Mbyllur-Lajme dhe Diskutime per Sportin! Futboll.:.Motosport .:.etj

[Damian1]

Real ndalet në derbi nga Atletico, Barça mund Bilbaon

Reali distancohet më shumë nga katalanasit pas barazimit 1-1. Ndërkohë Barcelona ka fituar pastër me Athletic Bilbao

Real Madrid ka marrë vetëm një pikë në barazimin 1-1 që dhuroi ndeshja derbi e kryeqytetit spanjoll mes merengues dhe Atletico Madrid.

“Galaktikët” janë gjendur në vështirësi nga fqinjët duke rrezikuar shpeshherë të humbin edhe ndeshjen.

Ishte Diego Forlan që shënoi i pari pasi kaloi “Colchoneros” në avantazh në fundin e pjesës së parë duke entuziazmuar tifozët e Atletico. Në stadiumin “Santiago Bernabeu” u pa një tjetër gol kur holandezi Huntelar shënoi në minutën e 57 ndërsa rezultati mbeti po ai.

Barcelona e ka kthyer në formalitet ndeshjen ndaj Athletic Bilbao duke fituar 2-0 që në pjesën e parë. Burgos shënoi në minutën e 17-të për katalanasit ndërsa Messi dyfishoi me penallti, duke siguruar suksesin për Barcelonën.

[Damian1]

Juventus fiton minimalisht derbin e qytetit me Torino

Bardhezinjve u ka mjaftuar një gol në fundin e lojës për të kaluar skuadrën “granata” që ofroi shumë rezistencë

Skuadra e Juventusit nuk është shkëputur nga Interi kryesues pasi ka fituar edhe këtë javë 1-0 në derbin e qytetit ndaj Torinos. Skuadra e trajnerit Claudio Ranieri është treguar superiore në shumicën e lojës por ka zgjidhur ndeshjen vetëm në fund.

Pas një pjese të parë pa gola dhe nën ritëm, skuadra e Juventus ngulmoi më shumë drejt portës së Serenit dhe u shpërblye në fundin e lojës.

Torino-Juventus 0-1 u bë në minutën e 81 kur goditja me kokë e mbrojtësit italian Giorgio Chiellini pushoi në rrjetë pas krosit të Nedved.

[Damian1]

Lille mposht sërish Lyon, probleme për kampionët e Francës

Skuadra e Lille ka fituar për herë të dytë Brenda tre ditëve ndaj kampionëve në fuqi. Rrezikohet pankina e Puel

Skuadra e Lille brenda tri ditësh e mposhti për herë të dytë ekipin kryesues në Ligue 1 – Lionin. Pas fitores 3:2 të mërkurën për kupë, Lille të shtunën mbrëma në “Stade de France” në kuadër të javës së 27-të e mposhti kampionin e shtatëfishtë me rezultat 2:0, me golat e Vitekut (60’) dhe Bastosit (89’). Këtë humbje e ka shfrytëzuar Paris Sent Zhermeni që ka fituar pikët si mysafirë i Lorientit me anë të Ludovik Zhulit në minutën e 22-të.

Marsej edhe një herë dështoi në “Veledrom” duke dëshmuar se shumë më i rrrezikshëm këtë edicion është kur luan jashtë fushës së vetë. Kësaj radhe një pikë e rrëmbeu skuadra e Valencienit. Tuluze në anën tjetër vazhdoi të luaj shkëlqyeshëm këtë stinor duke fituar bindshëm sfidën kundër Bordos (3:0).

Ligue 1 – java e 27-të

Marseje – Valenciene 0:0

Lorient – PSG 0:1

Nansi - Le Mansh 2:2

Nica – Monako 0:0

Grenoble – Caen 2:1

TulluzE- Bordo 3:0

Lille – Lion 2:0

[Damian1]

Ranieri: Më e rëndësishmja është të fitojmë, jo loja

Trajneri i “Zonjës së Vjetër” ka lavdëruar ekipin pas triumfit në derbin torinez duke thënë se mendon vetëm për rezultatet

Trajneri i Juventusit, Claudio Ranieri, është shprehur i kënaqur nga fitorja e mbrëmshme ndaj Torinos dhe shton se në këtë pjesë të sezonit më e rëndësishme është të fitohet se sa të luhet bukur.

Juventusi ishte pa lojtarët kryesorë Alessandro Del Piero, David Trezeguet dhe Pavel Nedved, të cilët u pushuan para ndeshjes së të martës ndaj Chelseat, në kuadër të Ligës së Kampionëve. “Vuajtëm ca pasi kemi pasur mungesë të disa lojtarëve kyç, por gjëja më e rëndësishme ishte fitorja”, ka thënë Ranieri pas ndeshjes ndaj Torinos.

“Duhet të fitojmë, nuk është e rëndësishme se si. Këtë e kemi thënë disa herë. E kemi kontrolluar derbin mirë. Donim të fitonim dhe krijuam katër-pesë raste të pastra, ndërsa ata krijuan dy”, ka shtuar trajneri italian.

[Damian1]

Ferguson lavdëron Tevez, marrëveshja më pranë

Sulmuesi argjentinas ishte vendimtar në kualifikimin e Manchester në FA Cup, dhe pritet që klubi ti ofrojë një kontratë të re

Menaxheri i Manchester United, Sir Alex Ferguson, ka qenë plot lëvdata për autorin e dy golave në fitoren e djeshme ndaj Fulhamit, Carlos Tevez.

“Ishte një paraqitje e shkëlqyeshme nga argjentinasi, ai ka aq shumë energji në fushë”, ka thënë Ferguson pas ndeshjes së mbrëmshme.

“Secili ishte në formë dhe i freskët dhe pëlciste të luajë. Isha i ngazëllyer sapo filloi loja, me energjinë dhe kënaqësinë. Por ishte një ndeshje e vështirë, Fulham ishte në formë dhe duhet ta respektojmë. Barazimi ishte gjëja e fundit për të cilën kishim nevojë”, ka shtuar trajneri.

[Damian1]

Beckham zyrtarisht te Milan: Ëndërr që bëhet realitet

Futbollisti anglez do të qëndrojë deri në fund të sezonit dhe më pas do rikthehet 6te Galaxy. Ai tha se për të është një ëndërr

Më në fund ia ka arritur qëllimit. David Beckham do të qëndrojë te skuadra e Milanit deri në fundin e sezonit në 31 Maj, dhe më pas do të rikthehet tek Los Angeles Galaxy në muajin korrik. Marrëvesja është zyrtarizuar në orët e para të ditës së sotme.

Por mesfushori britanik që ka pranuar të paguajë një pjesë të transfertës, si dhe Milani, do të paguajnë një shumë të madhe për këtë çështje që solli edhe zgjatjen e huazimit.

Skuadra e LA Galaxy kërkonte 10 milionë dollarë, kurse Milan ofronte 3. Marrëveshja u arrit por nuk dihet se sa kanë paguar kuqezinjtë. “I jam mirënjohës të dyja skuadrave për këtë ëndërr që më realizuan” tha Beckham pas firmës.

[Damian1]

Sissoko pëson frakturë, mbyllet sezoni për mesfushorin

Juventus është goditur nga një lajm i keq në prag të ndeshjes vendimtare me skuadrën e Chelsea për Champions League

Juventus ka humbur një pjesë të rëndësishme të mesfsushës së saj në prag të përballjes së sezonit ndaj Chelsea, në Ligën e Kampioneve. Ranieri ka humbur Mohammed Sissoko për të paktën dy muaj dhe nuk do ta ketë në dispozicion pasi ka pësuar frakturë.

Futbollisti i kombëtares maliane, gjatë ndeshjes derbi kundër Torinos, ishte viktimë e një traume të rëndë në këmbën e djathtë, e cila i ka provokuar edhe një frakturë që do ti kushtojë rëndë.

Diagnoza u bë e ditur nga siti zyrtar i skuadrës së Juventusit. Radiografia e bërë pas ndeshjes tregoi një frakturë të përbërë në këmbën e Sissoko. Modalitetet e rikuperimit dhe koha do të bëhen të ditura në ditët në vazhdim.

[Damian1]

Wenger: Futbolli mund të bëhet shënjestër e terrorizmit

Trajneri i Arsenalit, Arsene Wenger ka thënë se sporti më popullor mund të cënohet nga sulmet e ekstremistëve

Sulmi ndaj kombetares se Sri Lankes, i cili ndodhi javen e kaluar ne Lahore, Pakistan ku humben jeten gjashte persona, ka vene ne alarm boten e sportit, qe rrezikon te behet nje objektiv konkret i terroristeve.

Ne kete kuptim tekniku i Arsenalit, Arsene Wenger ka reaguar. “Nuk konsiderohemi nje objektiv, por kjo nuk eshte e thene se nuk mund te ndodhe”, eshte shprehur menaxheri i Gunners ne BBC.

“Ka ndodhur qe edhe ne kemi pasur paralajmerime perpara disa ndeshjeve te luajtuara ne shtepi, por nuk e kemi bere publike”, tha Wenger per mediat britanike.

[Damian1]

Milan fluturon me Inzaghi, rrëzohen Napoli e Fiorentina

Milan ka mundur Atalantën 3-0 ku heroi ishte Inzaghi me 3 gola ndërsa kanë pësuar humbje shokuese në shtëpi, Napoli e Fiorentina

Është rikthyer të jetë vendimtar për ekipin dhe këtë e ka bërë si protagonist absolut, Filippo Inzaghi ka shënuar 3 gola në ndeshjen e fituar 3-0 nga Milani kundër Atalantës në stadiumin “San Siro” duke u rikthyer tek suksesi.

Sulmuesi kuqezi ishte heroi i ditës për skuadrën e Ancelotti pasi shënoi 3 herë në portën e miqve. Pjesa e parë nisi me furi pasi në minutën e tretë Inzaghi shënoi për Milan. Më pas në pjesën e dytë erdhën dy gola të tjerë nga Super Pippo që vulosi rezultatin 3-0.

Humbje shokuese për Fiorentinën në shtëpi pasi Palermo mposhti skuadrën e Prandelli 0-2. Golat për siçilianët erdhën nga Simplicio dhe Fabrizio Miccoli. Humbje befasuese edhe për Napolin që në shtëpi u mund nga Lazio. Kryeqytetasit fituan me dy gola nga kapiteni Rocchi.

Chievo barazoi 1-1 me Cagliari 1-1( Jeda, Makinwa) ndërsa Bolgna përfitoi nga 3 gola të Di Vaio në fitoren 3-0 me Sampdoria.

Rezultatet:

Milan 3 - 0 Atalanta

Bologna 3 - 0 Sampdoria

Catania 0 - 3 Siena

Chievo 1 - 1 Cagliari

Fiorentina 0 - 2 Palermo

Lecce 0 - 0 Reggina

Napoli 0 - 2 Lazio

[Damian1]

Juventus, një vit plot “thyerje”, 56 pikë dhe 54 dëmtime

Që prej muajit Korrik, skuadra italiane ka llogaritur 54 dëmtime të cilat kanë kushtëzuar jo pak lojën e tyre

Llogaritë i ka bërë gazeta e njohur "Tuttosport" por hallet i kanë hequr drejtuesit e Juventusit, dhe trajneri Claudio Ranieri. Totali i statistikave të ofruara për dëmtimet e skuadrës torineze është më shumë se impresionues.

Që prej datës 5 Korrik të vitit 2008 kur nisi edhe grumbullimi i “Zonjës së Vjetër”, janë numëruar 54 dëmtime deri më sot, për futbollistët e Juventusit. Një mesatare dëmtimesh e llogaritur për Juventus është 1.7 në çdo javë.

Spuntoja e mediave italiane ka ardhur nga problemet më të fundit në shtëpinë e torinezëve, pak orë nga ndeshja në Champions me Chelsea.

Fraktura për Mohammed Sissoko dhe kontraktimi për mesfushorin Marco Marchionni janë të fundit në listën e zezë. Vetëm 8 futbollistë këtë sezon, fatmirësisht nuk kanë patur probleme te Juventus.