Mbyllur-Lajme dhe Diskutime per Sportin! Futboll.:.Motosport .:.etj

[OVES12]

Fininvest: Milani nuk është në shitje

Presidenti i Milanit, Silvio Berlusconi Milani ka mohuar spekulimet se një pjesë e madhe e aksioneve do t’i shiten manjatit shqiptar Rezart Taçi.
Të martën, Taçi konfirmoi dëshirën e tij për ta blerë klubin e madh italian, duke u bazuar në njoftimet e mediave italiane për vështirësitë ekonomike të kompanisë “Fininvest”, të cilën e udhëheq presidenti i Milanit, Silvio Berlusconi. Mirëpo, në një deklaratë në faqen zyrtare të Milanit, thuhet se nuk ekziston asnjë mundësi që të shitet klubi.

[OVES12]

Figo: Ëndrra ime ta shoh Messin tek Inter

Luis Figo ka dëshirë të madhe që superylli i Barcelonës, Lionel Messi, ta veshë fanellën e Interit.
Portugezi, i cili gjatë karrierës së tij ka luajtur edhe për Barcën edhe për Interin, thotë se Messi është lojtari më i mirë në botë, ndërsa ai do të shkëlqente në Serie A. “Lionel është më i miri nga të gjithë dhe kjo është e padiskutueshme”. “Loja e tij ekipore tash është më e mirë sesa në vitin e kaluar. Ëndrra ime është që ta shoh Messin duke luajtur për Interin”, ka thënë Figo për “Corriere dello Sport”.

[OVES12]

Adriano nuk do të kalojë te Milani, së paku deri në verë

Agjenti i Adrianos ka mohuar se Milani do ta transferojë brazilianin gjatë afatit kalimtar të janarit, duke thënë se ‘Perandori’ nuk do të ndërrojë ambient së paku deri në verën e ardhshme.
“Adriano është me kombëtaren (e Brazilit) dhe ne sinqerisht nuk kemi lajme zyrtare (në lidhje me interesimin e Milanit)”. “Adriano është sistemuar te Flamengo. Ai është golashënuesi më i mirë në Brazil edhe pse ka luajtur gjashtë ndeshje më pak se të tjerët” “Tash për tash ai dëshiron të qëndrojë në Brazil deri në Kampionatin Botëror. Ky është plani ynë tani për tani...”, ka thënë agjenti i Adrianos, Gilmar Rinaldi

[OVES12]

Drogba: E doja Mourinhon

Sulmuesi i Chelseat, Didier Drogba, ka lëvduar aftësitë motivuese të ish-trajnerit të Bluve, aktualisht trajner i Interit, Jose Mourinho.
“Mourinho është person shumë i fortë teknikisht, por i veçantë nga ana psikologjike. Ai di si të depërtojë në brendësinë e lojtarëve”. “Ai të thotë: ‘Bën çfarë të duash, me mua mund të bësh ç’të duash. Por në fushë duhet të japësh gjithçka. Mos më tradhto. Unë të jap çfarëdo që të duash, të jap pushim, por në fushë duhet të tregohesh’”. “E doja sepse më ndihmoi të përparoj si lojtar. Isha i gatshëm t’i thyej këmbët për të”, ka thënë Drogba për RTL.

[OVES12]

Ibra: Danimarka nuk është Barcelona

Zlatan Ibrahimovic thotë se Danimarka nuk është aq e mirë që të luajë me sistemin e lojës së Barcelonës.
Sulmuesi i Barcelonës mendon se përfaqësuesja e tij do ta fitojë ndeshjen e rëndësishme kualifikuese për t’u barazuar me pikë me liderin e Grupit 1. “Unë luaj për Barcelonën, ndërsa Danimarka nuk është Barcelona. (Te Barcelona) ne jemi të fortë dhe të kompletuar si ekip. (Danimarka) luan me sistemin 4-3-3 ndryshe nga ne dhe luajnë mirë”. “Mirëpo ata nuk i kanë lojtarët e vërtetë për atë sistem loje, për të cilin nevojiten 11 lojtarë me teknikë të mirë. Unë e admiroj trajnerin Morten Olsen që mundohet të luajë ashtu”, ka thënë Ibracadabra.

[OVES12]

Raul: LK është objektivi kryesor

Kapiteni i Real Madridit, Raul Gonzalez, dëshiron ta fitojë Ligën e Kampionëve këtë sezon ashtu që ta rikthejë emrin e Los Blancos aty ku e ka vendin në Evropë.
“Liga e Kampionëve është gara më e rëndësishme. Aty marrin pjesë klubet më të mira në kontinent”. “Tradicionalisht ka qenë gara jonë, sepse ne kemi fituar më shumë trofe evropiane sesa cilado skuadër tjetër. Dëshirojmë ta rikthejmë atë kohë”, ka thënë Raul për CNN.

[OVES12]

De Rossi: Kthimi i Tottit në përfaqësuese do të ishte befasi e këndshme

Mesfushori i Italisë, Daniele De Rossi, thotë se kthimi i bashkëlojtarit të tij te Roma, Francesco Totti, në përfaqësuese do të ishte më se i mirëseardhur, por nuk shprehet shumë optimist se kjo mund të ndodhë.
“Do të ishte një befasi e këndshme. Nuk mendoj se Totti do të qëndrojë indiferent nga fascinimi që ofron Kampionati Botëror, mirëpo nëse ai merr një vendim, atëherë ai duhet të marrë edhe përgjegjësi”. “Kur u largua nga Azzurët, ai e bëri të qartë se nuk është në gjendje të luajë 60 ndeshje për sezon, dhe ne të gjithë pajtohemi me këtë gjë”. Edhe pse një kohë të gjatë kundërshtoi rikthimin në kombëtare, Totti ka thënë se ekziston mundësia që ai të kthehet, mirëpo tani duket se Marcello Lippi ka tërhequr interesimin për të.

[Damian1]

Panik në kombëtaren franceze, Gomis në fushë pa ndjenja

Çaste paniku dhe terrori janë përjetuar në stërvitjen e kombëtares franceze ku sulmuesi Gomis për pak sa nuk shkaktoi tragjedi

Momente paniku dhe një frikë për tragjedi të mundshme është përjetuar gjatë stërvitjes së kombëtares franceze të futbollit, në përgatitje për sfidën e së shtunës.

Sulmuesi i skuadrës transalpine, Bafetembi Gomis është rrëzuar pa ndjenja në sytë e stafit dhe të futbollistëve të tjerë duke alarmuar të gjithë të pranishmit. Kombëtarja kishte zbritur në fushë dhe stërvitej prej 50 minutash dhe në momentin e incidentit luhej një ndeshje 6 me 6.

Papritmas, sulmuesi i talentuar i Lyon, Gomis është plasur pa ndjenja ndërsa shokët dhe mjekët janë sulur ta ndihmojnë. Pas pak minutash Gomis e mori veten por ende nuk dihen arsyet që për pak çuan në tragjedi.

[Damian1]

Moratti ende i pa interesuar për Pandevin dhe Cassanon

Edhe pse mediat kanë spekuluar vazhdimisht që Interi është i interesuar për shërbimet e dy sulmuesve, atë të Lazios, Goran Pandev dhe atë të Sampdorias, Antonio Cassano, presidenti Massimo Moratti ka mohuar interesimin e deritanishëm të skuadrës së tij.

“Pandev? Ende nuk di asgjë për këtë lojtar, edhe pse kam dëgjuar shumë për të. Ai është një lojtar që dëshiron të largohet nga skuadra e tij, ndërsa ne do të shohim vitin e ardhshëm”.

“Cassano? Kam folur për të shumë herë më parë, por ne nuk kemi bërë asgjë, sepse ai nuk është domosdoshmëri për ne”.

“Nuk mendoj se do të ketë ndryshime të mëdha në janar, sepse skuadra ime është e kompletuar tani”, ka thënë Moratti për “Gazzetta.it”.

[Damian1]

Henrik Larsson: Unë e binda Ibrahimovic të shkojë te Barça

Sulmuesi suedez Henrik Larsson thotë se ai ka ndihmuar për ta bindur Zlatan Ibrahimovicin që të transferohet te Barcelona

Sulmuesi që është partner me shtatlartin e Barcelonës, në kombëtaren suedeze, tha se sipas tij, ekipi “blaugrana” është më e mira në botë.

“I thashë: ‘Nëse ke mundësi reale që të shkosh te Barca, shfrytëzoje. Duhet të shkosh sepse është klubi më i mirë në botë dhe nuk do të pendohesh’”.

“Zlatan po ia kalon shumë mirë dhe mendoj se edhe tifozët e Barcës e duan sepse ka talent. Ai është po ashtu i fortë fizikisht. E vërteta është se ai është i kompletuar si një sulmues”, ka thënë Larsson për gazetën iberike “El Mundo Deportivo”.

Vetë Henrik Larsson ka luajtur me një sërë ekipesh prestigjioze mes të cilave Barcelona dhe Manchester United.