Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Formula 1, Button luan “Match point” e parë në Suzuka

Piloti anglez i skuadrës së Brawn GP mund të festojë botërorin e parë në Formula 1 në garën e Japonisë por preferon të fokusohet vetëm në pistë

Asnjë nuk mund të thotë se botërori aktual në Formula 1 do të konsiderohet si nga më të mërzitshmit. Madje janë shumë emra të njohur që thonë se po dhuron shumë emocione dhe surpriza.

Pas skandalit të Max Mosley me prostitutat naziste, diskutimeve mbi sistemin Kers dhe skandalit të fundit të Renault, dhe Flavio Briatore, tani mund të vijë edhe sanksionimi i titullit për pilotët.

Në GP e Suzuka, në Japoni, makina Brawn Gp e Jenson Button luanm shanset e saj për të fituar botërorin.

Pilotit anglez i mjaftojnë 5 pikë më shumë se vendi i dytë Barrichello për tu laureuar si kampion bote. Por Button preferon të mos bëjë llogari. Situata në klasifikim i jep të drejtë.

[supervisor91]

Ferrari “lan ne ar” Alonson, do perfitoje 125 mln euro ne 5 vjet

Spanjolli, qe me shume mundesi do te zevendesohet te Renault nga Robert Kubica, do te lidhe me “Kokekuqen” nje kontrate per pese sezone prej 25 milionesh ne vit

Te enjten ne Japoni, skuderia e Maranelos pritet te zyrtarizoje ardhjen e Fernando Alonsos per vitin 2010, teksa Kimi Raikkonen duhet te kthehet te McLaren. Spanjolli, qe me shume mundesi do te zevendesohet te Renault nga Robert Kubica, do te lidhe me “Kokekuqen” nje kontrate per pese sezone (tre te garantuara dhe dy me rinovim automaik) me opsion per te gjashten dhe nje page prej 25 milionesh ne vit. Nje shume disi me inferiore sesa ajo qe perfiton aktualisht piloti finlandez te Ferrari, por afati i marreveshjes eshte me i gjate, aq sa do t’i garantoje spanjollit 125 milione ne total, nese e respekton deri ne vitin 2015.

Nder levizjet e tjera te mundshme ne “merkaton” e Formula 1 eshte zevendesimi qe po mendon Ros Brawn per pilotin qe s’do te fitoje Boterorin. Ndoshta do te jete Barrichello. Faktikisht, me ardhjen e aksionereve te rinj, afrimi i Rosberg duhet te jete praktikisht automatike. Rubens, megjithate, mund te kaloje te Williams per te formuar ciftin me talentin e ri Nico Hulkenberg. Ndersa me ardhjen e skuderive te reja, sezoni i ardhem ne F1 mund te ofroje nje seri timonesh te lire, qe mund te sjellin rikthime te medhenj, si ai i Jacques Villeneuve ne kerkim te lavdise.

[Damian1]

“Chelsea më i mirë do te shihet perballe Liverpoolit”

Sipas Ancelottit, ne perballjen e se dieles lojtaret e tij do te duan te tregojne se humbja e regjistruar gjate javes se kaluar kunder Wiganit ishte thjesht nje aksident

Menaxheri i Chelseat, Carlo Ancelotti, është i bindur se blutë do të jenë më shumë se të përgatitur për takimin e madh të së dielës ndaj Liverpoolit, ku do te duan te tregojne se humbja e regjistruar gjate javes se kaluar kunder Wiganit ishte thjesht nje aksident. Te merkuren, Chelsea dështoi të sigurojë një rezultat shumë pozitiv në takimin e Ligës së Kampionëve në fushen e Apoel Nicosia, duke fituar me rezultat minimal 1-0.

Megjithate, trajneri italiani shprehet plot optimizem se skuadra e tij do të jetë shumë më e motivuar për takimin kundër rivalit anglez qe do te vizitoje "Stamford Bridge". “Ne kemi kohë të pushojmë dhe të përgatitemi mirë për këtë ndeshje të rëndësishme. Nuk do të luajmë ashtu siç luajtëm perballe Apoelit. Sigurisht do të luajmë më mirë, perderisa na duhet te rimekembemi plotesisht pas tronditjes qe na shkaktoi Wigani”, ka thënë Ancelotti, duke hedhur veshtrimin nga sfida e fundjaves.

[Damian1]

Kaka kenaqet: Sa mirë që Milanin e mposhti Zyrihu!

I pyetur nëse ai është i befasuar për humbjen e ish-klubit të ti, braziliani ka thënë: “Për ne është shumë mirë, sepse tani e kemi ne dore kreun e grupit"

Ylli i Real Madridit, Kaka ka deklaruar se është i kënaqur që ish-ekipi i tij është mposhtur nga Zurich në takimin e fundit të Ligës së Kampionëve. Nga ana e vet, Reali i Kaka fiksoi nje fitore 3-0 ndaj Olimpique Marseille me brazilianin, i cili shënoi një gol nga pika e bardhe e penalltise, nderkohe qe kuqezinjtë u befasuan nga ekipi zviceran brenda në “San Siro”.

I pyetur nëse ai është i befasuar për humbjen e ish-klubit të ti, Kaka ka thënë: “Për ne është shumë mirë që Zurich mposhti Milanin, pasi tashme kemi dy ndeshje kundër tyre. Nëse i fitojmë të dyja ne do të jemi në vendin e parë të grupit. Eshte vertete e rendesishme qe ta mbyllim kete faze si kryesues, pasi mund te kemi lehtesire per fazen tjeter. Gjithcka besoj se ne kete pike e kemi ne dore vete”, ka thënë Kaka.

[Damian1]

Ferrara pranon pozitivisht barazimin ndaj Bayernit

“Rezultati më kënaq, veçanërisht duke marrë parasysh lojën që treguam në pjesën e dytë", ka deklaruar tekniku i Juventusit, te cilin tani e pret sfida delikate ne Palermo per kampionat

Menaxheri i Juventusit, Ciro Ferrara, është ndarë i kënaqur me barazimin pa gola, qe skuadra e tij fiksoi të mërkurën në Ligën e Kampionëve ndaj Bayern Munichut.

“Do të thosha se rezultati më kënaq, veçanërisht duke marrë parasysh lojën që treguam në pjesën e dytë. Natyrisht, në te paren Bayerni bëri presion dhe krijoi disa raste, ne nje kohe kur ne e humbëm topin shumë dhe nuk ia dolëm te permbushnim me sukses shumicën e kundërsulmeve. Pas pushimit, ne shumë më rrallë ishim të rrezikuar dhe ishim më afër fitores”, ka thënë Ferrara.

Tashme, bardhezinjte duhet te perqendohen ne kampionat, ku te dielen ne mbremje i pret transferta ndaj Palermos.

[Damian1]

Lampard: Chelsea është më shumë në formë se Liverpooli

Mesfushori i Chelesat, Frank Lampard, është i bindur se në takimin e të dielës përballë Liverpoolit blutë do të dëshmojnë se nuk e kanë humbur formën.

Pas humbjes nga Wigani dhe paraqitjes jo aq bindëse ndaj Apoel Nicosia, Chelsea duket se është jashtë formës, por kështu nuk mendon Lampard.

“Nuk e di pse njerëzit thonë se ne nuk jemi në formë. Ne kemi humbur vetëm një ndeshje këtë sezon. Humbëm kundër Wiganit dhe nuk luajtëm mirë aspak”, ka thënë Lampard.

“Tash u përballëm me Apoel dhe e fituam. Ne përpiqemi të fitojmë çdo ndeshje dhe kur nuk ia dalim njëherë mundohemi edhe më fuqishëm ndeshjen tjetër. Të dielën është një ndeshje e madhe kundër Liverpoolit, por ata kanë humbur një ditë më parë dhe do të përpiqen ta përmirësojnë veten”.

“Lehtësimi për ne është se ne kemi fituar ndeshjet tona në Evropë dhe duke e ruajtur rrjetën të paprekur. Shpresojmë të kualifikohemi sa më shpejtë që mundemi”, ka përfunduar anglezi.

[Damian1]

Milani ka prekur fundin, por Galliani zbut: Askush s'preket!

Takim i administratorit kuqezi me skuadren e Leonardon: “I shpreha grupit 4 koncepte. Para se gjithash u kujtova se ky eshte grup fitues e me kete staf do te ecim deri ne fund te sezonit”

Pas nje nate te tmerrshme per te gjithe fanset kuqezi, dita pas zhgenjimit te radhes ne shtepi kunder Zyrihut ka nisur menjehere me nje takim te Adriano Gallianit me skuadren dhe Leonardon ne Milanelo, per te folur hapur persa i takon momentit kritik. Te pakten deri te merkuren ne mbremje, administratori i Milanit kishte shprehur besimin te tekniku, teksa edhe pronaret e “Fininvest” mohuan zerat e qarkulluar per shitjen e klubit kuqezi.

Drejtuesi kuqezi ka vazhduar ta shprehe besimin edhe pas takimit qe ka zhvilluar per gati nje ore e gjysme: “I shpreha grupit kater koncepte themelore. Para se gjithash u kujtova se ky eshte nje grup fitues. I kam qetesuar te gjithe, duke nenvizuar se me keta lojtare e kete staf do te ecim perpara deri ne fund te sezonit. Koncepti i trete? Milani eshte skuader qe duhet patjeter te shkoje ne Champions League dhe te renditet mes tre te parave ne kampionat.

Eshte e detyrueshme per kostot e klubit – ka theksuar administratori -. Ne fund duhet te bejme me shume dhe me mire. Jam i sigurt se me grupin do te arrijme te gjithe objektivat tane, jam i sigurte. Nese kam biseduar me Berlusconin? Po, dhe ai ka shprehur serish besimin te lojtaret dhe te Leonardo”, perfundoi Galliani.

[Damian1]

Statistikat e Balotelli, merr karton të verdhë për çdo gol

Nje karton i verdhe per cdo gol te shenuar me Interin. Keto jane shifrat ekstreme te Mario Balotellit qe tashme ka marre nofken “Djali i keq” per shkak te sjelljeve jo te disiplinuara

Supermario i keq. Nje karton i verdhe per cdo gol te shenuar me Interin. Keto jane shifrat ekstreme te Mario Balotelli-t qe tashme ka marre nofken “Djali i keq” per shkak te sjelljeve jo te disiplinuara ne fushe.

Mario arriti ne ndeshjen kunder Rubin Kazan, ku ai e la skuadren per me shume se 30 minuta me 10 lojtare. Debati verbal me Cristiano Ronaldo-n, gjesti jo i hijshem ndaj tifozeve te Romes dhe faulli ndaj nje lojtari suedez ne Europianin U-21 jane vetem disa nga “xhevahiret” e djalit me origjine nga Gana.

17 jane golat qe ka shenuar me fanelen zikalter, por kaq eshte edhe numri i kartonave te verdhe qe ai ka marre. Per kartonin e kuq te marre ne Rusi, Mario ka kerkuar falje nepermjet faqes se tij ne internet, por kaq nuk mjafton qe Mourinho ta cilesoje titullar. Tekniku portugez e ka etiketuar si nje lojtar te pagdhendur.

[Damian1]

Cristiano Ronaldo në dyshim për sfidën kundër Sevilla

Në ndeshjen ndaj Marsejës në Ligën e Kampionëve, portugezi në radhët e Realit të Madridit, Kristiano Ronaldo ka pësuar një lëndim të lehtë

Zhvillohej minuta e 61-të kur mbrojtësi i Marsejës, Sulejman Diavara ndërhyri në mënyrë të palejueshme ndaj Ronaldos brenda zonës, kurse si rrjedhojë ai u ndëshkua me karton të kuq, kurse Reali fitoi penallti, të cilën në gol e shndërroi Kaka.

Ronaldo edhe pas pësimit të këtij lëndimi vazhdoi të luajë dhe realizoi edhe golin e tij të dytë në këtë ndeshje, por më pas për shkak të dhimbjeve u detyrua të braktiste fushën. Pikërisht ky lëndim e ka vë në pikëpyetje paraqitjen e tij në ndeshjen e së dielës ndaj Sevilës.

[Damian1]

Europa League, sot emocionet e sfidave te dyta ne grupe

Spikasin sfidat Salsburg–Villareal dhe Werder Bremen–Atletic Bilbao, ndersa Rapidi i Salihit udheton ne fushen e veshtire te Celtic

Spektakli i sfidave europiane nuk ka përfunduar ende, pasi sonte në mbrëmje vijne ndeshjet e dyta te grupeve te Europa League. Do të kete takime interesante duke filluar që nga Red Bull Salsburg – Villareal dhe Werder Bremen – Atletic Bilbao. Me pas, dy skuadra te Sofies do te kene kunder dy ekipiet e kryeqytetit Italian: Roma që luan me CSKA brenda ne “Olimpico”, kuse Lazio që do te perballet me Levskin ne transferte.

Verdhekuqve u duhet të tregpojë qëndrueshmëri në lojën e saj. Këtë e ka gjetur në kampionat, edhe pse jo me rezultate të kënaqshme. Do t’i kthehet Cicinho nga dëmtimi dhe pritet goli i Vuçiniç, që nuk shënon prej dy muajsh. Ndërsa për lacialet do te duhet nje autokritike e forte, duke pare se kane humbur ndeshjen e pare evropiane brenda ne fushen e tyre. Nderkohe qe në takimin Celtic Glasgou - Rapid Wien mund të kemi mundësinë të shohim që nga minuta e parë sulmuesin e kombëtares shqiptare Hamdi Salihi.



EUROPA LEAGUE

Ndeshjet që do të luhen sot

19:00 AEK Athens - Benfica

19:00 Tolose - Club Bruges

19:00 Werder Bremen - Athletic Bilbao

19:00 Red Bull Salzburg - Villarreal

19:00 Levski Sofia - Lazio

19:00 Twente - Steaua Bucaresti

19:00 Sheriff Tiraspol - Fenerbahçe

19:00 BATE Borisov - Everton

19:00 Shakhtar Donetsk - Partizan Belgrad

19:00 FC København - Sparta Praga

19:00 PSV - CFR 1907 Cluj

19:00 Austria Wien - CD Nacional

21:05 FC Timisoara - Dinamo Zagreb

21:05 Valencia - Genoa

21:05 Sporting Lisbona - Hertha Berlin

21:05 Fulham - Basel

21:05 Dinamo Bucaresti - Panathinaikos

21:05 Anderlecht - Ajax

21:05 Slavia Praga - Lille

21:05 Celtic - Rapid Wien

21:05 Hamburg - Hapoel Tel Aviv

21:05 FK Ventspils - SC Heerenveen

21:05 Roma - CSKA Sofie

21:05 Galatasaray - Sturm Graz