Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Valdano: Ronaldo e meriton Topin e Artë, jo Messi

Drejtori sportiv i Real Madridit, Jorge Valdano, beson se Lionel Messi do ta fitojë Topin e Artë këtë vit, mirëpo ai mendon se argjentinasi nuk e meriton këtë çmim, porse duhet t’i jepet Cristiano Ronaldos.

“Secili prej tyre është një yll në vete nga një dimension i lartë. Messi- sepse vrapon me topin e ngjitur për këmbë, se është shumë i efektshëm një në një dhe godet mirë me këmbën e majtë”

“Cristiano sepse është i shpejtë, ka kontroll të shkëlqyer të topit në shpejtësi, ka fuqi të jashtëzakonshme, vazhdimësi të jashtëzakonshme gjatë ndeshjes, dhe sepse tash për tash është sulmuesi më i mirë në botë”.

“Ronaldo e meriton atë (Topin e Artë), mirëpo unë mendoj se Topi i Artë është një çmim që jepet për atë që ka bërë një lojtar deri në korrik, ndërsa (deri atëherë) Messi fitoi gjithçka”, është cituar Valdano nga “AS”.

[OVES12]

• Princi saudit dëshiron të blejë Liverpoolin?

Princi saudit raportohet se është i gatshëm të bëjë një investim të dukshëm në një klub anglez, që thuhet të jetë Liverpooli.
Besohet se pronarët e të kuqve, Tom Hicks dhe George Gillett, janë të gatshëm t’ia shesin 50% të aksioneve të tyre princit Faisal bin Fahd bin Abdullah me qëllim që të shpaguajnë borxhet e klubit nga Anfield.“Aktualisht jemi duke kërkuar të blejmë 50% të aksioneve të një klubi, që aktualisht ka rreth 245 milionë borxhe”, citohet të ketë thënë princit saudit për mediat arabe.

[OVES12]

Benitez: Torres vlen 70 milionë funte

Pas hat-trickut të tij të shënuar në fitoren 6-1 ndaj Hull Cityt, Benitez ka thënë se sulmuesi Fernando Torres vlen së paku 70 milionë funte.
“Ato që ne harxhuam për të ishin shumë para, por kurrë nuk e kam pasur as dyshimin më të vogël se ai ia vlen. Kam thënë se mendoj se ai ishte i lirë, dhe kështu është. Shpresoj se do ta themi këtë për shumë vite, pasi mund të shoh se ai po bëhet gjithnjë e më i mirë”, ka thënë Benitez. “Ju mund të pyeteni se sa ai vlen tash. Është vështirë të thuhet një shifër, por do të ishte së paku 70 milionë funte. Gjatë verës, kishte agjentë të klubeve angleze të cilët na kontaktuan për të pyetur për çmimin e tij. Ata flisnin për shifra shumë të larta, por pa dyshim ai nuk është në shitje, për asnjë çmim”, ka shtuar spanjolli.

[OVES12]

Morientes: Reali për pak nuk më shiti te Barcelona

Sulmuesi i Olympique Marseille, Fernando Morientes, ka zbuluar se si ai ka qenë shumë afër kalimit nga Real Madrid në Barcelona. Në sezonin 2002/03, para se Morientes të huazohej te Monaco, Reali vuante nga një vit i vështirë financiar. “Një ditë para Superkupës Evropiane, të cilën ne e fituam kundër Feyenoord, ata vendosën të më shesim. Mbrëmja e Kupës Evropiane, ishte një përvojë e pakëndshme për mua”, ka thënë Morientes. “Madrid llogariste në Ronaldon (brazilian) dhe unë duhej të isha pjesë e transferimit. Duhej të nënshkruaja me Interin, para se të përfundoja në Barcelona. Reali nuk më dëshironte dhe Joan Gaspart, aso kohe president i Barcelonës, dëshironte të paguajë 24 milionë për mua. Por pastaj gjërat ndryshuan dhe unë mbeta në klub”, ka shtuar spanjolli.

[supervisor91]

F1, McLaren: Te gatshem per Hamilton-Raikkonen



McLaren-Mercedes eshte gati per t’ia lene pilotin e Renault, Fernando Alonso, Ferrarit dhe ne te njejten kohe eshte shprehur e gatshme per te pasur ne skuader dy nga te medhenjte e Formula 1, Raikkonen dhe Hamilton.
Skuderia gjermane eshte shprehur se “nuk ka asnje problem per te menaxhuar dy piloted e skuaderise”.

Lajmin e ka bere te ditur drejtori i menaxhimit sportiv te Mercedes-it, Norbert Haug.

Nje deklarate qe hap portat per shkembimin mes Raikkonen dhe Alonsos, edhe pse Haug nuk konfirmon kthimin ne skuader te ferraristit.

[Damian1]

Miliona të tjerë për Realin, “Bwin” rinovon marrëveshjen

Kompania e njohur e basteve sportive do të vazhdojë të qëndrojë në fanellën e skuadrës galaktike deri në vitin 2013

Ekipi i Real Madridit ka pohuar se marrëveshja e sponsorimit me Bwin është vazhduar dhe logoja e bastores online do të vazhdojë të qëndrojë në fanellën e mbretërve deri në vitin 2013.

“Jam i lumtur që mund t’ju informoj se Real Madridi do ta ketë partner kompaninë Bwin edhe për tri vite të tjera”, ka thënë presidenti i klubit mbretëror Florentino Perez.

“Bwin është një partner besnik, i cili e kupton sportin, veçanërisht futbollin dhe din të bëjë përfitime nga emocionet të cilat i gjeneron Real Madridi nëpër botë”.

Bwin për herë të parë u paraqit në fanellën e Real Madridit në fillim të sezonit 2007-2008. Besohet se bastorja online do të ndajë rreth 23 milionë euro në vit për logon e cila do të qëndrojë në fanellën e Realit, ose rreth 6 milionë më shumë se vitet e kaluara.

[Damian1]

Owen, Van der Saar dhe Park do mungojnë ndaj Wolfsburg

“Gjymtohen” nënkampionët në fuqi të Europës, Manchester United që kundër Wolfsburg do luajnë pa Owen, Van der Saar dhe Park

Të mërkurën Manchester Unitedi pret Wolfsburgun në Old Trafford për ta zhvilluar xhiron e dytë të fazës grupore të Ligës së Kampionëve, ndërsa Djajtë e Kuq kanë disa mungesa në formacionin bazë.

“Sky Sports News” njofton se Michael Owen, Ji-Sung Park dhe Owen Hargreaves vazhdojnë të mbesin jashtë fushës stërvitore, ndërsa edhe pse kishte qenë në stërvitje, portieri Edwin van der Sar nuk do të jetë i gatshëm të luajë përballë gjermanëve.

Sir Alex Ferguson do të duhet sërish të improvizojë për të zgjedhur një skuadër fituese, e cila do të nxjerrë pikë të plota në përballjen me kampionin e Gjermanisë.

[Damian1]

Rikthehet Champions League, sot “mungojne” supersfidat

Për t’u vecuar vetem ndeshja e Grupit E, ku Fiorentina përballet në fushën e saj me Liverpoolin. Barcelona dhe Inter (ora 18:30) kerkojne fitoret e para “evropiane"

Permes emocioneve qe arrin te dhuroje, Champions League rikthehet me ndeshjet e dyta në grupe. Ne mbremjen e pare nuk ka ndonje supersfide, ndonese jane disa ndeshjet për t’u vecuar, duke filluar që nga Grupi E, ku Fiorentina përballet në fushën e saj me Liverpoolin me synimin per te mos kompromentuar ecurine pas vetem dy takimeve. Ndeshja tjeter e ketij grupi servir Lionin, qe do te luaje ne transferte kunder Debrecenit.

Në grupin F, të dy ciftet e sotme janë interesante, me dy favoritet qe do te kerkojne fitoren e pare ne kete kompeticion. Barcelona pret ne “Camp Nou” Dinamon e Kievit, teksa nuk do të ketë sulmuesin Tierry Henry, i cili ka pësuar një tërheqje muskulare në fundjavën e shkuar. Por traineri Pep Guardiola ka besim se pjesa tjetër e skuadrës do të jetë në formë dhe e gatshme për të dhënë spektaklin e zakonshëm. Për Dinamon kthehet kundër Barcelonës Andriy Shevchenko, i cili para 9 vitesh më këtë skuadër i ka shënuar 3 gola katalanasve. Traineri i Dinamos Valery Gazzaev pret që sulmuesi edhe këtë herë të tregojë vehten. Ndeshja tjetër e grupit është ajo qe nis ne ora 18:30 mes Rubinit te Rusisë dhe Interit. Skuadra italiane jepet si favorite, por nuk do ta ketë të lehtë pas ngarkesës psikologjike të marrë në humbjen me Sampdorian në kampionat.

Ndërsa në grupin e fundit për t’u ndjekur është Arsenal–Olympiacos. Do të jetë një sfide e vështirë ka thënë Arsenne Wenger, pasi skuadra greke ka 10 vjet që merr pjesë në fazën finale të Champions dhe kjo nuk mund të jetë rastësi. Gjithashtu, per kete grup eshte edhe perballja holandezo-belge midis Alkmarit e Standardit. Kurse Gllasgou Rangers–Sevilla dhe Unirea Stuttgart janë ndeshjet e grupit G.

Programi i ndeshjeve te sotme

Grupi E

Debrecen-Lyon (20:45)

Fiorentina-Liverpool (20:45)

Grupi F

Rubin-Internazionale (18:30)

Barcelona-Dynamo K. (20:45)

Grupi G

Rangers-Sevilla (20:45)

Unirea Urziceni-Stuttgart (20:45)

Grupi H

AZ Alkmaar-Standard L. (20:45)

Arsenal-Olympiacos (20:45)

[supervisor91]

Kaka: Me largoi Berlusconi

Heret a vone e verteta del ne shesh dhe Kaka ka dashur ta mbaje te paster imazhin e tij duke hequr pergjegjesite ne rast se mund te quhet “tradhetar” per largimin nga Milani.
Fantazisti brazilian ka riktheksuar se largimi nga Milanello nuk ishte nje deshire e tij por e presidentit Berlusconi per te shendoshur bilancin e shoqerise. “Kam lene gjithmone shoqerine per te vendosur. Nuk eshte faji im nese shkova tek Real Madrid”, thekson braziliani qe nuk harron tifozet e ish skuadres se tij.

“Momenti me i bukur ka qene kur u riktheva ne Milanello dhe gjithe tifozet therrisnin emrin tim ne kor. Kjo do te thote se e kane kuptuar arsyen e largimit”, shprehet Kaka. Ne vijim, ai shton se i mungojne shume ish shoket e skuadres, miqte dhe shume persona te tjere.


“Ndodnjehere me mungojne edhe ndeshjet me Milanin por ketu ndihem mire. Motivimi me i madh per mua eshte te zbres ne fushe dhe te luaj. Ketu tek Reali arrij ta bej pasi luaj ne nje skuader te madhe qe kerkon gjithmone te fitoje”, thekson sulmuesi.

[supervisor91]

Vllaznia, shkarkohet trajneri Hasan Lika

Rezultatet e dobeta te ketij fillim-sezoni kane “prere koken” e trajnerit te Vllaznise, Hasan Lika.
Presidenti Valter Fushaj ka vendosur t’i jape fund bashkepunimit me trajnerin tiranas pas polemikave te javeve te fundit per shkak te formes se dobet te treguar nga kuqeblute. Lajmin e shkarkimit te Likes e ka konfirmuar vete presidenti Fushaj, i cili ka emeruar ne kete post Roland Rucin, ish futbollist i Vllaznise dhe i kombetares shqiptare.

Tre humbje ne pese ndeshjet e para te kampionatit, vetem nje gol i shenuar ne 450 minuta loje dhe vendi i parafundit ne klasifikimin e Kategorise Superiore me 4 pike. Keto jane shifrat qe tregojne qartesisht se Vllaznia eshte ne krize.