Mbyllur-Lajme dhe Diskutime per Sportin! Futboll.:.Motosport .:.etj

[supervisor91]

Vettel ne Pole Position



Sebestian Vettel eshte fituesi i pole position ne provat zyrtare te Cmimit te Madh te Japonise.
Piloti i skuadres Red Bull ka dominuar keto prova ne te gjitha minisesionet ne duel me Jarno Trulin dhe Ljuis Hamilton.

Italiani i Toyotes ne perfundim eshte renditur ne vendin e trete, nderkohe qe shoku i tij i skuadres pesoi nje aksident te rende dhe u transportua me autoambulance per ne spital.

Glok ishte vetem njeri nga pilotet qe shkaktuan aksidente ne keto prova, ashtu si ai, Alegersuari dhe Buemi shkaktuan gjithashtu aksidente duke kontribuar ne nderprerjen e provave ne disa momente.

Per shkak te ketyre nderprerjeve kane humbur disa protagonist si lideri i boterorit Xhenson Baton qe do te startoje nga vend ii shtate dhe kane perfituar disa pilot te tjere si Adrian Sutil qe e starton garen e neserme nga vendi i katert apo Rubens Barrikelo nga vend i peste. Vetem ne vendin e tete gjendet finlandezi i Ferrarit Kimi Raikonen.

[Damian1]

Sissoko i gatshëm për Juventus, rikthehet “luftëtari”

Mesfushori i Juventusit, Mohamed Sisoko tashmë është i gatshëm të rikthehet në fushën e lojës pas shtatë muajsh mungesë për shkak të lëndimit

Futbollisti i kombëtares së Malit është shprehur i gatshëm për lojë. "Pas shtatë muajsh pushimi, më në fund jam i gatshëm për t'u rikthyer në skuadër. Të enjten kisha kontrollin e fundit mjekësor dhe gjithçka doli në rregull. Shërimi i lëndimit më ka marrë një kohë të gjatë, sepse kam pasur një frakturë”.

“Nuk jam njeri që nxitohem, por këmba ime ka reaguar mirë", ka theksuar Sisoko. Pavarësisht shërimit të tij, Sisoko nuk ka gjasa të fillojë ndeshjen e së dielës ndaj Palermos si titullar, për shkak se nuk e ka arritur kondicionin e duhur fizik.

"Jam shumë mirë, por natyrisht jo në 100 përqindëshin tim. Duhet të kthehem në nivelin tim më të mirë pas dy apo tri javësh. Shpresoj se do të jam pjesë e skuadrës në ndeshjen ndaj Fiorentinës", ka nënvizuar Sisoko.

[Damian1]

Cana-Fletcher, zhvillohet dueli i madh në "Old Traford"

Lorik Cana do të luajë për herë të parë në "Old Traford", në përballjen mes Mançester Junajtid dhe Sandërlendit, që do të zhvillohet sot në orën 18.30

Mesfushori kuqezi është kthyer në një lider te "macet e zeza" dhe eksperienca e tij në nivele të larta shihet si një nga faktorët kyçë që skuadra e Stiv Brus të mund të besojë te surpriza. Në mediat britanike, dueli mes Lorik Canës dhe Darren Fleçër në mesfushë, shihet si më i rëndësishmi në këtë sfidë.

Skocezi është një produkt i akademisë së Junajtid, por në dy sezonet e fundit është kthyer në një futbollist stabël në formacion, madje duke realizuar edhe gola tepër të rëndësishëm si ai në derbin me Sitin dy javë më parë.

Në krahun tjetër, Cana vlerësohet si tepër i zgjuar dhe si një lojtar që bashkë me Li Katermol, formon një dyshe tepër robuste në mesfushë. Stiv Brus kërkon fitoren e parë ndaj Ferguson, megjithatë e di mirë se në "Old Traford" kjo s'është kurrë e lehtë.

[Damian1]

Sulmuesi Erion Bogdani është më i zëvendësuari në Serie A

Shqiptari Erjon Bogdani eshte lojtari qe eshte zevendesuar me shume ne gjashte javet e para te Serie A

Sulmuesi shqiptar, se bashku me fantazistin e Kaljarit, Andrea Kosu, ka dale pese here nga fusha, duke mos pasur shans qe te luaje pergjate gjithe 90-minuteshit. Statistika te çuditshme, mbi te gjitha per faktin se 32-vjeçari po kalon nje forme te shkelqyer si ne radhet e Kievos, ashtu edhe ne Kombetaren shqiptare.

Me fanellen kuqezi ai eshte shnderruar ne “bomberin” kryesor te trajnerit Kuzhe, duke shenuar rregullisht ne takimet e fundit, ndersa me ekipin e Di Karlos, sulmuesi spikati ne takimin qe veronezet mposhten 3:1 Xhenoan.

Me nje gol te shenuar dhe nje penallti te fituar, Bogdani u shpall lojtari me i mire i takimit dhe regjistroi paraqitjen me te mire ne dy vjet e gjysme ne ekip. Nje tjeter fakt i çuditshem eshte se te Kievo vazhdojne te mendojne se kuqeziu nuk e ka te sigurt vendin e titullarit: per sfiden e kesaj fundjave me Kaljarin, ashtu si ndodh perpara çdo ndeshjeje, Bogdani shihet ne balotazh me Granoken.

[OVES12]

Ancelotti: Chelsea duhet të luajë me inteligjencë

Trajneri i Chelseat, Carlo Ancelotti, kërkon nga lojtarët e tij që të përdorin inteligjencën në ndeshjen e të dielës kundër Liverpoolit në Stamford Bridge.
“Objektivi ynë është që të luajmë mirë, sepse nëse luan mirë, atëherë mund të fitosh. Do të më pëlqente ta shihja Chelsean duke kontrolluar lojën me inteligjencë të dielën”. “Nuk do të jetë lehtë përballë Liverpoolit, sepse ata kanë një organizim të mirë në mbrojtje, dhe njëkohësisht shfrytëzojnë kualitetin e lojtarëve ofanzivë-si Torres dhe Gerrard për të sulmuar”, ka thënë Ancelotti në një konferencë për shtyp.

[OVES12]

Iaquinta dëshiron fitore ndaj Palermos

Sulmuesi i Juventusit, Vincenzo Iaquinta, kërkon pikë të plota nga udhëtimi në Palermo.
Zonja e Vjetër ka barazuar katër ndeshje radhazi (dy në Serie A dhe dy në Ligën e Kampionëve), prandaj Iaquinta mendon se është koha për fitore. “Do të shkojmë në Palermo për të fituar tri pikë. Ne përballemi me çdo skuadër për fitore. Edhe kundër Munichut bëmë disa gabime dhe për këtë arsye duhet të përmirësohemi, mirëpo jemi në rrugën e duhur”. “Kemi mentalitet të shkëlqyer për të zhvilluar një sezon të jashtëzakonshëm në Serie A dhe të shfaqim një fushatë të mirë në Ligën e Kampionëve”, ka thënë italiani për itasportpress.it.

[OVES12]

Ronaldo, perfundimisht nuk do te luajë kundër Sevillas
Portugezi nuk do të jetë në ekipin e Real Madridit që do të udhëtojë në "Ramon Sanchez Pizjuan" për t’u përballur të dielën me Sevillan
Megjithe deshiren e madhe qe kishte, Cristiano Ronaldo nuk do të jetë në ekipin e Real Madridit që do të udhëtojë në "Ramon Sanchez Pizjuan" për t’u përballur të dielën me Sevillan. Trajneri i skuadres madrilene, Manuel Pellegrini, ka publikuar emrat e lojtarëve që do t’i ketë në dispozicion për atë ndeshje, ndërsa aty nuk figuron emri i yllit portugez. Ronaldo pësoi një lëndim në ndeshjen e Ligës së Kampionëve kundër Marseille, ndërsa edhe pse stafi mjekësor I madrileneve mendonte se ai mund të luajë të dielën, Pellegrini nuk dëshiron të rrezikojë.

Skuadra e plotë e Realit që do të jetë në dispozicion të Manuel Pellegrinit eshte kjo: Iker Casillas, Pepe, Sergio Ramos, Diarra, Raul, Kaka, Benzema, Marcelo, Dudek, Guti, Drenthe, Albiol, Garay, Higuain, Metzelder, Xabi Alonso, van der Vaart, Granero.

[OVES12]

Zaccheroni: Leonardos i duhet kohë

Ish-trajneri i Milanit, Alberto Zaccheroni, mendon se trajneri aktual i Rossonerëve, Leonardo, ka nevojë për më shumë kohë për të ndërtuar një sistem të mirë të lojës.
“Leonardo është sikurse Pato. Është i ri dhe nevojitet durim. Kur një trajner përjeton përvojën e parë, atëherë rezultatet do të vijnë më vonë”. “Nuk mendoj se Milani është në krizë. Kampionati është ende i hapur”, u ka thënë Zaccheroni gazetarëve.

[OVES12]

Di Natale: Jam i gatshëm ta ndëshkoj Cesarin

Të shtunën mbrëma Interi është nikoqir i Udineses në Giuseppe Meazza, ndërsa sulmuesi mysafir Antonio Di Natale thotë se është i përgatitur për të shënuar në portën e zikaltërve.
‘Toto’ ka shënuar tetë gola në gjashtë ndeshjet e para duke arritur rekordin e vendosur nga Gabriel Batistuta para dhjetë vitesh. “Julio Cesar është një portier i mirë, por unë do të mundohem të shënoj kundër tij”. “Mendoj se mund t’i vëmë në vështirësi me mënyrën tonë të lojës. Ata nuk e kanë pasur asnjëherë të lehtë që të fitojnë ndaj nesh”, ka thënë Di Natale për “Tuttosport”.

[Damian1]

Roberto Baggio voton Juven: Mund ta fitojë titulllin

I ashtuquajturi “Bishtaleci” ka qene i pranishem ne festimet e 100-vjetorit te klubit te Bolognes: "Ketu kam nje pjese te zemres time"

Legjenda italiane Roberto Baggio është i mendimit që Juventusi mund te rikthehet ta fitojë titullin kampion ne perfundim te ketij sezoni. “Bardhezinjte janë më të fortë sesa ishin sezonin e kaluar, dhe mendoj se mund ta fitojnë kampionatin”, ka thënë ish-sulmuesi i Juves.

I ashtuquajturi “Bishtaleci” ka qene i pranishem ne festimet e 100-vjetorit te klubit te Bolognes, qe eshte nje nder skuadrat ku ai ka kaluar vitet me te bukura te karrieres. “Pa dyshim qe ketu ne ekipin bolonjez kam pasur nje rilindje, pas viteve te arta te Juventusi dhe kalimeve te metejshme te Milan e Inter”, ka shprehur emocionin e tij Baggio.

Nderkaq, të dielën, bardhezinjtë udhëtojnë në Palermo ku do të mundohen të rrembejne tri pikë për te sfiduar kryesuesit e Sampdorias në renditje.