Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Euro 2012, dalin nente kreret e serive

Italia, Franca, Spanja, Gjermania, Holanda, Anglia, Rusia, Kroacia dhe Danimarka jane nente skuadrat qe do te jene ne krye te serive gjate terheqjes se shortit per formimin e grupeve kualifikuese per Euro 2012-en.
Lajmin e ka bere te ditur UEFA. Me 7 shkurt 2010 ne Varshave do te formohen gjashte grupe te perbera nga gjashte skuadra secila dhe tre grupe me nga pese skuadra.

Euro 2012 do te jete edicioni i fundit i turneut kontinental me 16 skuadra. Nga 2016-ta do te kalohet me 24 pjesemarres.

[supervisor91]

Leonardo: Jo revolucion me Marsejen

“Nuk do te kete asnje revolucion ne menyren se si do te luajme”. Keshtu eshte shprehur Leonardo per ndeshjen e ardhshme te Milanit me Marsejen.
“Kjo eshte gara jone, eshte ajo ku kemi bere nje kthese te jashtezakonshme. Duhet krenari dhe vetedijshmeri per mjetet tona dhe pres nje sjellje te pershtatshme. Eshte bukur te kthehesh. E dime se cdo te thote te jesh duke pare te tjeret teksa luajne, por jam shume i qete pasi pergjigjja do te jete pozitive”, eshte shprehur trajneri kuqezi.

[supervisor91]

Vllaznia, Fushaj pergatit gjobat

Dy humbje ne tri javet e para te Kategorise Superiore jane rezultate qe nuk i shkojne aspak per shtat nje skuadre pretendente per titullin.
Pas disfates se fundjaves ne fushen e Kastriotit, drejtuesit e Vllaznise kane pergatitur masat ndeshkimore per lojtaret. Sipas burimeve prane klubit shkodran, presidenti Valter Fushaj eshte i pakenaqur nga pjesa me e madhe e titullareve dhe po mendon t’i gjobise. Por, ndryshe nga heret e tjera, shifra qe do t’u mbahet futbollisteve nga rroga do te jete individuale: duke marre si reference paraqitjen ne takimin e humbur ne Kruje.

I pari ne listen e atyre qe do te penalizohen financiarisht eshte kapiteni Vioresin Sinani, i cili nuk ishte ne nivelet e zakonshme.

“Ne tri javet e para, drejtuesit jane mjaft te zhgenjyer nga skuadra. Humbja ne Kavaje u cilesua si nje aksident qe edhe mund te ndodhe, pasi ishte java e pare e kampionatit dhe grupi kishte ende nevoje te permiresohej, duke pare edhe levizjet e merkatos se veres. Me pas erdhi fitorja e veshtire me Apolonine, ku tri piket bene qe loja jo e kenaqshme e Vllaznise te lihej disi ne “harrese”.

Por humbja me Kastriotin tregoi se kuqeblute kane nevoje per nje shkundje. Nje ekip qe synon te jete ne garen per titullin, nuk mund t’ia lejoje vetes te humbase ne çdo dy ndeshje”, pohuan burimet konfidenciale.

Gjobat per paraqitjet e dobeta shihen nga Fushaj si menyra e vetme me te cilen skuadra do te ndryshoje sjelljen ne fushen e lojes. Mbi te gjitha per faktin se ne Shkoder kjo eshte java kur lojtaret do te paguhen.

Behet e ditur se nga lojtaret qe u aktivizuan te shtunen, zemerimit te drejtuesve i kane shpetuar vetem kater lojtare: portieri Grima, i cili ishte me i miri per Vllaznine, mbrojtesit Elvin Beqiri dhe Mrvaljevic dhe mesfushori Nallbani. Ata do te paguhen normalisht perpara super-sfides se fundjaves me Dinamon.

Ndersa per pjesen tjeter te ekipit u mendua qe rrogat te shperndahen vetem pas takimit me blute. Ne baze te rezultatit te kesaj sfide, do te percaktohet perfundimisht shifra e sakte e gjobave per secilin nga lojtaret, ose nese klubi do te “mbylle nje sy”. Ne te gjithe kete situate, natyrisht qe nuk mund te perjashtohej edhe trajneri. Ne “Loro Boriçi” ka edhe mjaft pakenaqesi per punen e Hasan Likes.

Ky i fundit mori persiper pergjegjesite e tij pas humbjes ne Kruje, madje deklaroi se “jam i gatshem te perballem me çdo vendim te klubit, por situata qe po kalojme duhet analizuar ne teresi”.

Gjithsesi, tekniku nuk rrezikon te largohet, te pakten deri ne fundjave, ku duhet me patjeter te fitoje perballe Dinamos kryesuese. Kjo edhe sepse ndryshimi i stolit perpara nje ndeshjeje kaq te rendesishme mund te prishe edhe me shume ekuilibrat delikate brenda grupit.

[supervisor91]

Kombetarja, miratohet premio 40 mije euro

Ashtu sikurse u be e ditur menjehere pas barazimit me Danimarken, FSHF vendosi te shperbleje Kombetaren shqiptare per piken e marre me kryesuesit e grupit 1 eliminator.
Komiteti Ekzekutiv miratoi propozimin per premion me vlere rreth 40 mije euro. Fillimisht shuma qe do t’u shperndahej lojtareve kuqezi dhe stafit teknik mendohej se do te ishte 30 mije euro, ashtu siç parashikohej ne projektin e shperblimeve per rezultate.

Por, duke pare shkallen e larte te veshtiresise se kesaj ndeshjeje, paraqitjen shume te mire te skuadres ne pjesen e dyte dhe faktin se rezultati pozitiv i sherben klasifikimit europian dhe qendrimit ne vazon 4 per shortin e Euro 2012, federata “hapi thesin”. KE miratoi gjithashtu edhe 10 mije euro shperblim per perfaqesuesen Under-21, pas fitores 1:0 me Azerbajxhanin.

[supervisor91]

Haxhi pritet te debutoje ne Champions

Altin Haxhi pritet te beje sot debutimin ne fazen e grupeve ne Champions League, kur Apoel Nikosia do te luaje ne “Vincente Kalderon” kunder vendasve te Atletiko Madrid.
Ne fakt, Apoel Nikosia nuk ka ndonje bilanc te mire ne kompeticionet europiane: 30 fitore ne 102 takime, ku 50 prej tyre jane humbje e 22 barazime.

Klubi qipriot merr pjese per here te pare ne fazen finale te ketij kompeticioni, ndersa nje vit me pare e kishte thyer kete tabu Anorthosis Famagusta i Arjan Beqajt. Trajneri i portiereve te Apoelit eshte Foto Strakosha.

Per sa u perket lojtareve shqiptare, te cilet jane aktivizuar ne fazen e grupeve te Champions League, keta jane vetem pese: Lorik Cana (Olimpik Marseje, 2 gola), Besart Berisha (Hamburg, 1 gol), Besnik Hasi (Anderleht), Arjan Beqaj (Anorthosis Famagusta) dhe Kliton Bozgo (Maribor 1 gol).

[supervisor91]

Beckham kap per fyti kundershtarin

David Beckham humb kontrollin e kjo eshte nje gje qe nuk mund ta shohesh cdo dite.
Te dielen ne fund te nje ndeshje e kapi ne fyt kundershtarin dhe e shtrengoi me te gjithe forcen.

Nuk dihet cfare ka menduar ne ate moment 34-vjecari ish-milanist ne takimin ndaj Dallas, ku skuadra e tij Los Angeles Galaxy humbi me rezultatin 3-6.

Krize nervash

Tashme mund te flitet per krize nervash per David Beckham. Pas nje kartoni te kuq te marre nje muaj me pare ne nje faulli te ashper ndaj Peter Vagenas, te Seattle Rounders, kesaj radhe "Spice boy" ka bere nje tjeter figure te keqe.

Ne fund te takimit futbollisti ka kapur nga fyti kundershtarin, Daniel Hernandez.

Zhgenjim i trajnerit

"Do te ishte me mire nese Beckham do ta tregonte gjithe kete grinte ne ndeshje". Keshtu komentoi trajneri i Galaxy, Bruce Arena.

Beckham nuk ka marre asnje karton, po gjesti i cuditshem mund t'i shkaktoje ndonje stop.

[supervisor91]

Brus i ben thirrje Canes te qetesohet

Prej kohesh kishte theksuar se menyra e tij e lojes ishte adapte per Premier League, por me ne fund endrren e tij ka mundur ta realizoje vetem ne meriton e veres, kur u transferua te Sanderlendi per 5.8 milione euro.
Behet fjale per Lorik Canen, futbollistin e Kombetares kuqezi, i cili vazhdon te beje jehone ne kampionatin anglez ne kete fillim sezoni me paraqitjet shume te mira ne 5 ndeshjet.

Thuajse ne te gjitha takimet ai ka qene nje nder me te miret ne fushe per skuadren e tij. Ne lojen e tij dominon grinta, por edhe agresiviteti ne shkaterrimin e aksioneve te kundershtareve. eshte pikerisht ky i fundit, ai qe duket se po i kthehet ne nje problem i cili mund t’i kushtoje, pasi ne 5 takime eshte ndeshkuar me tre kartone te verdhe (me 5 kartone mbush numrin e skualifikimit).

Per kete arsye, trajneri i Sanderlendit, Stiv Brus, keshillon mesfushorin shqiptar te frenoje instinktet agresive, nese deshiron t’u shpetoje pezullimeve gjate ketij sezoni. Futbollisti i Kombetares se Shqiperise, pas kalimit te tij nga nenkampionia e Frances, Marseja per te Sanderlendi, brenda nje kohe shume te shkurter eshte shnderruar tashme ne nje idhull ne “Stadiumin e Drites” (stadiumi i skuadres se tij te re), shkruante dje faqja ne internet e “Sky Sports”.

Mesfushori 26-vjeçar ka demonstruar nje performance te shkelqyer dhe plot grinte ne te gjitha ndeshjet, duke u shnderruar keshtu ne lojtarin me te preferuar nga tifozet e “Maceve te Zeza”, dhe pikerisht per kete arsye i eshte dhene edhe shiriti i kapitenit te kesaj skuadre.

Megjithate, loja e tij shume luftarake e ka bere te pashmangshem ndeshkimin e tij me tre kartone te verdhe ne 5 takimet e para te Premier Leagues, prandaj trajneri mendon se kapiteni shqiptar do te duhet t’i frenoje instinktet e tij agresive, me qellim qe te shmange kartonet dhe per rrjedhoje pezullimet e shumta. “Ky eshte kartoni i tij i trete i verdhe, paralajmeron tekniku Brus pas ndeshjes se fituar te shtunen me rezultatin 4-1 ndaj Hull Sitit.

Duhet te kujtojme se eshte vetem fillimi i sezonit dhe me shume gjasa ai do te kthehet ne nje çeshtje per ne. Do te ishte e kote te thosha se ai perpiqet te jape gjithnje me te miren ne fushe. Nuk e kam bere kot kapiten te skuadres.

Sigurisht qe ai duhet te perpiqet te frenoje instinktet agresive. Une e di qe ai eshte thjesht i mbushur me entuziazem dhe perpiqet te beje me te mire, pasi luan ne Premier League.

Te gjithe i kane treguar se sa e veshtire eshte te luash ne Angli, dhe ai vazhdon ta perballoje me sukses nje gje te tille. Ai ka nje menyre te mire loje. I duhet te kujdeset me shume per kartonet e verdhe, por une ju siguroj qe ai ketu do te jete nje idhull per te gjithe”, perfundon trajneri i Sanderlendit.

[Damian1]

Ancelotti: Chelsea mund të triumfojë në Champions League

Trajneri i Çelsit, Karlo Ançeloti beson se skuadra e tij zotëron cilësitë e mjaftueshme për ta fituar Ligën e Kampionëve në këtë edicion

Lideri i tanishëm i Premier Ligës e nis fushatën në Ligën e Kampionëve sot në "Stamford Bridge" kur do të takohet me ekipin e Portos.

Çelsi në edicionet e fundit ka pasur paraqitje shumë të mira në garën elite të Evropës, por nuk ka arritur ta fitoi ende këtë trofe. Në vitin 2008, Çelsi pësoi humbje nga Mançester Junajtedi në Moskë. Ançeloti beson se këtë edicion gjërat do të shkojnë më mirë. "Çelsi ka qenë në gjysmëfinale në gjashtë vitet e fundit.

Roman Abramoviç ka bërë një skuadër të fortë, por ende nuk e ka fituar këtë trofe, megjithëse ishin shumë afër. Mendoj se ka ardhur koha për ta fituar këtë trofe. Dy vite më parë kjo skuadër ishte vetëm një penallti larg këtij trofeu. Tani kushtet janë edhe më të mira dhe duhet të provojmë sërish për ta fituar këtë trofe", ka përfunduar Ançeloti.

[Damian1]

Zlatan Ibrahimovic dëshiron të shënojë kundër Interit

Sulmuesi i Barcelonës, Zlatan Ibrahimovic, dëshiron të shënojë gol kundër ish-skuadrës së tij Inter, të mërkurën mbrëma në Giuseppe Meazza.

“Do të bëj gjithçka që të shënoj kundër Interit, sepse tash luaj për Barcelonën”.

“Do të shkoj në San Siro (Giuseppe Meazza) që të jap më të mirën nga vetja dhe shpresoj se do të fitojmë. Njerëzit i dinë kualitetet e mia dhe për mua është obligim që ta fitoj çdo ndeshje”.

“Besoj se Interi është ndër favoritët për ta fituar Ligën e Kampionëve dhe jam i sigurt se një ditë do ta fitojë”, ka thënë Ibracadabra për “Gazzetta.it”

[Damian1]

Galliani nuk pendohet për shitjen e Yoann Gourcuff

Zëvendëspresidenti i Milanit, Adriano Galliani, thotë se Milani ka përfituar me shitjen e Yoann Gourcuffit te Bordeaux, prandaj ai nuk ndjehet i penduar për shitjen e tij.

“Nuk pendohem që e kemi shitur. Duhet të fillojmë nga e para. Milani ka besuar në aftësitë e Gourcuffit, e blemë tre milionë euro dhe e shitëm 15 milionë euro...”.

“Kam folur me të para se të vendoste që të shkojë te Bordeaux. Ai më tha se frikësohej se mos mbetet rezervë te Milani. Kjo është arsyeja kryesore (e shitjes së tij)”, tha Galliani për SkySport24.