Liverpool është një hap pas ndërsa Chelsea ka njohur vetëm fitore me trajnerin Guus Hiddink por portugezi mendon se nuk ka rivalë për United.

"Guus ka bërë një start të mirë me Chelsea dhe do të udhëheqë skuadrën në shumë suksese. Por Manchester është larg dhe e ka hipotekuar titullin” tha Mourinho. Javën tjetër Inter do të luajë me Manchester por këtu Jose mendon se gjërat do të jenë më të vështira për “Red Devils”.

“Champions League do të tregojë shumë mbi fortësinë e skuadrave. Favorite janë Inter, Barcelona dhe Manchester” tha Mourinho. “Ka 4 lojtarë që spikasin në botë. Ibrahimovic, Cristiano Ronaldo, Lionel Messi dhe Kaka,. Unë kam një prej tyre, Zlatan” tha trajneri i Interit.

[Damian1]

UEFA, kundër Ligës Ballkanike. Platini: Eshtë ende shpejt

Presidenti i UEFA-s nuk e ka hedhur poshtë idenë e krijimit të një Lige Ballkanike të përbashkët, por sipas tij është ende shpejt për këtë.

Një Ligë Rajonale e futbollit në Ballkan, skuadrave të të cilit do t’u jepej mundësia të hynin në kompeticionet europiane, është e mundur vetëm në një të ardhme të largët. Ka qenë kjo deklarata e presidentit të UEFA-s Mishel Platini, që nga Beogradi, pas takimeve me presidentin e Federatës Serbe Tomislav Karaxhiç dhe zyrtarët e qeverisë. “Nuk jam totalisht kundër kësaj ideje. Por, kjo nuk do të thotë se jam automatikisht pro saj. Për momentin, Statuti i UEFA-s nuk e lejon një opsion të tillë.

Ai kërkon një futboll të përbashkët dhe projekte politike nga vende të ndryshme të rajonit, përveçse një unifikim të qëndrimit. Nëse këtu ka disa palë të interesuara për një projekt të tillë, atëherë Komiteti Ekzekutiv i UEFA-s do të përgatitet për të marrë një vendim”, deklaroi Platini. Numri 1 i futbollit në Evropë e quajti iniciativën interesante, pasi një Ligë e tillë do t’u japë mundësi ekipeve ballkanike që të ndeshen në nivele të larta me rivalët e tyre të Evropës Perëndimore.

Zyrtarët e futbollit nga ish-republikat jugosllave, kryesisht Serbia dhe Kroacia, kanë hedhur idenë për krijimin e një lige të përbashkët në Ballkan. Ideja megjithatë ka hasur kundërshtime të shumta, duke parë se raportet mes vendeve të Ballkanit janë gjithnjë të tensionuara dhe konfliktet të herëpashershme.

Madje, disa ndeshje derbi në Gadishull përfundojnë me akte të rënda dhune. Edhe Presidenti i Federatës Serbe Tomislav Karaxhiç pranoi se tifozët në Serbi dhe Ballkan ende nuk janë gati për një Ligë të tillë, duke qenë se UEFA nuk i toleron sjelljet e dhunshme.