Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Kuyt: Nuk shqetësohem nga Chelsea, do fitojme

“Nëse luajmë në nivelin tonë të lojës, atëherë mund të fitojmë sërish atje”, ka deklaruar holandezi i skuadres se Benitez

Ndeshja kryesore e javës së tetë në Premier League zhvillohet të dielën në “Stamford Bridge” ndërmjet Chelseat dhe Liverpoolit, ndërsa sulmuesi i te kuqve Dirk Kuyt thotë se ekipi i tij udhëton me vetëbesim në Londër.

“Sigurisht, Chelsea pati pike te plota deri fundjaven e kaluar kur u mposht nga Wigani, mirëpo unë nuk shqetësohem për ta. Nëse luajmë në nivelin tonë të lojës, atëherë mund të fitojmë sërish atje.

Sezonin e kaluar i mposhtëm ata edhe në shtëpi, edhe në transferte, prandaj pse të mos e bëjmë të njëjtën gjë edhe sivjet?”, ka thënë Kuyt, qe eshte nje nga elementet me te rendesishem te formacionit te drejtuar nga Benitez.

[Damian1]

Diagnoza për Robben: Një muaj jashtë fushave të futbollit

Lëndimi i Arjen Robenit në ndeshjen kundër Juventusit nuk është aq serioz sa dukej në pamje të parë

Futbollisti holandez në radhët e Bajernit ka tërhequr ligamentet, por i ka shpëtuar ndonjë lëndimi më serioz. Një gjë të tillë e ka konfirmuar dr. Muller Vohlfahrt, sipas të cilit Roben do të jetë jashtë fushës vetëm për një muaj.

"Fatmirësisht lëndimi nuk është i rëndë. Menisku dhe ligamentet e Robenit në gjurin e djathtë janë në rregull. Ne jemi të lumtur për këtë gjë. Arjeni do të na mungojë gjatë këtij muaji dhe nuk do të mund të luajë as në ndeshjen e kombëtares së Holandës në mesin e këtij muaji, por sigurisht se deri në fillim të muajit të ardhshëm do të riaftësohet për lojë", ka pohuar trajneri i Bajernit, Luis Van Gal.

[Damian1]

C.Ronaldo i demtuar, por synon te jete ndaj Sevillas

Portugezi i Realit pritej të mungonte si pasojë e lëndimit që pësoi në përballjen e mesjaves ndaj Marseille. “Une po bej maksimumin per te qene I gatshem”, thote ai

Sulmuesi i Real Madridit, Cristiano Ronaldo, shpreson që të jetë i gatshëm për ndeshjen e rëndësishme të të dielës ne kampionat kundër Sevillas.

Portugezi pritej të mungonte në këtë ndeshje si pasojë e lëndimit që pësoi në përballjen e mesjaves ndaj Marseille, mirëpo “AS” shkruan se Ronaldo po bën stërvitje të dyfishta ne menyre qe të jetë ne dispozicion për njërën nga ndeshjet më të rëndësishme të Realit deri tani ne kete sezon.

“Kam disa ditë në dispozicion për t’u rikuperuar dhe shpresoj se do të jem në rregull deri per të dielën. Mendoj se do të udhëtoj bashke me skuadren në Sevilla e me pas do te shohim”, citohet të ketë thënë Ronaldo, i cili ka nje vullnet te madh per te mos munguar.

[Damian1]

Vieira kërcënon Interin: Nëse nuk luaj do të largohem

Francezi Patrick Vieira i lëshon një mesazh të qartë Interit duke kërkuar një vend në formacionin baze, ne te kundert do te largohet

“Nese gjendja nuk do permiresohet atehere do me duhet te marr nje vendim”, shprehet mesfushori francez Vieira ne nje interviste per “L’Equipe”.

Demtimet e shumta kane bere qe Vieira te shihet si nje lojtar stoli ne radhet e skuadres zikalter, por tashme qe ai e ka marre plotesisht veten kerkon me shume hapesira nga Jose Mourinho.

“Do largohem ne muajin janar? Nese nuk ndryshon dicka mendoj se po. Nese nuk luaj ky eshte nje problem i madh per mua”, shprehet mesfushori qe kerkon te mos humbase boterorin nese Franca kualifikohet. Ne hierarkine e mesfushes, Mourinho e rendit Vieira pas Stankovic, Cambiassos, Zanettit dhe Muntarit.

[Damian1]

Milan, gati kthimi i Van Basten nese Leo deshton ne Bergamo

Ish-sulmuesi, tashme 44 vjec do te gezonte nje besueshmeri te palimituar nga ana e ish-tifozeve te vet. Ne gare jane edhe Tasotti, Mazzari e D.Rossi

Pavaresisht konfirmimeve qe vijne nga ana e drejtuesve te klubit, pankina e Leonardos te Milani eshte gjithmone e me ne dyshimk. Tekniku kuqezi, pas barazimit me Barin dhe humbjes ne Champions ndaj Zyrihut, duket se i ka ditet e numeruara. Sukseset ne Siena e ne Marseille (1-2), si dhe ai ne “San Siro” kunder Bolognas (1-0) jane te vetmet te arritura nga Milani ne 8 ndeshjet zyrtare dhe situate nis te behet vertet e nderikuar. Per me teper, kuqezinjte s’po shprehin as loje te bukur, gje qe nuk u le shume shpresa tifozeve, tashme te inatosur me skuadren, teknikun dhe klubin.

Sic ndodh shpesh ne raste te tilla, ne pamundesi per te larguar lojtare, ai qe mund te paguaje eshte trajneri, i cili ne Bergamo pritet te luaje te ardhmen ne stolin kuqezi. Nese do te vinte nje humbje ne ate qe tradicionalisht eshte nje fushe jo e lehte per kuqezinjte, Milani mund te perfitoje nga pauza e kampionatit per t’i dhene teknikut te ri dy jave per njohjen e skuadres.

Favorit per momentin shihet Marco Van Basten. Ish-sulmuesi i Milanit, tashme 44 vjec, me nje pervoje si trajner ne stolin e perfaqesueses holandeze dhe te Ajaksit, do te gezonte nje besueshmeri te palimituar nga ana e ish-tifozeve, te cilet s’e kane harruar. Por agjenti i tij, per momentin thote se nuk ka asnje kontakt me drejtuesit kuqezi, qe mund te nisin bisedimet vetem pasi te jene te sigurte per largimin e Leos.

Nje alternative e brendshme mund te jete zevendesi aktual Mauro Tassoti, bashke me Filippo Galin. Pa lene menjane as zgjedhjet e befasishme qe mund te jene Mazzarri, apo Delio Rossi, dy teknike “te papune” ne futbollin italian. Gjithcka, gjithsesi, do te vendoset duke filluar nga dita e hene, kur Milani te jete kthyer nga Bergamo: do te jete vendimtare te shihet se ne c’gjendje do te vije skuadra nga ndeshja me Atalanten.

[Damian1]

Sot do të zgjidhet qytetit fitues për Olimpiadën e 2016

Gjithcka gati ne Kopenhagen ku jane mbledhur perfaqesuesit e kater shteteve, SHBA-s, Spanjes, Japonise dhe Brazilit, per te propozuar dhe mbrojtur kandidaturat e tyre per zhvillimin e Lojrave Olimpike te vitit 2016

Nese Obama vazhdon te kritikohet per mbrojtjen e kandidatures se Cikagos, kritika qe jane bere nga media amerikane per nje moment te papershtatshem te ketyre lojrave per shkak te krizes ekonomike, ne Spanje eshte gati delegacioni per tezen e tyre te Madridit. 400 persona jane nisur nga Spanja, mes tyre 200 gazetare dhe pjesa me e rendesishme jane personazhe te njohur te sportit si basketbollisti i NBA, Po Gasol apo tenisti Rafael Nadal, te gjithe keta te udhehequr ngambreti Huan Karlos i cili ne kete duel nuk ia la perfaqesine mbretereshes Sofia.

“Kam nje parandenje“, kjo eshte motoja e fushates spanjolle ne prag te votimeve qe do te zhvillohen ne Kopenhagen. Madridi ne kandidaturen e tij ka nxjerre ne pah se nje pjese te mire te komplekseve i ka te gatshme, siguria eshte maksimale dhe 85% e popullsise eshte dakord me kete kandidature.

Pritet te jete e forte edhe kandidatura japoneze me Tokion qe po pergatitet per lojra eko-teknologjike, por ka nje mbeshtetje popullore shume me te vogel se spanjollet. Gjithesesi eshte kryeministri Jukio Hatojama qe do te jete diten e premte ne Kopenhagen per te mbeshtetur kandidaturen. Ndersa familja Obama do te mbeshtese Cikagon, me nje kandidature me ekologjike qe do te kete si pjese perberese mbeshtetjen e qytetareve te qytetit, pasi behet fjale per nje qytet me infrastrukture te gatshme dhe qe kerkon pak investime.

Qyteti i katert eshte Rio de Zhaneiro, nje kandidature e mbeshtetur nga presidenti Lula dhe ne menyre te vacante nga sportisti i shekullit Pele. Gjithsesi kandidatura e tyre duket disi me pak e favorizuar, pasi vetem ne 2014-en, 2 vjet para olimpiades do te organizojne kampionatin boteror.

[OVES12]

Ronaldo mund të mungojë ndaj Sevillas

Cristiano Ronaldo ka pësuar një goditje gjatë ndeshjes së të mërkurës mbrëma kundër Marseille në Ligën e Kampionëve, kështu që është në dyshim për t’u paraqitur në ndeshjen kundër Sevilla.
Mbrëmë në Bernabeu, Reali fitoi një penallti si pasojë e ndërhyrjes në Ronaldon, mirëpo portugezi ka pësuar një lëndim, i cili mund ta mbajë jashtë fushe të dielën, kur Mbretërit e kanë provën e parë të vërtetë të sezonit në La Liga. Ekipi mjekësor i Los Blancos ka bërë ekzaminimet e nevojshme dhe në një deklaratë në faqen zyrtare të klubit ka njoftuar se Ronaldo do të mungojë së paku në ndeshjen që do të zhvillohet në Sanchez Pizjuan.

[OVES12]

Hagi: Barcelona është më e mira në botë

Legjenda rumune Gheorghe Hagi ka vizituar Barcelonën për t’u takuar me miqtë e tij të vjetër dhe e ka lëvduar skuadrën aktuale të Blaugranëve duke thënë se luan futbollin më të mirë në botë.
“Kam ardhur ta shoh Barcën sepse është në formë të jashtëzakonshme dhe po luan shumë mirë”. “Barca luan futbollin më të mirë, është futboll sulmues, dhe të gjithëve u pëlqen. Ata (lojtarët) nuk shënojnë vetëm fitore, por luajnë mirë. Të gjithë e kanë vërejtur që ata kanë luajtur futbollin më të mirë vitin e kaluar, ndërsa edhe këtë sezon e kanë filluar shumë mirë”, ka thënë Hagi për Barca TV. Gjatë viteve 1994-1996, Hagi ka luajtur krahas Pep Guardiolas në Camp Nou, ndërsa është shprehur u ngazëllyer që partneri i dikurshëm në sulm drejton me sukses këtë klub.

[OVES12]

Cana: Mund ta shokojmë Unitedin në Old Trafford

Të shtunën Sunderlandi do të jetë mysafir i Manchester Unitedit në Old Trafford, ndërsa kapiteni i mysafirëve, Lorik Cana, thotë se ai e ka përvojën dhe Sunderlandi ka lojtarë të aftë për ta shokuar kampionin para tifozëve të vet.
“Padyshim që përvoja ime në Evropë do të më shërbejë kundër tyre. (Përvoja) është diçka që duhet t’ia siguroj skuadrës. Asnjëherë nuk kam luajtur kundër Manchester Unitedit, dhe kjo do të jetë hera ime e parë në stadiumin e tyre, mirëpo kam luajtur më herët kundër skuadrave të këtij niveli”. “Unë e di cilat janë detyrat tona dhe si duhet të luajmë. Nuk duhet të shkojmë atje vetëm për të luajtur në mesfushë, duke mos shkaktuar presion. Kjo i vështirëson gjërat, ndërsa ne i kemi kualitetet në skuadër për të luajtur kundër tyre”, ka thënë mesfushori kosovar.

[OVES12]

Adebayor del i pastër, rikthehet të hënën

Sulmuesi i Manchester Cityt Emmanuel Adebayor është dëmshpërblyer me 25 mijë funta plus tërheqjen e dënimit me dy ndeshje mos lojë kështu që ai do të rikthehet të hënën.
Adebayor është dënuar më herët nga FA për dy akuza : ishte i dhunshëm ndaj Van Persiet dhe u gëzua para fytyrës së tifozëve të Arsenalit. Mirëpo ashtu siç paralajmëroi Hughes vendimi u apelua dhe tani Adebayor nuk është i ngarkuar me këtë dënim.
Hughes tani e ka në dispozicion super-sulmuesin për të hënën, në ndeshjen kundër Aston Villas në Villa Park.