Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Marseille, Cana: Ndihem çdo ditë më mirë fizikisht

Edhe pse me ritme të ngadalta, Lorik Cana është rikthyer nga dëmtimi në gjurin e djathtë, që pësoi në dhjetor të vitit të kaluar

Mesfushori i kombëtares shqiptare është rikuperuar plotësisht dhe tani është gati të ndihmojë ekipin e tij, Olimpik Marsejën në fazën vendimtare të sezonit.

“Pas një mungese të gjatë nuk ishte e lehtë të kthehem në një ndeshje të rëndësishme evropiane (kundër Tuentes në Kupën UEFA), por ai ishte testi më i mirë për të parë se në çfarë gjendje fizike isha. Arritëm të përmbysnim humbjen 1-0 të ndeshjes së parë, e tashmë duhet të tregohemi të kujdesshëm me ambiciet tona evropiane. Personalisht, ndihem çdo ditë e më mirë. Edhe gjuri është në gjendje më të mirë. Ishte shumë e rëndësishme të kthehesha për fazën finale të sezonit”, tha 25-vjeçari.

Ai pritet të jetë plotësisht i gatshëm edhe për impenjimin e 28 marsit, ku kuqezinjtë e drejtuar nga Ari Han do të përballen me Hungarinë në “Qemal Stafa”, në një sfidë mjaft delikate. Të shtunën, marsejezët do të ndeshen me Valensien dhe Cana, i cili mund të aktivizohet si titullar, ka paralajmëruar të tijtë të mos e nënvlerësojnë kundërshtarin, që lufton për mbijetesë në Ligën 1.

[Damian1]

Ambicia e Zanetti: Interi do të fitojë në ”Old Trafford”

Kapiteni i Interit ka thënë se skuadra e tij do eliminojë Djajtë e Kuq nga Champions League, pavarësisht ndeshjes së parë

Manchester United dhe Inter do të ndeshen në Old Trafford për ndeshjen kthyese të 1/8 të finales së Ligës së Kampionëve të mërkurën mbrëma, ndërsa kapiteni i zikaltërve, Javier Zanetti, thotë se ata do të udhëtojnë në Mançester për fitore.

“Padyshim se ky është kundërshtari më i fuqishëm me të cilin jemi përballur, por jam i bindur se kjo skuadër e Interit mund t’i eliminojë ata”.

“Nuk do të gabojmë duke u mbrojtur, por do të hymë në fushë për fitore. Ata kanë vullnet të madh dhe ne mund t’i dënojmë me kundërsulme. Mendoj se nëse qëndrojmë në mbrojtje dhe i presim ata të sulmojmë atëherë mund ta humbim mundësinë për t’i eliminuar”, ka thënë argjentinasi.

[Damian1]

Arsenal, Wenger: Cristiano Ronaldo është një arrogant

Trajneri i Gunners ka kritikuar fituesin e topit të Artë pasi sipas tij, me portugezin ka gjithmonë probleme dhe provokime

Trajneri i Arsenalit, Arsen Venger, ka lëshuar një lumë të sharash në drejtim të yllit të Mançesterit, Kristiano Ronaldo. Sipas Vengerit, futbollisti më i mirë i vitit 2008 është një arrogant.

“Me Mançester Junaited të ndodh gjithmonë që të kesh probleme në përballjet me ta. Gjithmonë je përpara provokimeve. Një shembull tipik i tillë është Kristiano Ronaldo. Arroganca dhe provokimet e tij janë ashtu si klasi që ka”.

Në ndeshjen e fundit Ronaldo është bërë sërish protagonist në një rast me futbollistin e Njukasëllit, Stiven Tejlor. Trajneri i Arsenalit mendon se gjyqtarët e kanë të vështirë të japin vendime të sakta kur bëhet fjalë për portugezin, pasi ai gjithmonë është objekt lajmesh.

[Damian1]

Juventus zhvendos te braziliani Deco, objektivin e radhës

Klubi italian Juventus, raportohet se është i gatshëm të dërgojë një ofertë të vlefshme 6 milionë euro në drejtim të Chelsea, për të marrë shërbimet e mesfushorit Deco

The Sun shkruan se portugezi u soll në Chelsea nga Barcelona për një shumë prej 8 milionë eurosh, nga ish-trajneri Philipe Scolari, i cili e kishte menaxhuar atë edhe në kombëtaren e portugalisë.

Por Deco dështoi të gjejë një qëndrueshmëri në ekip dhe tash pas largimit të Scolarit është në pikëpyetje edhe qëndrimi i tij.

Mediat italiane shkruajnë se trajneri aktual i Juventusit, Claudio Ranieri, dëshiron që Deco të zëvendësojë Pavel Nedved, i cili pritet të largohet nga futbolli këtë verë.

Juventusi gjatë të martës pret në Olimpiko ekipin e Chelseat në kuadër të ndeshjes së kthimit të Ligës së Kampionëve. Ndeshja e parë në Stamford Bridge pati përfunduar me rezultat minimal, 1-0, për ekipin anglez.

[Damian1]

Ashley Cole me probleme të tjera, tradhton gruan Cheryl

Pas arrestimit nga policia, për futbollistin e Chelsea ka dalë në dritë një tjetër skandal. Marrëdhënie me një bjonde

Kohë të vështira për mbrojtësin e Chelsea, Ashley Cole. Nata e fundit nën shoqërinë e alkoolit duket se nuk ka qenë problemi i lojtarit anglez pasi ai tashmë mund të divorcohet me gruan e tij Cheryl Cole, këngëtaren e “Girls Aloud”.

Edhe në të kaluarën futbollisti ka pranuar se ka tradhtuar bashkëshorten simpatike dhe para nisjes së pushimeve të fundit në Tanzani, Cheryl kishte kërkuar që ai të mos dilte më pa të në klube nate.

Por Ashley u arrestua në daljen e “Collection” në zonën e South Kensington (Londër).

Ndërsa tani dalin fakte të reja. Në nightclub, mbrojtësi i Chelsea ka qenë me një bjonde dhe dëshmitarët janë të shumtë. Por kush do tia thotë Cheryl?

[Damian1]

Fiton Tirana dhe shkëputet nga Vllaznia që merr barazim

Bardheblutë tani janë në vendin e parë në renditje ndërsa Vllaznia ka mbetur dy pikë pas, pasi barazoi 0-0 me Bylis

Tirana është distancuar nga Vllaznia duke lënë shkodranët në vendin e dytë me dy pikë më pak, pas kësaj jave. Skuadra kryeqytetase e Agustin Kolës ka fituar 2-1 me Lushnjen me golat e Memellit në minutën e 24 dhe të Devi Mukës. për miqtë shkurtoi diferencën Çela me penallti.

Vllaznia barazoi 0-0 me Bylisin duke zhgënjyer sërish këtë javë. Tani shkodranët janë në kuotën e 42 pikëve pas Tiranës.

Dinamo kampione ka zgjidhur në fund ndeshjen me Apoloninë të fituar 3-1 pasi ka hasur në një qëndresë të fortë nga fierakët. Tani blutë janë në vendin e tretë. Shkumbini barazoi 1-1 me Flamurtarin duke mos shfrytëzuar avantazhin e krijuar në fillim. Në barazim 1-1 u mbyll edhe Besa-Elbasani me miqtë verdheblu që kaluan të parët në avantazh.

Tirana 2-1 Lushnja

Vllaznia 0-0 Bylis

Dinamo 3-1 Apolonia

Shkumbini 1-1 Flamurtari

Besa 1-1 Elbasani

Teuta 3-2 Partizani

[Damian1]

Juninho jep votat: Barcelona edhe Messi, më të mirët

Fantazisti brazilian dhe kapiteni i Lyon ka thënë se këtë sezon veçohet skuadra katalanase dhe argjentinasi Messi

Mjeshtri i gjuajtjeve të lira i Lyonit, Juninho, ka deklaruar se skuadra e Barcelonës dhe superylli argjentinas, Lionel Messi, janë më të mirët në botë.

“Ne zhvilluam ndeshje shumë të mirë në shtëpi, mirëpo i lejuam ata të shënonin gol në fushën tonë”. “Barcelona është skuadra më e mirë në Evropë dhe prandaj konsiderohen favoritë përballë nesh. Për më shumë, ata e kanë lojtarin më të mirë në botë sot, Lionel Messi”.

“Lyoni është skuadra më e mirë në Francë, mirëpo nuk është lehtë të jesh më i miri në Evropë. Ne jemi pa dyshim në top-dhjetë skuadrat më të mira në Evropë, por ëndrra e klubit mbetet titulli i Ligës së kampionëve”, ka thënë Juninho.

[Damian1]

Hertha ruan vendin e parë, Bayern dhuron goleadë

Berlinezët kanë fituar 1-3 në fushën e Cottbus ndërsa skuadra e Bayern ka shkatërruar thellë 5-1 ekipin e Hannover

Skuadra lidere në Bundesliga, Hertha Berlin, ka shënuar fitore me rezultat 3-1 si mysafir i Energie Cottbusit në Stadion der Freundschaft, për ta përforcuar pozitën e parë në tabelë. Njeriu i ndeshjes ishte padyshim ukrainasi Andrey Voronin, i cili shënoi 3 gola në këtë përballje për t’ia siguruar tre pikë skuadrës së tij. Të parët në epërsi kaluan vendasit me golin e Çagdaş Atan, i cili shënoi në minutën e 21-të. por më pas lejuan 3 herë rrjetën.

Ndeshja e zhvilluar në Allianz Arena, ndërmjet Bayern Munichut dhe Hannoverit, ka përfunduar me rezultat 5-1 në favor të skuadrës vendase. Kampionët gjermanë u gjetën në disavantazh në minutën e 15-të, kur shënoi Jiri Stajner, por ky gol ishte krejt çka bënë mysafirët në këtë takim, pasi pjesa tjetër e lojës i takoi krejtësisht Bayernit.

Avantazhi i mysafirëve zgjati vetëm pesë minuta, pasi që Daniel Van Buyten barazoi rezultatin (20’), ndërsa menjëherë pas pesë minutave të radhës (25’), Miroslav Klose i kaloi bavarezët në epërsi. Rezultatin përfundimtar të pjesës së parë, prej 3-1, e vendosi Hamit Altintop (34’) duke dërguar skuadrën e tij në pushim me dy gola epërsi. Bavarezët shënuan edhe dy gola tjerë në pjesën e dytë, me anë të Lukas Podolskit (73’) dhe Martin Demichelis (89’), të cilët vendosën rezultatin përfundimtar të ndeshjes.

Bayern Munich 5 - 1 Hannover

Cottbus 1 - 3 Hertha BSC

Hoffenheim 0 - 0 Werder Bremen

Monchengladbach 4 - 1 Hamburger SV

Stuttgart 2 - 1 Borussia Dortmund

Wolfsburg 1 - 0 Karlsruhe

[Damian1]

Roma barazon 1-1 me Udinese, Champions largohet më shumë

Ndeshja në “Olimpico” ka treguar se verdhekuqtë ende janë të brishtë dhe kanë vështirësi për të kapur vendin e katërt

Skuadra e Romës ka dështuar sërish në tentativën për të zënë vendin e katërt në tabelë, pasi në ndeshjen e zhvilluar në Stadio Olimpico të kryeqytetit italian, ka arritur të marrë vetëm një pikë përballë Udinese në takimin e mbyllur 1-1.

Mysafirët kaluan të parët në epërsi me anë të Felipes në minutën e 55, i cili finalizoi një top nga Antonio Di Natale për të mposhtur portierin Doni. Vendasit barazuan pas vetëm gjashtë minutash (61’), ndërsa golashënues ishte sulmuesi malazez, Mirko Vucinic.

Nga minuta e 68-të Roma e zhvilloi ndeshjen me një lojtar më pak në fushë, pasi që me karton të kuq u përjashtua Daniele De Rossi.

[Damian1]

Interi mund Genoa me golat e Ibrahimovic dhe Balotelli

Kampionët e Italisë kanë marrë 3 pikë të vyera në “Marassi” ndaj një ekipi që pretendon Champions League

Interi ka rikthyer buzëqeshjen tek tifozët e dëshpëruar pas humbjes 3-0 ndaj Sampdorias në kupën e Italisë. Dhe këtë e ka bërë me një sukses të merituar 0-2 në fushën e Genoa, duke bërë që të mos cënojë kryesimin dhe distancën.

Tani Mourinho pret ndeshjen e kthimit për Champions League ndaj Manchester United pasi në kampionat gjërat janë në rregull. Duke iu rikthyer ndeshjes në Serie A, Interi ka shënuar që në minutën e dytë me Zlatan Ibrahimovic.

Sulmuesi me origjinë boshnjake kaloi topin mbi portierin Rubinho i cili u tradhtua nga mbrojtësit e Genoa. Goli i dytë erdhi nga sulmuesi Mario Balotelli brenda zonës dhe pavarësisht ngulmimit të mbrojtësve topi kishte hyrë në portë dhe ndeshja u mbyll 0-2.