Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Alex Ferguson kërcënon me përjashtime te Manchester

Trajneri i “Red Devils” ka thënë se do të penalizojë ata lojtarë që e mendojnë titullin sit ë fituar dhe nuk impenjohen.

E ka treguar edhe më parë disiplinën e hekurt dhe këtë e ka përsëritur edhe këtë mesjavë. Trajneri skocez sir Alex Ferguson ka kërcënuar yjet e skuadrës së Manchester United se mund të mbeten jashtë nëse do të neglizhojnë në fushë.

“Red Devils” janë në vendin e parë dhe kanë dy ndeshje më pak se ndjekësit por kjo nuk e bën Ferguson që të humbë vigjilencën. “Ndonjë që mendon se lufta ka mbaruar do ta shohë veten jashtë skuadrës”.

“Kemi futbollistë të mjaftueshëm dhe nuk do të na bëjë dëm nëse do ta quajnë titullin të fituar. Unë do ti lë jashtë ata që nuk vlerësojnë ndeshjet” tha Ferguson.

[Damian1]

Mendova se do na e merrte hakun Interi,si kusherinj qe i kemi po ce do qe u zhdapen me keq se ne Sampdoria-Inter 3-0.

[Damian1]

Interi do të ishte në vendin e katërt pa ndihmën e gjyqtarëve

Sipas një studimi në Itali, tabela do të dukej më ndryshe po të mos kishte pasur gabime të gjyqtarëve

Në Serie A sërish ka plasur çështja e ‘gabimeve të gjyqtarëve’ si rezultat i barazimit të fundit ndërmjet Interit dhe Romës, ku është akorduar një penallti e pa qenë në dëm të Giallorossëve.

Në bazë të një mbikëqyrjeje të realizuar nga “Observations on Arbitration Errors” në bashkëpunim me “Adiconsum”, që nga fillimi i sezonit 2008/2009, 171 pikë do të ishin të riaranzhuara po të mos bëheshin 163 gabime të vërtetuara deri më tani.

Në mënyrë hipotetike, Milani vendoset në pozitën e parë me 53 pikë, ndërsa Fiorentina do të ishte në vendin e dytë me 51 pikë. Ndërkohë, Jventusi do ta kishte zënë vendin e tretë pasi ka pasur disa gabime të vogla në favor të tyre, derisa Interi do të ishte në vendin e katër me 11 pikë më pak saqë ka tani.

[Damian1]

Maradona dhe Messi mes dëshirave të sheikut të City

Manjati arab i City tani kërkon dyshen argjentinase të njohur për të qenë pjesë e klubit të Premier League.

Sheiku Sulejman Al Fahim ëndërron që t’i shohë Diego Maradonën dhe Lionel Messin te Manchester City. Pronari i Cityt që nga blerja e klubit ka shprehur dëshirë për t’i pasur të gjitha yjet në skuadër, ndërsa tani ka zbuluar dëshirën e tij që një ditë dëshiron ta ketë Maradonën si president të klubit, ndërsa Messin si lojtarin kryesor të skuadrës.

“Nuk e di nëse Diego Maradona do të jetë një trajner i mirë. Ajo që unë mendoj është se ai duhet të qëndrojë në pozitën e kryetarit të klubit, dhe ta ketë të drejtën të zgjedhë dhe të blejë lojtarë”.

“Kurrë më parë nuk kam bashkëpunuar me Maradonën, por shpresoj që kjo të ndodhë së shpejti. Ndërsa Messi është një lojtar, i cili më detyron ta dua sërish përfaqësuesen e Argjentinës”, ka thënë Al Fahim për agjencinë “DPA”.

[Damian1]

Ronaldo është rikthyer, por “fenomeni” akoma mungon

Sulmuesi brazilian ka bërë debutimin me skuadrën e Corinthians në një ndeshje për kupën e Brazilit por ende nuk është në formë.

Debutimi që pritej aq shumë ka ndodhur dhe ashtu siç e paralajmëroi trajneri i Corinthians, braziliani Ronaldo ka qenë në fushë në ndeshjen e kupës ndaj Itumbiara.

Sulmuesi latin është rikthyer në një ndeshje zyrtare pas 387 ditësh pasi pësoi edhe dëmtimin e rëndë në gjurin e majtë.

Episodi që kushtëzoi Ronaldon ishte Milan-Livorno në 13 Shkurt të vitit 2008. Sulmuesi brazilian hyri në minutën e 22 të pjesës së dytë por ishte larg emrit Fenomen. Ai luajti me pak topa duke treguar shumë dëshirë por formë fizike të dobët.

E keqja e tij ka vazhduar edhe në një konferencë shtypi kur është goditur aksidentalisht nga një mikrofon ndërsa po largohej mes shumë gazetarëve dhe kameramanëve.

[Damian1]

Tjetër skandal në Premier League, arrestohet Ashley Cole

Futbollisti i njohur i Chelsea ka përfunduar pas hekurave pasi është grindur me policët dhe ngiste makinën i dehur

Kanë rënë sërish në grackën e policisë dhe sërish janë bërë pritagonistë në të keq. Futbollistët e Premier League kanë dhuruar një tjetër incident, kur këtë radhë është arrestuar Ashley Cole.

Mbrojtësi i kombëtares angleze dhe Chelsea u vu në pranga pasi drejtonte makinën në një gjendje të dehur pranë një pubi të njohur “The Collection” në Londër, në zonën e perëndimit.

Ashley Cole ndodhej në shoqërinë e emrave të tjerë të njohur në futboll, lojtarëve të Chelsea, John Terry dhe Michael Mancienne. Futbollisti Ashley Cole që fiton 82,000 Paund në javë mbeti 3 orë në burg dhe më pas u lirua.

[Damian1]

Cech: Fati i mirë i Manchesterit do të ndryshojë në fund

Portieri i Chelsea, Petr Cech, ka paralajmëruar Djajtë e Kuq se fati i mirë i tyre me siguri do të ndryshojë deri në fund të sezonit

“Në çdo garë, secili ekip mund ketë një ditë të keqe, ose fat të keq. Mund të goditni shtyllën tre herë ose të pranoni gol dhe jeni jashtë. Kjo është gjithmonë e mundshme. Ju duhet një moment dhe një fat i mirë dhe të luani mirë ta arrini atë”, ka thënë Cech.

Cech kujton si shembull rastin e Chelseat në vitin 2005 nën urdhrat e Jose Mourinhos. Blutë fituan Kupën Carling dhe Premierligën por iu mohua një vend në finalen e Ligës së Kampionëve nga një gol i dyshimtë i Luis Garcias për Liverpoolin në Anfield.

“Ne i dimë këto momente. Në gjysmëfinalen e Ligës së Kampionëve në Liverpool, ne pranuam një gol që mbase kurrë nuk ishte. Mund të diskutoni kurdo, nëse ishte apo jo, por rezultati mbetet i njëjti dhe ne u eliminuam”, ka shtuar portieri çek.

[Damian1]

Braziliani Kakà kalon në “sulm” me gruan e tij Caroline

Foto e “vjedhur” nga megafesta e stilistëve “Dolce & Gabbana” ku fantazisti i Milanit zgjat duart drejt gruas së tij simpatike.

Është prej javësh i dëmtuar për një problem me këmbën e majtë por Kakà, duke mos patur mundësi që të sulmojë në fushë, e bën këtë në megafestë e “D&G” dhe me gruan e tij Caroline. Këtë e vërtetojnë fotot e marra në javën e modës ku braziliani puth dhe përkëdhel në një mënyrë të pazakontë, gruan e tij.

Si dy të dashur në puthjen e parë, Ricardo dhe Caroline që janë martuar prej 4 vjetësh dhe kanë një fëmijë, kishin sy vetëm për njëri tjetrin. Ata janë gjithmonë të rezervuar dhe larg festave mondane.

Por në festën e “D&G” ata janë shfaqur të dy në mënyrë madhështore. Kakà elegant me të zeza dhe Caroline me taka të holla dhe një fustan të shkëlqyer.

[Damian1]

Beckenbauer paralajmëron Bayern: Ribery do të largohet

Presidenti i klubit bavarez ka paralajmëruar tifozët dhe drejtuesit e tjerë se mesfushori francez kërkon largimin

Francezi Franck Ribery largohet gjithmonë e më shumë nga Bayern Munchen. Deklaratat e asit francezit së fundmi, që kritikoi shokët e skuadrës kanë gjetur iso edhe tek presidenti Franz Beckenbauer si një sinjal i qartë i lamtumirës.

"Franck i thotë këto gjëra me një objektiv në mendje” tha “Kaiser” për gazetën Bild. “Ai kërkon të largohet dhe për këtë e drejton gishtin nga klubi. besoj so do transferohet në verë” tha Beckenbauer.

"Bayern është prej kohësh i varur nga ai” tha presidenti bavarez. Nga fjalët e tij u dukën edhe shpresat e fundit për ta mbajtur, të cilat po veniten. Barcelona, Real dhe Manchester United janë në linjë të parë.

[Damian1]

Ranieri: Murinjo? Mendoj vetëm për derbin.

Trajneri i Juventusit dhe skuadra e tij janë të përqendruar për sfidën e sotme me Torinon.

“Pranoj çdo gjë që kam deklaruar në ditët e kaluara. Përsa i përket të tjerave nuk mund të them asgjë tjetër, pastaj ndryshe nga disa të tjerë nuk mund shpreh të gjitha ato që mendoj. Kjo është një çështje autokontrolli”. Klaudio Ranieri, trajneri i Juventusit, në prag të derbit kundër Torinos nuk ka dashur t’i rikthehet polemikës me Murinjon dhe Interin. Për më shumë, në orët e fundit Ranieri është shumë i shqetësuar edhe nga dëmtimi i pësuar në stërvitjen e fundit nga mbrojtësi çek, Zdenek Grigera, i cili do të mungojë sot në mbrëmje. Gjithsesi, Zebina dhe Salihamixhiç janë rikuperuar dhe gati për të zëvendësuar Grigeran.

“Do të gjejmë përballë një Torino shumë të karikuar, kompakte dhe agresive në të njëjtën kohë – thekson Klaudio Ranieri – Pastaj në një derbi, renditja apo çdo diferencë tjetër që mund të ekzistojë mes dy skuadrave shumëzohet me zero. Ekipi i Novelionos ka në përbërje lojtarë të shkëlqyer të cilët i respektojmë. Ndonjë rotacion për ndeshjen me Çelsin? Besoj se cilido nga lojtarët e mi kërkon të mos mungojë në këtë derbi, por gjithsesi, formacionin e vendos unë. Grigera? Është dëmtuar në stërvitjen e fundit, ndërkohë që Nedved është gati të zbresë në fushë. Trezege gjithashtu është gati, por nuk kam vendosur ende asgjë mbi formacionin titullar anti- Torino”, përfundon trajneri i Juventusit, Klaudio Ranieri.