Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Totti do te jete gati per loje kundër Napolit

Mendohej se nuk do të mund të luante as në këtë ndeshje te radhes, mirëpo mesohet se kapiteni i Romes është paraqitur në fushën stërvitore të shtunën, keshtu që nesër do të jetë në dispozicion

Simboli i Romës, Francesco Totti, do të jetë në gjendje të luajë të dielën kundër Napolit në nje nder sfidat e rendesishme te kesaj fundjave ne kampionatin italian.

Pasi mungoi ne mesjave per takimin e Europa League ndaj CSKA se Sofjes mendohej se Totti nuk do të mund të luante as në këtë ndeshje te radhes, mirëpo mesohet se kapiteni është paraqitur në fushën stërvitore të shtunën, keshtu që nesër do të jetë në dispozicion të trajnerit Claudio Ranieri.

Ndërkohë, dyshja braziliane, Julio Baptista dhe Juan, do të mungojnë në këtë përballje, si pasojë e lëndimeve te pesuara, ndërsa mesfushori Matteo Brighi është në dyshim.

[Damian1]

Ferrara, replike Mourinhos: Te mos flase me per Juven!

Trajneri reagon ndaj kritikave të homologut, i cili ishte shprehur se mediat italiane i lavdërojnë bardhezinjtë, ndërsa flasin keq gjithmone për zikalterit

Trajneri i Juventusit, Ciro Ferrara, ka reaguar ndaj kritikave të trajnerit të Interit, Jose Mourinho, i cili ishte shprehur se mediat italiane i lavdërojnë bardhezinjtë, ndërsa flasin keq gjithmone për zikalterit. “Barazimi i arritur nga ana jone në Mynih nuk m’u duk se u lavderua sikur të kishte qenë vepër arti. Së paku, këtu në Torino nuk u konsiderua ashtu, ndoshta ndodhi ndryshe në Milano…”.

Megjithate, tekniku e ka shtuar dozen me tej: ”Dua të them diçka. Mourinho duhet të fillojë të interesohet për skuadrën e tij. E kam pyetur veten pse ai cdo javë ka diçka për të thënë për Juventusin dhe jam munduar me kot ta gjej shpjegimin… Ai ka një skuadër me nivel te larte, ka zgjedhur lojtarët më të mirë dhe është trajner i madh. Është normale se gjithmonë pritet fitore, prandaj kritikat ne raste barazimi janë të mëdha”, tha Ferrara.

[Damian1]

Benitez: Po ndalem Drogban, e “kapim mat” Chelsean

Tekniku i Liverpool tregon rrezikun kryesor në ndeshjen e shumepritur të dielës në “Stamford Bridge” qe do te vendose perballe dy skuadrat e medha te futbollit anglez

Trajneri i Liverpoolit, Rafael Benitez, ka kërkuar nga lojtarët e tij që të kenë kujdes nga sulmuesi i Chelseat, Didier Drogba, në ndeshjen e shumepritur të dielës në “Stamford Bridge” qe do te vendose perballe dy skuadrat e medha te futbollit anglez. “Njerëzit mund të kenë mendime të ndryshme për Drogban, por nuk mund të thuash se ai është diçka tjetër, veçse një kundërshtar i rrezikshëm.

Duhet te dime ta menaxhojmë kërcënimin qe mund te vije prej tij dhe nëse e bëjmë këtë, mendoj se gjithçka do të jetë në rregull”, ka thënë Rafa. Gjithsesi, edhe Liverpool ka nje sulmues te rrezikshem si Torres, tek i cili Benitez ka besim te madh se mund te rikthehet te shenoje, pas “pauzes” ne Champions League ndaj Fiorentines.

[Damian1]

Barcelona vazhdon marshimin, fitorja e 6 radhazi në La Liga

Fitore minimale e skuadrës “Blaugrana” e cila mundi të marrë 100% të pikëve kundër Almerias me një gol të Pedros

Kampionia e Spanjës dhe e Europës, Barcelona nuk ka arritur të shënojë më shumë se një gol në ndeshjen e të shtunës mbrëma në Camp Nou kundër Almerias.

Të vetmin gol në ndeshje e shënoi Pedro Rodriguez (31’), i cili pranoi një top nga Maxwell për ta mposhtur portierin mysafir Diego Alves.

Ndërkohë, edhe pse luajti për 90 minuta, sulmues i Barcelonës, Zlatan Ibrahimovic, dështoi të thyejë rekordin e Cesar Rodriguez të vendosur në sezonin 1950/1951, për të shënuar gol në secilën nga gjashtë ndeshjet e para të sezonit.

[Damian1]

Inter i falet minutave shtesë, mundi Udinese 2-1 në San Siro

Kampioni në fuqi i Serie A, Inter, ka siguruar tri pikë të arta përballë Udineses, duke shënuar golin e fitores në minutat shtesë

Ndeshja e zhvilluar në stadiumin “San Siro” ndërmjet Interit dhe Udineses, ka përfunduar me fitoren e zikaltërve me rezultat prej 2-1.

Zikaltërit kaluan të parët në epërsi me golin e Dejan Stankovic (22’), mirëpo vetëm pas pesë minutash (28’), golashënuesi më i mirë në Serie A deri më tani, Antonio di Natale barazoi rezultatin.

Pas rasteve të shumta në të dyja anët, nuk u shënua gol deri në minutat shtesë të ndeshjes, kur transferi i sivjetem i Interit, Wesley Sneijder, ia solli fitoren skuadrës vendase duke e vendosur në krye të tabelës, së paku deri të dielën kur zhvillohen ndeshjet tjera të javës së shtatë në Serie A. Në ndeshjen tjetër të Serie A, Bari barazoi 1-1 me Catanian.

[supervisor91]

Suzuka, Vettel fiton garen, Brown titullin per konstruktore

Sebastian Vettel ka mbyllur me sukses nje jave qe ka folur vetem per te ne pisten e Suzukas ne Japoni, duke fituar garen e trete ne kete sezon dhe te katerten ne gjithe karrieren e tij.
Gjermani i Red Bull nuk e ka vene asnjehere ne diskutim fitoren e gares nipotike pasi ka kryesuar ne cdo xhiro, duke treguar se makina e tij kishte nje marsh me shume se te gjithe kundershtaret. Vendi i dyte i takon italianit Jarno Trulli me Toyota, i cili ne pit stop-in e dyte ka arritur te dale para britanikut Lewis Hamilton.

Vendi i katert per ferraristin Kimi Raikkonen, i cili ka lene pas Nico Rosberg, Nick Heidfeld, Rubens Barrichello dhe kryesuesin e boterorit Jenson Button.

Pas kesaj gare renditja per pilote kryesohet nga Button me 85 pike, i ndjekur nga Barrichello me 71 dhe Vettel me 69. Lufta per kampionatin e konstruktoreve eshte mbyllur me 3 piket e marra sot nga skuderia britanike, e cila ka zyrtarizuar titullin kampion per kete sezon.

[supervisor91]

Dorehiqet Loncarevic, Tirana ne kaos


“Edhe po te fitoja 5-0 do te largohesha nga Tirana. Situata eshte shume e renduar ne klub. Nuk do te them se kush eshte fajtori”.
Me kete deklarate te fundit largohet kroati, i cili ka drejtuar gishtin e akuzes nga presidenti Halili dhe anetaret e kryesise, te cilet e kishin kritikuar ashper teknikun kroat ne analizen e te henes se kaluar. “Nuk mund te vazhdoj me, idete e mia nuk perputhen me idete e drejtuesve”.

Barazimi 1-1 ndaj Kastriotit i ha koken trajnerit te Tiranes, Ilija Loncarevic, i cili menjehere pas tij dha doreheqjen e parevokueshme. Kroati u be trajneri i peste qe dorehiqet ne kete sezon te Superiores. Me pare e kishin dhene ate Gugash Magani (Shkumbini), Eqerem Memushi (Flamurtari), Ilir Qirjako (i shkarkuar nga Gramozi) dhe Hasan Lika (i shkarkuar nga Vllaznia). Kroati u largua perfundimisht, duke lene nje imazh te shemtuar ne Shqiperi, e duke konfirmuar se “jeta” e nje trajneri te huaj te Tirana eshte shume e shkurter, duke pare dhe historine e 4 paraardhesve te huaj te te 23-here kampionet.

Tirana e Loncarevic beri nje nisje jo te mire te sezonit aktual, duke fiksuar nje bilanc negativ: ne 6 ndeshje, 2 fitore, 2 barazim, 2 humbje. Ky konsiderohet edhe si nje nga startet me te keqija te bardhebluve ne keto vitet e fundit. Ndikim te padiskutueshem ne kete situate paten mungesat e shume lojtareve kryesore si: Mukaj, Memelli, Muzaka e Dabulla, por edhe problemet gjithnje te pranishme mes drejtuesve te klubit.

“Shkelmin” e fundit e mori dje ne sfiden ndaj Kastriotit. Miqte e kaluan ne avantazh ne fundin e pjeses se pare me Roshin. Vetem pak minuta para fillimit te pjeses se dyte barazoi i rikthyeri nga demtimi, Muzaka. Por minutat e mbetura nuk u mjaftuan bardhebluve per te ndryshuar rezultatin e fiksuar te barazimi 1-1.

“Nuk mund te vazhdoj me, pasi idete e mia te funksionimit te skuadres nuk perputhen me idete e drejtuesve, u shpreh Loncarevic menjehere pas ndeshjes. Shpresoj qe nje trajner te dije ta drejtoje me mire se une. Doreheqjen e kisha planifikuar dhe sikur ta kisha fituar ndeshjen 5-0. Situata eshte shume e renduar ne klub. Nuk do te them se kush eshte fajtori”. Ka mjaftuar ky prononcim i shkurter dhe pa iu referuar emrave konkrete, por qe tregonte qarte qe gishti drejtohej nga presidenti Halili dhe anetaret e kryesise, te cilet e kishin kritikuar ashper teknikun kroat ne analizen e te henes se kaluar. Gjithsesi, edhe pse deshtoi ne Champions League (u eliminua nga Stabeek 1-1, 0-4), Loncarevic ka fituar me bardheblute Superkupen e Shqiperise (2009) dhe kupen simbolike “Kujtim Majaci”.

Pervec Loncarevic, Tirana ka pare ne drejtimin e saj edhe kater trajnere te huaj si hungarezi Miklosh Temeshvari (2000-2001), boshnjaku Enver Haxhiabdic (2002-2003), italianin Leonardo Menikini (2005) dhe kroato-boshnjakun Blazh Slishkovic. Pervec faktit se kane drejtuar skuadren me te pasur ne Shqiperi, te kater trajneret e huaj te meparshem i bashkon edhe nje statistike e dhimbshme: asnje nga ata nuk arriti ta perfundoje sezonin, duke u larguar per shkaqe qe lidhen si me rezultatet (jo fort te mira), por dhe me atmosferen “vrasese” te ambientit bardheblu. Hungarezi Miklos Temeshavari (2000-2001), i cili u largua pas 8 muajsh. Te njejtin fat pesoi me pas edhe profesori boshnjak, Enver Haxhiabdic (2002-2003), qe u rezistoi klaneve bardheblu vetem 5 muaj.

Ne sezonin 2005-2006 italiani Leondardo Menikini la Tiranen pas 4 muajsh. Edhe Blaz Slishkovic dha doreheqjen, por ne javen e 14-te pas nje barazimi te dhimbshem me Partizanin, 2-2. Temeshvari fitoi Superkupen (2001), Haxhiabdic fitoi Kupen e gazetes “Sport ekspres”, ndersa Blaz Slishkovic fitoi trofeun nderkombetar “Taci Oil Albania Reads” perballe Milanit.

[supervisor91]

Seria A, thellohet kriza e Milan

Thellohet me tej kriza ne skuadren e Milanit. Ronaldinjo shpeton “nderin” e kuqezinjeve ne minutat e fundit te takimit duke barazuar golin e shenuar nga Tiriboki per Atalanten.
Megjithese kjo e fundit luajti per 50 minuta me 10 lojtare pas daljes me karton te kuq te Randanovic ne minuten e 40 te pjeses se pare Milani nuk arriti te marre me shume se nje pike ne “Atleti Axurri”.

Nderkaq ne ndeshjet e tjera, Roma fiton ndaj Napolit me rezultatin 2-1 fale nje dopiete te Totit qe permbysi golin e shenuar me pare nga Laveci per Napolin. Sampdoria ndalet nga Parma ne fushen e saj. Skuadra e Del Nerit eshte mjaftuar me nje barazim 1-1. Xhenoa mund ne transferte Bolonjen me rezultatin 1-3. Rezultati i bardhe 0-0 i ka dhene nga nje pike Fiorentines dhe Lacios ne Firence. Edhe Siena Livorno mbyllet me rezultatin e bardhe 0-0.

Kievo e Bogdanit ka fituar ndaj Kaljarit ne transferte me rezultatin 1-2, ku sulmuesi kuqezi u ndeshkuar ne minuten e 44 te pjese se pare me karton te verdhe.

Java e shtate e Serise A mbyllet me ndeshjen Palermo-Juventus ne oren 20:45.

[supervisor91]

Mourinho humbet nervat: Flas per ke te dua

Mbremje e "shfrenuar” per trajnerin e Interit, Jose Mourinho pas golit te Sneijder ne minutat shtese qe i dha fitoren 2-1 ndaj Udinezes.
Gjuha e nxjerre jashte nga "Special One" nuk eshte nje gjest qe mund ta shikojme perdite. Kete here tekniku portugez duket se ka nisur betejen me te madhe me mediat dhe opinionin sportiv ne Itali. Duke reaguar ndaj trajnerit juventin Ferrara, i cili tha se Mou nuk duhet te merret me me te tjeret, Jose nuk i ka mbajtur dot nervat.

"Une flas per ke te dua. Nese nuk do, ai mund te mos degjoje, mund te jete i lumtur ose jo por une flas si te dua edhe pse kam pasaporten portugeze", shprehet Mourinho. Me tej, Mou ka provokuar serish ambientin bardhezi rreth pyetjes nese do ta ndjeke ndeshjen Palermo-Juventus.

"Nuk e di sepse sot luhet Chelsea-Liverpool dhe me pas ne oren 7 ka nje ndeshje ne Portugali dhe ndoshta do jem pak i lodhur", perfundon tekniku zikalter.

[supervisor91]

MotoGP, Lorenco fiton ne Portugali



Spanjolli Horge Lorenco ka fituar Cmimin e Madh te Estorilit ne Portugali dhe ka rihapur luften per titull mes tij dhe italianit Valentino Rosi.
I dyti ne finish ka kaluar australiani Kejsi Stoner me Dukati duke lene pas tij Dani Pedrosa me Honda ne vendin e trete dhe Valentino Rosin me Jamaha ne vendin e katert.

Me fitoren ne Portugali Lorenco ngjitet ne kuoten e 232 pikeve duke ngushtuar diferencen me vendin e pare qe mbahet nga “The Doctor” me 250 pike.