Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Diego: Jemi të bindur për skudeton

Ylli i Juventusit, Diego, thotë se bashkë-lojtarët e tij janë të bindur se ata mund ta fitojnë skudeton këtë sezon.
Mesfushori brazilian pret të jetë i gatshëm për takimin e sotëm ndaj Genoas, pas lëndimit të lehtë që e atë jashtë fushe dhjetë ditë.“Ekipi është bindës dhe i motivuar. Fitorja e të shtunës na ka mundësuar të mbajmë kreun e tabelës dhe kjo është ajo që fansat presin nga një ekip si Juventusi”, ka thënë Diego.“Ne jemi të bindur se mund ta fitojmë kampionatin dhe bëjmë gjithçka për të arritur objektivat tanë”, ka shtuar braziliani.

[OVES12]

Ronaldo kërkon gol kundër Villarrealit

Cristiano Ronaldo mund ta shkruajë veten në librin e rekordeve të Real Madridit sonte, duke shënuar kundër Villarrealit në El Madrigal.
Pasi tashmë ka thyer rekordin e transferimeve, me lëvizjen e tij nga United në Real që kushtoi plot 94 milionë euro, Ronaldo tash kërkon të bëhet lojtari i parë në historinë e klubit mbretëror që shënon në katër ndeshjet e para në La Liga për klubin.Ronaldo shënoi dy herë në fitoren e të dielës ndaj Xerez, pasi kishte shënuar edhe në fitoret kundër Deportivo La Coruna dhe Espanyol dhe tash një gol në Madrigal do të bënte që ai ta arrinte rekordin.Ylli i Barcelonës, Zlatan Ibrahimovic, një prej rivalëve të Ronaldos për titullin e golashënuesit më të mirë, tashmë ka shënuar gola në të gjitha katër ndeshjet e para të sezonit në kampionatin spanjoll.

[OVES12]

Totti kishte menduar Milanin në moshën 12 vjeçare

Ish-agjenti i kapitenit të Romës, Francesco Tottit, ka zbuluar se lojtari ka mundur të nënshkruajë për Milanin kur kishte 12 vjet.
“Kur Francesco ishte 12-vjeçar, përfaqësues të Milanit erdhën me ofertë prej 150 milionë funtesh. Oferta i bëri familjarët e tij të derdhin lot dhe të më pyesin se çfarë duhet të bëjnë. Unë thash se Francesco ishte si asnjë tjetër”, ka thënë Stefano Caira.“Në moshën 18-vjeçare, Roma bëri ofertë profesionale duke i ofruar 50 mijë funte në vit, derisa Nike e bëri atë zëdhënës me 300 mijë funte”, ka shtuar ai.Caira ka zbuluar se raporti i tyre u thye kur erdhi një mega-ofertë nga Adidas, të cilët Totti e kishte refuzuar.

[OVES12]

Alves: Messi meriton çmimin e Lojtarit të Vitit

Mbrojtësi i Barcelonës, Daniel Alves, beson se bashkë-lojtari i tij Lionel Messi duhet të mbajë në duar trofeun e Lojtarit të Vitit pas 12 muajve impresive me klubin katalanas.
Braziliani beson se sulmuesi argjentinas është më i mirë në botë, pasi ndihmoi ekipin të fitojë tre tituj sezonin e kaluar, ndërsa vazhdon me formën e shkëlqyeshme edhe këtë fillim sezoni.“Për të qenë më i miri në botë, duhet të jesh më ndryshe dhe Messi është i tillë në çdo ndeshje. Ne shpresojmë ai t’i fitojë të gjithë çmimet për lojtarin më të mirë”, ka thënë Alves për faqen zyrtare të klubit.

[OVES12]

Ibra mund të mungojë kundër Malagas

Sulmuesi i Barcelonës, Zlatan Ibrahimovic, mund të mungojë në ndeshjen e fundjavës kundër Malagas, pas lëndimit që pësoi në ndeshjen e të martës mbrëma në El Sardinero kundër Racing Santander.
Boshnjaku me pasaportë suedeze ka lënduar nyjën në ndeshjen të cilën Barca e fitoi me rezultat 4-1, prandaj ka nevojë për pushim, ashtu që të shërohet lëndimi i tij. Sipas faqes zyrtare të Blaugranëve, Ibra do t’u nënshtrohet ekzaminimeve të mëtutjeshme, dhe pastaj ekipi mjekësor do të vendosë nëse do ta lejojë që të luajë të shtunën mbrëma në La Rosaleda kundër Malagas.

[OVES12]

Messi: Nuk mund ta fitoj ndeshjen vetë

Lionel Messi ka reaguar ndaj kritikave dhe spekulimeve, për performancën e dobët me Argjentinën, dhe njëkohësisht ka mohuar thëniet se raportet e tij dhe Maradonas janë përkeqësuar.
“Nuk është e vërtetë se ai (Maradona) nuk flet me mua. Raportet tona janë të shkëlqyera dhe ai është i mirë me të gjithë lojtarët”, ka thënë Messi për një radio argjentinase. Messi është akuzuar se nuk e tregon me Argjentinën atë që e tregon me Barcelonën. “Nuk mund të bëhen krahasime të tilla, sepse te Barcelona ne stërvitemi bashkë çdo ditë, ndërsa me kombëtaren është vështirë që të bashkohemi për dy ndeshje dhe të luajmë mirë”. “Unë nuk mund ta fitoj ndeshjen vetë. Është përgjegjësi e të gjithë ekipit, prandaj duhet të dalim në fushë dhe ta fitojmë çdo ndeshje”, ka thënë superylli argjentinas.

[OVES12]

Van der Sar: Në dhjetor do të vendosi për të ardhmen

Portieri i Manchester United, Edwin van der Sar, thotë se ai është para një dileme të madhe, kur është në pyetje e ardhmja e tij dhe pranon se me siguri ky do të jetë edhe sezoni i tij i fundit.
Holandezi tashmë disa vite ka paralajmëruar se është afër pensionimit, por gjithmonë është rimenduar dhe e ka vazhduar marrëveshjen me djajtë e kuq. “Tashmë disa vite them se ky do të jetë sezoni im i fundit. Gjashtë muaj para se të skadojë marrëveshja ime me Manchester United, në dhjetor të vitit 2006, unë e vazhdova marrëveshjen edhe për një vit dhe e njëjta gjë përsëritet secilën herë kur duhet të vendos për të ardhmen”. “Çdo sezon dua të shoh ku qëndroj, nëse jemi të gjithë të lumtur dhe nëse ende mund të jem i motivuar. Por e di se, për faktin se jam i moshuar, shumë më shumë gjasa ka që ky të jetë sezoni im i fundit. Është e mundshme të pensionohem, por është e mundshme edhe të vazhdoj. Në dhjetoj do ta kem pasqyrën e qartë për të ardhmen time”, ka thënë Van der Sar

[OVES12]

Ronaldo dhe Kaka mposhtin Villarrealin

Autori i golit të parë të takimit, Cristiano RonaldoCristiano Ronaldo ka shënuar edhe në takimin e katërt radhazi në La Liga, në fitoren 2-0 të Real Madridit ndaj Villarrealit, të zhvilluar në El Madrigual.

Si të ndeshjen e kaluar ndaj Xerez, transferimi më i shtrenjtë në historinë e futbollit, shënoi me të filluar ndeshja, në minutën e dytë, pasi shmangu mbrojtjen vendase dhe dërgoi topin në këndin e djathtë të poshtëm të portierit Diego Lopez.

Goli është i pesti për Cristiano Ronaldon në La Liga, që hyn në historinë e klubi si lojtari i vetëm që ka shënuar në të katër ndeshjet e para të sezonit.

Villarreali mbeti me 10 lojtarë në lojë në minutën e 35-të, pas përjashtimit të kapitenit Gonzalo Rodríguez për shkak të dy kartonëve të verdhë, por Reali nuk arriti ta shfrytëzojë epërsinë e një lojtari dhe dyfishoi rezultatin vetëm falë penaltisë në minutën e 72-të të takimit.

Një prekje e topit me dorë nga Angel Lopez, i lejoi përforcimit tjetër të verës, Kaka, të shënojë nga pika e bardhë, gol që edhe vulosi rezultatin e ndeshjes.

Me tre pikët e reja, Reali sërish merr kreun e La Ligës, me pikë të barabarta me Barcelonën, 12, por diferencë më pozitive të golave.

[supervisor91]

Barcelona, 4 zv/presidentet nen vezhgim

Drejtori i pergjithshem i Barcelones, Joan Oliver ka spiunuar nepermjet investigatoreve 4 zv/presidentet e shoqerise, kandidate te mundshem per garen e vitit 2010.
Lajmin e ben te ditur gazeta “Periodico”, sipas se ciles, numrat 2 te shoqerise “blougrana”, Jaume Ferrer, Joan Boix, Joan Oliver dhe Rafael Yuste kane qene nen vezhgim te vazhdueshem.

Nderkohe, vetem njeri prej tyre ishte ne dijeni te vezhgimit. Joan Oliver e pranon nje gje te tille por thekson se zv/presidentet nuk jane soiunuar por jane mbrojtur.

[supervisor91]

Nje rus ne NBA


Mikhail Prokhorov, njeriu me i pasur i Rusise, me nje kapital 9.5 miljard dollaresh, behet rusi i pare qe zbarkon ne sportin amerikan dhe i pari president jo amerikano-verior i nje skuadre basketbolli ne NBA.
Sipas revistes Forbes, biznesmeni rus ka arritur marreveshjen me presidentin aktual te skuadres se Nets, Bruce Ratner per te blere 80% te aksioneve te klubit dhe pjesmarrjen e tij ne 45 % te ndertimit te stadiumit te tyre ne Brooklyn, nje investim qe kap shifren e 200 mln $.

Marreveshja mes dy presidenteve eshte arritur, por qe rusi te behet zyrtarisht presidenti i New Jersey Nets duhet patjeter dhe miratimi i drejtuesve te NBA. Manjati 44 vjecar, ka qene lojtar basketbolli ne nivele te vogla dhe me pare ka financuar edhe klube te tjera, nje klub futbolli ne Rome dhe CSKA-ne e Moskes ne basketboll, fituese e dy titujve ne Eurolige.