Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Kaka: Milan duhej të më shiste

Ylli i Real Madridit Leite Kaka ka dhënë arsyet e largimit nga Milani verën e kaluar.
Maestro brazilian është duke u kënaqur me jetën në Bernabeu, por ai gjithashtu foli dhe për largimin e tij nga Milani, duke pohuar se klubi dëshironte ta shiste.
“Shitja ime ishte e nevojshme për klubin. Gjithnjë e lash në dorë të klubit nëse donin të më transferonin apo jo.”
“Kur u ktheva në Milanello, të gjithë tifozët më mirëpritën, duke ma thirrur emrin. Ata e kuptuan arsyen se pse u largova. Në fund, gjithmonë e vërteta del në shesh.” përfundoi Kaka.

[OVES12]

Benitez: Do jemi të gatshëm për Chelsean

Bosi i Liverpoolit, Rafa Benitez, është i bindur se ata do të jenë të gatshëm për takimin e të dielës kundër Chelseat, pavarësisht humbjes në takimin e mbrëmshëm ndaj Fiorentinës në Ligën e Kampionëve.
Klubi anglez pësoi me rezultat 2-0 në Firencë, me të dy golat e shënuar nga sulmuesi malazias Stevan Jovetic.“Mendoj se do të jetë krejtësisht ndryshe. Shpresoj se do të shihni Liverpoolin që patë në pjesën e dytë të takimit dhe do të jemi edhe më të mirë”, ka thënë Benitez

[OVES12]

Wenger: Nuk kemi nevojë të harxhojmë

Menaxheri i Arsenalit, Arsene Wenger, ka thënë pas fitores ndaj Olympiakosit në Ligën e Kampionëve, se klubi nuk duhet të harxhojë shumë, pavarësisht se ka në dispozicion mjete financiare.
“Për faktin se klubi ka rezultate të mira financiare, çdokush dëshiron që unë t’i harxhoj ato për menjëherë. Por për momentin nuk ka afat transferues. Nuk ka një shitore për të blerë lojtarë. Nuk mund ta blini askënd, madje edhe nëse dëshironi. Është e mbyllur”, ka thënë Wenger.Wenger po ashtu ka thënë se ai është i kënaqur me paraqitjen e Andrey Arshavin, i cili shënoi njërin nga golat.“Kur luani kundër 10 personave në vetëm gjysmën e fushës, është e rëndësishme të keni lojtarë të cilët mund të luajnë në një hapësirë të ngushtë dhe Arshavin është specialist në këtë. Ai ishte i kthjellët dhe i vendosur. Në këtë lloj loje, ai gjithmonë është kërcënues”, ka shtuar Wenger.

[OVES12]

Mourinho i kënaqur edhe me barazimin

Menaxheri i Interit, Jose Mourinho, thotë se ai është i kënaqur pas barazimit 1-1 në Ligën e Kampionëve, ndaj Rubin Kazan.
Vendasit kaluan në epërsi me golin e hershëm të Alejandro Dominguez, ndërsa për nerazurët barazoi Dejan Stankovic që në pjesën e parë.“Duke parë rrethanat, është një pikë e fituar dhe një rezultat pozitiv. Është e qartë se ne dëshirojmë të kualifikohemi sa më herët që është e mundshme. Ne barazuam në një ndeshje e cila lehtësisht mund të ishte e humbur. Në fund, kjo më duket pozitive mua”, ka thënë Mourinho për Sky Sport Italia.

[OVES12]

Kaka: Fansat e Milanit e dinë pse u largova

Ylli i Real Madridit, Kaka, thotë se fansat e Milanit, e dinë se pse ai tashmë nuk është me rosonerët.
“Transferimi im ishte i patjetërsueshëm për klubin. Gjithmonë kam lënë mundësi për të qëndruar me Milanin, ose për t’u larguar”, ka thënë Kaka.“Kur u riktheva në Milanello, shumë fansa e thërrisnin emrin tim. Ata kanë kuptuar se pse unë u largova, dhe e vërteta tashmë është kuptuar”, ka shtuar braziliani.

[OVES12]

Ferguson: Rooney ende nuk është në nivelin e Kakas dhe Ronaldos

Menaxheri i Manchester United, Sir Alex Ferguson, thotë se sulmuesi Wayne Rooney nuk mund të krahasohet sa i takon klasit me yjet e Real Madridit, Kaka dhe Cristiano Ronaldo.
“Wayne shumë lehtë mund ta arrijë atë nivel (të Kaka dhe Ronaldo). Kur ne nënshkruam me të si fëmijë, ne vërtet menduam se ai do të bëhet një top lojtar. Pa dyshim ai shkon në atë drejtim”, ka thënë Ferguson. “Ai është i bekuar me disa prej karakteristikave të cilat vetëm futbollistët e mëdhenj i kanë. Ai ka një vendosmëri të madhe dhe uri për të fituar çdo ndeshje dhe çdo seancë stërvitore. Kjo kurrë nuk do të ndryshojë”, ka shtuar skocezi.

[OVES12]

Tevez: Nëse shënoj kundër United do të festoj

Sulmuesi i Manchester Cityt, Carlos Tevez, thotë se ndryshe nga rasti kur shënoi golat kundër West Hamit, ai do të ketë kënaqësinë të festojë nëse shënon kundër Manchester United.
“Kam vendosur të mos festoj golat e mi në shenjë respekti për West Ham. Ky ishte klubi im i parë anglez dhe, në zemrën time, një pjesë e imja gjithmonë do të jetë atje. Në aspektin profesional jam vërtet i kënaqur për golat e parë të mi në City, por personalisht, do të preferoja të mposhtnim një klub tjetër”.“Në derbin kundër United po ashtu vendosa të mos festoj golin tonë, por pas trajtimit të pakëndshëm që pranova nga fansat atë ditë, kam vendosur ta ndryshoj qëndrimin tim. Nëse shënoj në takimin tjetër derbi, atëherë jam i sigurt se do të festoj”, ka thënë argjentinasi.

[supervisor91]

Blatter kunder ndaleses ne gjuajtjen e penalltise

Joseph Blatter mendon se gjate momentit te gjuajtjes se 11 metershit, lojtari nuk duhet ta ndale ecjen ose ta ngadalesoje.
Sipas shefit te FIFA-s, nuk eshte korrekte qe nje lojtar te ndaloje dhe me pas te gjuaje topin sepse kjo gje ngaterron portierin. “Nuk eshte korrekte. Arbitri duhet te nderhyje duke ndeshkuar lojtarin me karton te verdhe”, shprehet Blatter.

Ky propozim do diskutohet gjate mbledhjes se ardhshme te Bordit Nderkombetar ne fund te tetorit. Kjo menyre e gjuajtjes se penalltive aplikohet me shumice ne kampionatin brazilian ku quhet “Paradinha”.


Edhe ne Europe ky fenomen nuk eshte shume i rralle. Cristiano Ronaldo eshte nje prej atyre lojtareve qe shpesh here ndalon ne mes te rruges dhe me pas vrapon serish per te goditur topin.

[supervisor91]

Ferrari, zyrtarizohet kalimi i Alonsos

Fernando Alonso eshte piloti i ri i Ferrarit. Spanjolli ka firmosur nje kontrate tre vjecare me skuderine e Maranellos qe ka zyrtarizuar vendimin ne faqen e tij te internetit, ne vigjilie te Cmimit te Madh te Japonise.
Alonso do te jete ne cift me Felipe Massen, nderkohe qe Kimi Raikkonen do te lere Ferrarin ne fund te sezonit.

Italiani Giancarlo Fisichella do te qendroje tek Ferrari dhe do te jete piloti rezerve.

“Jam shume i kenaqur dhe krenar qe te behem piloti i Ferrarit. Eshte nje enderr per te gjithe ata qe merren me kete pune dhe une sot kam fatin qe ta realizoje”, jane fjalet e para te spanjollit.

Ne faqen zyrtare te Ferrarit thuhet se: “eshte arritur nje marreveshje bashkepunimi me pilotin Fernando Alonso. Marreveshja do te jete e vlefshme per tre sezone, duke filluar nga 2010-ta”.

[Damian1]

Bayern dhe Juve në barazim, Milani shpërfytyrohet

Sfida kryesore e xhiros së dytë në fazën grupore të Ligës së Kampionëve ka përfunduar me rezultat të barabartë. Milan është mundur kurse ka fituar Real dhe Manchester United

Takimi i zhvilluar të mërkurën mbrëma në Allianz Arena, ndërmjet Bayern Munichut dhe Juventusit, ka përfunduar pa gola. Bavarezët ishin skuadër më e mirë në pjesën e parë të ndeshjes, mirëpo nuk arritën t’i përfundonin me sukses aksionet e tyre, ndërkohë që bardhezinjtë ishin të rrezikshëm kohë pas kohë.

Në pjesën e dytë pamë një ndeshje më të balancuar, me ç’rast të dyja skuadrat zhvilluan lojë më të kujdesshme. Takimi tjetër i grupit A, i zhvilluar ndërmjet Bordeaux dhe Maccabi Haifa, i ka takuar skuadrës vendase, e cila ka fituar me rezultat prej 1-0. Pas xhiros së dytë në këtë grup, Bayerni dhe Bordeaux kanë nga katër pikë, ndërsa Juventusi ka dy pikë.

Milani është shpërfytyruar 0-1 në San Siro nga Zurich duke shënuar një tjetër disfatë. Goli që vendosi ndeshjen erdhi nga Tihinen.

Real Madrid ka shënuar një fitore të thellë 3-0 me Marseille. Golat e galaktikëve të shënuar në pjesën e dytë u shënuan nga Cristiano Ronaldo dy herë dhe Kaka me penallti.

Bayern Munich 0 - 0 Juventus

Bordeaux 1 - 0 Maccabi Haifa

CSKA Moscow 2 - 1 Besiktas

Manchester U. 2 - 1 Wolfsburg

Milan 0 - 1 Zurich

Real Madrid 3 - 0 Marseille

APOEL Nicosia 0 - 1 Chelsea

Porto 2 - 0 Atletico Madrid